Ethiopian Cooperative Commission

10/10/2026

09/10/2026

ወ/ሮ መሪማ ደሊል የአዲስ አበባ ከተማ አስተዳደር ኅብረት ሥራ ኮሚሽን ዋና ኮሚሽነር በመሆን ተሹመዋል።

መላው የኢትዮጵያ ኅብረት ሥራ ኮሚሽን አመራሮች እና ፈፃሚዎች ስኬታማ የሥራ ዘመን እንዲሆንልዎ እንመኛለን።

የኢትዮጵያ ኅብረት ሥራ ኮሚሽን

09/10/2026

አዋጭ ከፍተኛ የመፀዳጃ ቤት ችግር ለነበረባቸው ለሚያዚያ 23 ቅድመ መደበኛ እና አንደኛ ደረጃ ት/ቤት ተማሪዎች የመፀዳጃ ቤት አስገንብቶ አስረከበ፡፡

አዋጭ ሳኮስ በፋውንዴሽኑ አማካኝነት በየካ ክ/ከተማ ፈረንሳይ ለጋሲዮን አካባቢ በሚገኘው ሚያዚያ 23 ቅድመ መደበኛ እና አንደኛ ደረጃ ትምህርት ቤት ከፍተኛ የመፀዳጃ ቤት ችግር ለነበረባቸው ሴት ተማሪዎች ከ3 ሚሊዮን ብር በሚበልጥ ወጪ ያስገነባውን ባለ 10 ክፍል ዘመናዊ የመፀዳጃ ቤት መስከረም 28 ቀን 2019 ዓ.ም. አስመርቆ ለተማሪዎች አገልግሎት ክፍት እንዲሆን አስረክቧል።

ትምህርት ቤቱ ከዚህ ቀደም የነበረበትን አጣዳፊ የመፀዳጃቤት አቅርቦት እጥረትን በተመለከተ በመድረኩ ላይ ገለፃ ያደረጉት የየካ ክፍለ ከተማ ትምህርት ጽ/ቤት ኃላፊ አቶ ፈይሳ ወዳጆ በትምህርት ቤቱ ከ678 በላይ ሴት ተማሪዎች የሚማሩ ሲሆን ቀደም ሲል የነበሩት 8 መፀዳጃ ቤቶች ብቻ ነበሩ።

ይህም አንዱን መፀዳጃ ቤት በአማካይ ለ85 ተማሪዎች በጋራ እንዲጠቀሙ አስገድዶ የነበረ ሲሆን፣ ከስታንዳርዱ ማለትም 1 መፀዳጃ ቤት ለ25 ተማሪዎች ከሚለው በእጅጉ የራቀ እንደነበር አንስተዋል።

አዋጭ ፋውንዴሽን ባስገነባቸው ተጨማሪ 10 መፀዳጃ ቤቶች አማካኝነት አሁን ላይ አንዱን መፀዳጃ ቤት ለ37 ተማሪዎች አገልግሎት እንዲሰጥ በማስቻል ለተማሪዎች ጤና እና ንፅህና ትልቅ እፎይታን የፈጠረ ነው በማለት አመስግነዋል።

በስነ-ስርዓቱ ላይ የተገኙት የአዋጭ ሳኮስ መስራች እና ዋና ሥራ አስፈፃሚ፣ እንዲሁም የፋውንዴሽኑ መስራች እና የቦርድ ሊቀመንበር አቶ ዘሪሁን ሸለመ በበኩላቸው አዋጭ በገንዘብ ቁጠባና ብድሩ አነስተኛ ገቢ ያላቸው ዜጎች ቆጥበው ሀብት እንዲያፈሩ ከማስቻል ባለፈ በፋውንዴሽኑ አማካኝነት በተለያዩ ዘርፎች ሰው ተኮር ተግባራት ላይ በትኩረት እየሰራ እንደሚገኝ ተናግረዋል።

በተለይ በትምህርት ቤቶች ላይ ከዚህ ቀደም የመመገቢያ አዳራሽን ጨምሮ ሌሎች የትምህርት ጥራትን ለማረጋገጥ የሚረዱ ተግባራትን ማከናወን መቻሉን አንስተው አሁንም በዚህ ትምህርት ቤት ያለው የመፀዳጃ ቤት ችግር በተቀመጠው መስፈርት መሰረት ተጠቃሚ መሆን እንዲችሉ የበኩላችንን እንወጣለን ሲሉ ቃል ገብተዋል፡፡

