Psoe Ribeira

07/10/2026

🔴 Hoxe, Rueda negouse a blindar na lei galega de violencias dixitais a atención innmediata ás mulleres e as nenas que as sofren. A violencia machista tamén se exerce detrás dunha pantalla. E a resposta non pode quedar en palabras.

Queremos prevención desde as aulas: aprender a identificar o acoso sexual en liña, previr a chantaxe e a captación de menores e educar no consentimento e nunha mirada crítica sobre a pornografía.

Porque tamén na rede, educar é protexer.

30/09/2026

A TVG fai copia e pega do que di Feijoó.

29/09/2026

Onte tamén tratamos no pleno a ampliación da bolsa de horas do SAF. Cando se aprobou o novo prego, xa advertimos de que o servizo previsto era insuficiente. Seis meses despois, segundo os datos expostos na sesión, hai 107 veciños e veciñas pendentes de atención, un deles cun grao III de dependencia recoñecido. Falamos de persoas que precisan un servizo esencial e dunha situación que non se pode normalizar nin reducir a un simple problema administrativo.

O Goberno municipal leva meses sacando peito da súa planificación e de facer ben as cousas, pero a realidade que temos enriba da mesa é esta: 107 persoas sen atender. Mostramos o noso malestar porque non se pode permitir que veciños que teñen recoñecida unha situación de dependencia e precisan axuda no seu día a día teñan que seguir agardando por un servizo ao que teñen dereito.

Ribeira tivo dous alcaldes no que levamos de lexislatura, pero só un concelleiro responsable de Servizos Sociais. E durante todo este tempo non se solicitou unha ampliación da bolsa de horas ata agora, cando a situación xa chegou a este punto. En marzo advertimos de que o prego era insuficiente. Seis meses despois, os datos demostran que aquelas advertencias tiñan fundamento.

O SAF non pode xestionarse chegando sempre tarde aos problemas. Detrás de cada número hai unha persoa dependente e unha familia que precisa unha resposta. E ter 107 veciños e veciñas agardando por atención esixe explicacións e, sobre todo, solucións.

29/09/2026

Onte, no Pleno, volvemos tratar a nova residencia de maiores de Ribeira. Un proxecto que parte dunha explicación que a día de hoxe segue sen sosterse: o PP e a Xunta afirmaron que As Saíñas se vía afectada por unha nova normativa que impedía construír alí. Esa normativa non apareceu. O Goberno do Estado confirmou que non existía ningunha modificación legal que impedise continuar co proxecto e o propio arquitecto municipal concluíu que non había ningunha norma que prohibise construír a residencia naquela parcela.

En lugar de continuar cun proxecto xa redactado e nunha localización integrada na cidade, pretenden levar a residencia a San Roque, no medio do monte, afastando do día a día de Ribeira a persoas maiores que, en moitos casos, serán dependentes. Para nós, detrás desta decisión hai dúas claves políticas. A primeira é impedir que unha obra desta importancia se levase adiante mentres Ribeira estaba gobernada por unha maioría que non era do Partido Popular. Resulta difícil obviar, ademais, que a Xunta acaba de anunciar 24 novos centros residenciais, á marxe do de Ribeira, e que 22 dos 24 concellos seleccionados están gobernados polo PP.

A segunda clave é Abesadas B. Onte chegaron mesmo a amosar planos durante o Pleno. O goberno ten claro cara onde quere facer medrar Ribeira: cara a esa zona, desenvolvendo Abesadas B e poñendo en risco o pouco espazo verde periurbano que aínda conserva a cidade. Esa é a nosa valoración política do que está ocorrendo: política do ladrillo coa residencia como escusa.

Por iso votamos en contra. Aceptar agora a cesión destes terreos á Xunta suporía asumir definitivamente que a residencia non se pode facer nas Saíñas, cando a día de hoxe non existe ningunha norma que o impida. E significaría renunciar a todo o traballo e aos cartos públicos xa investidos nun proxecto que estaba moito máis avanzado.

