¿Cuál es el horario de apertura?

Lunes 09:00 - 14:00 Martes 09:00 - 14:00 Miércoles 09:00 - 15:00 Jueves 09:00 - 15:00 Viernes 09:00 - 15:00

Concello de Redondela

Inicio
España
Redondela, Galicia
Concello de Redondela

Cómo llegar Página web Contactar con la organización

O Concello de Redondela pretende, dende esta canle, transmitir á súa veciñanza todas as actividad

15/10/2026

🤍🩵🤍 QUERES APRENDER GALEGO? 📚

Abre o prazo para o Curso de Introdución á Lingua e á Cultura Galegas no Concello de Redondela! Se tes máis de 16 anos e queres achegarte por primeira vez ao noso idioma, esta é a túa oportunidade.

📌 Información do curso:
• 🗓️ Datas: Do 26 de outubro ao 11 de novembro.
• ⏰ Horario: Luns, mércores e venres (10:00 h a 12:30 h).
• 📍 Lugar: Multiúsos da Xunqueira.
• 📜 Diploma: 20 horas de formación certificada.

✍️ Inscrición e información:
Apúntate xa nos Servizos Sociais Municipais: Rúa 8 de Marzo, nº3, Redondela ou no baixo do Pavillón González Soto en Chapela.

Prazas limitadas!

15/10/2026

A alcaldesa, Digna Rivas, felicita á Asociación de Veciños de Chapela no seu 50º aniversario (1976–2026) que se celebra neste mes de outubro. PARABÉNS❗️

15/10/2026

⚓ VEN VIVIR A BATALLA DE RANDE! 💥

Preparados para viaxar no tempo? Chega a XIII Festa de Conmemoración da Batalla de Rande no seu 324º aniversario! Unha cita imprescindible coa nosa historia, chea de actividades para toda a familia na contorna do Museo Meirande.

Toma nota da programación:

🗓 SÁBADO 17 DE OUTUBRO
• Dende as 11:00 h | Apertura do Mercado, atraccións infantís tradicionais e curruncho para a rapazada.
• 12:30 h | Chegada das embarcacións tradicionais e desfile con gaitas.
• Dende as 13:00 h | Recreacións teatralizadas históricas ("O cofre da benvida", "A descarga", "As setecentas").
• 18:30 h | Charla sobre o patrimonio cultural de Rande con Xosé Couñago.
• 20:30 h | Concerto do grupo "O Son do Río de Mondariz".
• 21:30 h | Espectáculo pirotécnico no peirao: "Arde o mar" 🎆.

🗓 DOMINGO 18 DE OUTUBRO
• Dende as 11:30 h | Recibimento da frota, música e certame de debuxo infantil.
• 13:00 h | Concerto de Airiños do Mar de Teis.
• 14:30 h | Xantar Popular (con pulpeiro e servizo de comida!) 🐙🍽.

🛶 E ADEMAIS... Visitas guiadas en barco pola Enseada de San Simón o sábado e o domingo (Saídas ás 10:30/10:00 e 16:30 h, donativo 5€).

Ven vivila con nós, non faltes! 🙌🎭

15/10/2026

📢 INSCRICIÓN ata o 20 de OUTUBRO‼

CURSO OFICIAL DE MONITOR/A DE TEMPO LIBRE CON DEPORTES NÁUTICOS

📋 O Concello de Redondela, a través da Concellería de Xuventude, organiza por primeira vez no municipio un curso oficial de Monitor/a de Actividades de Tempo Libre cun prezo subvencionado para facilitar o acceso de toda a veciñanza.

👉 A alcaldesa, Digna Rivas, salientou que esta iniciativa busca que "a situación económica non sexa un impedimento para que mozos e mozas obteñan unha titulación oficial para acceder ao mercado laboral”.

ℹ️ Detalles do curso:
• Formación homologada.
• Lugar: Cesantes (con aprendizaxe de ocio inclusivo e deportes náuticos).
• Duración: 200 horas didácticas (150 presenciais e 50 en liña).
• Datas: Fins de semana, dende o 23 de outubro ata o 12 de decembro.