በመጨረሻም የኢትዮጵያ ኅብረት ሥራ ኮሚሽን ኮሚሽነር ተወካይ እና የዋና ሥራ አመራር ሥራ አስፈፃሚ አቶ ዳሪቦ ቡሴር አዋጭ በፋውንዴሽኑ አማካኝነት የአቅመ-ደካሞችን ቤቶች በመገንባትና በትምህርት ቤቶች ላይ እያከናወነ ያለውን ማህበራዊ አገልግሎት አድንቀው በተለይ በትምህርት ቤቶች የሚደረጉ የመሰረተ-ልማት ግንባታዎች የነገ ሀገር ተረካቢ ትውልድን ከማነጽ አኳያ ከፍተኛ አስተዋጽኦ እንዳላቸው ገልፀዋል።

ምንጭ ፦ አዋጭ ሳኮ

08/10/2026

የኢፌዲሪ የሕዝብ ተወካዮች ምክር ቤት ጠቅላይ ሚኒስትር ዐቢይ አሕመድ (ዶ/ር) ያቀረቡትን የመደመር መንግሥት የሚኒስትሮች ምክር ቤት አባላት ሹመትን ዛሬ በይፋ አፅድቋል።

08/10/2026

ክቡር አቶ አዲሱ አረጋ የግብርና ሚኒስትር ሆነው እንዲያገለግሉ በድጋሚ ተሾሙ
******
የመደመር መንግሥት ባካሄደው 7ኛው የሕዝብ ተወካዮች ምክር ቤት 7ኛ የስራ ዘመን 1ኛ መደበኛ ስብሰባ በጠቅላይ ሚኒስትር ዐቢይ አሕመድ (ዶ/ር) አቅራቢነት ክቡር አቶ አዲሱ አረጋ የግብርና ሚኒስትር ሆነው እንዲያገለግሉ በድጋሚ ተሹመዋል፡፡

የኢትዮጵያ ኅብረት ሥራ ኮሚሽን እና መላው የኅብረት ሥራ ቤተሰብ መልካም የስራ ዘመን እንዲሆንሎዎ እንመኛለን፡፡

05/10/2026

በ7ኛው የሕዝብ ተወካዮች ም/ቤት 1ኛ ዓመት የሥራ ዘመን የምክር ቤቱ መመስረቻ 1ኛ መደበኛ ስብሰባ ላይ ጠቅላይ ሚኒስትር ዐቢይ አሕመድ (ዶ/ር) ለሁለተኛ ጊዜ የኢፌዴሪ ጠቅላይ ሚኒስትር ሆነው በመሰየም ቃለ መሃላ ፈጽመዋል።



------
በተለያዩ የማህበራዊ ሚዲያ አማራጮች ስለኅብረት ሥራ ወቅታዊ መረጃዎችን ለማግኘት👇

✅ ዩቲዩብ፦https://www.youtube.com/
**
✅ ቴሌግራም፦https://t.me/ethiocoopnews
**
✅ ትዊተር (X)፦https://x.com/Ecccoop
**
✅ ፌስቡክ፦http://facebook.com/EthiopianCooperativeCommission
**
✅ ድረ-ገጽ፦ www.fca.gov.et

05/10/2026

የሃዘን መግለጫ

የኢትዮጵያ ኅብረት ሥራ ኮሚሽን ባልደረባ የነበሩ እና በጡረታ ላይ የነበሩት ወ/ሮ አለምነሽ በየነ ከዚህ አለም ድካም አርፈዋል፡፡ በህልፈታቸውም መላው የኢትዮጵያ ኅብረት ሥራ ኮሚሽን ሠራተኞች ጥልቅ ሐዘን የተሰማን ሲሆን ለመላው ቤተሰቦቻቸው እና ወዳጅ ዘመዶቻቸው መጽናናትን እንመኛለን።

04/10/2026

የሁሉ የቁጠባና ብድር ኅብረት ሥራ ማኅበር ከኢትዮጵያ ሙስሊም የጤና ባለሙያዎች ማኅበር ጋር በመተባበር በማዕከላዊ ኢትዮጵያ ክልል ሃላባ ዞን ቁሊቶ ከተማ ነፃ የህክምና አገልግሎት ሰጠ፡፡

