Oromia Irrigation & Pastoralist Bureau

Call Directions Website

Oromia Irrigation & Pastoralist Bureau Biiroo Misooma Jallisii fi Horsiisee Bulaa Oromiyaa labsii Lakk. 242/2014 tiin hunda'e.

12/11/2026

Finnaa Oromiyaa
Finnaan seenaa gammoojjii Oromiyaa qabatamaan kan jijjiiraniif bishaan dhugaatii beelladaaf ooluurra darbee naannoo gammoojjii kaleessa jijjiirama qilleensaan oongeen beekamu lalisee bishaan misooma jallisii qonnaa fi qurxummiif oolaa jira.
Yaadamni Piroojaktii Finnaa Oromiyaa Godinaalee hanqina roobaa qabaniifi roobni wayita roobus osoo hin qisaasamin walitti kusuun hongee dandamachuuf kan oolu ta'uu dha.

11/11/2026

Qabeenya bishaan naannoo keenyaa, humnaa, beekumsaa fi dandeettii qindeessuun bishaan jallisii itti-fufiinsa qabu dhiyeessuu fi jiruuf jireenya uummata naannichaa jijjiiruudhaaf hojjanna.

Gabaasni Raawwii Karoora Of-Danda’uu Ji'a Afurii Maanejimantii Biiroo Jallisii fi Horsiisee Bulaa Oromiyaan gamaggamamaa...
07/11/2026

Gabaasni Raawwii Karoora Of-Danda’uu Ji'a Afurii Maanejimantii Biiroo Jallisii fi Horsiisee Bulaa Oromiyaan gamaggamamaa jiraa.
‎============================
‎Gabaasni raawwii karoora of-danda’uu ji'oottan Afurii hanga Onkololeessaa bara 2019 Maanejimantii Biiroo Misooma Jallisii fi Horsiisee Bulaa Oromiyaa Magaalaa Bishooftuutti gamaaggamamaa jira.
‎
‎Hoogganaan Biiroo Misooma Jallisii fi Horsiisee Bulaa Oromiyaa Injinar Girmaa Raggaasaa haasaa baniinsaa taasisaniin, Riifoormii Diinagdee fi imala Badhaadhinaa milkeessuuf jijjiiramoonni qabatamaan naannichatti galmaa'aa jiran keessatti gaheen Biirichaa, keessumaa dhiyeessii bishaanii fi fayyadamummaa hawaasa horsiisee bulaa mirkaneessuuf hojjetame olaanaa ta'uu ibsaniiru.
‎
‎Dabalataanis, gamaaggamni raawwii hojii miseensota Maanejimantii Biirichaa kun bu'aa hojii qofa irratti osoo hin taane, quuqama uummataa fi ija fayyadamummaa hawaasaatiin ilaalamuu akka qabu hubachiisuun, hirmaattonni marii bu'a qabeessa ta'e akka gaggeessan kallattii kennaniiru.
‎
‎Gabaasa raawwii hojii waliigalaa Biirichaa karoora of-danda'uu kurmaana tokkoffaa kan dhiyeessan Daayireektara Qophii Karooraa, Baajataa, Hordoffii fi Gamaaggamaa Obbo Daani'eel Tolosaa yoo ta'an, hirmaattonnis raawwii hojii dhiyaate irratti gadi fageenyaan mari'achuun, gamaaggama bu'a qabeessaa fi kallattii fuulduraa irratti xiyyeeffatanii jiru.
‎
‎Xumura irratti, qabeenya, carraa fi dandeettii naannoon Oromiyaa qabu sirnaan qindeessuun itti fayyadamuun, pirojektoota fayyadamummaa hawaasaa mirkaneessan dabalatee hojiiwwan misoomaa xiyyeeffannoo fi qulqullinaan raawwachuun barbaachisaa ta'uun ibsameera.
‎
‎Keessumaa hojiiwwan karoorfaman yeroo fi qulqullinaan xumuruun bu'aa qabatamaa uummataaf argamsiisuuf Maanejimantiin Biirichaa itti gaafatamummaa isaa bahachuun cimsee hojjechuu akka qabu kallattiin hoogganaa Biirichaa Injinar Girmaa Raggaasaa fi Itti Aanaa Hoogganaa Biirichaa Injinar Naa'ol Alamuun kennameera.
‎Biiroon Jallisiif Horsiisee Bulaa Oromiyaa Pirojektoota adda addaa idilee fi Sagantaalee dabalatee fayyadamummaa hawaasaaf oolan 485 ga'an hojjatee tajaajilaaf qopheessuuf karoora xiiqii of-danda'uu baafatee hojjataa jira.
‎BJHBO
‎Onkololeessa 28/2019

Qajeelfamni Ramaddii Hojjettoota Mootummaa Naannoo Oromiyaa Hojjettoota Biiroo Jallisii fi Horsiisee Bulaa Oromiyaa Beek...
05/11/2026

