Addis Ababa ITDB - Innovation and Technology Development Bureau

18/09/2026

አዲስ አበባ ከተማ በለውጥ እንቅስቃሴ

17/09/2026

16/09/2026

"የመዲናችን ዘመናዊ መልክ - የልህቀት ልክ !"

Addis MESOB : መስከረም 5/2019 ዓ.ም.

የአዲስ ዓመት መግቢያ፤ የላቀ ተስፋ፣ የሥራ እድሳትና የታላቅ ስኬት ማብሰሪያ ነው!

መዲናችን አዲስ አበባ የቀደመ ክብሯንና የነገውን የብልጽግና ተስፋዋን አጣጥማ ወደ ላቀ ዘመናዊነት በምትሸጋገርበት በዚህ ወሳኝ ወቅት፤ አዲስ መሶብ አንድ ማዕከል ይህንኑ ታላቅ ሕዝባዊና ተቋማዊ አደራ በክብር በመሸከም አዲሱን ዓመት በላቀ ተነሳሽነት ተቀብሏል።

አዲስ መሶብ - ከአገልግሎት ስብራት ወደ ዲጂታል ብስራት የተደረገውን ታላቅ ተቋማዊ እመርታ በተግባር ያረጋገጠ፣ የአዲሷ አዲስ አበባ የዘመናዊነትና የላቀ አገልግሎት እውነተኛ ተምሳሌት ነው።

በአንድ ማዕከል የተሳለጠ፣ የተቀናጀ እና ዘመናዊ የዲጂታል አሠራር በመዘርጋት የአገልግሎት ፈላጊዎቻችንን ጊዜና እንግልት ማስቀረት እንዲሁም አገልግሎት አሰጣጣችንን በዘመናዊ ቴክኖሎጂ በማስደገፍ፣ ደንበኞቻችንን በክብር፣ በፈገግታና በጥራት በማስተናገድ የህዝባችንን ወሰን የሌለው አመኔታ ማትረፍ ችለናል።

በአዲሱ ዓመትም ይህንኑ የልህቀት ጉዞ ይበልጥ በማጠናከር፤ በጠንካራ የቡድን መንፈስ፣ በበጎ ፈቃደኝነት መስተንግዶና በላቀ የሙያ ሥነ-ምግባር ታግዘን የተጀመረውን የለውጥ መስመር ወደ ላቀ ከፍታ ለማሸጋገር በተሟላ ቁርጠኝነት ላይ እንገኛለን። ያለፉትን ተቋማዊ ስኬቶች መነሻ በማድረግ የከተማችንን ነዋሪዎች እርካታ ሙሉ በሙሉ የሚያረጋግጥና የዜጎችን ክብር የሚያስጠብቅ ቀልጣፋ አገልግሎት ማቅረብ ሁልጊዜም ዋነኛ መሪ ሕጋችን ነው።

አዲሱ ዓመት፤ የጋራ ትጋታችን የሚያብብበት፣ የውቢቷ አዲስ አበባ የላቀ እድገትና የመልካም አስተዳደር ብስራት የሚረጋገጥበት የመዲናችን ዘመናዊ መልክ- በአዲስ መሶብ የልህቀት ልክ የሚለካበት የስራና የስኬት ዘመን ይሆናል!

Addis MESOB

The New Horizon of Service !

ለተጨማሪ መረጃ ወይም አስተያየት:

Contact Center: በ9838 ኦፕሬተሮቻችንን ያግኙ

Website: addis.mesobcenter.et

Telegram: https://t.me/addismesob ቤተሰብ ይሁኑን!

16/09/2026

የ2019 በጀት ዓመት ስትራቴጂክ ግቦች፣ ዓላማዎች እና ዝርዝር ተግባራት ዙርያ የተዘጋጀ የግንዛቤ ማስጨበጫ መድረክ ተካሄደ
****************************

ITDB፦ መስከረም 5/2019 ዓ.ም

የአዲስ አበባ ከተማ አስተዳደር ኢኖቬሽንና ቴክኖሎጂ ልማት ቢሮ ለ2019 በጀት ዓመት ለሴክተር ተቋማት ICT ዳይሬክተር እና ለክ/ከተማ ኢኖቬሽንና ቴክኖሎጂ ቡድን የሚወርድ ስትራቴጂክ ግቦች፣ ዓላማዎች እና ዝርዝር ተግባራት ዙርያ የተዘጋጀ የግንዛቤ ማስጨበጫ መድረክ ተካሄደ።

