07/10/2026
Hai un par de días, mentras celebraba un cumpreanos con familia e amizades, foi agredido e increpado o Presidente da Federación Galega de Municipios e Provincias, e Alcalde de Vilagarcía.
Parte dos berros que se lle dirixiron xa os vedes no titular.
Sumámonos ao apoio e á solidariedade sen fisuras con el e o seu entorno, ao tempo que condenamos enérxicamente calquera expresión violenta; así como calquera xeito de facer política que se faga xirar sobre a base desta agresividade sen medida.
Hai quen parece empregar na política toda a lama posíbel. Quen realiza mencións personais, quen falta ao respecto sen unha mínima discrepancia política e quen cre que canto máis maleducado, mellor ou máis razón ten.
Non é a nosa maneira de facer política ou estar en política.
En 2024, o noso Grupo chegou a presentar unha moción que daquela chamamos de "rexeneración democrática", chamando a rebaixar o ton, a moderar as formas e a procurar un diálogo construtivo; así como para dotar aos plenos dun Regulamento, dunha norma igual para todas e todos.
Como podedes imaxinar, o equipo de goberno votou en contra.
Nós cremos nunha política asertiva, pero sempre respectuosa e no nivel que a cidadanía espera de nós.
Cremos no diálogo e no debate de ideas, e non en deixarnos arrastrar á lama de ninguén.
Esperamos que todas as forzas políticas teñan a mesma crenza (neste punto) que a nosa.
Alberto Varela recibiu golpes e empurróns dun home mentres se atopaba na terraza dun local hostaleiro con amizades e familiares, entre eles a súa filla. Varias das persoas que o acompañaban tamén foron agredidas ao tentaren afastar o home. "Sinto a obriga moral de reivindicar un mundo mellor e d...
