Bole Communication- ቦሌ

04/11/2026

በባሌ ዞን የክረምት እርሻ አፈጻጸምን ተመልክተናል። በዘንድሮው ክረምት ከፍተኛ የዝናብ እጥረት ሥጋት የነበረ ቢሆንም በመንግሥትና በሕዝብ የቅድመ ዝግጅት ሥራ መልካም የሚባል አፈጻጸም ተመዝግቧል። ኢኮኖሚያችን አይበገሬ ሆኖ ሰው ሠራሽና ተፈጥሯዊ ፈተናዎችን እንዲቋቋም፣ ቀድሞ መዘጋጀትና አማራጮችን ማስፋት የግድ ነው።

ጠቅላይ ሚኒስትር ዐቢይ አሕመድ(ዶ/ር)

04/11/2026

አዲስ አበባ ከተማ የትራንሰፖርት ዘርፉን ወደ ታዳሽ ሃይል በመለወጥ በርካታ ተግባራትን በማከናውን ላይ ትገኛለች:

መዲናችን አዲስ አበባ ከተማ የትራንሰፖርት ዘርፉን ወደ ታዳሽ ሃይል በመለወጥ በርካተ ተግባራትን በማከናወን ላይ ትገኛለች፡፡ በተለይም አዳዲስና በቴክኖሎጂ የታገዙ ዘመናዊ ተሸከርካሪዎችን ወደ ስራ በማስገባት እንዲሁም ለሀገራችን የመጀመሪያ የሆነውን የኢትዮጵያን የሲቪል መሠረት የሚያጠናክር የተፈጥሮ ሀብቶችን መጠቅም የሚያስችል ታሪካዊ የሆነ የኢነርጂ ሽግግር በማድረግ ምሳሌ መሆን ችላለች ፡፡

በዚህ አዲስ ታሪካዊ በሆነ ሽግግር መዲናችን አዲስ አበባ በቅርቡ 26 የከተማ አውቶብሶችን ከነዳጅ ወደ ተፈጥሮ ጋዝ በመለወጥ ወደ ስራ እንዲገቡ በማድረግ አዲስ ምዕራፍ ከፍታለች።

ይህ ታሪካዊ ሽግግር የሕዝብ ትራንስፖርትን ወጪ በመቀነስና የአየር ብክለትን በማስቀረት፣ የኢኮኖሚ አቅም በመደገፍ፣ ቀደም ሲል ለነዳጅ ይወጣ የነበረውን ወጪ በመቀነስ፣ የውጭ ምንዛሬ ወጪን በመቆጠብ የሀገርን ሀብት ከወጪ በማዳን የዜጎችን ኑሮ በማቅለል ፤የጉዞ ታሪክ በመቀንስ እንዲሁም የትራንስፖርት አቅርቦትን ችግር በመፍታት፣ በሀገር ኢኮኖሚ ላይ ትልቅ ለውጥ በማምጣት ዋጋን በማረጋጋት እና ለኢንዱስትሪዎችና አምራቾች ምቹ ሁኔታን በመፍጠር የሀገርን እድገት ከፍ ወዳለ ስልጣኔ ማድረስ ያስችላል ።

ከዚህ በተጨማሪ ከተማ አስተዳደሩ ዘመናዊ የመኪና ማቆሚያ ተርሚናሎችን በተለያዩ የከተማዋ ቦታዎች በመገንባትና ለኤሊክትሪክ ተሽከርካሪዎች ጃርጅ ማድረጊያ ቦታዎችን በየቦታዉ በመገንባት በከተማዋ የሚስተዋለውን የትራፊክ መጨናነቅ በመቀነስ ህብረተሰቡን ከዝናብና ፀሀይ በመከላከል የትራንስፖርት ፍሰትን በማሳለጥ ፣ የትራፊክ አደጋን መቀነስን ጨምሮ ለዘርፋ የተሰጠው ትኩረት ከፍተኛ መሆኑን ያመላክታል ።

