Somos Ribadumia

21/10/2026

🎤 O ALCALDE COMPRA OS MICRÓFONOS… E PAGÁMOLOS ENTRE TODOS!
O alcalde de Ribadumia, David Castro, adquiriu material para gravar vídeos, incluíndo micrófonos e accesorios para teléfonos móbiles.
💸 As compras fixéronse ao seu nome, pero pagáronse con cartos públicos, con fondos do Concello de Ribadumia.
Cando preguntamos no Pleno pola finalidade deste material, a explicación foi que estaba destinado ao departamento de comunicación.
📱 Pero resulta que o alcalde aparece utilizando un micrófono aparentemente idéntico nos vídeos que publica nas súas redes sociais persoais.
E nós preguntamos:
❓ Por que se adquiren estes produtos a nome do alcalde e non do Concello?
❓ Por que aparece utilizando ese material nas súas redes persoais?
❓ Onde remata a comunicación institucional e onde comeza a promoción persoal do alcalde?
Desde Somos Ribadumia consideramos que os recursos públicos deben empregarse para prestar servizos á veciñanza, non para financiar a promoción persoal de ningún cargo político.
👉 Os cartos do Concello son de todos os veciños e veciñas de Ribadumia. E cada euro debe ter unha xustificación.
🎥 Neste vídeo amosamos as compras, a intervención no Pleno e as imaxes que motivan as nosas preguntas.
Transparencia e explicacións. Iso é o que esiximos.

18/10/2026

DAVID CASTRO PRESUME NA PRENSA DE PERDER SUBVENCIÓNS E EVIDENCIA A SÚA INCAPACIDADE PARA XESTIONAR O SANEAMENTO

Pide subvencións sabendo que non cumpre os requisitos. E perdeas. E aínda presume. As escusas confirman a falta de planificación e capacidade. Canto tempo, persoal e recursos dedica a pedir subvencións que sabe que non vai conseguir? A rede de saneamento segue sen o diagnóstico necesario, e sen as solucións. O contexto que o alcalde pide pero non da: medio millón ao ano en multas de Augas de Galicia e un Pleno onde vai ter que dar as explicacións que oculta....

Pide subvencións sabendo que non cumpre os requisitos. E perdeas. E aínda presume. As escusas confirman a falta de planificación e capacidade. Canto tempo, persoal e recursos dedica a pedir subvenc…

17/10/2026

TRES ANOS SEN PUNTO LIMPO POLA INCOMPETENCIA DO GOBERNO DE DAVID CASTRO

Unha reforma de preto de 290.000 euros quedou bloqueada por falta de saneamento. A veciñanza soporta as consecuencias dunha xestión improvisada. 3 anos sen punto limpo por culpa dunhas conexións de menos de 50.000 € . Esiximos a apertura efectiva e responsabilidades pola nefasta xestión. Dende Somos Ribadumia denunciamos que a incompetencia e a falta de planificación do goberno de David Castro deixaron a veciñanza case tres anos sen punto limpo....

Unha reforma de preto de 290.000 euros quedou bloqueada por falta de saneamento. A veciñanza soporta as consecuencias dunha xestión improvisada. 3 anos sen punto limpo por culpa dunhas conexións d…

16/10/2026

Para a foto, si. Para pagar os premios, xa custa máis.
En setembro, os premios do concurso de camisetas da Festa do Tinto seguían sen pagar. Tres premios que sumaban 350 € e dous premiados que tiveron que reclamar por rexistro para cobrar.
Levámolo ao Pleno e pedimos o máis básico: que o Concello cumpra os compromisos que anuncia e pague os premios.
A xente que participa e axuda a facer festa merece respecto. Anunciar premios e facerse fotos cos gañadores tamén implica responder despois.
A veciñanza merece outro trato.

16/10/2026

Compartimos esta publicación de onte de Sergio soutelo concelleiro . Polo visto David Castro sinteuse desgustado polo que o noso Concelleiro explica nese post ata o punto de ir á prensa a queixarse.
Falaremos máis polo miúdo da cuestión, dado que o goberno ten interese en afondar no tema, pero de momento deixamos a publicación para que a veciñanza valore o seu contido. Os datos por certo, contrastados e sostidos en documentos oficiais.