Aínda queda unha mínima posibilidade. Moi pequena, pero existe. A sesión alongouse tanto que finalmente non se chegou a votar a reversión ao Concello dos terreos das Saíñas. Quizais no próximo Pleno aínda esteamos a tempo de que entren en razón e de evitar que Ribeira renuncie definitivamente a unha residencia integrada na cidade para substituíla por un proxecto no monte e ligado ao desenvolvemento urbanístico de Abesadas.

25/09/2026

Denuncian la inacción del Gobierno municipal en proyectos clave como la modificación urbanística del artículo 90 o el reglamento para regular el estacionamiento de caravanas

24/09/2026

O 3 de setembro, desde o PSdeG solicitamos, xunto co BNG e os concelleiros non adscritos, un pleno extraordinario para pedir explicacións sobre o futuro da residencia pública de maiores de Ribeira. Hoxe, 24 de setembro, rematou o prazo legal de quince días hábiles sen que a alcaldesa convocase esa sesión.
Non se trata dunha interpretación. A Lei de Bases de Réxime Local establece que, cando a Presidencia non convoca o pleno dentro dese prazo, queda automaticamente convocado para o décimo día hábil seguinte, correspondéndolle ao secretario municipal notificalo aos membros da Corporación. Por iso o pleno celebrarase o 8 de outubro.
Presentar agora a intervención do secretario como se fose simplemente o procedemento ordinario deixa fóra un dato esencial: este mecanismo automático entra en funcionamento precisamente porque a alcaldesa non convocou o pleno dentro do prazo legal. Así, unha solicitude rexistrada o 3 de setembro non se debaterá ata o 8 de outubro. A propia alcaldesa confirmou hoxe que será o secretario quen notifique mañá a sesión desa data.
Nesa sesión queremos respostas concretas. ¿Por que se abandona realmente o proxecto das Saíñas despois dos recursos públicos e do traballo xa investidos nel? ¿Que documentación técnica xustifica definitivamente ese cambio? ¿Que hai avanzado na nova localización? ¿Cando existirá un novo proxecto e con que financiamento? E, sobre todo, ¿Canto tempo adicional vai supoñer empezar de novo?
A residencia leva anos esperando. O pleno extraordinario é o lugar para presentar a documentación, explicar as decisións adoptadas e responder ás preguntas dos grupos que solicitaron a sesión. O que queremos o 8 de outubro son datos, documentos, prazos e explicacións.

08/09/2026

04/09/2026

La oposición fuerza un Pleno extraordinario en Ribeira para exigir avances en la residencia de mayores

04/09/2026

La alcaldesa, María Sampedro, sostiene que los trámites no se han parado y que la parcela de San Roque estará segregada en días para poder cedérsela a la Xunta

05/08/2026

No pleno do pasado luns presentamos unha proposta para que Ribeira conte cun regulamento que permita ordenar e controlar as caravanas, autocaravanas e vehículos vivenda.

Durante a nosa quenda de réplica aclaramos varias cuestións. En primeiro lugar, lembramos que o PP votou en contra dos orzamentos de 2024 e abstívose nos de 2023. Por iso resulta incoherente que agora critique á oposición por votar en contra dos orzamentos deste ano, facendo ver que iso significa opoñerse a todo.

Tamén respondemos ao PBBI, que afirmou que gobernan "por e para os veciños". Neste caso, fano grazas a unha proposta do PSdeG de Ribeira. Esta cuestión levaba varios plenos sobre a mesa sen que o Goberno actuase. Foi necesario que a levásemos ao Pleno para conseguir un acordo unánime.

Explicamos tamén que durante a nosa etapa no Goberno non se construíu unha área de autocaravanas porque as parcelas e os custos non eran os adecuados, apostando por potenciar os negocios privados que xa prestaban este servizo.

Regular non é ir contra o turismo. É favorecer a convivencia. O problema actual non é a falta de normas, senón a existencia de múltiples disposicións legais que dificultan o traballo da Policía Local. Un regulamento municipal permitirá simplificar a súa aplicación, unificar criterios e ofrecer maior seguridade xurídica tanto aos axentes como aos usuarios.

A proposta foi aprobada por unanimidade. Agora agardamos que o Goberno municipal cumpra co acordado e elabore canto antes este regulamento para que Ribeira dispoña dunha normativa clara que ordene e controle este tipo de vehículos.