20/10/2026
Que estaba a suceder en Portas tal día coma hoxe hai 126 anos? 🏭
O 20 de outubro de 1900, apenas 16 meses despois do inicio da súa construción, a Azucreira de Portas poñíase en funcionamento por primeira vez.
Centos de rodas, máquinas e motores movidos pola forza do v***r transformaban a remolacha en azucre nun proceso que, para a época, resultaba tan complexo como sorprendentemente rápido: en só dúas horas de traballo, a fábrica xa era capaz de producir azucre.
Ademais, polas noites, a luz que saía das súas numerosas fiestras convertía a Azucreira nunha imaxe espectacular que chamaba a atención de toda a contorna. ✨
O certo é que a súa actividade industrial foi breve, pero a súa pegada permaneceu. Máis dun século despois, aquel innovador edificio segue en pé, conservando parte da súa esencia e convertido hoxe nun espazo de encontro, cultura e vida para a veciñanza.
Un anaco da nosa historia que segue formando parte do presente de Portas. ❤️