በቀጣይም የአዲስ አበባ ከተማ አስተዳደር የትራፊክ መጨናነቅን በከፍተኛ ደረጃ የሚያቃልሉና የትራንስፖርት ፍሰቱን የሚያሳልጡ የነዋረውን ጊዜ የሚቆጥቡ ተጨማሪ አዳዲስ በተፈጥሮ ጋዝ የሚሰሩ ቁጥራቸው 400 የሚሆኑ ተሽከርካሪዎችን ወደ ሀገር ውስጥ ለማስገባት በዝግጅት ላይ ሲሆን ከዚሁ ጋር በተያያዘ ዘመናዊ የመኪና ማቆሚያዎችን በመገንባት መዲናዋን ስማርት ሲቲ ለማድረግ የሚደረገውን ጥረት በተግባር በማረጋገጥ ላይ ይገኛል፡፡

04/11/2026

ቦሌ በዚህ ሳምንት

መረጃዎቻችንን በተለያዩ አማራጮች ለማግኘት፡
https://linktr.ee/bolecom

ጥቅምት 25/2019

03/11/2026

እጅግ የተጎሳቆሉ መኖሪያ ቤቶችን ወደ ንፁህና ውብ መንደር የቀየረው ''የበጎነት መንደር"

በአዲስ አበባ ከተማ ከተከናወኑ ግዙፍ የልማት ስራዎች በተጨማሪ የላቀ ትርጉም ያለውና እጅግ የተጎሳቆሉ እና ለኑሮ ምቹ ያልሆኑ መኖሪያ ቤቶችን ወደ ንፁህ እና ውብ መንደር በመቀየር የብዙዎችን እንባ ያበሰ እና ከአስከፊ የኑሮ ሁኔታ ያላቀቀ እንዲሁም ለሰው ክብር የሚመጥን አኗኗር ያጎናፀፈው ''በጎነት መንደር'' የላቀ ትርጉም ያለው ነው፡፡

''የበጎነት መንደር'' በተለይም የቤት እጥረት ችግርን በመቅረፍ በአስቸጋሪ ሁኔታ ይኖሩ የነበሩ ዜጎችን በዘላቂነት በማቋቋም ምቹ መኖሪያ አካባቢ በመፍጠር የነዋሪውን ማህበራዊ ግንኙነት ያጠናከረ እና የመደጋገፍ ባህልን ያደሰ ነው ፡፡

ለሰው ክብር ቅድሚያ በመስጠት የመኖሪያ ቤት ችግር በዘላቂነት መፍታት ያስቻለው ይህ ግዙፍ ፕሮጀክት በልደታ፣ በአራዳ፣ በኮልፌ፣ በንፋስ ስልክ ላፍቶ፣ በየካ:በለሚ ኩራና በአዲስ ከተማ ክፍለ ከተሞች ሌሎች የበጎነት መንደሮች በመገንባት የጎሳቆሉ አካባቢዎችን በመቀየር ለኑሮ ምቹ የሆኑ፣ ንጽሕናቸውን የጠበቁ የመኖሪያ ቤቶች፣ የጋራ መገልገያዎች እና የጋራ የመመገቢያ አዳራሾች፣ ዘመናዊ፣ የመዝናኛና የስፖርት ማዘውተሪያዎች፣ አረንጓዴ ሥፍራዎችና ሕፃናት ቦርቀው የሚጫወቱባቸው ምቹ የስፖርት ሜዳዎችን ያካተቱ ናቸው፡፡

አስተዳደሩ በመጠለያ እጥረት፣ በከፍተኛ የኪራይ ውድነት እና ለኑሮ ምቹ ባልሆኑ ቦታዎች ይኖሩ የነበሩ በሺዎች የሚቆጠሩ አረጋውያንን፣ አካል ጉዳተኞችንና አቅመ ደካሞችን በዘላቂነት ለማቋቋም ያስችል ዘንድ በርካታ ብሎኮችንና ዘመናዊ መኖሪያ ቤቶችን በአጭር ጊዜ በመገንባት ለተጠቃሚው እያስተላለፈ ይገኛል፡፡

