Afar Liberation Front

Keeniyah Prezidanti A carra taamâ gufneh addis ababa cule.

Keeniyah Prezidanti Wilyaam Rutto addis ababak Poleh Tayyaarâ booxa gufeh yan udduur Dr Abiyyi Acmad garayyo kaah abak kaa arcibese.


Wilyam Ruto Itiyoopiyal sugah yan taamah udduur namma doolatih angaaraw wagittaamal walal gexselon axcuk qambaalan.

Yamaateh yan jumqaatah Takku wayta Afrikah inkittiinoh eglah saqalih doorol Keeniya Awlisak qalalam faxah yan Rayla Odinga dooroh elle xayyoowah yan taddiiral geytimelem keenih miixiyaayi qaddoosse.


Wilyam Rutto taamâ gufneh Itiyoopiya yamaateemik afal Gabbí qaxih suudaanat taamâ gufneh gexê sugem qaddoosen.
Gabbí qaxih sudaan akah gexem Gabbí qaxih suudaanal saay kee salaam gexsit maca ceelam Gabbí qaxih suudaanih Prezidanti Salvakeer milyardeetî luk walal gexisu kinnim qadyescessen.


Wilyaam Rutto Gabbí qaxih suudaanak yuduureemih oytitte awqekkah amokradah A carra addis ababa culem timixxige.