Partido Popular de Cervo

20/10/2026

20/10/2026

🗣🤝O CONCELLO DE CERVO VOLVE RECLAMAR Á DEPUTACIÓN UNHA XESTIÓN UNIFICADA DO MUSEO DO MAR E QUE ASUMA A SÚA AMPLIACIÓN

🏠O Concello cedería á institución provincial a edificación contigua que foi adquirida para ampliar o museo e facilitar así o desenvolvemento do proxecto

O equipo de goberno de Cervo levou ao pleno municipal unha proposta para solicitar á Deputación Provincial de Lugo que asuma a ampliación do Museo do Mar e a súa xestión, co obxectivo de garantir un modelo de funcionamento unificado, coherente e eficiente para todo o complexo museístico.

A iniciativa foi ratificada por unanimidade de toda a Corporación municipal, amosando o consenso existente sobre a necesidade de avanzar nesta liña.

🛥️O Museo do Mar é un espazo fundamental para a conservación e difusión do patrimonio cultural, histórico e identitario de Cervo, estreitamente vinculado ao mar e á tradición mariñeira de San Ciprián. Por iso, o Concello considera prioritario garantir o seu futuro cun proxecto global que permita integrar adecuadamente as instalacións actuais e a futura ampliación.

Nos últimos anos, o Concello de Cervo vén traballando para facer posible este proxecto, impulsando diferentes actuacións, entre elas a adquisición de terreos anexos ao equipamento actual. Neste sentido, a disposición municipal é clara: o Concello está disposto a ceder á Deputación a edificación contigua situada nestes terreos para facer posible o proxecto, co fin de que a institución provincial poida asumir a súa execución e garantir unha xestión integrada do conxunto.

✅Ademais, o Concello vai acometer con fondos propios a humanización da contorna do Museo do Mar, unha actuación destinada a mellorar este espazo e a súa integración no ámbito urbano de San Ciprián.

A proposta aprobada polo pleno reclama que a Deputación avance na definición do modelo de xestión e asuma tamén a futura ampliación, establecendo co Concello a fórmula xurídica e administrativa máis axeitada para facer efectiva esta colaboración entre ambas as administracións.
A alcaldesa, Dolores García Caramés, pide á institución provincial que dea cumprimento ao acordo plenario e abra unha vía de diálogo efectiva para concretar os seguintes pasos.
🗣“A Corporación municipal ao completo comparte a necesidade de que o Museo do Mar teña unha xestión unificada e un proxecto de futuro. Desde o Concello estamos poñendo os medios ao noso alcance, adquirindo os terreos necesarios e mellorando a contorna, e estamos dispostos a ceder á Deputación a vivenda contigua ao actual museo para que poida asumir a ampliación e garantir un funcionamento coordinado de todo o complexo”, sinala.

🙌A rexedora subliña que o obxectivo é evitar duplicidades e aproveitar os recursos públicos da maneira máis eficiente posible. “O que queremos é que a ampliación se faga realidade e que o museo funcione como un único equipamento, cunha planificación coherente e cunha xestión que estea á altura da importancia do noso patrimonio marítimo. Agora cómpre que a Deputación se sente co Concello e concretemos como avanzar”, engade.

🤝Desde o Concello de Cervo agardan que o respaldo unánime da Corporación municipal sirva para avanzar con determinación nesta demanda e que a Deputación Provincial de Lugo dea os pasos necesarios para acordar unha solución que permita desenvolver a ampliación e garantir o futuro do Museo do Mar de San Ciprián como referente cultural e patrimonial do municipio.

19/10/2026

💗 O CONCELLO DE CERVO CAMIÑA UNIDO NA LOITA CONTRA O CANCRO DE MAMA 🌸

Esta tarde celebramos en Cervo unha andaina moi especial, compartindo pasos, ilusión e esperanza nunha xornada de apoio á loita contra o cancro de mama

👏 Desde o Concello de Cervo, queremos agradecer de corazón a todas as persoas que participastes nesta andaina, pola vosa presenza, implicación e solidariedade. Grazas por sumarvos a esta causa e por demostrar que, camiñando xuntos, podemos dar visibilidade a unha loita que nos une a todos e todas.

🌷 A actividade rematou coa creación dun pequeno xardín de plantas de tempada de cor rosa na contorna do parque Reina Sofía, unha fermosa maneira de simbolizar esta xornada, a loita e a esperanza.

💗 Queremos facer tamén un agradecemento moi especial a Mulleres de San Ciprián polo cariño e a dedicación que puxeron na decoración da cafetaría da Casa do Mar, creando un ambiente moi especial, en tons rosas, no que compartimos unha merenda ao remate da andaina. Grazas por contribuír a que esta tarde fose aínda máis bonita e significativa.

