Addis Ababa City Administration Bureau of Finance

10/11/2026

10/11/2026

በCOP31 በአንታሊያ ከአፍሪካ ልማት ባንክ የአየር ንብረት ለውጥ ዳይሬክተር ፕሮፌሰር አንቶኒ ኦኮን ንዮንግ እና የGlobal Covenant of Mayors አምባሳደር እና የፓሪስ ቀድሞ ከንቲባ አን ሂዳልጎ ጋር ተገናኝተን በአዲስ አበባ የአየር ንብረትና ዘላቂ የከተማ ልማት ጉዳዮች ዙሪያ ተወያይተናል።

በተለይም የአየር ንብረት ፋይናንስን በቀጥታ ለከተሞች ማድረስ፣ የፕሮጀክት ዝግጅትና አፈጻጸም አቅምን ማጠናከር፣ እንዲሁም በአረንጓዴ ልማት፣ በወንዝ ዳርቻ ልማት፣ በከተማ መልሶ ማልማትና በከተማ ግብርና የተገኙ ልምዶችን ለመማማርና ለመለዋወጥ የሚያስችሉ የትብብር መስኮችን ለማጠናከር ተስማምተናል።

አዲስ አበባ የCOP32 አስተናጋጅ ከተማ በመሆኗ፣ የአፍሪካ ከተሞችን የጋራ የአየር ንብረት ቅድሚያዎች፣ የፋይናንስ ፍላጎቶችና የልማት አጀንዳ በአንድ ድምፅ ለዓለም ማቅረብ የሚያስችል መድረክ ለመፍጠር ትልቅ እድል አላት።

የጋራ ድምፃችንን በማጠናከር፣ የአፍሪካ ከተሞችን የልማት ፍላጎት፣ የፋይናንስ ተደራሽነትና የቴክኖሎጂ ትብብር እናሳድጋለን።

ፈጣሪ ኢትዮጵያንና ህዝቦቿን ይባርክ!

ከንቲባ አዳነች አቤቤ

10/11/2026

የአዲስ አበባ ኮሪደር ልማት እና የዓለም አቀፍ ተወዳዳሪነት

አዲስ አበባ አህጉራዊ መቀመጫነቷን ተንተርሳ ለዘመናት የዲፕሎማሲ ማዕከል ሆና አገልግላለች።

ሆኖም ፈጣን የሕዝብ ዕድገት፣ ያረጁ የመሠረተ ልማት አውታሮች እና ያልተቀናጀ የከተማ ማስፋፋት ለረጅም ዓመታት የመዲናዋን ተወዳዳሪነት እና የነዋሪዎቿን የኑሮ ጥራት ሲፈታተኑ ቆይተዋል።

አሁን ላይ የተጀመረው የኮሪደር ልማት አዲስ አበባን በቀጣናው ብቻ ሳይሆን በአፍሪካ እና በዓለም አቀፍ ደረጃ ከሚገኙ ዘመናዊ ከተሞች ጋር የሚያስተካክላትን ታላቅ የከተማ ትራንስፎርሜሽን እውን እያደረገ ይገኛል።

የኮሪደር ልማቱ ቀደም ሲል የነበሩትን የተበታተኑ የመሠረተ ልማት ሥራዎች በማቀናጀት አጠቃላይ የከተማ ውበትን እና አገልግሎትን ማዕከል ያደረገ አቀራረብን የተከተለ ነው፡፡

በዚህም ሰፋፊ የመኪና መንገዶች፣ የተለዩ የብስክሌት መስመሮች እና ምቹ የእግር መንገዶች ተገንብተዋል። ይህም የትራፊክ እንግልትን ከመቀነሱም በላይ የሕዝብ ትራንስፖርት ፍሰትን አቀላጥፏል።

በመሠረተ ልማት ረገድም የፍሳሽ ማስወገጃ፣ የኤሌክትሪክ እና የቴሌኮም መስመሮች በመሬት ስር የተቀናጀ አደረጃጀት እንዲኖራቸው ተደርጓል።