የከተማዋን የመኖሪያ ቤት ችግር በእጅጉ መቀነስ ያስቻለው ይህ የበጎነት መንደር በአዲስ አበባ ከተማ አስተዳደርና በበጎ ፈቃደኛ ዜጎች ባለሃብቶችና ተቋማት ትብብር በመገንባት የነዋሪውን ማህበራዊ መስተጋብር በማጠናከር መቹ ለኑሮ ተስማሚ ከተማን መፍጠር ያስቻለ ዘመን ተሻጋሪ ስራ ነው ፡፡

03/11/2026

በቦሌ ቡልቡላ አካባቢ በመንግሥትና በሕዝብ አጋርነት የኮብልስቶን መንገድ ንጣፍ ግንባታ እየተካሄደ ነው።

በቦሌ ክፍለ ከተማ በመንግሥትና በሕዝቡ ቅንጅታዊ አጋርነት በወረዳ 12 ቡልቡላ አካባቢ የኮብልስቶን መንገድ ንጣፍ ግንባታ ስራ እየተካሄደ ይገኛል።

የኅብረተሰቡን የእለት ተእለት የእግርና የተሽከርካሪ እንቅስቃሴ ለማቃለል እንዲሁም ለአካባቢው ጽዳትና ውበት ከፍተኛ አስተዋጽኦ የሚያበረክተው ይህ ፕሮጀክት፤ 1.2 ኪሎ ሜትር ርዝመትና 8 ሜትር ስፋት ያለው ሲሆን ለግንባታውም ከ7.8 ሚሊዮን ብር በላይ ወጪ እየተደረገበት መሆኑም ተመላክቷል።

የክፍለ ከተማው ኅብረተሰብ ተሳትፎና በጎ ፍቃድ ማስተባበሪያ ጽ/ቤት ኃላፊ አቶ ዮሴፍ ወረታው እንደገለጹት፤ የልማት ስራዎች ውጤታማ እየሆኑ የሚገኙት የመንግስትና የኅብረተሰቡ ቅንጅታዊ አሰራርና ተሳትፎ በመጠናከሩ ነው። አሁንም የኅብረተሰቡን ተሳትፎና በጎ ፍቃደኝነት በማስተባበር መሰል የአካባቢ ልማት ስራዎች ተጠናክረው እንደሚቀጥሉ አብራርተዋል።

በተመሳሳይ የክፍለ ከተማው ጽዳት አስተዳደር ጽህፈት ቤት ኃላፊ አቶ ተስፋዬ ታደሰ በበኩላቸው፤ በአሁኑ ወቅት እየተከናወነ ያለው የመንገድ ንጣፍ ግንባታ አካባቢውን ከጭቃና ከጎርፍ በማዳን ረገድ የሚኖረው ሚና ከፍተኛ መሆኑን ጠቁመዋል። አክለውም እየተገነባ የሚገኘውን የኮብልስቶን መንገድ በጥንቃቄ የመጠበቅና የአካባቢውን ጽዳት የማስጠበቅ ኃላፊነት የሁሉም ነዋሪ ድርሻ መሆን እንዳለበት አሳስበዋል።

የአካባቢው ነዋሪዎች በሰጡት አስተያየት፤ ቀደም ሲል በመንገዱ ብልሽት ምክንያት ለእንግልት ብሎም ለተለያዩ ችግሮች ይዳረጉ እንደነበር አስታውሰው፣ አሁን እየተሰራ ባለው የኮብልስቶን ንጣፍ መንገድ ችግሩ እንደሚፈታ ገልጸዋል።

