¿Cuál es el horario de apertura?

Lunes 08:00 - 14:00 Martes 09:00 - 14:00 Miércoles 09:00 - 14:00 Jueves 09:00 - 14:00 Viernes 09:00 - 14:00

CIM Compostela

Cómo llegar Página web Contactar con la organización

Área de Igualdade do Concello de Santiago de Compostela

22/10/2026

18 de outubro Día Europeo contra a Trata de Seres Humanos
A trata non é só un delito. É unha grave vulneración dos dereitos humanos que priva ás persoas da súa liberdade, autonomía e dignidade.
Detrás destas situacións existen desigualdades e circunstancias de desprotección que as persoas tratantes aproveitan para exercer control e explotación.
Por iso, combater a trata tamén significa garantir dereitos, ofrecer protección e non responsabilizar as vítimas da situación que sofren.
Recursos en Santiago de Compostela:
• Policía Local: 092 · 981 542 323
• CIM: 660 309 731
• Emerxencias: 112

21/10/2026

18 de outubro Día Europeo contra a Trata de Seres Humanos
A trata non sempre responde á imaxe que temos dela. Pode producirse sen cruzar fronteiras e adoptar diferentes formas de explotación. O engano, as ameazas, o control ou o abuso dunha situación de vulnerabilidade poden estar detrás de realidades que pasan desapercibidas.
Coñecer como funciona é o primeiro paso para poder recoñecela e actuar.
Recursos en Santiago de Compostela:
•Policía Local: 092 · 981 542 323
•CIM: 660 309 731
•Emerxencias: 112

17/10/2026

ISTO TAMÉN VAI CONTIGO...
Con motivo do Día Europeo contra a Trata de Seres Humanos, mañá, domingo 18 de outubro, instalaremos un punto informativo e de sensibilización na Praza do Toural, en Santiago de Compostela.
De 11:00 a 18:00 h, poderás achegarte para coñecer máis sobre a trata de seres humanos, resolver dúbidas e acceder aos materiais informativos da campaña.
A trata é unha grave vulneración dos dereitos humanos. Coñecela é un primeiro paso para recoñecela e actuar.

16/10/2026

ISTO TAMÉN VAI CONTIGO
18 DE OUTUBRO - DÍA EUROPEO CONTRA A TRATA DE SERES HUMANOS
TRATA de ti, TRATA de min, TRATA de todas nós.
Achégate ao Punto Informativo da campaña para coñecer máis sobre a trata de seres humanos, resolver dúbidas e acceder aos materiais da campaña.
Praza do Toural · Santiago de Compostela
Domingo, 18 de outubro de 2026
De 11:00 a 18:00 h
Sé parte da solución, non do problema.

14/10/2026

A igualdade tamén se constrúe nas cousas cotiás.
Repartir os coidados e as tarefas, escoitar as necesidades das demais persoas, respectar os límites, coidar desde o bo trato e garantir que todas as voces poidan participar nas decisións son accións que contribúen, día a día, a construír unha sociedade máis igualitaria.
REPARTIR. ESCOITAR. RESPECTAR. COIDAR. DECIDIR.
Poden parecer pequenos xestos, pero forman parte dun cambio máis amplo: construír relacións, familias e espazos máis xustos e igualitarios.
E esta idea tamén se traslada ao ámbito das políticas públicas. O V Plan Municipal de Igualdade de Santiago de Compostela establece obxectivos e medidas para avanzar cara á igualdade entre mulleres e homes.
Porque a igualdade tamén se constrúe desde o día a día, pero tamén desde o compromiso das institucións.
Queres saber máis sobre as medidas e actuacións do Concello en materia de igualdade?
Consulta o V Plan Municipal de Igualdade na web do CIM Compostela.
Atoparalo en cimcompostela.santiagodecompostela.gal
E ti, que outras accións do día a día cres que tamén son igualdade?

09/10/2026

Troula Segura: desfrutar tamén é facelo con seguridade.
Este venres comeza unha fin de semana de festa e ocio para moitas persoas. E queremos lembrar algo importante: a diversión e o respecto deben ir sempre da man.
O ocio nocturno tamén debe ser un espazo no que todas as persoas poidan desfrutar con liberdade, igualdade e seguridade.
O Protocolo Troula Segura é unha ferramenta para previr e actuar fronte ás violencias se***is e LGTBIfóbicas nos espazos de ocio nocturno de Santiago de Compostela.
Previr. Actuar. Coidar.
Porque ningunha forma de violencia ten cabida na nosa troula.
Queres coñecer o protocolo? Consulta o Protocolo Troula Segura, a súa guía operativa e outros recursos na web do CIM Compostela.
cimcompostela.santiagodecompostela.gal

05/10/2026

Moitas das ideas que temos sobre o que significa ser muller ou home apréndense desde a infancia.
«As nenas son máis tranquilas», «os nenos non choran», «as mulleres coidan mellor»… Son frases que escoitamos tantas veces que poden chegar a parecernos naturais.
Pero os estereotipos inflúen na maneira na que pensamos, actuamos e nos relacionamos. Cuestionalos permítenos abrir novas posibilidades e construír relacións máis libres e igualitarias.

Identificar é o primeiro paso. Cuestionar, unha forma de cambiar.

A igualdade tamén se aprende. E podemos comezar cada día.
Descubre máis recursos e información na web do CIM Compostela.
cimcompostela.santiagodecompostela.gal

02/10/2026

Outubro chega á Casa Xohana Torres con novas propostas para crear, aprender, compartir e reflexionar arredor da igualdade.
Este mes atoparás actividades para diferentes intereses, desde espazos de reflexión e formación ata obradoiros creativos e propostas para traballar pola diversidade, os coidados e a igualdade.
2, 8 e 9, 14, 20 e 28 de outubro
Consulta na imaxe toda a programación e escolle a actividade que máis che interese.
Todas as actividades son gratuítas.
Inscricións e máis información en Casa Xohana Torres ou en:
Casa Xohana Torres
Rúa Bernardo Barreiro, s/n · Santiago de Compostela

01/10/2026

A coordinación tamén é unha ferramenta para previr e combater a violencia de xénero.
A Mesa Local de Coordinación Interinstitucional contra a Violencia de Xénero reuniuse en Santiago para seguir avanzando no traballo conxunto entre os diferentes ámbitos implicados na prevención e atención da violencia de xénero.
Na xuntanza abordouse, entre outras cuestións, o reforzo da sensibilización entre a mocidade e a continuidade do traballo coordinado entre institucións, entidades e profesionais.
Traballar en rede permite compartir coñecementos, mellorar a coordinación e seguir fortalecendo a resposta fronte á violencia de xénero.
Queres coñecer máis sobre o traballo do CIM Compostela e os recursos dispoñibles? Visita a nosa web.
cimcompostela.santiagodecompostela.gal

Dirección

Rúa Isaac Díaz Pardo, 2-4 (Galeras)
Santiago De Compostela
15701

Horario de apertura

Lunes	08:00 - 14:00
Martes	09:00 - 14:00
Miércoles	09:00 - 14:00
Jueves	09:00 - 14:00
Viernes	09:00 - 14:00

Página web

https://cimcompostela.gal/

Notificaciones

Sea el primero en enterarse: le enviaremos un correo electrónico cuando CIM Compostela publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Organización

Enviar un mensaje a CIM Compostela:

¿Quieres que tu organización aparezca en primer lugar en la categoría servicio gubernamental en Santiago de Compostela?