Oromia Culture and Tourism Bureau

Home
Ethiopia
Addis Ababa
Oromia Culture and Tourism Bureau

Call Directions Website Contact the organization

Contact information, map and directions, contact form, opening hours, services, ratings, photos, videos and announcements from Oromia Culture and Tourism Bureau, Government Organization, Addis Ababa.
(1)

The Oromia Culture and Tourism Bureau is a government bureau of the Oromia Regional state, responsible for the development of Oromo culture,History,Language , Heritage and tourism

26/09/2026

Irreecha :Waliigaltee Biyyaalessaaf!

25/09/2026

Fiigicha Guddicha Irreechaa (2nd Irreechaa Great Run)
Fulbaana 21, 2019 Magaalaa Bishooftuutti

24/09/2026

Irreechi Humna Turizimiiti!

Ummanni Oromoo seenaafi aadaawwan boonsaa danuu akka qabu beekamadha. Aadaafi duudhaawwan boonsaa kanniin keessa tokko ayyaanaa ummataa guddicha Irreecha Malkaati. Ayyaanni Irreechaa humnaafi utubaa turizimii akka ta’uf Mootummaan Naannoo Oromiyaa hojiiwwan adda addaa hojjechaa tureera.

Mootummaan Naannoo Oromiyaa xiyyeeffannoo damee kanaaf kenneen, malkaawwan cufamanii turan bansiisuu, kunuunsuu akkasumas beekkamti kennuun dhalootaa dhalootaatti akka darbu taasisuun cinaatti madda galii biyyaafi naannoo akka ta’u akkasumas carraa hojii haaraa akka umuuf sochii baldhaa taasiseera.

Irreecharraatti hirmaachuuf turistoonni biyya keessaafi alaa irraa dhufan oomishaalee hojii harkaa, uffata aadaafi faayaa adda addaa bitachuun gama tokkon gabaa haaraa gama biraatiin immoo aadaa, eenyummaafi duudhaa Oromoo kan beeksisan ta’a.

Kunis dargaggootaaf carraa hojii, naannoo keenyaaf immoo madda galii ta’uu bira darbee, dameen turizimii naannoo keenyaa dinagdee biyyaalessaa keessatti gumaacha irraa eegamu akka ba’uuf gargaara. Kanaaf mootummaan Irreechaa tiksaa, beeksisaa akkasumas eegumsa barbaachisaa Irreechaaf gochuun humnaafi utubaa dinagdee akka ta’uf caalatti kan hojjetu ta’a.

23/09/2026

Sirni Gadaa Maccaa qophii walirraa Fuudhinsa Baallii Gadaa Maccaaf Sirna ofkaltiifi Buttaa qaluu gaggeessaa jira

Uummatni Oromoo Uummata Sirna Gadaa kalaqee Addunyaaf gumaachedha.Imala Duudhaa Ganamaatti deebi'uutiin mootummaan Naannoo Oromiyaa Haaromsa Aadaa Oromoo ifoomsuun wiirtuuleen Sirna Gadaa akka jabaatu, haaromuufi humnaa'uu gochuuf hojiilee hojjatamaa tureen Uummatni Oromoo Maccaa Sirna Gadaa isaa jabeeffachaa jira.
Haaluma kanaan Godinaa Shawaa Lixaa Aanaalee garagaraatti Sirni ofkaltiifi Buttaa qaluu Adeemsa walirraa Fuudhinsa Baallii Gadaa Macatiifi karaa duudhaafi safuusaa eegeen gaggeeffataa jira.