በተጨማሪም መዲናዋን ለነዋሪዎች እና ለጎብኚዎች ምቹ ለማድረግ ሰፋፊ የሕዝብ መዝናኛ ፓርኮች፣ የውኃ ፋውንተኖች፣ የሕዝብ አደባባዮች እና አረንጓዴ ስፍራዎች በመንገድ ዳርቻዎች እንዲስፋፉ ተደርጓል።

የኮሪደር ልማት ከመሠረተ ልማት ማሻሻያነት አልፎ የመዲናዋን ኢኮኖሚያዊ እንቅስቃሴ የሚያነቃቃ ዋና ሞተር ነው።

ለንግድ ተቋማት፣ ለሆቴሎች እና ለሪል እስቴት አልሚዎች አዲስ የዕድገት መስኮት ከፍቷል።
አዳዲሶቹ ፓርኮች፣ የታሪክ እና የባህል ማዕከላት ከአጠቃላዩ የልማት እንቅስቃሴ ጋር ተዳምረው አዲስ አበባን የኮንፈረንስ ቱሪዝም (MICE) እና የዕረፍት ጊዜ መዳረሻ አድርገዋታል።

እንዲሁም በግንባታው ወቅት ከተፈጠሩት ጊዜያዊ ሥራዎች ባሻገር በተስፋፉ የንግድ እና የአገልግሎት ዘርፎች ዘላቂ የሥራ ዕድሎች ተፈጥረዋል።

ነዋሪዎች ከቤታቸው ወጥተው የሚዝናኑባቸው እና ስፖርት የሚሠሩባቸው ነፃ የሕዝብ ቦታዎች መበራከታቸውም የአካል እና የአዕምሮ ጤናን ያጠናክራል።

የአዲስ አበባ የኮሪደር ልማት ከተማዋን ከድሮው የኮንክሪት እና የትራፊክ መጨናነቅ ገጽታዋ አውጥቶ ወደ ዘመናዊ፣ አረንጓዴ እና ለኑሮ ምቹ ከተማነት እየቀየራት ይገኛል።

ተግዳሮቶቹን በማመጣጠን እና አካታች የከተማ ዕድገትን በመከተል አዲስ አበባ የአፍሪካ የዲፕሎማሲ ማዕከልነቷን ብቻ ሳይሆን በአህጉሪቱ እና በዓለም አቀፍ ደረጃ ቀደምት ዘመናዊ እና ተወዳዳሪ ከተማ የመሆን ራዕይዋን በተግባር እያረጋገጠች ትገኛለች።

09/11/2026

We warmly invite visitors to explore the Ethiopian Pavilion at and learn more about Ethiopia’s climate action, development priorities, innovation, and rich cultural heritage.

Discover the country’s efforts to advance sustainable development through renewable energy, green growth initiatives, environmental conservation, and climate resilience programs.

Engage with experts, explore partnership and investment opportunities, and gain insights into Ethiopia’s vision for a greener and more sustainable future.

Pavilion Schedule: https://ethiopiapavilion.info/

09/11/2026

በCOP31 የኢትዮጵያ ፓቪሊዮን በይፋ ተከፈተ 🇪🇹

በቱርኪዬ አንታሊያ መካሄድ በጀመረው COP31፣ የኢትዮጵያ ፓቪሊዮን በውጭ ጉዳይ ሚኒስትር እና የCOP32 ተመራጭ ፕሬዚዳንት ክቡር ጌዲዮን ጢሞቴዎስ (ዶ/ር) እና በፋይናንስ ሚኒስትር እና የCOP32 ዋና ተደራዳሪ ክብርት ፍጹም አሰፋ (ዶ/ር)፣ እና የቀጣዩ COP32 አዘጋጅ ከተማ ከንቲባ አዳነች አቤቤ በይፋ ተከፍቷል። በመክፈቻ ሥነ-ሥርዓቱ ላይ ተጋባዥ እንግዶች፣ ዲፕሎማቶች፣ የኢትዮጵያ ልዑክ ቡድን አባላት፣ የአጋር ድርጅቶች ተወካዮች እና ሌሎች ተሳታፊዎች ተገኝተዋል።