መርሃ ግብሩ የተካሄደው የሀላባ ዞን ጤና መምሪያ ኃላፊ ዶክተር ሸምሱ ረሽድ፣ የሀላባ ዞን እስልምና ጉዳዮች ም/ቤት ሰብሳቢ ሼህ ሁሴን መሀመድ ቃበቶ እና ሌሎች ባለድርሻ አካለት በተገኙበት ነው፡፡

በነፃ የህክምና አገልግሎቱ ኅበረተሰቡ በዘመናዊ የመመርመሪያ መሣሪያዎች በባለሙያዎች የተደገፈ አጠቃላይ የጤና ምርመራ፣ የሕክምና ምክርና አስፈላጊውን ሕክምና እንዲያገኙ ተደርጓል፡፡

በመርሃ ግብሩም የሁሉ ቁጠባና ብድር ኅብረት ሥራ ማኅበር በበጎ አድራጎት ሥራዎች ላይ በንቃት በመሳተፍ ማኅበራዊ ኃላፊነቱን በአግባቡ እየተወጣ የሚገኝ ተቋም መሆኑን በተግባር ያረጋገጠበት መሆኑ ተጠቁሟል፡፡

ከዚህ ቀደም ሁለቱ ተቋማት በተመሳሳይ ነፃ የህክምና አገልግሎት በአዲስ አበባ ከተማ መስጠታቸው ይታወሳል፡፡

ምንጭ፦ የሁሉ የቁጠባና ብድር ኅብረት ሥራ ማኅበር



------
በተለያዩ የማህበራዊ ሚዲያ አማራጮች ስለኅብረት ሥራ ወቅታዊ መረጃዎችን ለማግኘት👇

✅ ዩቲዩብ፦https://www.youtube.com/
**
✅ ቴሌግራም፦https://t.me/ethiocoopnews
**
✅ ትዊተር (X)፦https://x.com/Ecccoop
**
✅ ፌስቡክ፦http://facebook.com/EthiopianCooperativeCommission
**
✅ ድረ-ገጽ፦ www.fca.gov.et

04/10/2026

አዲሱ የ«ኢትዮሲድ» ዲጂታል ዘር መረጃ ሥርዓት ኅብረት ሥራ ማኅበራትን በእጅጉ ተጠቃሚ ያደርጋል
*****
የኢትዮጵያ የምርጥ ዘር ፍላጎትና አቅርቦት ሂደት በኅብረት ሥራ ማህበራት እና በዩኒየኖች፣ በመንግሥት ተቋማት፣ እንዲሁም በግል ዘር አምራቾችና አከፋፋዮች ተሳትፎ የሚከናወን ቢሆንም፣ ወቅታዊ እና የተሟላ መረጃ ውስንነት ትልቅ ፈተና ሆኖ ቆይቷል።

እስከ አሁን ባለው ሁኔታ በተለያዩ የዘር ተዋናዮች የሚመረተውንና የሚቀርበውን የምርጥ ዘር መረጃ በወቅቱና በተደራጀ መልኩ ለማግኘት፣ በተለይም የመነሻ ዘር እና የተመሰከረለት ዘር ፍላጎትና አቅርቦትን ዝርዝር መረጃ ለይቶ ማወቅ አስቸጋሪ ነበር።

በተጨማሪም በየዓመቱ በምርጥ ዘር ምርትና ግብይት ላይ የሚሳተፉ አካላትን ቁጥርና የአፈጻጸም ሁኔታ በተሟላና ወጥ በሆነ መልኩ ለመከታተል ሰፊ የመረጃ ክፍተት የነበረ በመሆኑ፣ ዘርፉን በጥራት ለመምራት ሲፈታተን ቆይቷል።

ይህንን ዘመናት የተሻገረ የዘር መረጃ ክፍተት በዘላቂነት ለመፍታት ግብርና ሚኒስቴር ከዓለም አቀፍ የልማት አጋሮች ጋር በመተባበር «ኢትዮሲድ» የተሰኘ ዲጂታል የመረጃ ሥርዓት አበልጽጎ ወደ ሥራ አስገብቷል።