23/09/2026

Irreecha:Waliigaltee Biyyaalessaaf
Fiigicha Irreechaa Guddicha/Irreechaa Great Run

Fiigichi Irreechaa Guddichi 2ffaan Fulbaana 21, Magaalaa miidhagduu Haarowwaniifi Giddugala Turizimii taate Magaalaa Bishooftuutti gaggeeffama. Fiigichi kun Uummata Oromoo kaabaaf Kibbaa, bahaaf dhiya jiru kan walitti fidu; Oromoofi Addunyaa kan walqunnamsiisudha. Fiigichi kun Tokkummaa, jaalala, Tokkummaa sabdaneessummaafi Hariiroo haawaasaa cimsuun shoora olaanaa qaba.

Fiigichi Kun Fiigichaa Atilootni bebbeekkamoo biyya keessaafi alaa irratti hirmaataniifi hirmaattota Kuma jahatamaa oliin gaggeeffamudha.
Namoonni galmaa'uufi uffata fiigichaa bitachuu barbaaddan Magaalaa Finfinneetti Biiroo Dargaggoofi Ispoortii Oromiyaa, Magaalaa Bishooftuutti Waajjira Dargaggoofi Ispoortii Magaalaa Bishooftuu, Magaalaa Adaamaatti waajjira OBN irraa ni argattu.

Bu'uuruma kanaan Fiigicha Guddichaa Irreechaarratti hirmaadhaa miidhagina Irreechaa ta'a

23/09/2026

Bareedduu Irreechaa/Miss Irreechaa
-----------------------------
Dorgommiin Bareedduu Irreechaa Fulbaana 20, 2019 walta'insa Biiroo Aadaafi Turizimii Oromiyaafi Hoteelaafi Rizoortii Shanan Magaalaa Bishooftuutti gaggeeffama. Kaayyoon Sagantaa kanaa Sonaaleefi Duudhaalee kabaja Ayyaana Irreechaa beeksisuudha.

23/09/2026

Irreecha: Waliigaltee Biyyaalessaaf!

Ayyaanonni ummataa nagaa, jaalalaa, tokkummaafi misooma waloo saffisiisuu keessaatti shoorri isaan qaban ol’aanaadha. Ayyaanota ummataa nagaa, jaalalaafi tokkummaa leellisaan keessaa tokko Irreecha.

Sirna Gadaa keessatti waliin hojjechuufi nyaachuun, waltumsuufi walbira dhaabbachuun, Araarri, Hawwii Gaarii waliifi biyyaaf qabaachuu akkasumas walooma leellisuufi hojiitti hiikuun duudhaa ganamaati. Irreechimmoo duudhaa kana bu’uureeffatee kabajama. Miiraa dhuka tokkummaa lallaabuun, irree obbolummaa ummattoota ta’ee irreeffatama. Humna gamtoominaa, madda jaalala, burqaa michummaafi waliin jireenyaa ta’ees akka tajaajiluurratti argama.

Ayyaanni guddaan kun dhala namaa hunda ija walqixaan ilaaluufi kabajuu, hubachuufi ittidhiyaachuudhaaf sonoota gargaaraanin kan badhaadhee waan qabuuf waliigaltee biyyaalessaaf shoora ol’aanaa qaba. Kanaafis, ummanni tokkummaan bahee sirna irreeffannaa kana kabajuufi Uumaa galateeffatu: bifaan, saalaan, umriin, amantaafi ulaagaa kamiinuu wal hinqoodu. Kana waanta’eefis, har’a irreechi sirna saboonni, sablammoonniifi ummattoonni biyyattii waloon bahanii kabajaa jiran tahuu danda’eera.
Kanaaf Tokkummaa sabdaneessummaafi Waliigaltee Biyyaalessaaf shoorri isaa olaanaadha.

22/09/2026

Guyyaa Kabaja Ayyaana Irreechaa bara 2019 Gamtaan Abbootii Gadaa Ifoomse.