📸 Iremos subindo máis fotografías desta tarde tan especial para compartir con todos e todas os momentos vividos.

🌸 Grazas por camiñar con nós, por colaborar e por formar parte desta iniciativa.

En Cervo, seguimos camiñando xuntos na loita contra o cancro de mama 💗

14/10/2026

💟🚶‍♀️O CONCELLO DE CERVO ORGANIZA UNHA ANDAINA POPULAR POLO DÍA MUNDIAL CONTRA O CANCRO DE MAMA

👉A cita será o LUNS 19 de outubro, ⏱ás 17:30 horas, e o punto de encontro será 📌o peirao de San Ciprián

🎆 Os diferentes edificios municipais tamén se iluminarán de cor rosa, para sensibilizar á poboación sobre a importancia da detección precoz, para mellorar o prognóstico e a supervivencia das pacientes que padecen esta enfermidade.

🤝Anímate a participar!

11/10/2026

💙 Máis benestar

🍽🤝O CONCELLO DE CERVO ADHÍRESE AO PROGRAMA “XANTAR NA CASA” PARA FACILITAR UNHA ALIMENTACIÓN EQUILIBRADA E APOIAR ÁS PERSOAS MAIORES E DEPENDENTES

↪️O Pleno aprobou a integración do Concello no Consorcio Galego de Servizos de Igualdade e Benestar e a solicitude de inclusión no programa, que contará inicialmente cun máximo de 15 persoas usuarias

O Concello de Cervo dá un novo paso no reforzo dos servizos de atención e apoio ás persoas maiores, dependentes ou en situación de vulnerabilidade coa súa adhesión ao programa “Xantar na Casa”, tras a aprobación no Pleno da integración do municipio no Consorcio Galego de Servizos de Igualdade e Benestar e do convenio específico para a implantación deste servizo no termo municipal.

A iniciativa parte da necesidade detectada polos Servizos Sociais municipais de contar con medidas de apoio que permitan garantir unha alimentación equilibrada ás persoas que máis o necesitan, ao tempo que se favorece a súa permanencia no propio domicilio e se contribúe a evitar situacións de institucionalización.

O programa “Xantar na Casa” permitirá ofrecer un servizo de comida a domicilio, facilitando que as persoas beneficiarias poidan manter unha alimentación adecuada sen ter que abandonar o seu fogar.

A adhesión aprobada polo Pleno establece inicialmente un máximo de 15 persoas usuarias e contempla unha achega económica municipal de 1,95 euros por persoa e día, cun custo máximo anual estimado de 10.676,25 euros.

🗣A alcaldesa de Cervo, Dolores García Caramés, sinala que “a posta en marcha de ‘Xantar na Casa’ supón incorporar un novo recurso á rede de atención social do Concello e, sobre todo, ofrecer unha resposta concreta a persoas que poden ter dificultades para garantir por si mesmas unha alimentación axeitada”.

🏡“Queremos que as persoas maiores e dependentes poidan permanecer nas súas casas, na súa contorna e preto das súas familias durante o maior tempo posible, contando cos apoios necesarios para facelo con seguridade e calidade de vida”, apunta a rexedora.

🤝García Caramés destaca tamén que “desde o Concello estamos permanentemente atentos ás necesidades que trasladan os nosos Servizos Sociais e a propia veciñanza, e neste caso consideramos que a adhesión a ‘Xantar na Casa’ é unha ferramenta moi útil para complementar os recursos municipais existentes”.

“Falamos dun servizo que vai máis alá de facilitar unha comida: é tamén unha medida de apoio, acompañamento e autonomía persoal, que pode contribuír a mellorar o día a día das persoas beneficiarias e das súas familias”, engade.

✅️Unha vez que o convenio adquira plena vixencia, os Servizos Sociais do Concello de Cervo serán os encargados de tramitar as solicitudes.
A alcaldesa subliña que “seguimos ampliando e mellorando os recursos cos que contamos para atender ás persoas que máis apoio necesitan, apostando por políticas sociais próximas, útiles e adaptadas ás necesidades reais da nosa veciñanza”.

Con esta adhesión, o Concello de Cervo continúa avanzando na creación dunha rede de apoio que favoreza a autonomía persoal, o benestar e a permanencia no fogar das persoas maiores e dependentes.

📸Na foto, reunión da alcaldesa, Dolores García Caramés, a concelleira de Servizos Sociais, Pilar Armada, e as profesionais municipais deste departamento.

08/10/2026

💙 CERVO AVANZA!

Case 2 MILLÓNS DE EUROS en novos investimentos para seguir mellorando o noso municipio.

🏗️ Máis infraestruturas, mellores servizos e novos espazos públicos.

💪 Contas saneadas, xestión responsable e investimentos de futuro.

03/10/2026

👏👏Esta fin de semana todos/as a Castelo a desfrutar das Festas!