14/10/2026
Obradoiro de Batchcooking no Concello de Ribeira
Cociña para toda a semana con sabor a mar.
🐟 O GALP Ría de Arousa impulsa cursos prácticos para organizar sesións de cociñado para toda a semana, incorporando produto pesqueiro na dieta. As persoas asistentes poderán aprender da man do cociñeiro Miguel Mosteiro, con Valeria Freijedo, nutricionista de Arela Saúde.
🍲 A parada en Ribeira será no 19 e 20 de outubro, de 17.00 a 21.00 horas, na aula de cociña da praza de abastos. Ensinarán receitas e técnicas sinxelas para cociñar produtos do mar sen perder sabor nin propiedades, chaves para saber que especies se conservan mellor na neveira ou no conxelador, e trucos para optimizar o tempo na cociña e reducir o desperdicio alimentario.
🎁 É preciso reservar praza a través da web www.pescasaude.gal ou no 627 570 949. As persoas participantes recibirán un receitario, unha guía de consellos e información nutricional, así como un mandil e unha bolsa da compra exclusiva feita con redes e plásticos reciclados elaborada pola Asociación de Redeiras de Cariño en colaboración coa Aula Sostible do Freixo (Outes).
