¿Cuál es el horario de apertura?

Lunes 08:30 - 14:30 Martes 08:30 - 14:30 Miércoles 08:30 - 14:30 Jueves 08:30 - 14:30 Viernes 08:30 - 14:30

Orioko Udala

Cómo llegar Página web

Orioko Udalaren kontu ofiziala.

23/10/2026

Hirugarren urtez jarraian, Orioko Udalak ekitaldi publiko bat egingo du urtean zehar nabarmendu diren oriotarrei aitortza eta omen egiteko 🙌🏼

🗓️ Ekitaldia urte bukaeran izango da, baina horren aurretik, proposamenak jasotzeko epea zabaldu du Udalak azaroaren 15era arte.

👏 Orion jende asko d**o herriari ekarpena egiten diona, bakoitzak bere eremutik: kultura, kirola, zientzia, gizartea… Batzuk oso agerikoak dira, baina beste batzuk, berriz, isilean pasatzen dira askotan. Guztien ekarria aitortu eta omentzea izango da ekitaldiaren xedea.

Herritarrek aukerak proposatu ditzakete Udalaren webgunean eskuragarri d**oen galdetegiaren bidez ✍

📥 Aurten nabarmendu diren eta omena merezi duten oriotarrak (norbanakoak edo taldeak) proposatu daitezke, eta hautagaiaren merezimenduak deskribatu beharko dira: haren ibilbidea, lorpenak, balioak… baloratzeko modukoa iruditzen zaien guztia. Merezimendu horiek ilustratzen dituzten artxiboen estekak ere aurkeztu ahal izango dira: prentsan argitaratutako testuak, argazkiak…

☝️ Hautagai izateko, oriotarra edo Orion erroldatutakoa izan behar da; edo, bestela, herriko kultur edo kirol-elkarteren batean ibilitakoa edo dabilena.

Behin hautagaiak aurkezteko epea pasatuta, mahai tekniko batek aztertuko ditu proposamenak eta, ondoren, epaimahaiak hartuko du azken erabakia eta aukeratuko ditu aurten omena jasoko duten oriotarrak 🤗

🔗 Informazio osagarria eta galdetegira lotura, Orioko Udalaren webgunean.

_

23/10/2026

Orioko Udalak udal-jabetzako Antonio Carraro TTR-4400 HST traktorea jarri du enkantean 🚜

ℹ️ Ibilgailua 2000. urtekoa da, eta belar-sastrakak garbitzeko besoa, elurra kentzeko osagarria eta belarra nahiz inausketa-hondakinak jasotzeko kubeta ditu. Traktoreak 38 zaldiko potentzia du, eta malda handiko eremuetan, berdeguneen mantentze-lanetan eta bestelako nekazaritza-lanetan erabiltzeko diseinatuta d**o.

Ibilgailua egungo egoeran salduko da. Azken IAT azterketa 2019an egin zitzaion, eta ordutik ez da erabili.

🗓️ Enkantea prozedura irekiaren bidez egingo da, eta azaroak 6ra bitarte eskaintzarik altuena aurkezten duenari esleituko zaio traktorea.

Enkanteari buruzko informazio gehiago nahi dutenek edo baldintzen inguruko zalantzak dituztenek [email protected] helbidera idatz dezakete. Kontsultak eskaintzak aurkezteko epea amaitu baino bost egun baliodun lehenago egin beharko dira.

🔗 Informazio osagarria Orioko Udalaren webgunean.

_

21/10/2026

Orioko Udalak, herriko ikastetxeek eta Txurrumuskik antolatuta, urriaren 31n Gau Beltza ospatuko da herrian 🕯

🎨 Aurten, plazan ekingo zaio egitarauari, HHko eta LHko ikasleentzako arima eta zomorro tailerrak izango dira plazan, ikastetxeek gidatuta.

😱 Eta 19:30ean, beldurrezko ibilbidea antolatuko du Txurrumuskik LH3tik DBH2ra bitarteko ikasleentzat. Ibilbidea talde txikietan egingo dute haurrek, plazatik abiatuta eta txandaka. Txandak plazan bertan antolatuko dira.

🗣 Iaz bezala, antolatzaileek dei egiten diete herritarrei egun horretan Gau Beltzaren tradizioari lotutako mozorroak jantzi ditzaten:

👉 Alkandora: koadroduna edo zuria.
👉 Baserritar jantziaren prakak edo gona.
👉 Tela zuriarekin egindako aurpegiko estalkia edo aurpegia margotuta.
👉 Lastozko txapela edo ilea nahasita.

🔗 Informazio gehiago, Udalaren webgunean.

_

19/10/2026

Udazkeneko programazioaren barruan, azaroaren 7an, larunbata, 'KAKA' antzezlana izango da Kultur Etxean, 19:00etan 🙌🏼

🎟️ Emanaldirako sarrerak asteazkenean, urriaren 21ean, 17:00etan jarriko dira salgai Turismo-bulegoan. 10 euroko prezioa izango dute, eta pertsona bakoitzak gehienez lau sarrera erosi ahal izango ditu.

Ez geratu sarrerarik gabe!

