Ethiopian Statistical Service-ESS

02/10/2026

29/09/2026

የኢትዮጵያ ብሔራዊ ብራንዲግ ግንዛቤ ጥናት ለማካሄድ የሚያስችል ስልጠና እየተሰጠ ይገኛል
መስከረም 19/2019ዓ.ም አዲስ አበባ፣
ኢትዮጵያኖች እና የሌላ አለም ዜጎች ስለ ኢትዮጵያ ያላቸውን ግንዛቤ ለማወቅ የሚያግዝ የኢትዮጵያ ብሔራዊ ብራንዲግ ግንዛቤ ጥናት ለማካሄድ የሚያስችል ስልጠና ከተቋሙ 14 ቅ/ጽ/ቤት ለተውጣጡት ከፍተኛ ባለሙያዎች በተቋሙ ዋና መስሪያ ቤት እየተሰጠ ይገኛል፡፡
የጥናቱ ዓላማ ከጥናቱ የሚገኙትን መረጃ እንደመነሻ በመውሰድ የኢትዮጵያ ብሔራዊ ብራንዲግ መሻሻል ያለመ እንደሆነ ተገልጿል፡፡
ጥናቱን የኢትዮጵያ ስታስቲስቲክስ አገልግሎት፣ ፕላንና ልማት ሚኒስቴር፣ ፖሊሲ ጥናት ኢንስትቲዩት እና የውጪ ጉዳይ ፖሊሲ ጥናት ኢንስትቲዩት በጋራ ያከናውናሉ፡፡

25/09/2026

ዓመታዊ የግብርና ጥናት የመስክ ሥራ በጥሩ ሁኔታ እየተከናወነ መሆኑ ተገለፀ
መስከረም 15/2019ዓ.ም አዲስ አበባ፣
የመኽር ወቅት የግብርና ናሙና ጥናት የመስክ ሥራ በጥሩ ሁኔታ እየተከናወነ መሆኑ የተቋሙ የሕዝብ ግንኙነትና ኮሚኒኬሽን ቡድን በአዳማ ቅ/ጽ/ቤት ስር በሚገኙት ኢተያ፣ ቆቃ እና ወንጂ አካባቢ ባሉት የቆጠራ ቦታዎች ባደረገው የመስክ ጉብኝት ለማወቅ የተቻለ ሲሆን በ27ቱ ቅርጫፍ ጽ/ቤት ስር በሚገኙት በገጠር 3150 እና በከተማ 1480 የቆጠራ ቦታዎች ስራው በተመሳሳይ ሁኔታ እየተከናወነ ይገኛል፡፡
የግብርና ናሙና ጥናት በየዓመቱ ሀገራችን የግብርና ሴክተር ምርትና ምርታማነት ዕድገትን፤ የእንስሳት ሀብት ብዛትና አስተዋጽኦ እንዲሁም ሌሎች ከግብርና ሥራ ጋር የተያያዙ የስታቲስቲክስ መረጃዎችን ለማስገኘት የሚከናወን የተቋሙ ቁልፍ ተግባር ነው፡፡

