Taboadela, o meu Concello.

23/10/2026

🏹 Taboadela recoñece o éxito deportivo de Marta Dopazo Grande

O Concello de Taboadela realizou hoxe un acto de recoñecemento a Marta Dopazo Grande, polo seu título de campioa de España 2026 de tiro con arco tradicional, na categoría feminina absoluta, por comunidades autónomas, formando parte da selección galega.

Un logro froito do esforzo, da constancia e do traballo realizado, que supón un motivo de orgullo para o deporte galego e para todas as persoas que forman parte do Club Lumelar.

Desde o Concello queremos trasladarlle os nosos parabéns a Marta por este importante éxito e agradecer ao Club Lumelar o seu labor no fomento do tiro con arco.

Parabéns, Marta! 👏🏹

21/10/2026

20/10/2026

❤️ Unha veciña moi especial: Milagros

A señora Milagros, veciña de Outeiro da Mezquita, celebrou os seus 104 anos e é a persoa de máis idade do Concello de Taboadela.

Con motivo desta data tan especial, o alcalde e a concelleira de Servizos Sociais achegáronse a felicitala e compartir con ela este día tan sinalado.

Toda unha vida chea de vivencias, lembranzas e momentos que forman parte tamén da historia da nosa veciñanza.

🎂 Parabéns, señora Milagros! Unha forte aperta e os nosos mellores desexos de saúde e felicidade.

09/10/2026

🌿 As seis parroquias de Taboadela xa teñen a súa parcela!

Esta mañá celebramos no Concello o sorteo público das seis parcelas do terreo anexo á Reitoral de Taboadela, que se destinarán á creación dun xardín para cada unha das parroquias.

🎋 O resultado do sorteo foi o seguinte:

1. Santiago de Soutomaior
2. San Miguel de Taboadela
3. San Xurxo de Touza
4. Santiago de Rabeda
5. Santa María de Torán
6. Santa María de Mesón de Calvos

Agora comeza unha nova etapa na que cada parroquia, a través dos seus representantes e coa colaboración do Concello, poderá participar no deseño e na creación do seu propio xardín.

Un proxecto compartido para dar vida a este espazo e poñer en valor a identidade das seis parroquias de Taboadela. 🌱

06/10/2026

🌿 Un novo espazo para Taboadela

Estes días estivemos preparando o terreo anexo á Reitoral de Taboadela, que contará cunha ampla zona central de pradería e 6 parcelas diferenciadas, unha para cada unha das parroquias do concello.

Este venres, ás 10:00 h, faremos no propio Concello o sorteo público das parcelas para a súa adxudicación.

A idea é que cada parroquia, a través dos seus representantes, participe activamente no deseño e posterior execución do xardín que lle corresponda, contando en todo momento coa colaboración do Concello.

Un proxecto para crear un espazo común, pero tamén para poñer en valor a identidade e a participación das nosas parroquias. 🌱

02/10/2026

📢 CONVOCATORIA DO PLENO

📅 Luns 5 de outubro
🕖 19:00 h
📍 Salón de Plenos do Concello de Taboadela

Sesión ordinaria do Pleno Municipal.

21/09/2026

Noite inesquecible para a nosa cultura na gala dos I Premios FETEAGAL Manuel Lourenzo do Teatro Amador Galego, celebrada este sábado no Teatro Colón da Coruña.
Desde o Concello queremos facer pública a nosa máis agarimosa felicitación a toda a compañía de ESTETA pola extraordinaria colleita de recoñecementos acadados:
Mellor Dirección: David Vázquez Nóvoa, por A P**a Namorada.
Mellor Guión Adaptado: David Vázquez Nóvoa, por A P**a Namorada.
Mellor Vestiario: A P**a Namorada.
Mellor Espectáculo Costumista: Os Marcos da Vida.
É un verdadeiro orgullo para o noso municipio ver como se recoñece o talento, a paixón e a calidade das súas montaxes nun marco tan destacado do panorama teatral galego. Os nosos parabéns a David Vázquez Nóvoa, aos elencos e a todo o equipo humano e técnico que hai detrás de cada función por levar a nosa cultura tan lonxe.
Seguide enchendo as táboas de maxia e éxitos! 🎭👏

TeatroAmador

15/09/2026

🧹 Hoxe comezamos a limpeza do cauce do río na Venda do Río

Despois dunha longa loita burocrática e de numerosas xestións relacionadas co Camiño de Santiago, hoxe por fin podemos levar a cabo esta actuación tan necesaria.

A acumulación de sedimentos estaba reducindo considerablemente a capacidade do cauce e podía aumentar o risco de desbordamento, poñendo en perigo as vivendas máis próximas ante posibles episodios de enchentas.

Hoxe, tras moito traballo e moitas xestións, comezamos a recuperar a capacidade do cauce e a mellorar a seguridade desta zona.

Unha actuación necesaria que, por fin, xa é unha realidade na Venda do Río.

15/09/2026

🎶 Queres formar parte da Escola de Música da Reitoral de Taboadela?

Poñemos en marcha este novo proxecto e queremos coñecer ás persoas interesadas en participar.

📅 Martes 29 de setembro – 19:30 h
🥁 Percusión e gaita

📅 Mércores 30 de setembro – 19:30 h
🎸🎹 Guitarra, piano, acordeón e cantos de taberna

📍 Reitoral de Taboadela

Serán xornadas de presentación para coñecer o proxecto e falar cos profesores sobre grupos, horarios e días.

Se che gusta a música e queres participar, achégate e infórmate!

14/09/2026

🎨⛸️ INICIACIÓN AO PATINAXE ARTÍSTICO EN TABOADELA

O C.D. Ourela ofrece unha actividade de iniciación ao patinaxe artístico no Polideportivo de Taboadela.

📅 Luns e venres
🕔 17:00 – 18:00 h

✨ Proba sen compromiso!

📞 Para máis información e inscricións:
Brais · 643 67 13 02

Unha boa oportunidade para achegarse ao mundo do patinaxe artístico e probar unha nova actividade deportiva en Taboadela.