🏄‍♀️ A concelleira de Xuventude, Iria Vilaboa, explicou que a especialización en deportes náuticos e ocio inclusivo engade un gran valor ao título, preparando profesionais cualificados para campamentos, turismo activo e animación deportiva.

⏰ Inscricións: O prazo remata o vindeiro 20 de outubro. Podes tramitala de xeito presencial no Concello ou a través da sede electrónica.

As prazas son limitadas! Non perdas esta oportunidade.

14/10/2026

📢 AS NOSAS BIBLIOTECAS VOLVEN SER PREMIADAS A NIVEL NACIONAL! 🏛️

A Rede de Bibliotecas Municipais de Redondela recibiu o prestixioso Premio María Moliner 2026 do Ministerio de Cultura polo seu labor de animación á lectura. Un galardón que revalida o noso compromiso cun modelo cultural público, accesible e integrador.

💰 Grazas a este premio, contamos cunha dotación económica de 2.777 euros para seguir ampliando os fondos bibliográficos e ofrecer máis libros á veciñanza.

👩‍‍👨‍🦰 A alcaldesa, Digna Rivas, e a concelleira de Cultura, Rita Pérez, visitaron as instalacións para felicitar persoalmente a todo o persoal polo seu esforzo continuo para manter as bibliotecas vivas e abertas a toda a comunidade.

🎉 E para celebralo en familia coincidindo co Día das Bibliotecas, este mes temos unha programación infantil moi especial co ciclo "Contando con Pinocho"

• 🗓️ Venres 16 de outubro às 18:30 h
• 🎭 Os contos de Pinocho
• 📍 Biblioteca Xela Arias de Chapela

• 🗓️ Venres 23 de outubro ás 18:30 h
• 🎭 Vaia conto ten Pinocho!
• 📍 Biblioteca Valle-Inclán de Redondela

🎟️ A entrada é totalmente libre ata completar o aforo. Agardámosvos para seguir dando vida ás nosas bibliotecas! 🪵🤥📚

14/10/2026

📢 O CONCELLO SOLICITA A AMPLIACIÓN DO SERVIZO DE ATENCIÓN TEMPERÁ CON MÁIS PROFESIONAIS 🩺👶

✅ O Goberno local de Redondela xa tramitou a petición formal ante a Xunta de Galicia co obxectivo de incorporar ao centro unha terapeuta ocupacional e un reforzo de logopedia.

🤝 Con este reforzo técnico búscase blindar a calidade asistencial e dar resposta á crecente demanda das familias que requiren destes especialistas. 📉❤️

📍 O Servizo de Atención Temperá (SAT), na rúa Reveriano Soutullo, presta atención gratuíta a máis de 60 crianzas de 0 a 6 anos con trastornos no desenvolvemento ou risco de padecelos.

👉 “ Confiamos en que a Xunta resolva de xeito favorable esta petición, e coa maior brevidade posible, xa que estamos a falar do benestar e o futuro de nenos e nenas que non poden agardar polos tempos da burocracia”, salienta a alcaldesa, Digna Rivas.

🩺 Actualmente o SAT ofrece atención coordinada en psicoloxía 🧠, logopedia 🗣️ e fisioterapia pediátrica 👶. Lembra que o acceso realízase mediante derivación do pediatra de referencia 📋.

ℹ Tes toda a información na nosa web municipal
🎒✨

14/10/2026

📢 Redondela únese para esixir unha Atención Primaria pública de calidade.

📍 Este martes, a Praza do Concello acolleu unha concentración multitudinaria, convocada pola Asemblea en Defensa da Sanidade, para denunciar o colapso e a falta de persoal que sofren os centros de saúde do noso municipio (Redondela e Chapela), así como os veciños de Pazos de Borbén e Fornelos de Montes.

👥 Unhas 400 persoas expresaron o seu malestar polas demoras de ata un mes e medio para conseguir unha cita co médico de familia, unha situación crítica agravada pola falta de substitucións das xubilacións e as baixas de longa duración.