09/11/2026

የህግና አሠራር ማዕቀፎች የህዝብና የመንግሥት ሀብት ከብክነት ለመከላከል ያላቸው አዎንታዊ ተጽዕኖ ከፍተኛ መሆኑ ተገለጸ::
# # # # # # # # # # # # # # # # # # # # # # # # # # # # # # # # # # # # # # # # # # # # # # # # # # # # # #
ጥቅምት 30/2019 ዓ.ም ፋይናስ ቢሮ

በአዲስ አበባ ከተማ አስተዳደር የፋይናንስ ቢሮ የፋይናንስ አሠራር ሥርዓቱን ይበልጥ ለማጠናከር፣ ግልጽነትን ለማስፈንና ተጠያቂነትን ለማረጋገጥ የሚያስችሉ ልዩ ልዩ ረቂቅ መመሪያዎችን ለባለድርሻ አካላት የማስተዋወቅና የመወያያ መድረክ ተካሄደ።

በውይይት መድረኩ ላይ የመንግሥት ንብረት ኦዲት መመሪያ፣ የርክክብ አፈጻጸም መመሪያ፣ የዋስትና መመሪያ እና የንብረት አስተዳደር መመሪያን ጨምሮ በየዘርፉ የተዘጋጁ ረቂቅ መመሪያዎች ለባለድርሻ አካላት ቀርበው ጥልቅ ውይይት ተደርጎባቸዋል።

በመድረኩ የመመሪያዎቹ መዘጋጀት ያስፈለገበትን ዋና ዓላማ አስመልክቶ በተደረገው ማብራሪያ፤ በየጊዜው በሰርኩላርና በአመራር ውሳኔ ይሰሩ የነበሩ የሥራ እንቅስቃሴዎችን በጠንካራ፣ በጸደቀ እና ወጥ በሆነ መመሪያ ለማስተዳደር እንዲሁም በሕግ ፊት ተቀባይነትና አስገዳጅነት እንዲኖራቸው ለማስቻል የታለመ መሆኑ ተገልጿል።

ከተማችን አዲስ አበባ ከደረሰችበት የፈጣን ልማትና ዕድገት አኳያ ሲታይ፣ እነዚህ ወጥ የሆኑ የህግና የአሠራር ማዕቀፎች በከተማዋ የልማት እንቅስቃሴ ላይ የሚኖራቸው ጠቀሜታ የላቀ ነው።

የተዘረጋው ዘመናዊ የፋይናንስና የንብረት አስተዳደር ሥርዓት የበጀት አጠቃቀምን ቀልጣፋ በማድረግ፣ የሀብት ብክነትን በመከላከል እና ግልጽነትን በማስፈን የልማት ርብርቡ ያለ ማንም መስተጓጎልና በታቀደለት ፍጥነት እንዲቀጥል ከፍተኛ አስተዋጽኦ እንደሚያበረክቱ ተገልጿል።

ተሳታፊዎች በበኩላቸው ረቂቅ መመሪያዎቹ መዘጋጀት ወቅቱ የሚጠይቀውን የፋይናንስ ዲሲፕሊን ለማስፈንና የሥራ ክፍተቶችን ለመሙላት ያለውን የላቀ አስፈላጊነት ተናግረዋል፡፡ በየጊዜው በሰርኩላር ይሰራ የነበረውን አሠራር በሕግ ማዕቀፍ ውስጥ በማስገባት ወጥ እንዲሆን ማድረግ የዘርፉን አፈጻጸም አስተማማኝ እንደሚያደርገው ገልጸው፤ በሂደቱ ላይ ገንቢ አስተያየቶችንና ማሻሻያ ሀሳቦችን አቅርበዋል።