Qajeelfamni Ramaddii Hojjettoota Mootummaa Naannoo Oromiyaa Hojjettoota Biiroo Jallisii fi Horsiisee Bulaa Oromiyaa Beeksifame.
‎===========================
‎Qajeelfamni ramaddii hojjettoota mootummaa Naannoo Oromiyaa lakkoofsa 34/2019 irratti hundaa’uun bahe hojjettoota Biiroo Jallisii fi Horsiisee Bulaa Oromiyaatiif ibsameera.
‎
‎Qajeelfama kana ilaalchisee leenjii kan kennan Obbo Katamaa Urgaa, Itti Gaafatamaa Waajjira Hoogganaa fi Bakka Bu’aa Hoogganaa Biirichaa, yoo ta’an, qajeelfamni kun hojjettootaaf hubannoo gahaa uumuu fi sirna ramaddii hojjettootaa iftoominaa fi haqa qabeessummaan akka raawwatamuuf kan gargaaru ta’uu ibsaniiru.
‎
‎Obbo Katamaan, qajeelfama lakkoofsa 34/2019 irratti hundaa’uun ramaddiin hojjettootaa loogii irraa bilisa ta’ee, haqa qabeessummaa fi iftoomina kan bu’uureffate ta’uu akka qabu kaasuun, kunis faayidaa mootummaa fi uummataa mirkaneessuu keessatti gahee olaanaa akka qabu hubachiisaniiru.
‎
‎Leenjiin kun hojjettoonni qajeelfamicha sirriitti hubatanii hojii isaanii keessatti akka hojiirra oolchan, akkasumas sirna bulchiinsa humna namaa keessatti haqaa fi itti gaafatamummaa akka cimsan kan gargaaru ta’uun ibsameera.
‎
BJHBO
‎Onkoloolessa 26, 2019
‎

Biiroon Jallisii fi Horsiisee Bulaa Oromiyaa fi Qindeessitoonni Sagantaa GIZ Hojiiwwan Raawwataman Gamaggaman.‎=========...
02/11/2026

Biiroon Jallisii fi Horsiisee Bulaa Oromiyaa fi Qindeessitoonni Sagantaa GIZ Hojiiwwan Raawwataman Gamaggaman.
‎=============================
‎Hoogganaa Itti Aanaa Biiroo Jallisii fi Horsiisee Bulaa Oromiyaa fi Itti Gaafatamaa Damee Misooma Diinagdee Horsiisee Bulaa Oromiyaa Dr. Gammachuu Hoxxeessaa, qindeessitoota Sagantaa GIZ, Obbo Mike Bartels (Project Manager) fi Obbo Sileshi Getahun (Project Advisor) waliin ta’uun hojiiwwan waggoota sadan darban keessatti raawwataman irratti gamaggamaafi marii gaggeessaniiru.
‎Saganticharratti gabaasni hojiiwwan GIZ’n deeggaruun hawaasa horsiisee bulaa fayyadamaa taasisuuf raawwataman, bu’aawwan argamanifi jijjiiramni jireenya hawaasaa keessatti dhufe irratti xiyyeeffate dhiyaateera.
‎Haaluma kanaan, waggoota sadan darban keessatti deeggarsa Sagantaa GIZ’n hojiiwwan ijaarsa dandeettii qaamolee qooda fudhattootaafi raawwattootaa, deebisanii misoomsuu sululawwan gogaa (Dry Valley Rehabilitation), ijaarsa bu’uuraalee bishaan roobaa kuusuu fi tamsaasuu (Water Spreading Weirs), akkasumas sanyii midhaanii fooyya’aa dhiyeessuun raawwatamaniiru.
‎Kana malees, waldaalee itti fayyadamtoota sululawwan gogaa hundeessuu fi cimsuu, tumsa baajataa Birrii miiliyoona afur taasisuu, akkasumas hojiiwwan madda galii uumuu fi jireenya hawaasa horsiisee bulaa fooyyessan deeggaruun bu’aawwan qabatamaa argamsiisuun ibsameera.
‎Deeggarsi loojistikii aanaalee sadiif mootora saayikilii dhiyeessuu fi sharaa haroo 15 dhiyeessuunis hojiiwwan bu’uuraalee misoomaa fi tajaajila hawaasaa cimsan keessaa ta’uun ka’eera.
‎Xumura marii kanaarratti Dr. Gammachuun, hojiileen Sagantaa GIZ’n raawwataman fayyadamummaa hawaasa horsiisee bulaa keessatti gahee olaanaa qabaachuu ibsuun, bu’aawwan argaman akka hin badneefi itti fufiinsaan fayyadamummaa hawaasaa mirkaneessuuf Biiroon qindeessitoota Sagantaa GIZ waliin ta’uun hojiiwwan misoomaa kana cimsanii akka itti fufan kallattii hojii kennaniiru.
‎
‎BJHBO
‎Onkololeessa 23/2019
‎