መረጃዎቻችንን በተለያዩ አማራጮች ለማግኘት፡
https://linktr.ee/bolecom
ጥቅምት 24/2019

03/11/2026

የወንዝ ዳርቻ ልማት የወጣቶች የወደፊት እድልና የስፖርት ቱሪዝምን የሚያበራ አዲስ ምዕራፍ ከፍቷል

የአዲስ አበባ ከተማ አስተዳደር ለስፖርት ዘርፍ ልዩ ትኩረት በመሰጠት ዘርፉን ለማዘመንና ተደራሽነቱን በማስፋት ተጨባጭ ውጤቶች በማስመዝገብ ላይ ይገኛል።

ከዚህ ቀደም የአዲስ አበባ ጎዳናዎች ምቹ ያልነበሩ ተሽከርካሪ እና እግረኛ እኩል የሚጋፋባቸው ለአደጋ የተጋለጡ በተለይም በየመንደሩ የሚኖሩ ታዳጊዎችና ወጣቶች አማራጭ ባለማግኘታቸው ኳስ ለመጫወት የተሽከርካሪን መንገድ የሚሻሙ ነበሩ። ዛሬ ይህ ታሪክ ሆኖ አልፏል ።

ከተማ አስተዳደሩ በኮሪደር እና በወንዝ ዳርቻ ልማት ዘመናዊ እና ምቹ የስፖርት ማዘውተሪያ ስፍራዎችን በመገንባት ለአገልግሎት እንዲውሉ አድርጓል። እነዚህ መሰረተ ልማቶች ነዋሪው በቅርበት ስፖርታዊ እንቅስቃሴዎች እንዲያከናውን በማስቻል የከተማዋን የስፖርት ገጽታና ቱሪዝም በከፍተኛ ደረጃ ማሳደግ ችለዋል።

የአዲስ አበባ ከተማ አስተዳደር በሚሰራቸው ስራዎች ሁሉ ለታዳጊዎች ፣ ለወጣቶች እና ለህፃናት ምቹ ከተማን በመገንባት የከተማዋ ጎዳናዎች ለሁሉም ተስማሚ እንዲሆኑ በማድረግ ዘመን ተሻጋሪ ስራዎችን አከናውኗል።

ዛሬ ላይ የአዲስ አበባ ውብ ጎዳናዎች ሁሉን በመልኩ አድርገው በእግረኛና በሳይክል መንገድ ተውበው ፣ በአረንጓዴ ስፍራዎች አጊጠው ለእግር ጎዞዎች እንዲሁም ለተለያዩ ስፖርታዊ እንቅሰቃሴዎች ምቹ ሆነዋል።አሁን ላይ በአዲስ ጎዳናዎችና በወንዝ ዳርቻ ቦታዎች ስፖርታዊ እንቅስቃሴ የሚያደርጉ ወጣቶች ፣ ህፃናት፣ አረጋውያን እና ጎልማሶችን መመልከት የተለመደ ባህል ሆኗል ።

03/11/2026

የአዲስ አበባ ከተማ ወንዞች የችግር ምንጭ ከመሆን ተላቀው የውበት እና የጤና ምንጭ መሆን ችለዋል!

ከቅርብ አመታት በፊት የአዲስ አበባ ከተማ ወንዞች ከተማዋን የማይመጥኑ የቆሻሻ መጣያና ማከማቻ የነበሩ በአጠገባቸው ለማለፍ አፍንጫ የሚሰነፍጡና ብዙዎችን ለተለያዩ የጤና ችግር የዳረጉ ነበሩ፡፡ ዛሬ ላይ ይህ ታሪክ ሆኖ አልፏል፡፡ ከተማዋ ወንዞች አክማ ትላንት ከተዘፈቁበት አስከፊ ገጽታ አላቃ የውበት እና የጤና ምንጭ እንዲሆኑ እያደረገች ትገኛለች፡፡