በመድረኩ የቢሮ ጽ/ቤት ሀላፊ፣ የቢሮ ዳይሬክተሮች፣ የተቋማት ICT ዳይሬክተሮችና የክ/ከተማ ኢኖቬሽንና ቴክኖሎጂ ቡድን መሪዎች ተገኝተዉበታል።

የመድረኩን መክፈቻ ንግግር ያደረጉት የቢሮ ጽ/ቤት ሀላፊ አቶ ግሩም አብተዉ የእንኳን ደህና መጣችሁ መልዕክታቸውን አስተላፈዉ የዛሬዉ መርሃ ግብር ዓላማ ከእስዛሬዉ በተለየ ከቢሮ ዘርፎች ጋር ዕቅድና መከናወን ስለሚገባቸው ተግባራት በመወያየት በዕቅድና በጀት ዳሬክቶሬት አማካኝነት ተጠምሮ ዛሬ ለዉይይት እንደሚቀርብ ገልፀዉ ይህንን መሰረት በማድረግ ወጥ የሆነ የአሰራር ስርዓት መዘርጋት የሚያስችል ሁኔታ መኖሩን በማመላከት መልካም የዉይይት ግዜን ተመኝተዋል።

የዕቅድና በጀት ዳይሬክቶሬት ተወካይ አቶ መኮንን ሞጣሎ ለ2019 በጀት ዓመት ለሴክተር ተቋማት ICT ዳይሬክተር እና ለክ/ከተማ ኢኖቬሽንና ቴክኖሎጂ ቡድን የሚወርድ ስትራቴጂክ ግቦች፣ ዓላማዎች እና ዝርዝር ተግባራትን ያቀረቡ ሲሆን ይህንን መሰረት በማድረግ ከተሳታፊዎች የተለያዩ ሀሳብ አስተያየትና ጥያቄዎች ተነስተዋል።

ከዚህ ጋር በተያያዘ የተሰጡ አስተያየቶችን እንደግብዓት በመዉሰድ የቢሮ ጽ/ቤት ሀላፊ አቶ ግሩም አብተዉ ለጥያቄዎቹ ምላሽ ሰጥተዋል። በመጨረሻም በቀጣይ መከናወን ስለሚገባቸው በ2019 አገልግሎቶችን ኦንላየን እንደሚደረግና ይህንን ተግባራዊ ለማድረግ ግንዛቤ ማስጨበጫ ስልጠና መስጠት እንደሚገባ፣ ዲጅታል 2030 ዕዉን ለማድረግ ቢሮዉ ከፍተኛ ድርሻ እንዳለዉና ከዚህ ጋር በተያያዘ ክ/ከተማና ሴክተር ተቋማት ከፍተኛ ሀላፊነት እንዳለበት፣ ዕቅድ ስናቅድ ከተቋማችን ባለፈ የከተማዉን ነባራዊ ሁኔታ ታሳቢ ያደረገ መሆን እንደሚገባዉ አቅጣጫ በማስቀመጥ መድረኩ ተጠናቋል።


ወቅታዊና ተጨማሪ መረጃዎችን ለማግኘት ዌብ ሳይት (website):https://www.aaitdb.gov.et ፌስቡክ (page):https://www.facebook.com/AAITDB
ኢሜይል (Email): [email protected]
መስመር ስልክ (Phon Number):+251-118547714