Gamaaggamni raawwii hojii kurmaana tokkoffaa bara 2019 Biiroo jallisii fi horsiisee bulaa oromiyaa Damee Misooma Diinagd...
31/10/2026

Gamaaggamni raawwii hojii kurmaana tokkoffaa bara 2019 Biiroo jallisii fi horsiisee bulaa oromiyaa Damee Misooma Diinagdee Horsiisee bulaa magaalaa Bishooftuutti gaggeffamaa jira.
=======================
BJHO
Onkoloolessa 21, 2019
Sagantaa gamaaggama kana irratti Hogganaa Itti Aanaa fi itti gaafatamaa Damee misooma diinagdee horsiisee bulaa oromiyaa Dr. Gammachuu Hoxxeessaa Haasaa baniinsa taasisaniin Fayyadamummaa hawaasa horsiisee bulaa misooma garaa garaa Irraa fayyadamaa taasisuuf gammagama karooraa bu'a qabeessummaa karoorichaa mirkaneessuu, hanqinoota jiran adda baasuu fi gara fuulduraaf sirreeffama barbaachisu taasisuudha jadhan.
Gammaaggama kanaanis gabaasni raawwii sagantaa BREFONS/DRIVE ,Daayrektooreeti Qindeessaa sagantaalee pirojektootaafi arjoomtotaa, Daayrektooreeti Qophiifii hojiirra oilman Paakeejii Hawaasummaa-Diinagdee Horsiisee Bulaa, Daayrektooreetii Qorannoofi Qo’annoo Jiruufi jireenya Horsiisee Bulaafi Akeekkachiisa Duraafi Duuba, dhiyaatee mariin irratti gaggeffameera.
Fayyadamummaa hawaasa horsiisee bulaa mirkaneessuufi karoora of-danda'uu milkeessuuf imaammataa fi hojiileen gurguddoon hojjetamaa jiran Nyaata Horii Qopheessuu fi Kuusuu: Hanqina nyaata horii yeroo bonaa furuuf, nyaata horii qopheessanii mana kuusaa keessatti kuusuun oomishtummaa horii dabaluu fi fayyadamummaa mirkaneessuuf hojjetamaa jira. Imaammataa fi Tarsiimoo Bocuu: Biiroon Jallisii fi Horsiisee Bulaa Oromiyaa hawaasni horsiisee bulaa fayyadamaa akka ta'uuf imaammataafi tarsiimoo haaraa qopheessuun hojiirra oolchuudhaaf qophii xumuramee maxxanfamee jira.
Lafa Dheedumsaas Eeguu: Karoora itti fayyadama lafa dheedumsaa qorannoo irratti hundaa'uun qopheessuun mirga itti fayyadama lafaa eeguuf hojjetamaa jira.
Kilaastaaraa fi Teekinoolojii: Horsiisee bulaan teekinoolojii, galteewwan ammayyaa fi tajaajila addaddaatti fayyadamuun dandeettii of-danda'uu isaa akka cimsatu hojjatama jira.

29/10/2026

Finni Oromiyaa Furtuu Waamaraa

Finnaa Bakkee haroo Godina kibba bahaa oromiyaa , Aanaa Daawwee Qaachan, Ganda Bakkee Koraa keessatti  ijaaramaa juru.
27/10/2026

Finnaa Bakkee haroo Godina kibba bahaa oromiyaa , Aanaa Daawwee Qaachan, Ganda Bakkee Koraa keessatti ijaaramaa juru.

Misooma Qamadii Jallisii Bonaa Bara 2019 Milkeessuuf Sirna Bishaan Jallisii Cimsuu fi Hanqinoota Dhiyeessii Bishaanii fu...
22/10/2026

