Concello de Toén

13/10/2026

Un libro, mil historias por descubrir!

A Deputación de Ourense pon en marcha unha nova convocatoria de axudas para a adquisición de libros de lectura, dirixida ás persoas nacidas no ano 2008 ou posteriores e empadroadas nalgún concello da provincia de Ourense.

📖 A axuda permite adquirir un libro por persoa beneficiaria cun importe máximo de 20 € (IVE incluído). Se o libro supera esa cantidade, só haberá que aboar a diferenza.

📅 Do 15 de outubro ao 18 de decembro de 2026.

As solicitudes realizaranse a través de https://plandelectura.depourense.gal, onde recibirás un código persoal para retirar o libro nun dos establecementos adheridos.

Desde o Concello de Toén animamos ás familias a aproveitar esta iniciativa para seguir fomentando a lectura entre a infancia e a mocidade.

11/10/2026

🍴 Rematou o VI Concurso de Pinchos «Toén a Bocados»!
Esta edición foi todo un éxito, cunha participación que superou todas as expectativas, establecementos cheos, algúns incluso esgotando os seus pinchos, e unha acollida extraordinaria por parte da veciñanza e visitantes.
Coas votacións pechadas e as valoracións do xurado profesional xa realizadas, só queda agardar para coñecer os gañadores desta edición.
Mentres tanto, queremos lembrar todas as propostas que puidemos degustar durante estes días e agradecer a participación dos establecementos e de todas as persoas que vos animastes a facer a ruta.
😋 E agora contádenos... Que vos pareceron os pinchos deste ano? Cal vos sorprendeu máis?
Moi pronto coñeceremos os resultados!

03/10/2026

02/10/2026

Este sábado 3 de outubro, Meaba acolle a II Mostra Etno-Audiovisual dos Bens do Entroido, a partir das 16:30 h no Centro de Interpretación do Entroido de Mugares, con entrada gratuíta.

01/10/2026

📢 Mugares contará oficialmente coa Praza do Labardeiro.
Este sábado 3 de outubro, ás 12:30 h, terá lugar o acto de nomeamento da Praza do Labardeiro, situada fronte á Fonte do Tellado, en Mugares.
A denominación, aprobada polo Pleno da Corporación do Concello de Toén, pon en valor unha figura estreitamente ligada á tradición e á identidade de Mugares.
Convidamos a toda a veciñanza a acompañarnos neste acto.
📍 Praza fronte á Fonte do Tellado, Mugares
📅 Sábado 3 de outubro
🕧 12:30 h

30/09/2026

📣 XA COÑECEMOS O XURADO PROFESIONAL DE TOÉN A BOCADOS!
O noso alcalde, Ricardo González-Vallejo, estivo en COPE Ourense xunto ao xornalista Juan Maceiras para presentar os tres profesionais que formarán parte do xurado do VI Concurso de Pinchos «Toén a Bocados», que se celebrará os días 2, 3, 9 e 10 de outubro.
Tres nomes moi ligados á gastronomía ourensá e cunha ampla traxectoria profesional:

-José González, propietario e xerente de Taberna Pulperia Atarazana , un dos locais de referencia do casco histórico de Ourense. Atarazana conta cun Solete da Guía Repsol e José González foi recoñecido cun dos Gorros Blancos de Xantar pola súa traxectoria na hostalaría ourensá.

-José Antonio Pérez Rodríguez, «Pepe Callos», á fronte do bar fuentefria e con máis de medio século ligado á hostalaría. En 2025 recibiu o Premio Pepe Solla ao labor de toda unha vida dedicada á gastronomía nos Premios de Gastronomía de Galicia. La Voz de Galicia

-Paco Gómez, de Pulpería Asador A Feira Ourense , referente da gastronomía galega e especialmente do polbo á feira. Foi recoñecido como Mellor Pulpeiro de España en 2015 e Mellor Cociñeiro de Tapas de Galicia en 2019. Restaurante A Feira Ourense

Un xurado con experiencia, coñecemento do produto e moitos anos de oficio que terá a responsabilidade de valorar as propostas desta edición de Toén a Bocados.
📅 2, 3, 9 e 10 de outubro
🕗 De 20:00 a 23:00 h
Preparádevos, porque en poucos días… Toén está para comelo! 😋

25/09/2026

📢 Actualización do horario da inauguración de As Pombeiras.

A inauguración do novo campo de fútbol municipal celebrarase finalmente o luns 28 de setembro ás 20:00 h.

Convidamos a toda a veciñanza a acompañarnos e coñecer estas novas instalacións deportivas do Concello de Toén.

Vémonos en As Pombeiras! ⚽

24/09/2026

OBRADOIRO DE EMPREGO | PRAZO ATA MAÑÁ

O Concello de Toén informa da convocatoria do obradoiro dual de emprego «Concellos rurais da comarca de Ourense: Barbadás, Taboadela e Toén IV», que combina formación e experiencia laboral para persoas desempregadas.

As persoas interesadas en participar teñen ata mañá, 25 de setembro, para informarse sobre o proceso de selección.

🔗 Consulta a información e as bases completas na páxina web do Concello de Toén: https://concellodetoen.sedelectronica.es/preview-document/bc49aa1a-147e-46b7-9be6-9ba48a5f1084/