23/06/2026
🎓✨ Unha tarde para lembrar ✨🎓
O pasado 𝟭𝟮 𝗱𝗲 𝘅𝘂ñ𝗼, o Auditorio Municipal de Valga acolleu a graduación do alumnado de 𝟮º 𝗱𝗲 𝗕𝗮𝗰𝗵𝗮𝗿𝗲𝗹𝗮𝘁𝗼, unha celebración chea de emocións, recordos e moitas ganas de futuro 💚
O acto, presentado por 𝗔𝗶𝗻𝗵𝗼𝗮 𝗦𝗼𝗯𝗿𝗶𝗻𝗼 e 𝗗𝗮𝘃𝗶𝗱 𝗕𝗮ñ𝗼́𝗻, estivo marcado polos momentos compartidos, as lembranzas destes anos e a ilusión por todo o que está por vir 👏✨
Un dos momentos máis especiais foi a entrega dos diplomas ao alumnado graduado, un pequeno símbolo de todo o esforzo, as horas de traballo e a constancia que os trouxeron ata aquí 📚🎓
Durante a cerimonia tamén se recoñeceu o excelente rendemento académico de J𝗲𝘀𝘂́𝘀 𝗟𝗮𝗳𝘂𝗲𝗻𝘁𝗲, distinguido co 𝗣𝗿𝗲𝗺𝗶𝗼 𝗔́𝗻𝗴𝗲𝗹 𝗖𝗮𝗿𝗿𝗮𝗰𝗲𝗱𝗼 na modalidade de Ciencias, e de 𝗠𝗮𝗿𝘁í𝗻 𝗢𝘁𝗲𝗿𝗼, na rama de Humanidades e Ciencias Sociais 🏆✨
Nos seus discursos, os estudantes lembraron que, máis alá das notas e dos exames, o que realmente levan consigo son as amizades, as experiencias compartidas e todos eses momentos que fan especial a etapa vivida no instituto 💭😊
Foi un pracer vervos medrar e acompañarvos durante estes anos. Agora comezan novos camiños, novos retos e novas oportunidades. Desexámosvos moita sorte nesta nova etapa e que nunca deixedes de apostar por aquilo que vos ilusiona e vos fai felices 🚀💚
