Concello de Rodeiro

Llamar Cómo llegar Página web

Concello de Rodeiro Páxina oficial do Concello de Rodeiro (Pontevedra)

22/10/2026

📢 O parque eólico de A Gratina non se levará a cabo en San Martiño.

O proxecto do parque eólico de A Gratina, previsto na contorna de San Martiño e con afección tamén a parte de Carboentes, suporía un impacto sobre o territorio e sobre os usos tradicionais do solo.

Trátase dunha zona con terreos agrarios de utilidade para a actividade agrícola e gandeira, fundamentais para a economía local e para a conservación da paisaxe e da identidade das nosas parroquias.

Desde o Concello, consideramos esencial protexer o territorio, preservar a actividade agraria e defender os intereses da veciñanza ante proxectos que poidan afectar directamente á vida nas nosas parroquias.

🌱 Defender a terra é defender o noso futuro.

20/10/2026

🚜 Hoxe acompañádenos a coñecer de preto os traballos que está a desenvolver a Mancomunidade no noso municipio.

📍 Visitamos diferentes puntos onde se están levando a cabo actuacións necesarias para mellorar o estado dos nosos camiños e facilitar o día a día da veciñanza.

🔹 Pedroso – Guillar: actuación nunha pendente que necesitaba ser arranxada para mellorar o seu estado e facilitar o tránsito.

🔹 A Penela – Barbeitos: mellora dun camiño moi demandado polos veciños e veciñas da zona.

🔹 Failde – A Granxa: intervención nun camiño fundamental para o tránsito da maquinaria da Cooperativa O Rodo e para acceder aos terreos agrarios útiles. Unha vía que se atopaba moi deteriorada polos efectos dos temporais e que precisaba dunha actuación para recuperar o seu estado.

Seguimos traballando para mellorar as infraestruturas rurais, atender as demandas da veciñanza e facilitar o acceso ás explotacións e aos terreos agrícolas. 💪🌱

19/10/2026

🐂 Así foi a XV Feira da Rubia Galega do País!

Rodeiro volveu converterse nun punto de encontro para a gandería galega cunha nova edición desta feira, que puxo en valor a calidade da raza Rubia Galega, o traballo dos nosos gandeiros e gandeiras e a importancia do sector agrogandeiro para o futuro do rural.

Unha xornada na que non faltaron a exposición de exemplares, os concursos morfolóxico e oficial, a poxa de gando e a degustación de carne ao caldeiro, nun ambiente de convivencia e orgullo polo noso.

👏 Desde o Concello de Rodeiro queremos agradecer a participación de todas as explotacións gandeiras, o traballo da organización, a colaboración das entidades implicadas e a asistencia de todas as persoas que nos acompañaron nesta cita.

Seguimos apostando pola nosa gandería, pola promoción da Rubia Galega e pola defensa das tradicións que forman parte da nosa identidade.

Grazas por facer posible unha nova edición desta feira tan nosa! 💚

Queremos expresar o noso orgullo como concello e apoio á nosa veciña Natalia, que representará o noso municipio no certa...
19/10/2026

Queremos expresar o noso orgullo como concello e apoio á nosa veciña Natalia, que representará o noso municipio no certame Miss Grand Galicia 2026.

Esta participación supón unha oportunidade para dar visibilidade a Rodeiro e levar o nome do noso concello máis alá das nosas fronteiras. Por iso, animamos a toda a veciñanza a amosarlle o seu apoio e a acompañala nesta experiencia tan especial. 💗

📲 Como podes apoiar a Natalia?

Para participar nas votacións populares, cómpre seguir estes pasos:

1️⃣ Accede ao perfil de Instagram de Miss Grand Galicia e solicita seguir a conta

https://www.instagram.com/missgrandgalicia?srtk=MW1kcTYxbzAxdXI5NA==

2️⃣ Agarda a que acepten a túa solicitude de seguimento.

3️⃣ Unha vez aceptada, busca a publicación correspondente a Miss Grand Rodeiro e dálle «gústame». ❤️

📅 O prazo para participar remata este xoves ás 23:00 horas.

⚠️ É importante manter o seguimento da conta ata que finalicen as votacións.

Desde o Concello de Rodeiro, animamos a toda a cidadanía a colaborar e a compartir esta iniciativa para que chegue ao maior número posible de persoas. A implicación e o apoio da veciñanza son fundamentais para acompañar a Natalia neste camiño.

Moita sorte, Natalia! É unha satisfacción que leves o nome de Rodeiro contigo. Todo o noso apoio nesta experiencia! ✨

📚💙 A lectura énchenos de aventuras!Dende o Concello de Rodeiro convidámosvos a g***r dunha nova actividade de animación ...
19/10/2026

📚💙 A lectura énchenos de aventuras!

Dende o Concello de Rodeiro convidámosvos a g***r dunha nova actividade de animación á lectura da man de Manuel Pombal, o Frumario o bibliotecario, que visitará o CPI de Rodeiro para compartir unha mañá chea de historias, imaxinación e diversión. ✨📖

📅 21 de outubro
🕦 Ás 11:30 h
📍 CPI de Rodeiro

Seguimos apostando pola cultura e polo fomento da lectura, porque achegar os libros á infancia é abrirlles as portas a un mundo cheo de posibilidades. 🌈📚

Ler conta moito!💚

💜✨ PARAÍSO SENSORIAL chega a Rodeiro!🎶🌈Dende o Concello de Rodeiro convidámosvos a g***r dunha experiencia chea de músic...
19/10/2026

💜✨ PARAÍSO SENSORIAL chega a Rodeiro!🎶🌈

Dende o Concello de Rodeiro convidámosvos a g***r dunha experiencia chea de música, maxia e emocións con Ariadna Santana, que nos achegará ao seu universo sensorial nunha proposta pensada para estimular os sentidos e deixar voar a imaxinación dos máis pequenos. 🦋🎵

📅 21 de outubro
🕥 Ás 10:30 h
📍 Gardería Municipal de Rodeiro

Unha oportunidade para descubrir, sentir e desfrutar a través da música e da fantasía, creando momentos especiais para a infancia. 💫

Seguimos apostando pola cultura e por actividades que favorecen o desenvolvemento e a creatividade dos máis pequenos.

