08/10/2026
አዲሱ ካቢኔ ሙስናንና ብልሹ አሰራርን በመታገል ሕዝብን በቅንነትና በመሰዋዕትነት ማገልገል ይጠበቅባቸዋል - ጠቅላይ ሚኒስትር ዐቢይ አሕመድ (ዶ/ር)
*********************
(ፌ.ሥ.ፀ.ሙ.ኮ መስከረም 28/2019 ዓ.ም አዲስ አበባ) ሙስናን ለመከላከል አዲስ የተሾሙ የካቢኔ አባላት ከሌብነትና ሙስና ነጻ መሆናቸውን ለማረጋገጥ ከፍተኛ ጥናት መደረጉን ጠቅላይ ሚኒስትር ዐቢይ አሕመድ (ዶ/ር) ገልጸዋል፡፡
7ኛው የሕዝብ ተወካዮች ምክር ቤት በዛሬው ዕለት ባካሄደው 1ኛ መደበኛ ስብሰባው በጠቅላይ ሚኒስትር ዐቢይ አሕመድ (ዶ/ር) የቀረቡለትን የአዲሱ የመደመር መንግሥት ካቢኔ አባላትን ሹመት አጽድቋል፡፡
ጠቅላይ ሚኒስትር ዐቢይ አሕመድ (ዶ/ር) በምክር ቤቱ ተሿሚዎችን በዕጩነት ባቀረቡበት ወቅት እንደገለጹት፥ በቀረቡት ሚኒስትሮች ላይ ቢያንስ ባለፈው አንድ ዓመት ጊዜ ውስጥ ከፍተኛ ምስጢራዊ ክትትል ተደርጓል።
አዲስ የተሾሙት ሚኒስትሮች ከሙስናና ሌብነት የጸዱ መሆናቸውን ለማረጋገጥ በሀገር ውስጥና በውጭ ያላቸው እንቅስቃሴ፣ ከሚገናኟቸው ባለሀብቶች ጋር ያላቸው ግንኙነት ጭምር ጥብቅ የመረጃ ክትትል ሲደረግበት ነበር ብለዋል።
ከዚህ በተጨማሪ ዕጩዎቹ ሌብነትን ለመቆጣጠር፣ የሌብነት ጥቆማ ሲሰጥ ርምጃ ለመውሰድ የተደረገ ጥረት የግምገማው አካል እንደነበር ገልጸው፤ ጠንካራ ግምገማዎች በማካሄድ ለሹመት መታጨታቸውን ጠቅላይ ሚኒስትሩ አብራርተዋል፡፡
ጠቅላይ ሚኒስትር ዐቢይ (ዶ/ር) አክለውም ከክትትል በተጨማሪ፤ ሚኒስትሮቹ በሚጠረጠሩባቸው ጉዳዮች ራሳቸውን ክፍት አድርገው ተገምግመዋል ብለዋል።
ከአንድ ወር በላይ ለሚሆን ጊዜ በተደጋጋሚ ፈተናዎች የተደገፈ ጠንካራ ሥልጠናዎች እንደተሰጣቸው ጠቅሰው፤ አዲስ የተሾሙ የካቢኔ አባላት የተሰጣቸውን ከባድ ኃላፊነት በአግባቡ እንዲወጡ አሳስበዋል፡፡
የተሰጠው ኃላፊነትና የሚጠበቅብን ነገር ትልቅ ነው ያሉት ጠቅላይ ሚኒስትሩ፤ ይህን የምናሳካው በመድከም ብቻ ነው ሲሉ አስገንዝበዋል፡፡
አዲሱ ካቢኔ ሙስናንና ብልሹ አሰራርን በመታገል ሕዝብን በቅንነትና በመሠዋዕትነት እንዲያገለግል ጥሪ አቅርበዋል።
ትውልድን በሥነምግባር፤ ተቋምን በአሰራር!
የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾
ሞባይል መተግበሪያ
ስልክ ተጠቃሚዎች
https://play.google.com/store/apps/details...
or iPhone ስልክ ተጠቃሚዎች
https://apps.apple.com/us/app/ncrs/id659366231
ለሀብት ማሳወቅና ምዝገባ፦ https://feaccears.gov.et/
ዌብሳይት፦ https://www.feacc.gov.et
ፌስቡክ፡- https://www.facebook.com/feaccOfficial/
ቴሌግራም፦ https://t.me/feacc
ዩትዩብ፡- https://www.youtube.com/-corrupti149
ትዊተር፦ https://twitter.com/EthiopiaFeacc በመወዳጀት ይከታተሉን፡፡