_

19/10/2026

2026ko San Nikolas festak antolatzeko bigarren bilera egingo du herriko festa-batzordeak urriaren 21ean, asteazkenarekin, 19:00etan, Kultur Etxean 📢

👉 Lehen bileran landutako oinarrietatik abiatuta, proposamen berriak aurkezteko aukera izango da, baina saioaren helburu nagusia festen programazioaren ikuspegi orokorra zehaztuta uztea izango da.

🗣️ Udalak herriko eragileei, elkarteei eta herritarrei dei egiten die festa-batzordearen bigarren bileran parte har dezaten, guztion ekarpenak kontuan hartuta osatu nahi baita aurtengo San Nikolas festen egitaraua.

Hirugarren eta azken bilera azaroaren 4an egingo da.

_

16/10/2026

Adi, leku aldaketa ⚠

Gaur, urriak 16, ostirala, ‘Ehiztari ehizatua’ haurrentzako antzerki-emanaldia izango da Kultur Etxean, 17:30ean, udazkeneko programazioaren barruan 🙌🏼

📍 Eguraldia dela eta, hasieran Herriko Plazan egitekoa zen emanaldia Kultur Etxera lekualdatu da.

Patata Tropikalak sortutako ikuskizunak txotxongiloak eta antzerkia uztartzen ditu, eta bertsolaritzak, kritikak eta, batez ere, umoreak ere izango dute lekua.

📖 Baserri giroan kokatutako istorioan, Peli protagonistak egun batzuk igaroko ditu Izeba Joxeparen baserrian. Bertan, bertsoak abesten dituen igel bat, tranpa batean eroritako azeritxo bat eta bestelako pertsonaia eta abenturak ezagutuko ditu. Halako batean, gainera, liburu magiko bat agertuko da, eta Izeba Joxepak istorioa modu berezi batean kontatuko du, txotxongiloen bidez.

Kolorez eta umorez betetako proposamena da, haurrek antzerkiaz eta txotxongiloez gozatzeko pentsatua 🎭

_

16/10/2026

Udazkeneko programazioaren barruan, Julen Alonso eta Oinkarik HARIA ikuskizuna eskainiko dute urriaren 23an, Karela Kiroldegian 🙌🏼

📣 Sarrerak urriaren 7an jarri ziren salgai Turismo-bulegoan eta online, Entradium bidez. Onlinekoak agortu egin dira, baina beste 50 jarri ditugu salgai.

🎟️ 10 euroko prezioa dute, eta pertsona bakoitzak gehienez 4 sarrera erosi ahal izango ditu.

Ez geratu sarrerarik gabe!

_

15/10/2026

Bularreko Minbiziaren Aurkako Nazioarteko Egunaren harira, jarduera fisikoaren onurak ezagutarazteko saio praktiko irekia antolatu du Abailan zerbitzuak Karela kiroldegian 🙌🏼

Saioaren helburua jarduera fisikoak minbiziaren prebentzioan eta errekuperazio-prozesuan izan ditzakeen onuren inguruan herritarrak sentsibilizatzea da. Horretarako, adin eta egoera fisiko desberdinetako herritarrei zuzendutako jarduera fisikoko saio bat egingo da 🏃🏼‍♀️

✍️ Saioa urriaren 19an, astelehena, izango da, 11:00etatik 12:15era, Karela kiroldegiko kantxan. Izen-ematea Karela kiroldegiko harreran egin beharko da, eta plazak mugatuak izango dira.

Animatu parte hartzera!

_

15/10/2026

Gaur urriak 15, Haurdunaldiko, Jaiotza-inguruko eta Jaioberritako Doluaren Nazioarteko Eguna da, eta Orioko Udalak bat egiten du egun honen aldarrikapenarekin 🩷

Egoera hau bizi duen herritar baten eskariz eta bizi izan duten guztiekin bat eginez, elkartasuna adierazteko eta ikusgarritasuna sustatzeko helburuz, bandera jarri da udaletxean.

Haurdunaldian, erditzean edo jaio eta gutxira haur bat galtzea esperientzia mingarria da familientzat, eta, askotan, isiltasunean eta behar besteko aitortzarik gabe bizi izaten den dolua da. Horregatik, egun honen helburua da errealitate hori ikusaraztea, dolua bizi duten familiei aitortza eta babesa adieraztea eta gizartean gaiaren inguruko kontzientziazioa sustatzea 🎗️

🫂 Orioko Udalak elkartasuna eta babesa adierazi nahi dizkie egoera hori bizi izan duten edo bizitzen ari diren herritar eta familia guztiei, eta konpromisoa hartzen du datozen hilabeteetan gaia lantzeko eta datorren ikasturteari begira sentsibilizazio-ekimenak aztertzeko.

_

14/10/2026

Urriaren 18an, igandea, ‘Hiru kolore’ kontzertua izango da San Martin baselizan, 18:00etan, udazkeneko programazioaren barruan 🍂

🎶 Alba Carretero, Pablo Lizardi eta Iker Idoate musikariek osatutako hirukoteak eskainiko du emanaldia.

_

Dirección

Herriko Plaza, 1
Orio
20810

Horario de apertura

Lunes	08:30 - 14:30
Martes	08:30 - 14:30
Miércoles	08:30 - 14:30
Jueves	08:30 - 14:30
Viernes	08:30 - 14:30

Página web

http://www.orio.eus/

Notificaciones

Sea el primero en enterarse: le enviaremos un correo electrónico cuando Orioko Udala publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.