🏥 Dende o Concello compartimos a preocupación dos nosos veciños e veciñas. A falta de recursos e o peche de consultas en quenda de tarde non só saturan aos profesionais sanitarios, senón que vulneran o dereito a unha atención sanitaria pública e de calidade.

💪 Seguiremos ao lado da veciñanza esixindo solucións inmediatas para reverter esta precariedade e garantir o servizo que Redondela merece.
🏛️

13/10/2026

📚 Celebramos o Día das Bibliotecas CONTANDO CON PINOCHO!

🌟 Para festexar o Día das Bibliotecas (24 de outubro), as Bibliotecas de Redondela organizan dúas xornadas cheas de maxia e contos que conmemoran tamén os 200 anos de Carlo Collodi.

📖 OS CONTOS DE PINOCHO
📍 Biblioteca Xela Arias de Chapela
🗓️ Venres 16 de outubro
⏰ 18:30 h

🤥 VAIA CONTO TEN PINOCHO!
📍 Biblioteca Valle-Inclán de Redondela
🗓️ Venres 23 de outubro
⏰ 18:30 h

👨‍👩‍👧‍👦 Público: Familiar (recomendado a partir de 3 anos).
🎟️ Entrada: Libre e de balde ata completar a capacidade do espazo.

Non deixedes pasar a oportunidade de vivir estas historias tan divertidas cos máis pequenos da casa! Agardámosvos! ✨

13/10/2026

🚶‍♀️ REDONDELA ESTREA A NOVA PASARELA PEONIL DE VILAVELLA!

🌿 A nova ponte peonil xa está aberta para o uso de toda a veciñanza. Unha infraestrutura que conecta de xeito directo, seguro e accesible o aparcadoiro disuasorio co paseo fluvial do Maceiras e o centro da vila.

🚶‍♀🚶esta obra, damos un paso definitivo para seguir estendendo un modelo de vila humanizada, reducindo o tráfico rodado no centro e dándolle todo o protagonismo ás persoas, garantindo a accesibilidade total.

🌱 Deseño sostible e respectuoso co medio ambiente:
A estrutura de madeira salva o río Maceiras sen apoios no leito, protexendo o ecosistema fluvial e integrándose perfectamente na paisaxe natural do noso paseo.

Esta intervención supuxo un investimento de 24.254 euros, financiados a través do Plan +Provincia da Deputación de Pontevedra.
Gaña a mobilidade sustentable, gaña Redondela! 🙌✨

ℹ Máis información na páxina web municipal.

13/10/2026

🤝 100.000 EUROS PARA GARANTIR O BENESTAR COAS ENTIDADES SOCIAIS 🤝

O Concello de Redondela consolidou o seu compromiso coa protección social a través da sinatura de novos convenios de colaboración con nove entidades e colectivos sociais do municipio, sumando un investimento de 99.780 euros.

A alcaldesa, Digna Rivas, presidiu este acto institucional co que se apoian de xeito directo os programas asistenciais, de integración e o soporte psicolóxico para as persoas máis vulnerables.

As entidades beneficiadas son Lenda Saúde Mental, Andaina, Cáritas, AFAGA Alzheimer, Asociación Española contra o Cancro, Fundación Amigos de Galicia, Fundación Santa Cruz de Teis, Da Man e Solidariedade Galega co Pobo Saharaui.

👉 "Ratificamos o noso compromiso con entidades que traballan polo benestar da sociedade e que protexen ás familias en risco, aos menores e ás persoas vulnerables", salientou a rexedora.

Esta achega forma parte dun plan transversal máis amplo que mobiliza este ano 316.280 euros para apoiar tamén ao tecido cultural, deportivo e comercial de Redondela.
ℹ️ Tes toda a información detallada na nosa web municipal.

Dirección

Alfonso XII Nº2
Redondela
36800

Horario de apertura

Lunes	09:00 - 14:00
Martes	09:00 - 14:00
Miércoles	09:00 - 15:00
Jueves	09:00 - 15:00
Viernes	09:00 - 15:00

Página web

http://www.redondela.gal/

Notificaciones

Sea el primero en enterarse: le enviaremos un correo electrónico cuando Concello de Redondela publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.