16/09/2026

በመላው ሀገራችን ለሚገኙ ተማሪዎቻችን አዲሱ የትምህርት ዘመን ስኬታማ እንዲሆን እንመኛለን!
‎
‎ወጣቱ ትውልድ ለኢትዮጵያ ትልቁ ሀብቷ በመሆኑ የ2019 ዓ.ም የትምህርት ዘመን ጅማሮን ተከትሎ፤ እያንዳንዱ ተማሪ ለላቀ እውቀት በትጋትና ጉጉት ትምህርቱን እንዲከታተል፣ ለጥሩ ውጤት በጽናት እንዲተጋ፣ እንዲሁም የሀገራችንን የወደፊት ዕድል መቅረጽ በሚያስችሉ ክህሎቶች እንዲገነባ አበረታታለሁ።
‎
‎ ዛሬ እየተገበርነው ያለው በርካታ የልማት ሥራዎች የነገን ትውልድ ታሳቢ ያደረጉ በመሆናቸው፣ የዚህ ቀጣይ ዕድል ተጠቃሚ እና ባለአደራ እንደመሆናችሁ መጠን፣ የኢትዮጵያን ታላቅ የስልጣኔ ታሪክ ወደፊት ለማስቀጠል የእናንተ ቁርጠኝነት መሠረት እንደሆነ ሙሉ እምነቴ ነው።
‎
‎ብቁ እና በራሱ የሚተማመን ትውልድ ለመገንባት በሚደረገው ጥረት ውስጥ የመምህራኖቻችን ትጋትና መሰጠት መሰረታዊ ምሰሶ ነው። ተማሪዎቻችንን ማነቃቃት፣ አቅማቸውን ማውጣት፣ እንዲሁም ነገ ተፎካካሪ ሆነው እንዲወጡ የሚያስችሏቸውን ዕውቀት፣ ክህሎትና እሴቶችን የማስታጠቅ አደራን ቀጥሉበት ስል በትህትና አሳስባለው።
‎
‎በትምህርት ዘርፉ ውስጥ ለምትገኙ ባለድርሻ አካላት በሙሉ፤ ስኬታማ እና ፍሬያማ የትምህርት ዘመን እንዲሆንላችሁ እመኛለሁ።
‎
ጠቅላይ ሚኒስትር ዐቢይ አሕመድ (ዶ/ር)

15/09/2026

የአዲስ አበባ ከተማ አስተዳደር ኢኖቬሽንና ቴክኖሎጂ ልማት ቢሮ በመስቀል ደመራ እና በኢሬቻ ክብረ በዓላት ዙሪያ የውይይት መድረክ አካሄደ
******************************

ITDB፦ መስከረም 5/2019 ዓ.ም

የአዲስ አበባ ከተማ አስተዳደር ኢኖቬሽንና ቴክኖሎጂ ልማት ቢሮ ሠራተኞችና አመራሮች በመስቀል ደመራ እና በኢሬቻ ክብረ በዓላት ዙሪያ የውይይት መድረክ አካሂደዋል።

የዉይይት መድረኩን የመሩት ኢኖቬሽንና ቴክኖሎጂ ልማት ቢሮ ም/ቢሮ ሀላፊ አቶ ዳኛቸዉ ፈለቀ በመስከረም ወር የሚከበሩ የመስቀል ደመራ እና የኢሬቼ ክብረ በዓላት ኃይማኖታዊና ባህላዊ እሴቶቻቸውን ጠብቀው እንዲከበሩ ለማድረግ ሊሠሩ የሚገባቸው የቅድመ ዝግጅት ስራዎች ላይ ሰፊ ማብራርያ የሰጡ ሲሆን የመስቀል ደመራ እና የኢሬቼ ክብረ በዓላት በባህሪያቸው የአደባባይ ላይ በዓላት መሆናቸውና ሰፊ ህዝብ የሚታደምባቸው በመሆኑ ፍፁም ሰላማዊ ሆነው እሴታቸውን ጠብቀው እንዲከበሩ የተቋሙ ሠራተኛ በመኖሪያ አካባቢው የድርሻውን መወጣት እንደሚገባ ጠቁመዋል።

በተያያዘም ኢኖቬሽንና ቴክኖሎጂ ልማት ቢሮ ም/ቢሮ ሀላፊ አቶ ነብዩ ፋቃዱ እኛ ኢትዮጵያዊያን ልዩ ባህላዊ መገለጫዎቻችንን፤ የጋራ እሴቶቻችንን በማጉላት አንድነታችንን ማጠናከርና ለጋራ አገር ግንባታ መትጋት እንዳለብን አመላክተዋል።


ወቅታዊና ተጨማሪ መረጃዎችን ለማግኘት ዌብ ሳይት (website):https://www.aaitdb.gov.et ፌስቡክ (page):https://www.facebook.com/AAITDB
ኢሜይል (Email): [email protected]
መስመር ስልክ (Phon Number):+251-118547714

15/09/2026