BNG Vilaboa

22/10/2026

📣 ASÍ DEFENDE NÉSTOR REGO AO MORRAZO NO CONGRESO

​📊 Os datos confirmados polo medio independente demostran o compromiso do : o noso deputado rexistrou máis preguntas e iniciativas sobre os concellos galegos no Congreso que os outros 22 deputados da Galiza xuntos. Na nosa comarca, isto tradúcese en 36 accións directas para defender os intereses da veciñanza.

​🌊 Desde o BNG levamos a Madrid demandas clave para todo O Morrazo: a gratituidade e transferencia da AP-9, o reforzo de persoal de Correos e a exención da Seguridade Social para as mariscadoras en paro forzoso. Ademais, impulsamos proxectos fundamentais para cada vila: as Naves de Ojea en Cangas, "Abrir Marín ao mar", a seguridade peonil na N-550 e N-554 en Vilaboa, a cesión dos terreos da Sareb nas Raíñas en Moaña e o paseo de Agrelo e Portomaior en Bueu.

​✊ Ter unha voz propia en Madrid é a única garantía de que os problemas do Morrazo teñan a visibilidade que merecen, unha voz que fai máis que as outras 22 xuntas. O BNG demostra con feitos e traballo constante que cada voto conta para defender o noso día a día.

16/10/2026

📣 MARQUESIÑAS NOVAS PARA BUSES QUE NON EXISTEN

🚏 O alcalde ven de anunciar a renovación de tres marquesiñas no municipio. Pero de pouco serve ter paradas novas se a veciñanza de Vilaboa non ten liñas internas de autobús para moverse polo seu propio concello.

🚌 Hoxe só dispoñemos de liñas escolares e das interurbanas que pasan cara a Pontevedra ou Cangas, deixando illadas a moitas parroquias e sen comunicación interna entre os distintos puntos de Vilaboa.

✊ Dende o BNG reclamamos unha rede de transporte público municipal real e eficiente que conecte ás nosas veciñas e veciños.

14/10/2026

📣 O PARQUE BIOSAUDABLE DAS SALINAS DO ULLÓ PRECISABMANTEMENTO URXENTE

🌳 A falta de poda no parque biosaudable das Salinas do Ulló impide utilizar os aparellos de exercicio. As copas das árbores creceron ata cubrir por completo as instalacións.

⚠️ Esta situación de abandono supón un obstáculo para as veciñas e veciños que acuden a diario a facer ximnasia e coidar da súa saúde.

✊ Desde o BNG esiximos ao Concello unha actuación inmediata de limpeza e poda para devolverlle o uso a este espazo público.

08/10/2026

📣 A VECIÑANZA FALA DO PROBLEMA DA N-550

​🗣️ Antonio, presidente da Asociación de Veciños Carretera Vella, tivo a amabilidade de falarnos da problemática e do perigo diario que supón esta estrada pola falta de pasos de peóns e semáforos.

​⚠️ Cruzar a N-550 non pode seguir sendo un risco constante para as veciñas e veciños. A falta de sinalización e de elementos de seguridade peonil nesta zona é unha realidade moi grave que precisa de solucións urxentes.

​✊ Escoitar a quen vive o problema a diario é o primeiro paso para esixir as melloras que Vilaboa merece. Seguiremos ao lado da veciñanza reclamando unha estrada segura para todas e todos.

05/10/2026

05/10/2026

📣 SEGURIDADE VIARIA NA N-550 XA!

🚗 A estrada N-550 ao seu paso por Vilaboa é un auténtico perigo diario para a veciñanza. A falta de pasos de peóns, semáforos e medidas básicas de seguridade viaria deixa ás persoas vendidas nunha vía de gran tránsito.

🏛️ A nosa senadora nas Cortes, .dasilvagz , xunto ao noso concelleiro , estiveron na zona para escoitar as demandas da veciñanza, que está farta de promesas mentres arriscan a vida cada día.

✊ Esiximos actuacións urxentes e solucións reais para que peóns e condutores poidan circular con seguridade por Vilaboa.

30/09/2026

📣 LEVAMOS AO PLENO O PROBLEMA DO LIXO

🚮 No último pleno sacamos a problemática que sufre a nosa vila co servizo da recollida do lixo. A veciñanza leva tempo queixándose da baixa frecuencia de recollida que está sufrindo o noso concello.

🫂 Baixas, persoal insuficiente, etc. Son problemas que entendemos, pero que consideramos que non teñen que ser pagados pola veciñanza de Vilaboa. É a propia empresa a que ten que resolvelos para ofrecer un servizo á altura da nosa vila.

😡 Este abandono ocurre semana tras semana. É esta a imaxe que queremos dar de Vilaboa?

28/09/2026

📣 Hoxe o noso novo concelleiro toma posesión do seu cargo co compromiso conectar as problemáticas da veciñanza co concello, levando cada proposta, necesidade e inquietude para que sexan escoitadas.

15/09/2026

📣 ISTO É XA INSOSTIBLE

❌ A situación na nosa contorna é xa absolutamente insostible. Se xa era grave ter que aguantar colectores desbordados tras a promesa dun contrato millonario, o que vivimos estes últimos días é un paso máis no abandono das nosas parroquias: montaña de residuos fóra dos colectores, cheiros insoportables e unha falla total de servizo.

🤬 A veciñanza de Vilaboa xa está farta de cumprir coas súas taxas para atoparse a diario con esta falta de respectos nas súas propias portas. Cando ten pensado o goberno local tomar cartas no asunto de verdade e pór fin a este colapso de hixiene pública?

✊🏼 Non imos normalizar que o noso concello se converta nun vertedoiro. Vilaboa merece respecto e rúas limpas xa!

08/09/2026

📣 2,5 MILLÓNS DESPOIS E TODO SEGUE IGUAL

♻️ A nova licitación do servizo de recollida de residuos vendérase a bombo e prato como a solución definitiva para o noso concello.

🗣️ Prometéronse melloras, máis frecuencias e novos colectores, pero a realidade que atopa a veciñanza cada día nas parroquias é a de sempre: puntos de recollida colapsados, cheiros e un abandono inaceptable.

✊🏼 Dende o BNG denunciamos que de nada serve adxudicar contratos millonarios se o goberno local non fai cumprir á empresa concesionaria as súas obrigas.

🫂 Esiximos ao Concello que actúe de inmediato para garantir a salubridade e a calidade de vida que Vilaboa merece e paga.