IES A Basella

07/10/2026

Unha xornada de aventura en Silleda 🧗‍♀️🏹

O vindeiro martes 13 de outubro, o alumnado do noso centro desfrutará dunha xornada moi especial en Fervenza Aventura, en Silleda.

Ao longo de todo o día, mañá e tarde, participaremos en diferentes actividades multiaventura, entre as que se inclúen o rocódromo, tiro con arco e outras propostas pensadas para g***r, superar retos e compartir unha experiencia diferente fóra da aula.

Esta actividade conta coa subvención da Deputación de Pontevedra, a través do programa Vivo Rural 2026, que permite que o alumnado poida desfrutar desta experiencia practicamente de balde, xa que a Deputación asume o custo da entrada ao parque e as familias só terán que facerse cargo do desprazamento.

Sen dúbida, será unha magnífica oportunidade para aprender, divertirse e vivir unha auténtica xornada de aventura en contacto coa natureza. 🌿

29/09/2026

visitando a nosa web ( https://www.edu.xunta.gal/centros/iesabasella/ ) poden acceder á información útil sobre o proxecto edixgal , os equipos dos seus fillos/as e as condicións do seguro.

Non dubiden en consultar con nós calquera dúbida relacionada co proxecto E-dixgal.

18/09/2026

09/09/2026

Xa estamos de volta!

Hoxe demos comezo a un novo curso académico, retomando a actividade con ilusión e moitas oportunidades por diante.

Co obxectivo de favorecer un regreso ás aulas positivo e facilitar a adaptación, en 1.º e 2.º da ESO, desenvolvéronse diversas dinámicas de grupo orientadas a fomentar a cooperación, fortalecer a convivencia e favorecer a integración do novo alumnado a través de obradoiros de xogos matemáticos na aula de Polos Creativos, na biblioteca, na aula de debuxo e dinámicas de xogos no pavillón de educación física.

O noso propósito é que o alumnado máis pequeno poida coñecer e familiarizarse cos novos compañeiros e espazos do centro dun xeito dinámico.

Iniciamos así un novo camiño de aprendizaxe nunha comunidade educativa cada vez máis cohesionada.

08/09/2026

Consellos para comezar o curso co bo pé.

03/09/2026

Estimadas familias:

Desde o IES A Basella queremos darlles a benvida ao novo curso escolar. Un curso que traerá novas oportunidades de seguir medrando como persoas e compartindo soños e proxectos. Un curso que nos ofrecerá momentos de estudo e de preparación para construír entre todos un mundo mellor.

Tanto aos que se incorporan ao noso centro por primeira vez, como aos que continuan de cursos anteriores, tedes a nosa cordial e afectuosa benvida.

O vindeiro mércores, 9 de setembro, dará comezo o curso para as etapas de Secundaria e Bacharelato co seguinte horario de presentacións.

9:00 -- 1º ESO
9:15 -- 2º ESO
9:30 -- 3º ESO
9:45 -- 4º ESO
11:00 -- 1º BAC
11:30 -- 2º BAC

Ao remate das mesmas comezarán as clases no seu horario.

07/04/2026

Xa está aberto o prazo para a solicitude de Bolsas e axudas para alumnado de niveles postobrigatorios, bacharelato, FP e estudos universitarios o vindeiro curso 2026/2027. O prazo de presentación de solicitudes estará aberto dende o 7 de abril de 2026 ata o 18 de maio do 2026 ás 15h. Toda a información sobre esta convocatoria atópase no Portal de Becas de Educación.

Los ministerios de Educación y Formación Profesional y de Universidades trabajan para que todas las personas tengan acceso a la carrera que desean.

19/03/2026

Estamos de noraboa, o noso IES foi recoñecido como centro de excelencia en Meteoescolas por un proxecto que combinou ciencia, educación e realidade local. O traballo centrouse en analizar a relación entre a meteoroloxía e a producción de mexillón, transformando os datos do tempo nunha ferramenta educativa vinculada á economía e á vida da comarca.

O alumnado do instituto rexistrou datos diarios con instrumentos proporcionados por MeteoGalicia e comparounos cos rexistros oficiais, entendendo como variables meteorolóxicas e oceanográficas afectan o sector mexillonero. Complementaron o proxecto con actividades prácticas, como charlas do CIMA e visitas a centros de formación e a MeteoGalicia, que lles amosaron a importancia do traballo en equipo e de distintas titulacións científicas.

19/12/2025

Este ano, no noso centro, o Club de Ciencias puxo mans á obra para deseñar e construís unha árbore matemática de Nadal seguindo a tradición que comezón hai dios anos. O alumnado traballou con patróns xeométricos, rectas envolventes e deseños de bolas con motivos STEM.

Ademais, o Comité de Solidariedade levou a cabo a tradicional recollida de alimentos destinada ás persoas máis necesitadas nestas datas. Grazas á implicación de toda a comunidade educativa —alumnado, profesorado e familias— este ano conseguimos recoller 64 kg de alimentos, unha cifra que reflicte o compromiso da nosa comunidade.

Dúas accións diferentes pero cun mesmo fondo: aprender a construír un mundo mellor.