OUTRA SUBVENCIÓN QUE QUEDA POLO CAMIÑO EN RIBADUMIA. POR QUE?

O Concello de Ribadumia solicitou unha subvención de Augas de Galicia para realizar auditorías das redes de saneamento.

E estamos completamente de acordo con que se soliciten este tipo de axudas!

Porque permitirían detectar problemas e planificar melloras para:

✅ Reducir custos de mantemento e depuración.

✅ Reducir atascos e mellorar o servizo aos veciños e veciñas.

✅ Previr desbordamentos de augas residuais e posibles vertidos aos nosos ríos, unha problemática que xa vimos denunciando en Ribadumia.

✅ Previr avarías nas depuradoras, evitando sobrecargas e reparacións custosas.

Pero que aconteceu?

📅 O 17 de abril de 2026, Augas de Galicia requiriu ao Concello que completase a documentación presentada.

❌ O Concello non respondeu dentro do prazo e Augas de Galicia declarou o desistimento da solicitude.

E unha vez máis atopámonos cun Concello que non atende os requirimentos doutras administracións. Por que?

Deixadez? Falta de organización? Desinterese? Non o sabemos.

O que si sabemos é que resulta triste que unha iniciativa que podía contribuír a mellorar Ribadumia acabe quedando polo camiño por non atender un requirimento.

Porque solicitar subvencións está moi ben, pero garantir que se tramiten correctamente e facer un seguimento delas tamén forma parte das responsabilidades do goberno municipal.

📎 Achegamos a resolución oficial de Augas de Galicia para que a veciñanza poida comprobar os feitos.

15/10/2026

Propoñemos un taxi a demanda para mellorar a autonomía das persoas maiores e con discapacidade.

• Un servizo gratuíto e con reserva por teléfono. • Desprazamentos para compras, xestións e vida social. • Un estudo en tres meses e unha proba piloto. Dende Somos Ribadumia presentamos unha moción para impulsar un servizo municipal de taxi a demanda destinado ás persoas maiores e ás persoas con discapacidade ou mobilidade limitada. Queremos que a veciñanza que non conduce ou carece dunha alternativa efectiva de transporte poida acceder aos servizos e participar na vida social sen depender sempre da dispoñibilidade dun familiar ou doutra persoa....

• Un servizo gratuíto e con reserva por teléfono. • Desprazamentos para compras, xestións e vida social. • Un estudo en tres meses e unha proba piloto. Dende Somos Ribadumia presentamos unha moción…

13/10/2026

🎙️ **O QUE DI O ALCALDE. O QUE VEMOS EN RIBADUMIA.**

Escoita as súas palabras no Pleno municipal e mira o estado deste banco en Barrantes.

💶 170.000 € para renovar os parques de Barrantes.

🪑 E mentres tanto, hai bancos neste estado.

**Os anuncios son unha cousa. A realidade que vemos nas nosas rúas é outra.**

📍 Barrantes, outubro de 2026.

09/10/2026

O alcalde presume de instalacións. Pero a realidade é outra. 👇
Exemplos como a situación do tanatorio e do auditorio que levan meses sen aire acondicionado, o lamentable estado do Campo de Leiro ou detalles como o rego do campo do Ribadumia avariado durante meses, contan unha verdade moi diferente da que quere vender o alcalde.
Levamos estes problemas ao Pleno porque afectan á veciñanza e merecen solucións. Presumir non resolve as avarías nin substitúe o mantemento.
Ribadumia merece instalacións coidadas, planificación e investimento.
▶️ Mira o vídeo e comparte.

06/10/2026

04/10/2026

Dende Somos Ribadumia amosamos o noso rexeitamento e condena ante o ataque recibido onte polo alcalde de Vilagarcía, Alberto Varela.

Témolo dito en numerosas ocasións, a violencia en calquera forma é totalmente inadmisible e ademáis únicamente leva a un sitio. Quen dende a política e dende ámbitos paralelos se dedica a alimentar eses comportamentos debería recapacitar moito e moi seriamente sobre o que está facendo e as consecuencias dese lume que queren prender.

Todo o noso apoio a Alberto Varela, e toda a nosa repulsa ante eses comportamentos inadmisibles.