BNG NOIA

26/09/2026

A mocidade galega fala claro! 💙

Segundo a enquisa Sondaxe de setembro, o BNG acada un 23,4 % de intención de voto entre a mocidade de 18 a 29 anos, por diante do PP (13,6 %) e do PSOE (13,2 %).

Un dato que amosa que hai unha xeración que quere participar, decidir e construír o futuro de Galiza.

A mocidade tamén é presente. E conta! 💙💙

20/09/2026

A dirixente nacionalista cualificou de «aval extraordinario» o que se está a facer nos concellos gobernados polo BNG: «Demostramos que se pode ter servizos públicos de calidade, recuperar espazos para as persoas, dinamizar a economía local, defender o comercio, avanzar en igualdade, apoiar a cultura ou protexer o territorio».

E agora, como di o noso candidato e portavoz Ricardo Suárez…

por que non nós?

A portavoz nacional reivindica, no acto de presentación dos e das cabeza de lista nacionalista pola comarca da ría de Muros-Noia, o modelo municipal da ...

20/09/2026

18/09/2026

Hoxe, 18 de setembro, o noso portavoz Ricardo Suárez, estará falando con Ton Lorenzo en Radio Líder Noia, sobre política municipal.

11/09/2026

💙 𝗔𝗖𝗧𝗢 𝗗𝗘 𝗣𝗥𝗘𝗦𝗘𝗡𝗧𝗔𝗖𝗜𝗢́𝗡 𝗔𝗟𝗖𝗔𝗟𝗗𝗔𝗕𝗟𝗘𝗦 𝗕𝗡𝗚 𝟮𝟬𝟮𝟳

O 20 de setembro damos o primeiro paso dun novo curso político que queremos vivir con ilusión e ambición, coa mirada posta en 2027.

✔️ En Noia presentaremos as nosas persoas alcaldables de Lousame, Noia, Porto do Son, Muros e Outes, cinco nomes que representan as ganas de transformar os nosos concellos e de demostrar que hai outra forma de gobernar: 𝗽𝗼ñ𝗲𝗻𝗱𝗼 𝗮𝘀 𝗽𝗲𝗿𝘀𝗼𝗮𝘀 𝗻𝗼 𝗰𝗲𝗻𝘁𝗿𝗼 𝗱𝗮𝘀 𝗽𝗼𝗹𝗶́𝘁𝗶𝗰𝗮𝘀.

🗣️ E faremos esta presentación acompañados pola nosa portavoz nacional, Ana Pontón, nunha mañá para celebrar cheas de ilusión e coller impulso. O 2027 está máis preto e 𝗮 𝗳𝗼𝗿𝘇𝗮 𝗱𝗼 𝗕𝗡𝗚 𝗻𝗼𝗻 𝗱𝗲𝗶𝘅𝗮 𝗱𝗲 𝗺𝗲𝗱𝗿𝗮𝗿.

📍 Praza do Tapal · Noia
🗓️ Domingo 20 de setembro
⏰ 12:30 h
🎶 Sesión vermú con DJ Casanova
☔ En caso de choiva, trasladarémonos ao Coliseo de Noia.

𝗩émonos en Noia!

💙 𝗢 𝘁𝗲𝘂 𝗰𝗼𝗻𝗰𝗲𝗹𝗹𝗼, 𝗺𝗲𝗹𝗹𝗼𝗿 𝗰𝗼 𝗕𝗡𝗚.

22/06/2026

Hoxe estase procedendo á retirada do mural situado nun inmoble con protección ambiental dentro do Casco Histórico de Noia. Ningún veciño ou veciña, nin tampouco a Administración, pode facer unha actuación deste tipo nun inmoble con protección, polo que a súa autorización supuxo un quebranto da normativa que non se lle consente á veciñanza.

Alén desta protección, o mural nin sequera pasou pola comisión especial do Casco Histórico. Calquera persoa que teña unha propiedade no casco histórico sabe que para calquera actuación neste ámbito debe pasar por ela e cumprir cos preceptos establecidos. A Administración local nunca debería estar por riba das normas, e iso non se pode permitir.

Somos conscientes de que para moitas persoas se trata dunha intervención visualmente atractiva e de que o debate podería reducirse facilmente a unha cuestión de gustos. Porén, o que está en xogo vai máis alá de que unha obra poida parecer máis ou menos fermosa. Trátase de respectar a lei e de que non haxa un agravio comparativo para quen ten propiedades no Casco Histórico.

Os edificios e espazos protexidos do noso Casco Histórico están sometidos a unha normativa específica destinada a preservar un patrimonio que é de todas e todos. Esa protección existe precisamente para evitar que o criterio estético de cada momento ou de cada persoa determine as intervencións que se realizan nun conxunto histórico de valor colectivo. Se alguén causou dano ao autor do mural, foi quen lle autorizou a facelo onde non estaba permitido.

Temos grandes artistas, tamén no sector da arte urbana, e esta debe g***r de apoio institucional, mais tamén de sitio adecuados para desenvolver as súas obras. A cuestión non é se o mural é bonito ou feo. A cuestión é se as actuacións realizadas sobre elementos protexidos deben respectar as normas que nos demos para conservar a identidade e os valores patrimoniais de Noia.

Defender o patrimonio implica ás veces tomar decisións que non todo o mundo comparte, pero as normas deben aplicarse con igualdade e coherencia. O Casco Histórico non pertence a unha xeración nin a unha sensibilidade concreta: é un legado común que temos a obriga de conservar e transmitir.