Sergio soutelo concelleiro

24/10/2026

Hai situacións nas que moitas veces non pensamos ata que nos toca vivilas de preto.

Cremos que todas as familias deberían ter unha alternativa cando chega un momento tan difícil.

Non se trata de substituír o que xa temos, senón de buscar solucións para quen as necesita.

Nós non gobernamos, pero temos claro o que queremos facer se algún día temos esa responsabilidade.

Polo de agora, esta é unha proposta que poñemos enriba da mesa. Queda nas mans do goberno municipal estudala e decidir se quere dar ese paso.

• Unha alternativa pública para as familias sen sepultura propia. • Un servizo complementario aos seis cemiterios parroquiais. Desde Somos Ribadumia presentamos unha moción para que o Concello inic…

21/10/2026

Sobre o mercado de flores de Alfageme: algunhas aclaracións necesarias.

O pasado 16 de outubro rexistrei no Concello de Ribadumia un escrito solicitando información sobre as condicións de seguridade e os requisitos legais para a celebración do mercado de flores na explanada de Alfageme.

Ante algunhas interpretacións que están circulando, considero necesario aclarar que Somos Ribadumia non solicitou impedir a celebración deste mercado nin se posicionou en contra del.

O que pedimos foi algo tan sinxelo como comprobar que a actividade se desenvolva cumprindo a normativa, garantindo a seguridade das vendedoras, dos visitantes e tamén de quen cede ou xestiona as instalacións.

Persoalmente, veño do mundo dos mercados. Coñezo o traballo, o sacrificio e as dificultades que hai detrás de cada posto. Precisamente por iso, sempre defenderei as iniciativas que permitan traballar, emprender e dinamizar a economía local, coas garantías necesarias.

Por outra banda, hoxe dia 21 de outubro non recibin resposta ao escrito presentado, e na consulta realizada á sede electrónica municipal non figuraba ningunha notificación de resposta no expediente. Achego imaxes .

Non busco polémicas nin teño nada que agochar. Simplemente considero que o labor dun concelleiro tamén consiste en solicitar información, comprobar que se cumpre a normativa e velar pola seguridade das persoas.

Fiscalizar non é obstaculizar, e pedir garantías non significa estar en contra dunha iniciativa.

Quen teña algunha dúbida sobre o que realmente solicitei pode falar directamente comigo. Non teño ningún inconveniente en facilitar o escrito íntegro.

Prefiro que se valore o que realmente está escrito e non as interpretacións que outros poidan facer del.

Porque ao final, o importante debería ser que o mercado poida celebrarse con todas as garantías e que as persoas que participan nel poidan traballar con tranquilidade.

E dende a miña humilde opinión como concelleiro e candidato a alcaldía un mercado de flores nestas fechas ou calquer iniciativa que lle dea valor o noso concello , ben recibido sea .

En fin... remato ca frase máis escoitada ultimamente no noso concello ;

" O que fai este goberno cada vez enténdese menos , nunca se veu tal cousa."

16/10/2026

💧 PERO DE VERDADE PENSAN QUE A XENTE É TONTA?

Agora o goberno municipal acusannos de falta de contexto por informar sobre a subvención de saneamento.

PERO VAMOS VER, SEÑORES DO GOBERNO!

As bases publicáronse o 25 de febreiro e vostedes solicitaron a subvención o 6 de marzo.

Agora xustifican que non continuaron porque había que realizar previamente unha auditoría.

E ISO NON O SABÍAN ANTES DE SOLICITALA? NON LERON AS BASES?

O que di a resolución de Augas de Galicia é que NON ATENDERON O REQUIRIMENTO DE DOCUMENTACIÓN.

E agora pretenden explicar o sucedido cunha condición que xa figuraba nas bases desde o principio.

MENOS ACUSACIÓNS DE FALTA DE CONTEXTO E MÁIS EXPLICACIÓNS!

Porque a pregunta segue sen resposta:

SE NON ESTABAN DISPOSTOS A CUMPRIR AS CONDICIÓNS, PARA QUE SOLICITARON A SUBVENCIÓN?

E, por último, XA VAI SENDO HORA DE QUE DEADES A CARA POLAS VOSAS PROPIAS CAGADAS, EN LUGAR DE BUSCAR EXCUSAS E BOTARLLE A CULPA A QUEN AS FAI PÚBLICAS!

El gobierno de Castro acusa de falta de contexto a Somos por su crítica a la auditoría del agua

16/10/2026

Unha proposta para mellorar a autonomía das persoas maiores e con discapacidade.
Porque os impostos que pagamos deben servir para mellorar a vida da veciñanza.
Pero unha boa iniciativa non chega con propoñela. Hai que estudar os custos, organizala e garantir que funcione.
Gobernar tamén é saber establecer prioridades, controlar os gastos e transformar o diñeiro público en servizos útiles.
Porque non se trata de gastar máis, senón de xestionar mellor.