📚💚 Ler conta moito!

🐮🏆 XV FEIRA DA RUBIA GALEGA DO PAÍS | RODEIRO📸 Xa están dispoñibles as fotografías da xornada desta mañá, na que celebra...
18/10/2026

🐮🏆 XV FEIRA DA RUBIA GALEGA DO PAÍS | RODEIRO

📸 Xa están dispoñibles as fotografías da xornada desta mañá, na que celebramos a XV Feira da Rubia Galega do País, unha cita para poñer en valor a nosa gandería, o traballo dos nosos gandeiros e gandeiras e a importancia de seguir preservando unha raza tan representativa da nosa terra. 🤎🐄

👏🏼 Queremos felicitar a todas as persoas premiadas nesta edición, recoñecendo o seu esforzo, dedicación e compromiso coa Rubia Galega. Detrás de cada animal hai moitas horas de traballo, coidados e unha gran paixón pola gandería, que contribúe a manter viva a esencia do noso rural.

🌿 Esta feira é tamén un punto de encontro para compartir experiencias, recoñecer o labor do sector e poñer en valor as nosas tradicións, a nosa identidade e o futuro do rural galego.

💚 Desde o Concello de Rodeiro queremos agradecer a todas as persoas participantes, gandeiros e gandeiras, colaboradores e visitantes a súa presenza e implicación, facendo posible unha nova edición desta celebración tan importante para o noso municipio.

📷 Desfrutade das fotografías da xornada e parabéns a todos os premiados e premiadas! 🏅🐮

16/10/2026

Na Biblioteca de Rodeiro seguimos escoitando as vosas propostas e tomando nota das vosas preferencias, porque queremos que este sexa un espazo no que todas e todos teñades o voso lugar. 💚

Por iso, hoxe temos unha boa noticia que compartir con vós: chegaron novos libros á biblioteca, e moitos deles son títulos que nos pedistes! 🥰📖

Porque unha biblioteca non se constrúe só con libros, senón tamén coas persoas que a enchen de vida, coas súas recomendacións, cos seus gustos e coas ganas de descubrir novas historias. E a mellor maneira de seguir medrando é escoitar a quen nos visita e achegar lecturas que esperta­des ilusión por ler. 💫

Agora tócache a ti! 😉 Achégate á Biblioteca de Rodeiro, bota unha ollada ás novidades e descubre se ese libro que tanto querías ler xa está agardando por ti nos nosos andeis. Pode que atopes esa historia que che enganche desde a primeira páxina ou ese título que levabas tempo buscando. ❤️

Vós pedídelos, nós buscámolos e entre todas e todos seguimos facendo biblioteca. 📚🤝

Grazas por participar, por compartir as vosas ideas e por axudarnos a facer da biblioteca un espazo cada vez máis voso.

📍 Agardámosvos na Biblioteca de Rodeiro!

💚📚

🍂🍁 CHEGA O OUTONO CULTURAL A RODEIRO!🍁🍂O outono vén cargado de propostas para g***r da cultura, da tradición, da naturez...
16/10/2026

🍂🍁 CHEGA O OUTONO CULTURAL A RODEIRO!🍁🍂

O outono vén cargado de propostas para g***r da cultura, da tradición, da natureza e do talento! 💛

Desde o Concello de Rodeiro presentamos a programación de Actividades Culturais Outono 2026, con citas para todos os gustos:

🐮 18 de outubro:XV Feira Rubia Galega do País, no Campo Feira de Río.

🌈 21 de outubro, ás 10:30 h:Paraíso Sensorial, na Gardería Municipal.

📚 21 de outubro, ás 11:30 h:Frumario o Bibliotecario, no CPI de Rodeiro.

🍄 7 de novembro: Xornada Micolóxica, con saída desde o Centro Cultural ao monte, acompañados por Alex Minguez.

🎭 1 de novembro, ás 18:00 h:Aínda Estamos de Festa, no Centro Cultural, con Pepo Suevos e Dani Dopazo.

🎭 14 de novembro, ás 21:00 h:Cotorras, no Centro Cultural, con Luis Iglesia e Victoria Teijeiro.

🍷 13, 14 e 15, e 20, 21 e 22 de novembro: Rodeiro de Tapas, para descubrir e saborear o mellor da nosa gastronomía.

Unha programación para compartir, aprender, rir e seguir facendo comunidade. ❤️

📅 Anota as datas e acompáñanos! Agardámoste en Rodeiro para vivir un outono cheo de cultura e vida.

Dirección

Praza Da Fonte, 2
Rodeiro
36530

Horario de apertura

Lunes 08:00 - 14:30
Martes 08:00 - 14:30
Miércoles 08:00 - 14:30
Jueves 08:00 - 14:30
Viernes 08:00 - 14:30

Teléfono

+34986790185

Página web

,

Notificaciones

Sea el primero en enterarse: le enviaremos un correo electrónico cuando Concello de Rodeiro publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Atajos

Compartir

Categoría