Misooma Qamadii Jallisii Bonaa Bara 2019 Milkeessuuf Sirna Bishaan Jallisii Cimsuu fi Hanqinoota Dhiyeessii Bishaanii furuun Murteessaa ta’uu Himame
‎=============================
‎Misooma qamadii jallisii Bonaa bara 2019f karoorfame milkeessuuf hanqinoota dhiyeessii bishaanii furuun, kaanaalota jallisii suphuun, paampiiwwan hojii ala jiran deebisanii hojii keessa galchuun, akkasumas teeknooloojiiwwan bishaan qusatan hojiirra oolchuun murteessaa ta’uu Hoogganaan Biiroo Jallisiifi Horsiisee Bulaa Oromiyaa Injinar Girmaa Raggaasaa hubachiisan.
‎
‎Koreen Olaanaafi Teeknikaa Misooma Qamadii Bonaa Naannoo Oromiyaa, galma misooma qamadii jallisii Bonaa bara 2019 milkeessuuf haala hojiiwwan barbaachisan qindoominaan raawwachuun danda’amurratti, galma Biiroo Qonnaa Oromiyaatti marii taasiseera.
‎
‎Hoogganaan Biiroo Qonnaa Oromiyaa Obbo Tashoomaa Boggaalaa akka ibsanitti, bara kana qamadii Bonaan lafa hektaara miliyoona 4.03 misoomsuun oomisha kuntaala miliyoona 168.3 argachuuf karoorfamee hojjetamaa jira. Karoora kana milkeessuuf qooda fudhattoonni hundi gahee isaanii bahachuun, deeggarsa galteewwanii fi ogummaa barbaachisu yeroo isaa eeggatee dhiyeessuun xiyyeeffannoo argachuu qaba.
‎
‎Injinar Girmaa Raggaasaan gama isaaniin, misooma qamadii jallisii Bonaa keessatti oomishtummaa guddisuuf bishaan jallisii yeroo barbaachisaa ta’etti gahumsa barbaadamuun qonnaan bultoota biraan gahuun murteessaa ta’uu ibsaniiru.
‎
‎Keessumaa, hanqinoota dhiyeessii bishaanii fi itti fayyadama sirna jallisii keessatti mul’atan saffisaan furuun, kaanaalota jallisii suphuun, paampiiwwan jiran hojii irra oolchuun, akkasumas teeknooloojiiwwan itti fayyadama bishaanii fooyyessan hojiirra oolchuun karoora misooma qamadii jallisii Bonaa milkeessuuf murteessaa ta’uu dhaamaniiru.
‎
‎Hoogganaan Biiroo Jallisiifi Horsiisee Bulaa Oromiyaa kun, caasaan misooma jallisii sadarkaa sadarkaan jiru hanqinoota hojii keessatti mul’atan adda baasuun saffisaan furuuf, hordoffii fi deeggarsa ogummaa cimsuun akkasumas qooda fudhattoota biroo waliin qindoominaan hojjechuun gahee irraa eegamu bahachuu akka qabu hubachiisaniiru.
‎
‎Marii kanarrattis, misooma qamadii jallisii Bonaa bara 2019f karoorfame milkeessuuf dhiyeessii galteewwanii, qophii lafaa, bishaan jallisii fi deeggarsa ogummaa wal-simsiisuun hojjechuun barbaachisaa ta’uun irratti xiyyeeffatameera.
‎
‎Karoora misooma qamadii jallisii Bonaa milkeessuun oomishaafi oomishtummaa qonnaa guddisuu, qonnaan bultootaaf carraa oomishtummaa fooyya’aa uumuu fi qabeenya bishaanii jiru bu’a qabeessa taasisuuf caasaaleen misooma jallisii sadarkaa sadarkaan jiran qindoominaan hojjechuun murteessaa ta’uun ibsameera.
‎BJHBO
‎Onkololeessa 12/2019
‎Finfinnee,Calcalii
‎

Biiroon Jallisii fi Horsiisee Bulaa Oromiyaa Tajaajila Horsiisee Bulaa Cimsuuf Mootar Saayikilii 42 kenne.‎=============...
19/10/2026

Biiroon Jallisii fi Horsiisee Bulaa Oromiyaa Tajaajila Horsiisee Bulaa Cimsuuf Mootar Saayikilii 42 kenne.
‎=========================
‎Hojiilee fayyadamummaa hawaasa horsiisee bulaa mirkaneessan cimsuuf, Biiroon Jallisii fi Horsiisee Bulaa Oromiyaa sagantaa LLRP’n aanaalee horsiisee bulaa 21’f mootara saayikilii 42 qarshii miiliyoona 30 ta’u bitee bakka bu’oota aanaalee kannaan dabarse.
‎Sirna dabarsa mootara saayikilii kana irratti Hoogganaan Biiroo Jallisii fi Horsiisee Bulaa Oromiyaa, Injinar Girmaa Raggaasaa argamuun, mootaronni saayikiloonni kennaman tajaajila hawaasa horsiisee bulaa fooyyessuu fi fayyadamummaa isaanii mirkaneessuuf akka oolan kallattii kennaniiru.
‎Dabalataanis, mootaronni saayikilii kunneen hojiiwwan misoomaa saffisiisuu, qaqqabummaa tajaajilaa fooyyessuu fi hawaasa horsiisee bulaa bira yeroo fi bakka barbaachisutti ga’uuf gahee olaanaa akka qaban hubachiisaniiru.
‎BMJHBO
‎Onkololeessa 9/2018
‎Calcalii
‎

Address

Addis Ababa

Alerts

Be the first to know and let us send you an email when Oromia Irrigation & Pastoralist Bureau posts news and promotions. Your email address will not be used for any other purpose, and you can unsubscribe at any time.

Shortcuts

Share