Ayyaanni Irreechaa Hora Finfinnee Fulbaana 23 akkasumas Irreechi Hora Harsadee Fulbaana 24, 2019tti akka Irreenfatamu Gamtaan Abbootii Gadaa Oromiyaa ibsan.
Ayyaanni Irreechaa Ayyaana Galateeffannaa, Abdii, Tokkummaa, Jaalalaa, Araaraafi ifatti ba'uu waan ta'eef , Uummatni Oromoo hundi, Sabaaf sablammiin biyya keenyaafi Uummatni Addunyaa hundi Ayyaana Irreechaa Uummata Oromoo waliin akka kabajaniif waamicha dhiyeessanii jiru.
Ayyaanni Irreecha Hora Finfinneefi Hora Harsadee walduraa duubaan Fulbaana 23fi 24 , bara 2019 kan kabajamu ta'ee Irreechi Malkaa kanneen biroo akkaatuma Aadaa, duudhaafi safuu Irreechaatiin tartiiba isaa eeggatee kan kabajamu ta'a.
Kanaaf, Uummatni Oromoo keessummaa isaatti dhufu hunda Aadaafi duudhaa simannaa isaatiin simannaa akka taasisu waamicha dhiyeessaniiru.

22/09/2026

Mariin Haala Kabaja Ayyaana Irreechaa irratti Gamtaa Abbootii Gadaa Oromoo waliin waraqaa Qorannoo dhiyaaterratti gaggeeffamaa jira

22/09/2026

Gamtaan Abbootii Gadaa Oromoo haala Kabaja Ayyaana Irreecha bara 2019 irratti mari'ataa jira
---------------------------

Ayyaanni Irreechaa duudhaalee sirna Gadaa Oromoo keessaa tokko yoo ta'u Irreechi calaqqee eenyummaa fi ulfoo guddaa uummata Oromooti.

Mootummaan naannoos sirna jabaa kana guddisuuf Haaromsa aadaa labsee hojirra oolchaa jiruun aadaafi duudhaa Oromoo ganamaa bakka isaaf malutti deebisuuf sirnaan utubuun safuu fi safeeffannaa Oromoo iddoo isaatti deebisuu xiyyeeffannoo kennee hojjechaa jira.

Haluma kanaan guyyaa har'aa Gamtaan Abbootii Gadaa Oromoo Kanaja Ayyaana Irreechaa bara 2019 sababeeffachuun qooda fudhattoota waliin marii gaggeessaa jira.

Hooggantuun Biiroo Aadaa fi Turizimii Oromiyaa Adde Jamiilaa Simbiruu saganticharratti argamuun haasaa taasisaniin Irreecha bara 2019 karaa Aadaa,duudhaafi safuu isaa eeggateen akkasumas sochii haaromsa aadaa keenya cimsuu fi ol ka’iinsa biyyaa mirkaneessuun akka kabajuuf hojiileen gurguddoon hojjetamaa jiraachuu ibsanii jiru.

Ayyaanni Irreechaa bara kanaa yeroo ijaarsi sirna gadaa cimee fi waliigaltee biyyoolessaai marii fi marabbaan akkaataa olka'iinsa biyyaa keènyaa tumsuu danda'uun raawwatamaa jirutti ta'uun adda kan taasisu ta'uu himanii jiru.

Waggoottan darban keessatti hojii guddaa Xiyyeeffannoon hojjetamaa tureen Malkaan irreechaa yeroo dheeraaf dhokatee ture saaqamuun yeroo ammaa gara malkaa
296 oliitti akka guddatu taasisuu,
wiirtuwwaanii fi Giddu gala Aadaa
Oromoo guddisuu fi misoomsuu irratti hojiin bakka bu'ummaa hin qabne hojjetamaa jiraachuu ibsanii jiru.

Address

Addis Ababa

Telephone

+251975358055

Website

https://www.oromiatourism.gov.et/, http://t.me/oromiactb, https://whatsapp.com/channel/0029VbCSAv7Bqbr4DyM5cn0V

Alerts

Be the first to know and let us send you an email when Oromia Culture and Tourism Bureau posts news and promotions. Your email address will not be used for any other purpose, and you can unsubscribe at any time.