በከተማ አስተዳደሩ በከፍተኛ ትኩረት የሚገነቡት እነዚህ የወንዝ እና የወንዝ ዳርቻ የልማት ፕሮጀክቶች ማራኪ ስፍራዎችን ያካተቱ የተፈጥሮ ሚዛን የጠበቁ፣ አረንጓዴ ስፍራዎችና ውብ የእግር መጓዣ መንገዶችን ያሟሉ ለወጣቶችና ለህፃናት መጫወቻ ሜዳዎችን ያሟሉ ማህበራሰቡ በእግር የሚጓዝባቸው ብሎም ጤናውን የሚጠብቅባቸው እና የጋራ ጊዜ የሚያሳልፍባቸው አዲስ መልክና ዘመናዊ ገፅታን የተላበሱ የከተማዋ የውበትና የደስታ ምንጭ ናቸው፡፡

ለአብነትም በቅርቡ ለከተማችን ተጨማሪ ድምቀት የሆነው እና በቅርቡ ተመርቆ ለህዝብ ክፍት የሆነው የቀጨኔ በአምባሳደር ጊዮን እሬቻ ባምቢስ የወንዝ ዳርቻ ልማት 351 ሄክታር ስፋት ያለው እና 10 ኪሎ ሜትር የሚሸፍን ሆኖ የተለያዩ መሰረታዊ ልማቶችና የህዝብ መገልገያዎችን በውስጡ አካቷል፡፡

በተጨማሪም ሌላኛው የከተማዋ ድምቀት የሆነው ከእንጦጦ አንስቶ ቀበና የሚዘልቀው የወንዝ ዳርቻ ልማት በውስጡ አስገራሚና አስደናቂ መሰረተ ልማቶችን አሟልቶ ለነዋሪዎች አዲስ ስሜትን የፈጠረ ሲሆን ይህ ፕሮጀክት የወንዞችን ህልውና ከመታደግ ባለፈ የከተማዋን ነዋሪዎች የዕለት ተዕለት አኗኗርና እንቅስቃሴ ያሻሻለ እንዲሁም የከተማዋን የቱሪስት መስህብ በከፍተኛ ደረጃ የለወጠ ተደማሪ ስኬት መሆን የቻለ ነው፡፡

ለሀገር አሳቢ በሆኑ ቅን ልቦች የተገነቡት እነዚህ የወንዝ ዳርቻ ልማት ስራዎች የማህበረሰቡ ችግር መሆናቸው አብቅቶ ዛሬ ላይ የኢኮኖሚ ምንጭ እና የከተማዋ የቱሪስት ስብሀት በመሆን ለከተማው አዲስ ውበት እና ተጨማሪ ዕድል ፈጥረዋል፡፡

03/11/2026

02/11/2026

አዲስ አበባ ፤ በዓለም አቀፍ የዘላቂ ከተማ ልማት መድረኮች ተከታታይ እውቅና እያገኘች ያለች ከተማ!

ከተማን መለወጥ የሚቻለው በግልጽ ራዕይ፣ በተቀናጀ ጥረትና የሰው ልጅን ሕይወት ማዕከል ባደረገ የልማት አቅጣጫ ነው። አዲስ አበባም ይህንን እሳቤ በተግባር እየተረጎመች መሆኗን በዓለም አቀፍ መድረክ ዳግም አስመስክራለች።

በቅርቡ በቻይና ሻንሃይ ከተማ በተካሄደው የ2026 የሻንሃይ ዓለም አቀፍ የዘላቂ ከተማ ልማት ሽልማት ውድድር፣ አዲስ አበባን ጨምሮ አምስት ከተሞች ተሸላሚ ሆነዋል።

በዘንድሮው የሻንሃይ ሽልማት እውቅና ያገኙት፦

1. አዲስ አበባ (ኢትዮጵያ)
2. ሳንቲያጎ ዴ ካሊ (ኮሎምቢያ)
3. ኢስታንቡል (ቱርኪዬ)
4. ጂንግዴዠን (ቻይና)
5. ካቶቪስ (ፖላንድ) ናቸው።