• Un servizo gratuíto e con reserva por teléfono. • Desprazamentos para compras, xestións e vida social. • Un estudo en tres meses e unha proba piloto. Dende Somos Ribadumia presentamos unha moción…

15/10/2026

OUTRA SUBVENCIÓN QUE QUEDA POLO CAMIÑO EN RIBADUMIA. POR QUE?

O Concello de Ribadumia solicitou unha subvención de Augas de Galicia para realizar auditorías das redes de saneamento.

E estamos completamente de acordo con que se soliciten este tipo de axudas!

Porque permitirían detectar problemas e planificar melloras para:

✅ Reducir custos de mantemento e depuración.

✅ Reducir atascos e mellorar o servizo aos veciños e veciñas.

✅ Previr desbordamentos de augas residuais e posibles vertidos aos nosos ríos, unha problemática que xa vimos denunciando en Ribadumia.

✅ Previr avarías nas depuradoras, evitando sobrecargas e reparacións custosas.

Pero que aconteceu?

📅 O 17 de abril de 2026, Augas de Galicia requiriu ao Concello que completase a documentación presentada.

❌ O Concello non respondeu dentro do prazo e Augas de Galicia declarou o desistimento da solicitude.

E unha vez máis atopámonos cun Concello que non atende os requirimentos doutras administracións. Por que?

Deixadez? Falta de organización? Desinterese? Non o sabemos.

O que si sabemos é que resulta triste que unha iniciativa que podía contribuír a mellorar Ribadumia acabe quedando polo camiño por non atender un requirimento.

Porque solicitar subvencións está moi ben, pero garantir que se tramiten correctamente e facer un seguimento delas tamén forma parte das responsabilidades do goberno municipal.

📎 Achegamos a resolución oficial de Augas de Galicia para que a veciñanza poida comprobar os feitos.

14/10/2026

FEITOS QUE CÓMPRE DAR A COÑECER Á VECIÑANZA DE RIBADUMIA

💰 2.400 € DE MULTA AO CONCELLO DE RIBADUMIA. POR QUE?

Pois simplemente por non atender os requirimentos de Augas de Galicia relacionados coa xestión de vertidos de augas residuais.

A propia resolución confirma que o Concello non negou os feitos imputados e que tampouco acreditou as actuacións que se lle requiriran.

O resultado? Unha sanción de 2.400 € por desatender os requirimentos doutra administración pública.

E lamentamos que unha situación que era responsabilidade do goberno municipal remate cunha sanción de 2.400 euros que, de aboarse con fondos públicos, sairá dos recursos de todos os veciños e veciñas.

Uns cartos que ben poderían destinarse a outras necesidades do noso concello. Sen ir máis lonxe, temos constancia dunha petición veciñal para mellorar a seguridade na senda do río Umia, entre Ponte Arnelas e Barrantes, onde se solicita a instalación de sinalización e outras pequenas medidas para garantir a convivencia entre peóns e ciclistas.

Lamentamos que, mentres os veciños e veciñas presentan peticións para mellorar o noso concello en beneficio de todos, teñamos que coñecer situacións coma esta, nas que a falta de atención aos requirimentos administrativos acaba provocando sancións económicas.

Son erros de xestión que poden acabar custándonos cartos a todos.

📎 Achegamos a resolución oficial de Augas de Galicia para que a veciñanza poida comprobar os feitos.

08/10/2026

Bueno.... que vamos a facer .... e a calidade que hai .🤣🤣🤣🤣

07/10/2026

«Hai que elixir entre corrupción ou decencia», di Feijóo.
Home… hai frases que, dependendo de quen as diga, veñen coa retranca incorporada. 😂
Porque escoitar falar de corrupción ao PP e facer como se Gürtel, Bárcenas, a caixa B e compañía fosen unha serie de Netflix… pois ten o seu aquel. O PP figura nas resolucións xudiciais de Gürtel como partícipe a título lucrativo.

Pero que tampouco se emocione demasiado o PSOE. Alí tamén teñen hemeroteca dabondo, e este mesmo ano o seu exministro e exsecretario de Organización José Luis Ábalos foi condenado polo Tribunal Supremo a 24 anos e 3 meses de prisión.

Así que, vendo o panorama, igual ningún dos dous está para ir repartindo certificados oficiais de decencia pola praza do pobo.

E despois están as famosas “muletas”.
Podemos, Sumar, Vox… cada un no seu lado e cada un coa súa historia.

