26/10/2026
Un medio como Faro da Costa ten que ser que saque as verdades da xestion do PP en Galicia na Xunta de Galicia na SANIDADE PÚBLICA. Ca complicidade do PP de Teo. E de Nnxx de Teo os seus heredeiros...
Queixas pola atención no centro de saúde de Teo: problemas coas citas, falta de pediatras e teléfonos sen resposta
A dificultade para conseguir citas, as longas esperas e a falta de atención telefónica provocan o malestar das familias usuarias do centro de saúde de Teo.
As queixas pola atención sanitaria no centro de saúde de Teo continúan. Segundo denuncia unha persoa usuaria, os problemas para conseguir citas, a falta de resposta telefónica e as demoras nas consultas dificultan o acceso á asistencia médica.
Unha das principais preocupacións é a imposibilidade de contactar co centro, mesmo para solicitar citas urxentes para menores. Esta situación obriga algunhas familias a acudir presencialmente, chegando a ter que faltar ao traballo, o que complica a conciliación familiar e laboral.
A persoa denunciante tamén alerta da falta de pediatras nalgunhas quendas no centro de Cacheiras e asegura que, en varias ocasións, tivo que recorrer a urxencias ante a imposibilidade de conseguir atención para os seus fillos.
As críticas esténdense tamén ao trato recibido por parte dalgúns profesionais, ás longas esperas e á xestión das citas, que, segundo o testemuño, acaba provocando derivacións ao Punto de Atención Continuada (PAC) sen unha solución satisfactoria.
Ademais, a persoa afectada asegura que intentou cambiar de centro de saúde, pero non atopou alternativas por falta de prazas dispoñibles.
As familias reclaman solucións urxentes, unha atención telefónica efectiva, máis recursos sanitarios e un trato respectuoso. A situación exposta reabre o debate sobre a accesibilidade e a calidade da atención primaria en Teo.
As queixas recollidas corresponden ao testemuño dunha persoa usuaria e están pendentes de contraste coa dirección do centro e as autoridades sanitarias.