በማጠቃለያ ከተሳታፊዎች ለተነሱ አስተያየትና ጥያቄዎች ምላሽ የሰጡት የዘርፉ አመራሮች ሕጋዊና አስተማማኝ መሠረት ያላቸው አሠራሮች መዘርጋታቸው በልማት ሥራዎች ላይ የሚሳተፉ አካላትን ኃላፊነትና ተጠያቂነት በማጠናከር፣ የህዝብና የመንግሥት ሀብት ለታለመለት የልማት ዓላማ ብቻ እንዲውል በማድረግ ረገድ ትልቅ አዎንታዊ ተጽዕኖ እንደሚኖራቸው ገልጸዋል፡፡
ከውይይቱ በኋላ ባሉት ጥቂት ቀናት ውስጥ መመሪያዎቹ የባለድርሻ አካላትን ተጨማሪ አስተያየቶች ሙሉ በሙሉ ያካተቱ እንዲሆኑ ለማድረግ ሲባል፣ በፋይናንስ ቢሮ ዌብሳይት (aacbof.gov.et) ላይ በመግባት የበኩላቸውን አስተያየት እንዲሰጡ ማሳሰቢያ በመስጠት መድረኩ ተጠናቋል።


ታማኝ ፈጣን እና ወቅታዊ መረጃዎችን ለማግኘት የቢሮውን ማኅበራዊ ሚዲያ ማስፈንጠሪያ ይጠቀሙ እናመሰግናለን !!
ዌብሳይት:- aacbof.gov.et
ፌስቡክ:-https://www.facebook.com/aabof.gov.et?mibextid=ZbWKwL
ቴሌግራም:- https://t.me/AACABOFP
ዩቲዩብ:- youtube.com/channel/UCTPN7Re7T7tp_ekAhVuw2uA
ዋትሳፕ:-https://chat.whatsapp.com/FLSn12vRmsR9JsKUVDWxgtuuuu
ቲክቶክ፡- Addis Ababa finance bureau

09/11/2026

የአዲስ አበባ ከተማ ከንቲባ አዳነች አቤቤ በቱርክዬ አንታሊያ ከተማ የCOP 31 ጉባኤ ላይ ለመሳተፍ አንታሊያ ገብተዋል

ክብርት ከንቲባ አዳነች አቤቤ በአንታሊያ ቆይታቸው ከተለያዩ ሀገራት የአየር ንብረት ለውጥ ተደራዳሪ ቡድኖች እና ከአጋር አካላት ጋር ውይይት ያደርጋሉ ተብሎ ይጠበቃል።

በውይይታቸውም ኢትዮጵያ በአዲስ አበባ በቀጣይ የሚካሄደው COP 32 አካታች፣ በተግባር ላይ ያተኮረና ተጨባጭ ውጤት የሚያስገኝ እንዲሆን የጋራ መግባባትን እና ትብብርን ለማጠናከር ያለሙ እና ከCOP 31 ወደ COP 32 የሚደረገውን ሽግግር በተሳለጠ ሁኔታ ለማስቀጠል ትኩረት በማድረግ ነው፡፡

በዚህ መድረክ በተለይም አዲስ አበባ ከተማ የአየር ንብረት ለውጥ ተፅዕኖ ለመቋቋም ያደረገችውን ከፍተኛ አስተዋጾኦ ለሌሎች ሀገራት ልምዷን ታካፍላለች፡፡

07/11/2026

አዲሲቷ አዲስ አበባ የምሽት ድምቀቷ በምስል:-

07/11/2026

የሶስተኛው ዙር ኮሪደር ልማት

ከጎሮ–ኮዬ ፈጬ እስከ ቱሉ የሚዘልቀው የኮሪደር ልማት እና ከካራ–ቦሌ አየር ማረፊያ መንገድ በጎሮ እስከ አቃቂ የሚዘልቀው 22 ኪ.ሜ. የወንዝ ዳርቻ ልማት ሥራ እየተፋጠነ ይገኛል።

ከንቲባ አዳነች አቤቤ