29/06/2026
👀 Cambios no Regulamento Xeral de Circulación para mellorar a protección das persoas usuarias vulnerables da vía.
PRINCIPAIS CAMBIOS
Os principais cambios introducidos no Regulamento Xeral de Circulación agrúpanse en seis grandes bloques:
1) Condutores de vehículos de mobilidade persoal (VMP)
👉 Fíxase en 15 anos a idade mínima para conducir un VMP.
👉 Deberán utilizar obrigatoriamente casco de protección e chaleco reflector durante a noite ou en situacións de escasa visibilidade. Os profesionais que circulen en VMP deberán utilizalo en todo momento. Ambas as dúas condutas constitúe nunha infracción grave con sanción económica de 200 €.
👉 Estes vehículos deberán levar sempre acendida a iluminación.
👉 Fóra dos núcleos urbanos poderá permitirse a circulación dos VMP por vías segregadas do tráfico de vehículos de motor, como vías ciclistas ou carrís bici.
2) Ciclistas
👉 Elimínanse as exencións do uso do casco e todas as persoas ciclistas deberán levalonas vías interurbanas.
👉 As persoas ciclistas que desenvolvan a súa actividade profesional neste vehículo (riders) deberán utilizar en todo momento casco de protección e chaleco reflector. Ambas as dúas situación constitúe nunha infracción grave con sanción económica de 200 €.
👉 O condutor que adiante unha persoa ciclista nunha vía interurbana deberá reducir a velocidade en, polo menos, 20 quilómetros por hora respecto ao límite establecido na vía.
👉 Ademais, nas calzadas con máis dun carril por sentido, o condutor que adiante deberá cambiar completamente de carril, ademais de deixar unha separación lateral de 1,5 metros.
👉 Nas vías urbanas:
- As persoas ciclistas circularán preferentemente polo centro do carril para mellorar a súa seguridade.
- Os condutores de vehículos de motor deberán manter unha separación mínima de 5 metros coas persoas ciclistas que circulen diante deles no mesmo carril.
- Naquelas vías dun só carril nas que a velocidade estea limitada a 30 quilómetros por hora ou menos, e logo da correspondente sinalización, a autoridade municipal poderá permitir a circulación das bicicletas nos dous sentidos.
3) Usuarios de motocicletas
👉 É obrigatorio o uso de luvas de protección para condutores e pasaxeiros de motocicletas e ciclomotores nas vías interurbanas, así como de calzado pechado en todo tipo de vías. Ambas as dúas obrigas constitúe nunha infracción grave con sanción económica de 200 €.
👉 Permítese a circulación de motocicletas polo arcén dereito cando exista conxestión de tráfico, sen superar a velocidade de 30 quilómetros por hora e sempre que o tramo estea debidamente sinalizado.
👉 Os cascos de protección das persoas usuarias de ciclomotores deberán estar obrigatoriamente homologados e non simplemente certificados.
👉 Os riders que desenvolvan a súa actividade profesional en motocicleta deberán levar chaleco reflector en todo momento. Constitúe unha infracción grave con sanción económica de 200 €.
4) Equipamento de protección
👉 Elimínanse as exencións ao uso do cinto de seguridade que existían para condutores de taxi, vehículos de transporte de mercadorías e vehículos de ensino da condución. A partir de agora deberán leval oposto en todo momento.
👉 Establécese unha excepción para as persoas pasaxeiras das ambulancias asistenciais acondicionadas para permitir asistencia técnico-sanitaria en ruta cando, durante un servizo de urxencia, ocupen o habitáculo do paciente.
5) Outras normas nas vías interurbanas
👉 Os vehículos que adianten outros inmobilizados por accidente, avaría, labores de auxilio, mantemento ou regulación do tráfico deberán deixar unha separación lateral de 1,5 metros e reducir a velocidade en, polo menos, 20 quilómetros por hora respecto ao límite da vía.
👉 Nas autoestradas e autovías, cando a circulación resulte dificultada pola neve, quedará prohibido adiantar e circularase unicamente polo carril dereito, deixando libre o carril esquerdo para a circulación dos vehículos de emerxencia e quitaneves.
👉 Cando, debido a unha retención, os vehículos circulen ao paso dunha persoa peón ou se deteñan, deberán arrimarse de maneira que deixen un espazo central libre para permitir o paso dos vehículos da policía e dos demais servizos de emerxencia, espazo denominado «carril de emerxencia».
6) Outras normas nas vías urbanas
👉 Nos pasos para peóns regulados por semáforos, como norma xeral, non poderá coincidir a luz ámbar intermitente para vehículos coa luz verde para peóns.
👉 Dótase de entidade xurídica aos camiños escolares seguros, definíndo os como o conxunto de vías acondicionadas pola autoridade competente para favorecer que os nenos e as nenas se despracen aos centros escolares a pé, en transporte público ou utilizando medios de mobilidade non motorizados.
👉 Regúlase a manobra de estacionamento das autocaravanas, que non poderán despregar elementos propios que excedan o perímetro do vehículo, entendido como a súa proxección en planta; deberán descansar unicamente sobre os neumáticos e non poderán verter fluídos procedentes do habitáculo.
ENTRADA EN VIGOR
O Real Decreto aprobado este martes polo Consello de Ministros entrará en vigor o día 1 de outubro de 2026, agás os artigos referidos á iluminación obrigatoria para os VMP e ao casco homologado para as persoas usuarias de motocicletas, que o farán o 1 de outubro de 2027.
Pola súa parte, o artigo relativo á obrigatoriedade do uso de luvas de protección homologadas será efectivo cando entre en vigor a orde ministerial que regule as súas especificacións técnicas; mentres tanto, utilizaranse luvas de protección das mesmas características ca as que se empregan na actualidade.