Porque durante a campaña son perigosísimos. Uns van romper España. Os outros van acabar coa democracia. Uns son radicais, os outros extremistas, uns irresponsables e os outros imposibles para gobernar con eles…
Ata que chega a noite electoral e non dan os números.

E aí acontece o milagre. 😂

De repente desaparecen os monstros e empezamos a escoitar palabras moito máis elegantes:
diálogo, responsabilidade, estabilidade, acordo, entendemento, equipo…

O PSOE gobernou en coalición con Unidas Podemos e posteriormente con Sumar; e PP e Vox tamén chegaron a compartir gobernos autonómicos...
Que cousas ten a aritmética parlamentaria: ás veces cura radicalismos nunha noite.

Por iso eu non compro demasiado iso de que o 29N teñamos que escoller entre “corrupción ou decencia”.

A corrupción hai que condenala sempre, leve as siglas que leve. Se é do PP, do PSOE ou de quen sexa.

Eu, como concelleiro e como cidadán, teño moi claro a quen vou votar o 29N.

Pero esa é a miña decisión. Cada persoa que vote libremente a quen considere mellor.

E cando remate todo este circo electoral, gañe quen gañe, só espero que faga o mellor posible por todos os españois: polos que o votaron e polos que non.

Porque ao día seguinte seguiremos vivindo todos no mesmo país.
E para repartir carnés de corrupción e decencia… igual antes convén mirar a hemeroteca, mirar para a casa propia e, de paso, gardar o teléfono dos “radicais” por se o 30N fan falta uns cantos votos. 😏

06/10/2026

💧 FONTES E LAVADOIROS: ¿MANTEMENTO OU FOTO?
O 17 de setembro o Concello anunciaba un novo ciclo de limpeza e conservación de fontes e lavadoiros.
Estes días fun comprobar persoalmente varios deles e a realidade é que en bastantes ese mantemento non se aprecia.
Así que a pregunta é sinxela: ¿pasouse por un ou dous, limpáronse, sacouse a foto e con iso xa chegou para anunciar o plan?
Porque semanas despois hai lavadoiros e fontes que seguen precisando limpeza e conservación.

📸 Deixo a publicación do Concello e algunhas fotos actuais.
A ver se o mantemento aínda non chegou… ou se quedou na foto. 😅

04/10/2026

Hai propostas que non poden quedar indefinidamente nun caixón sen chegar sequera a debate. Propostas que veñen a apoyar , que non veñen a restar e que este goberno do PP non queren nin que sepades delas .

Dende Somos Ribadumia presentamos por primeira vez en agosto de 2025 unha moción sobre o Servizo de Axuda no Fogar (SAF). Máis dun ano despois, o SAF de Ribadumia continúa sen licitarse e aquela iniciativa non chegou a ser debatida. Por iso acabamos de presentala novamente, actualizada á situación actual.

Tamén segue pendente desde novembro de 2025 a nosa proposta para establecer convenios individualizados coas entidades deportivas que organizan eventos en Ribadumia, cun marco máis claro, estable e transparente para o apoio municipal.

Ante esta situación, e co apoio dos tres concelleiros do PSdeG-PSOE, vimos de solicitar formalmente a celebración dun Pleno Extraordinario, utilizando o mecanismo previsto legalmente para que estas cuestións poidan chegar ao debate e á votación.

A orde do día inclúe cinco asuntos:

🔹 Unha moción do PSdeG-PSOE sobre transparencia e mellora do acceso á información municipal.
🔹 Unha moción do PSdeG-PSOE sobre o canon de xestión das depuradoras e o retorno dos recursos do ciclo integral da auga.
🔹 A nosa proposta de convenios coas entidades deportivas para o apoio económico e loxístico aos eventos que organizan.
🔹 A nosa moción actualizada sobre a situación do SAF.
🔹 E unha moción conxunta do PSdeG-PSOE e Somos Ribadumia para avanzar cara á retirada da represa de Cabanelas e á recuperación da continuidade fluvial do río Umia.

Despois de tanto tempo agardando a que varias destas propostas chegasen a un Pleno ordinario, consideramos necesario recorrer a esta vía para que se debatan, se voten e cada grupo municipal fixe publicamente a súa posición.

📄 Adxuntamos tamén os acordos das nosas mocións para que calquera persoa poida ter constacia do que queremos .

📰 A solicitude deste Pleno Extraordinario xa foi recollida tamén polos medios de comunicación.

https://diariodearousa.elidealgallego.com/o-salnes/2026-10-02/psoe-y-somos-fuerzan-un-pleno-en-ribadumia-sobre-la-represa-882721.html?utm_term=botones_sociales&utm_source=whatsapp&utm_medium=social