¿Cuál es el horario de apertura?

Lunes 08:00 - 14:00 Martes 08:00 - 14:00 Miércoles 08:00 - 14:00 Jueves 08:00 - 14:00 Viernes 08:00 - 14:00

Concello de Sada

Inicio
España
Sada, Galicia
Concello de Sada

Llamar Cómo llegar Página web

Canle de comunicación do Concello de Sada. Preme en “Me Gusta” para estar ao día das noticias, emprego público, axenda, avisos, licitacións, plenos...

Se queres estar ao día, dálle a ''Me Gusta''. Noticias, ofertas de emprego, axenda, avisos, plenos e moito máis. Tamén podes visitar sada.gal, a web do Concello de Sada, onde ademais de ter toda a información do municipio poderás enviar incidencias. Tamén te podes pór en contacto connosco. Estaremos encantadxs de escoitar as túas suxestións e de axudarche na medida do posible coas túas demandas.

09/10/2026

🔶ESPECTÁCULO EN SADA: PARIPÉ, O CABARÉ!🔶
A concellería de cultura programa o domingo 11 de outubro ás 19:00 na Casa da Cultura de Sada, "Paripé, o cabaré! da compañía Catre Teatro.

Paripé, o cabaré! O novo espectáculo de O Catre Teatro sobre as aparencias, os benquedas, os buscadores de fama. Esa xente que vós coñecedes e que está sentada enfronte de vós, sorríndovos agora mesmo!

Cun formato de espectáculo de varietés, as nosas Divas ofrecen un rato de diversión e ledicia, arrodeadas de música, baile e plumas!

ENTRADA LIBRE

🔶A MIGRACIÓN E AS AVES, PROTAGONISTAS EN SADA🔶Con motivo do Día Mundial das Aves Migratorias, Sada acolle esta fin de se...

09/10/2026

🔶A CONFRARÍA DE PESCADORES DE SADA ABRE AS PORTAS DO PORTO E DA LONXA COA EXPERIENCIA “FILLOS DO MAR”🔶

O porto de Sada acolleu este venres unha experiencia de turismo mariñeiro organizada pola Confraría de Pescadores de Sada no marco do proxecto de cooperación. A xornada, á que asistiu o alcalde, Benito Portela, é a primeira desta natureza que se desenvolve no territorio do GALP.

A actividade incluíu un percorrido polo porto e pola Lonxa de Sada, a presentación do libro “Fillos do Mar” e o lanzamento e degustación de novos produtos da Lonxa. Precisamente o alcalde puxo en valor a aposta que está a facer a Confraría por transformar o produto do mar para que chegue á xente de forma máis rápida: “É un gran reto, pero como consumidores temos a responsabilidade de elixir aqueles produtos cuxo impacto económico recae no próximo: no noso porto, nos nosos veciños e veciñas. Temos un produto de calidade e debemos ser quen de xerar unha economía de proximidade.”

Iniciativas coma esta abren novas vías para a diversificación das actividades das confrarías e permiten poñer en valor o coñecemento, os oficios, o patrimonio e a cultura vinculados ao mar, achegándoos á sociedade desde unha perspectiva diferente. O sector pesqueiro segue a ter un papel fundamental na identidade de Sada e iniciativas coma esta deben servir tamén para poñer en valor a industria do mar como piar da economía galega.

09/10/2026

🔶CONTACONTOS EN SADA: PEQUES E HEROAS🔶
A Concellería de Cultura programa hoxe venres 9 de outubro ás 18:30 na Casa da Cultura o contacontos PEQUES E HEROAS, con Manuela Contacontos.

Super Manuela convida a nenos e nenas a participar na súa misión, loitar contra un grande villano, o machismo. Tan perxudicial, que impide ás nenas e aos nenos vivir en igualdade. Reflexionamos sobre situacións inxustas (discriminación e acoso) que nacen dos estereotipos: quen pode facer que cousas, como debemos vestir ou expresarnos, e que soños ¿corresponden¿ a cada xénero.

Un espectáculo para descubrir que non hai cousas de nenas nin de nenos, só persoas con moitas ganas de ser felices.

Neste contacontos Manuela versiona e adapta dous contos moi recoñecizos pola sú labor de igualdade : "Daniela Pirata" e "Xan e as unllas de cores"

ENTRADA LIBRE

09/10/2026

🔶BUSCAMOS O TEU MELLOR CHISTE!🔶
Volve Moito Chiste, o programa da Televisión de Galicia presentado por Touriñán, e tamén estará en Sada!

Queres participar e demostrar o teu sentido do humor? 🤣 Esta é a túa oportunidade de contar ese chiste en galego que fai rir a todo o mundo!

Envía :
🎬 Vídeo contando un chiste en galego
👤 Nome completo e idade
📱 Teléfono e localidade de residencia
📸 Foto actual
📧 [email protected]
📲 654 363 966 (só WhatsApp)

Anímate a participar e pon a túa retranca a proba! Porque en Sada temos moito humor e moito que contar. 🗣️😂

08/10/2026

SADA, NA VANGARDA DO CULTIVO DO AGUACATE DE GALICIA🔶

O alcalde de Sada, Benito Portela, acompañou a conselleira do Medio Rural, María José Gómez, nunha visita a unha das primeiras plantacións de aguacate de Galicia, que ocupa dúas hectáreas na parroquia de Meirás.

O cultivo do aguacate está aínda en fase inicial en Galicia e require un coñecemento técnico exhaustivo do solo, do clima e da xestión da auga. Que un proxecto desta natureza se desenvolva en Sada reflicte a capacidade emprendedora que temos na nosa vila e a aposta pola innovación de quen o impulsa.