05/09/2026

የሀገር አቀፍ የሥራ ሥምሪት እና የፍልሰት ስታቲስቲክስ ጥናት ውጤት ይፋ ተደረገ
ነሐሴ 30/2018ዓ.ም አዲስ አበባ፣
የኢትዮጵያ ስታቲስቲክስ አገልግሎት ከመስከረም 2017ዓ.ም ጀምሮ ለአንድ ዓመት ስያካሂድ የቆየው የብሔራዊ የተቀናጀ የቤተሰብ ጥናት አካል የሆነውን የሥራ ሥምሪትና የፍልሰት ስታቲስቲክስ ጥናት ውጤት ሪፖርት ይፋ አደረገ፡፡
በመረጃ ስርጭት ወርክሾፕ ላይ የተገኙት የተቋሙ ዋና ዳይሬክተር ክቡር ዶ/ር በከር ሻሌ ባለፉት የመካከለኛ ዘመን (2016-2018) በስታቲስቲክስ የልማት እቅድ ከታቀዱት ዋና ዋና የመረጃ ልማት ውስጥ በየወሩ ከሚሰራጨው የገበያ ዋጋ መረጃ በተጨማሪ የስነ ህዝብ እና ጤና ጥናት ተጠናቆ ለተጠቃሚዎች ይፋ መደረጉን አንስተው በዛሬው ዕለት የስራ ስምሪት እና የፍልሰት መረጃዎችን ለተጠቃሚዎች ይፋ እንደሚደረግ ገልጸው፤ ይፋ የሚደረገው ሀገር አቀፍ የሥራ ሥምሪትና ፍልሰት መረጃዎች መንግስታዊ ወቅታዊ የሆነ የሥራ ሥምሪት እና የፍልሰት ፖሊስና ዕቅድ ለማዘጋጀት እንዲሁም ክትትልና ድጋፍ ለማድረግ ቁልፍ ሚና እንደሚኖረው አስረድተው ፣ተቋሙ በዚህ ደረጃ ውጤታማ እንዲሆን መንግስት ለስታቲስቲክስ ልማት በሰጠው ትኩረት ሀብት እና ሎጂስቲክስ እንዲሟላ በማድረግ፣የፕላን እና ልማት ፣የገንዘብ ሚኒስቴር፣የተለያዩ መንግስት ሴክተሮች ፣የክልሎችና የከተሞች መስተዳድር አካላት ፣ የሙያ ማህበራት እና የጥናት ኢንስቲትዩቶች፣ ዩንቨርስቲዎች ፣የሀገራችን ቴክኒክ እና ሙያ ኮሌጆች ፣ የአለም የሥራ ድርጅት(ILO) እና የአለም ስደተኞች ድርጅት(IOM)) ለተደረገው የቴክኒክ ፤ፋይናንስ ድጋፍና ትብብር እንዲሁም ለዚህ ቀን እስከምንደርስ ድረስ ሙያው የሚጠይቀውን ዲሲፕሊን ጠብቀው ፤ሥራውን በላቀ ደረጃ እንዲፈጸም ላደረጉት ከተቋሙ ከፍተኛ አመራር እስከ መረጃ ሰብሳቢዎች ድረስ ሀላፊነታቸውን በአግባቡ ለተወጡ መላው የአገልግሎቱ ባለሙያዎች ምስጋና አቅርበዋል፡፡
በመረጃ ስርጭት ወርክሾፕ ላይ ተገኘተው የመክፍቻ ንግግር ያደረጉት የፕላንና ልማት ሚኒስቴር ሚኒስትር ዴኤታ ክቡር አቶ በረከት ፍስሃጽዮን ኢትዮጵያ የስታቲስቲክስ መረጃ ሉአላዊነቷን ለማረገጋጥ የሚያስችላትን ክ2016-2018 ዓ.ም የቆየ ሶስት ዓመታት የስታቲስቲክስ ልማት ስትራቴጂ ቀርጻ ተግባራዊ ማድረግ እንደተቻለ ገልጽው ዛሬ ይፋ የተደረጉት የሥምሪት እና የፍልሰት መረጃዎች ፤ለቀጣይ አመታት በሀገራችን የሥራ ሥምሪትና ፍልሰትን በሚመለከት ለሚዘጋጁት ፖሊስ፤ ስትራቴጂና ዕቅድ ቀረጻ እንደ ዋናኛ ግብዓት እንደሚያገለግል በማስረዳት የጥናቱ መስክ ስራና ሪፖርት ዝግጅት በስኬት ተጠናቀው ለተጠቃሚዎች እንዲደርስ በትጋት ለሰሩት፣ ለተቋሙ ከፍተኛ አመረራሮች ፣ለመላው ሰራተኞች፣ድጋፍና ትብብር ላደረጉ ለፌዴራል፣ ለክልል የመንግስት አካላትና ሌሎች ባለድርሻ አካላት ምስጋና አቅርበዋል፡፡
የአለም አቀፍ የስራ ድርጅት (International lobour Organization/ILO) የምስራቅ አፍሪካ ሀገራት ዋና ዳይሬክተር አቶ ኩንቡላ ነዳበ ( Mr. Khumbula Ndaba) ድርጅታቸው የኢትዮጵያ ስታቲስቲክ አገልግሎት ወቅታዊና ጥራቱ የተሟላ የሰው ሀይል ስምሪት መረጃ ለማቅረብ የሚያደርገውን ጥረት መደገፉን አጠናክሮ እንደሚቀጥል ገልጿል።
የመረጃው ተጠቃሚዎች መረጃውን ከዛሬ ጅምሮ ከተቋሙ ድረ-ገፅ www.ess.gov.et. ላይ ገብተው ማግኘት እንደሚችሉ ተገልጿል፡፡

28/08/2026

ለተቋሙ ባለሙያዎች በሜታ ዳታ ላይ ሲሰጥ የቆየው ስልጠና ተጠናቀቀ
ነሐሴ 22/2018ዓ.ም አዲስ አበባ፣
የኢትዮጵያ ስታቲስቲክስ አገልግሎት ከኖርዌይ ስታቲስቲክስ ጋር በመተባበር ከተቋሙ የተለያዩ ስራ ክፍል ለተውጣጡ ከፍተኛ ባለሙያዎች በሜታ ዳታ አስፈላጊነትና አዘገጃጀት ላይ በተቋሙ የስልጠና ማዕከል ሲሰጥ የቆየው ስልጠና ተጠናቀቀ፡፡
የስልጠናው መጠናቀቂያ ላይ የተገኙት የተቋሙ ዋና ዳይሬክተር ዶ/ር በከር ሻሌ ሰልጣኞች በስልጠናው ያገኙትን ዕውቀትና ግንዛቤ ወደ ተግባር እንዲለወጡ የስራ መመሪያ ሰጥተው ፤ለተደረገው ድጋፍ የኖርዌይ ስታቲስቲክስንና ስልጠናውን ሲሰጡ ለቆዩትን የኖርዌይ ስታቲስቲክስ ከፍተኛ ባለሙያ ሚስተር አላን ሔብሪሰንን(Allan Hebrysson) አመስግነዋል።