23/09/2026
PREGUNTAS · PLENO DE SETEMBRO
❓ PREGUNTAS | PLENO DE SETEMBRO
No vindeiro Pleno, o Grupo Municipal do Partido Popular de Vilalba formulará 9 preguntas ao goberno municipal:
1️⃣ Que prezos se estableceron para persoas empadroadas e non empadroadas na comida da Xira dos Maiores?
2️⃣ Cantas horas extraordinarias realizou a Policía Local, incluídos efectivos doutros concellos, durante as festas de San Ramón e Santa María e cal foi o custo destes servizos?
3️⃣ Por que non apareceron dispoñibles en Sporttia as actividades das escolas deportivas municipais tras anunciarse esta posibilidade de inscrición?
4️⃣ Que dispositivo de reforzo e planificación da limpeza se estableceu durante as festas patronais?
5️⃣ Despois de destinar 15.000 € aos traballos do inventario de camiños, por que non se contestaron as alegacións presentadas e por que se destinan agora outros 11.000 € para esa finalidade?
6️⃣ En que situación se atopa actualmente o Museo de Prehistoria e Arqueoloxía de Vilalba?
7️⃣ Cantos nenos e nenas están inscritos actualmente no servizo Concilia na Tarde?
8️⃣ Ante a falta de persoal en departamentos como a Biblioteca Municipal, que previsión existe para evitar o peche do servizo?
9️⃣ Que medidas se estudan para mellorar a circulación, a accesibilidade e os aparcadoiros da vila, especialmente o das Pedreiras?