Esta iniciativa contribúe ao obxectivo de ampliar as posibilidades do sector primario do noso concello, xerando valor engadido, emprego e diversificación económica no municipio.

O Goberno local seguirá apoiando os proxectos que apostan por abrir novas vías de desenvolvemento para Sada.

08/10/2026

🔶X CARREIRA NOCTURNA DE SADA🔶
O Concello de Sada e o Club Atletismo Sada, organizan a X Carreira Nocturna de Sada, unha das citas deportivas máis especiais do calendario municipal, que este ano volverá encher as rúas da vila de ambiente deportivo, festivo e solidario.

A carreira terá lugar na contorna de As Brañas o venres 18 de decembro e contará con dúas probas diferenciadas. Ás 19:00 horas celebrarase a carreira destinada ás categorías de menores, mentres que ás 21:00 horas terá lugar a proba absoluta, cun percorrido de 5 quilómetros.

Baixo o lema “Ninguén sen Nadal”, a décima edición da Carreira Nocturna reforza o seu carácter solidario. As persoas participantes poderán realizar unha doazón a Cruz Vermella e Cáritas, contribuíndo así a unha campaña social destinada a apoiar as persoas e familias que máis o necesitan durante estas datas.

A iniciativa combina deste xeito deporte, participación cidadá e solidariedade, convertendo a carreira nun punto de encontro para corredores e corredoras de todas as idades e para o conxunto da veciñanza.

O Concello de Sada anima á cidadanía a participar nesta décima edición e a vivir unha noite diferente, na que o deporte servirá tamén para compartir, colaborar e axudar a que ninguén quede atrás durante o Nadal.

ℹ INSCRICIÓNS: https://acortar.link/W6as5V

08/10/2026

🔶EN SADA, MERCAR NO COMERCIO LOCAL PODE TER PREMIO!🔶
Ata o 15 de outubro, merca nos establecementos de proximidade de Sada e podes gañar parte dos 1.000 € en premios da campaña “Merca no teu Comercio - Sada”.

💶 20 tarxetas regalo de 50 €
🗓️ Do 1 ao 15 de outubro
🎉 Sorteo: 16 de outubro

👉 COMO PARTICIPAR?
🛒 Fai as túas compras no comercio de proximidade de Sada durante a campaña.
📸 Fotografía e garda o teu ticket de compra.
📲 Rexistra a túa compra na web da campaña.
⭐ E aínda hai máis! Se o teu comercio rexistra a túa compra, obterás unha participación adicional para o sorteo.
As tarxetas premio deberán empregarse posteriormente para realizar novas compras, única e exclusivamente nos establecementos de proximidade de Sada.

🤝 Unha iniciativa da Federación Galega de Comercio e da Federación de Comercio da Coruña, coa colaboración da Xunta de Galicia e ABANCA, e co apoio de ACESADA e da Concellería de Promoción Económica do Concello de Sada.

💙 MERCA EN SADA. APOIA O COMERCIO LOCAL. E, ADEMAIS, PODES TER PREMIO!

📩 Máis información: [email protected]
📞 982 255 120

08/10/2026

🔶A MIGRACIÓN E AS AVES, PROTAGONISTAS EN SADA🔶
Con motivo do Día Mundial das Aves Migratorias, Sada acolle esta fin de semana dúas actividades para coñecer mellor as aves e o noso litoral.

📍 VENRES 9 DE OUTUBRO | 19:30 h
🏠 OMIX Sada
🎙️ A MIGRACIÓN DAS AVES
Unha charla para descubrir como e por que migran as aves, as súas rutas e a importancia dos espazos naturais para a súa conservación.

📍 SÁBADO 10 DE OUTUBRO | 10:30 h
🌊 PRAIA DE SADA
🔭 OBSERVACIÓN DE AVES
Unha actividade práctica para achegarnos ao litoral de Sada e observar as aves que utilizan a nosa costa durante as súas viaxes migratorias.

👉 Información e inscricións: gnhabitat.org . Unha oportunidade para coñecer, observar e valorar o noso medio mariño e costeiro.

CONÈCE O TEU LITORAL
Estudo e divulgación do medio mariño e costeiro no GALP Golfo Ártabro Sur 2025.

08/10/2026

🔶UN BO E XENEROSO🔶
Hoxe despedimos a Xosé Manuel Beiras, referente do nacionalismo galego que nos ensinou a mirar Galicia con liberdade e con orgullo. Coa súa palabra escrita deulle ao país unha mirada propia sobre si mesmo; desde a cátedra e desde a tribuna parlamentaria defendeu con verbas inconfundibles unha idea de Galicia chea de futuro.

Foi mestre de moitas xeracións de alumnas e alumnos aos que achegou outro xeito de entender como se pode e debe facer política. A súa pegada marcou, e seguirá marcando, a todos aqueles que cren no servizo público en defensa dunha sociedade máis xusta, da dignidade das persoas e do futuro do noso país.

O Concello de Sada transmite as máis sentidas condolencias á súa familia, amizades e persoas achegadas, e expresa o seu recoñecemento a unha persoa que deixa un legado imprescindible para o noso país.

Dirección

Avenida Da Mariña, 25
Sada
15160

Horario de apertura

Lunes	08:00 - 14:00
Martes	08:00 - 14:00
Miércoles	08:00 - 14:00
Jueves	08:00 - 14:00
Viernes	08:00 - 14:00

Teléfono

+34981620075

Página web

http://www.sada.gal/

Notificaciones

Sea el primero en enterarse: le enviaremos un correo electrónico cuando Concello de Sada publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.