ይህ ሽልማት በዓለም አቀፍ ደረጃ ለአራተኛ ጊዜ የተዘጋጀ ሲሆን፣ አዲስ አበባ በአራቱ ዙሮች ሁለት ጊዜ እውቅና አግኝታለች። በ2024 የሴኡል ስማርት ሲቲ ሽልማትን፣ በ2026 ደግሞ የሻንሃይ ዓለም አቀፍ የዘላቂ ከተማ ልማት ሽልማትን አግኝታለች።

ከዚህ በተጨማሪ፣ በ2023 አዲስ አበባ በምገባ ፕሮግራምና በደረቅ ቆሻሻ አወጋገድ ዘርፎች ፈጣን ለውጥ እያስመዘገበች ያለች ከተማ በመሆኗ ዓለም አቀፍ እውቅናና ሽልማት አግኝታለች።

ይህ እውቅና ለሀገራችን ታላቅ ክብር ከመሆኑም በላይ፣ እየሠራን ላለነው ሥራ ብርታትና ተጨማሪ ተነሳሽነት የሚሰጥ ነው። ከሁሉም በላይ፣ በከተማችን የምንተገብራቸው ሰው ተኮር የልማት ሥራዎች፣ የነዋሪዎችን የኑሮ ደረጃና የአኗኗር ሁኔታ ለማሻሻል የምናደርገው ጥረት፣ እንዲሁም የከተማዋን የተፈጥሮና ማኅበራዊ ፀጋዎች ወደ ልማትና ኢኮኖሚያዊ ጥቅም የመቀየር ሥራችን ተጨባጭ ውጤት እያስገኘ መሆኑን የሚያረጋግጥ ዓለም አቀፍ ምስክርነት ነው።

የመደመር እሳቤያችንም ልማትን ከሰው ሕይወትና ደኅንነት ጋር አጣምሮ ያያል። ከተሞች የሥልጣኔ መገለጫ እንዲሆኑ፣ ያላቸውን ፀጋዎች በመለየትና በማልማት፣ የሰውን አቅም ከተፈጥሮና ከኢኮኖሚያዊ ሀብቶች ጋር በማቀናጀት ለጋራ ብልፅግና መሥራትን ይጠይቃል።

በከተማችን የልማት ጉዞ እስካሁን የተጓዝነው ርቀት ጠንካራ መሠረት የጣለ ቢሆንም፣ የሚቀረን ረጅም ጉዞ እንዳለ እናውቃለን። ሀገራችን ኢትዮጵያም ለዘመናት ከተጫኗት ድህነትና ልዩ ልዩ ችግሮች በዘላቂነት ለመላቀቅ፣ ቀጣይነት ያለው ለውጥ ለማምጣትና ወደ ብልፅግና ለመሸጋገር የጀመረችው ጉዞ ፍሬ እያፈራ ይገኛል። ሆኖም ይህንን እልህ አስጨራሽ ጉዞ ወደ ተሟላና ዘላቂ ለውጥ ለመቀየር የሁሉንም ዜጎች ርብርብ፣ ቁርጠኝነትና ተሳትፎ ያስፈልጋል። ስለሆነም ሁላችንም ለለውጡ በቁርጠኝነት መትጋት ይገባናል።

ያገኘነውን ዓለም አቀፍ እውቅናም እንደ መዳረሻ ሳይሆን፣ እንደ ተጨማሪ ኃላፊነትና ለበለጠ ሥራ ማበረታቻ እንወስደዋለን።

ይህንን ተነሳሽነት በመያዝ፣ ሁሉም የኢትዮጵያ ከተሞች የሥልጣኔና የብልፅግና መሠረት እንዲሆኑ እንሠራለን። አቅሞቻችንን በመደመር፣ ፀጋዎቻችንን ወደ ተጨባጭ ውጤት በመቀየር፣ ክብራችንን የሚመጥን የብልፅግና ግብ ለመድረስ ትጋታችንን እናጠናክራለን።