ይህ ዲጂታል የምርጥ ዘር መረጃ ሥርዓት በዓለምአቀፍ የልማት አጋር አካላት የቴክኒክና ፋይናንስ ድጋፍ በአዲስ አበባ ዩኒቨርሲቲ በልጽጎ፣ በኢንፎርሜሽን መረብ ደህንነት አስተዳደር ደህንነቱ ተረጋግጦ፣ ግብርና ሚኒስቴር በባለቤትነት ተረክቦታል፡፡

አዲስ አበባ እና ድሬዳዋ ከተሞችን ጨምሮ ለሁሉም ክልሎች የግብርና ግብዓት ዳይሬክተሮችና ባለሙያዎች የአሰልጣኞች ስልጠና ከተሰጠ በኋላ ነው መስከረም 8 ቀን 2019 ዓ.ም በይፋ ሥራ የጀመረው።

«ኢትዮሲድ» የዘር ፍላጎት፣ ብዜት፣ አቅርቦትና ሥርጭት የተዋናዮችን መረጃ በዲጂታል መንገድ ለመመዝገብና ለማደራጀት የሚያስችል ሲሆን አፈጻጸሙን በወቅቱ ለመከታተልና በትክክለኛ መረጃ ላይ ተመስርቶ ወቅታዊ ውሳኔዎችን ለማስተላለፍ ትልቅ አቅም ይፈጥራል።

የመረጃ ሥርዓቱ ትግበራ በተሳካ ሁኔታ እየቀጠለ ሲሆን፣ ሁሉም ክልሎች የመረጃ መመዝገቢያ ሥርዓቱን ለመጠቀም የሚያስችል ፍቃድ (Access Admin) ከግብርና ሚኒስቴር አይ.ሲ.ቲ ሥራ አሥፈጻሚ በማግኘት በሚወክሏቸው ባለሙያዎች አማካኝነት የየክልላቸውን የምርጥ ዘር ፍላጎትና የምርት መረጃ በየጊዜው ወደ ኢትዮሲድ ዲጂታል ሥርዓት የሚያስገቡ ይሆናል። የዘር መረጃ ፈላጊዎችም በ https://ethioseed.moa.gov.et/ ከፍተው ማየት ይችላሉ፡፡

«ኢትዮሲድ» የምርጥ ዘር መረጃን በአንድ ማዕከል በማደራጀት ፍላጎትና አቅርቦት በወቅቱ ለማወቅ፣ የዘር ተዋናዮችን ተሳትፎ በጥብቅ ለመከታተል እና በተሟላና ተዓማኒ መረጃ ላይ የተመሰረተ ዕቅድና ውሳኔ ለማሳለጥ የሚያስችል ወሳኝ የዲጂታል መሣሪያ ሆኖ ያገለግላል።

ኅብረት ሥራ ማኅበራትም ይህን የመረጃ ሥርዓት በመተግበር በዘርፉ የሚሰጡትን አገልግሎት በእጅጉ ማዘመን ያስችላቸዋል።

በተጨማሪም ይህ የመረጃ ሥርዓት ማነቆዎችን ለመለየት፣ ተዓማኒ መረጃ በማመንጨት፣ ዘላቂ መፍትሔዎችን ለማመቻቸት፣ የፖሊሲና የሕግ ማዕቀፎችንና ጥናቶችን ለማካሄድ የጎላ ሚና የሚጫወት ይሆናል፡፡

ምንጭ፦ ግብርና ሚኒስቴር



------
በተለያዩ የማህበራዊ ሚዲያ አማራጮች ስለኅብረት ሥራ ወቅታዊ መረጃዎችን ለማግኘት👇

✅ ዩቲዩብ፦https://www.youtube.com/
**
✅ ቴሌግራም፦https://t.me/ethiocoopnews
**
✅ ትዊተር (X)፦https://x.com/Ecccoop
**
✅ ፌስቡክ፦http://facebook.com/EthiopianCooperativeCommission
**
✅ ድረ-ገጽ፦ www.fca.gov.et

03/10/2026

ክቡር አቶ አህመድ አሊይ በድጋሚ የሐረሪ ክልል ኅብረት ሥራ ኤጀንሲ ሃላፊ ሆነው ተሹመዋል።
መልካም የስራ ዘመን ይሁንልዎ