ከተሞቻችን የመደመር ሥልጣኔ መዳረሻ፣ ለነዋሪዎቻቸው ምቹና ተስማሚ የኑሮ አካባቢ፣ ለቀጣዩ ትውልድም ዘላቂ የብልፅግና ውርስ እንዲሆኑ በጋራ እንሠራለን።

ፈጣሪ ኢትዮጵያንና ሕዝቦቿን ይባርክ!

ከንቲባ አዳነች አቤቤ

02/11/2026

የህብረተሰቡን የቤት ችግር ለመቅረፍ በከፍተኛ ትኩረት እየተሰራ ነው

አዲሰ አበባ ከተማ የብልጽግና ተምሳሌትነቷን እያረጋገጠች፤የነዋሪዎችን ተጠቃሚነት እውን እያደረገች፤የከተሜነት ጉዞዋን እያፋጠነች የምትገኘው ከተማችን፤ በመፍጠር እና መፍጠን መርህ በ24/7 የስራ ባህልን በመተግበር፤ ለዜጎች የቤት ልማት አቅርቦትን ለማሳደግ እየተከናወኑ በሚገኙ ተግባራት ላይ የአቅርቦት እና የአሰራር ለዉጥ በማድረግና የተለያዩ ሞዳሊቲዎችን በመቅረጽ ፤በመንግስት እና በግል አጋርነት፤በበጎ-ፈቃድ፤በግል ባለሀብቶች (በሪልስቴት፣ በግልእና በማህበር አልሚዎች ከቤት ግንባታ ወደ ቤት አቅርቦት መሸጋገር የቻለችው ከተማችን አዲሰ አበባ፤ ለነዋሪዎች የቤት አቅርቦትን በበቂ ሁኔታ ተደራሽ ለማድረግ ቀዳሚ ግብ አድርጋ በመስራት ላይ የምትገን ከተማ ናት፡፡

ከተማዋ ቤቶችን አልምታ ከማቅረብ በሻገር የተገነቡ ቤቶች የህብረተሰቡን ማህበራዊ መሰተጋብር እና አብሮነትን በሚያጠናክሩ አሰራር የተቃኙ በመሆናችው ፣ የጋራ መገልገያዎች ፤የስፖርት ማዘውትሪያ ስፍራዎችን፣ የህፃናት መጫወጫ፣ አከባቢውን ጽዱ እና ወብ በማድረግ የተቀናጀ የቆሻሻ አወጋገድ ስርዓትና የጋራ አስተዳዳር እንዲኖራችው ተደርገው በጥንቃቄና በጥራት የተገነቡ በመሆናቸው ለነዎሪዎች ምቹ መሆን ችላለች፡፡

በተለይም ለልማት ተነሺዎች፣ ለተለያዩ ችግሮች ለተጋለጡ ፣ለአካል ጉዳተኞች ፣ ለአገር ባለውለታዎች ቅድሚያ በመስጠት የቤት ባለቤት እንዲሆኑ ከማድረግ በተጨማሪ ሁሉንም አይነት የቤት አማራጮች በሽያጭ፣ በኪራይ፣ በቁጠባ (በረጅም ጊዜ ክፍያ) እና መክፈል ለማይችሉ የህብረተሰብ ክፍሎችን ያማከለ አካታች የአሰራር ስረዓት በመዘርጋት በመተግብር ላይ ይገኛል፡፡

ይህ ከተማዋ የምታከናወነው ሰው ተኮር ተግባር በዓለም መድረክ ሰሟ ከፍ ብሎ እንዲነሳ ብሎም እውቅናና እና ምስጋን እንዲቸራት አድርጓል፡፡