Oromia Water Bureau

Directions Website

Oromia Water Bureau Oromia Water Bureau -OWB is one of the executive bodies in Oromia National Regional State
(1)

Oromia Water and Energy Bureau - OWEB is one of the executive bodies in Oromia National Regional State, mandated to enable the population of the region get sustainable safe water supply and develop mineral resources of the region.

Bara kana pirojektoonni bishaanii buleeyyii fi haaraa 172 hojjetamaa jiru======= | Fulbaana 28/2019 | Finfinnee:- Biiro...
08/10/2026

Bara kana pirojektoonni bishaanii buleeyyii fi haaraa 172 hojjetamaa jiru
=======
| Fulbaana 28/2019 | Finfinnee:- Biiroon Bishaanii Oromiyaa bara 2019 keessatti sagantaa bajata mootummaa idileetiin pirojektoota bishaanii buleeyyii fi haaraa 172 karoorfatee hojjechaa jira.

Biirichi raawwii hojii kurmaana 1ffaa damee misooma bishaan dhugaatii fi bulchiinsa kontiraataa gamaaggamuun, kallattii hojii kurmaana itti aanu irratti mari’ateera.

Haaluma kanaan, pirojektoota qotinsa boollaa 186 keessaa 127 sadarkaa Naannoo fi 59 sadarkaa Godinaatti kan hojjetamaa jiran yoo ta’u, 68 pirojektoonni buleeyyii, 118 immoo pirojektoota haaraa ta’uu ibsameera.

Pirojektoota ijaarsaa 172 keessaa 107 sadarkaa Naannoo fi 65 sadarkaa Godinaatti argamu. Isaan keessaa pirojektoonni 47 bara 2019 keessatti xumuramuuf karoorfamaniiru.

Bajata mootummaa idileetiin raawwataman cinaatti, pirojektoonni hirmaannaa hawaasaatiin hojjetamanis kurmaana 1ffaa keessatti raawwatamuun hawaasa heddu fayyadamoo taasisaniiru.
Sagantaa bara 2019 keessatti hojiiwwan maddoota bishaanii misoomsuu fi boolla harkaan qotamuun walqabatan 1,802 hirmaannaa hawaasaatiin hojjetamuuf karoorfaman.

Akkasumas, dhaabbileen miti-mootummaa fi hawaasummaa (NGO/CSO) hojiiwwan misooma bishaanii fi suphaa pirojektootaa irratti hirmaachuun, kurmaana 1ffaa keessatti raawwii jajjabeessaa galmeessisaniiru; hojiiwwan kunneen namoota kuma 61,000 fayyadamoo taasisuun ilaalameera

Gabaasa raawwii hojii kurmaana 1ffaa kana kan dhoheessan Itti Aanaa Hogganaa fi Itti Gaafatamaa Damee Misooma Bishaan Dhugaatii fi Bulchiinsa Kontiraataa, Inj. Kunuz Ahimad yoo ta'an, Gabaasicha Manajimantiin Biirichaa gadi fageenyaan gamaaggameera.

Hoggantuun Biirichaa Injr. Maariyaa Guutamaa raawwii hojii kurmaana 1ffaa keessatti, hanqinoota fi rakkoolee hojii gufachiisan, akkasumas tarkaanfiiwwan furmaataa fi kallattii hojii kurmaana itti aanu irratti xiyyeeffachuun raawwii hojii kana gamaaggamuun, kallattii hojii kurmaana itti aanu kaa’aniiru.

Hojiiwwan karoorfaman saffisaa fi qulqullinaan akka raawwataman, hordoffii fi deeggarsi walirraa hin cinne akka cimu, rakkooleen mudatanis yeroo isaanii eeggatanii akka furaman kallattii kaa’aniiru.
Milkaa’ina karoora hojii kanaaf qindoominni qaamolee qooda fudhattootaa murteessaa ta’uu isaaniis hubachiisaniiru.

Biiroon Bishaanii Oromiyaa bara 2019f karoora bajataa waggaa qarshii biliyoona 14.86 ol qabuun hojiiwwan damee misooma bishaanii irratti hojjechaa jira.

Gamaaggama kanaan, hojiiwwan kurmaana 1ffaa keessatti raawwataman cimsuun, pirojektoota hafan saffisaan xumuruun, akkasumas rakkoolee nageenyaa, hanqina maallaqaa, qaala’iinsa gatii meeshaalee fi boba’aa, akkasumas dadhabbina kontiraaktarotaa biratti mul'atu mariidhaan maqsuun hojiiwwan kurmaana itti aanu keessatti xiyyeeffannoo olaanaa kan argatan ta’uu kallattiin kaa’ameera.






Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

08/10/2026

Sirna Ifoomsa Milkaa'inoota Pirojektoota Sagantaa COWASHIVn Waggoota shanan darban keessa raawwatamanii Ummanni Baadiyyaa Oromiyaa Aanaalee 30 keessa jiraatan kuma 370l irraa fayyadamoo ta'an.

Sirni Kun Godina Jimmaa duraanii, Godina Kibba Lixa Oromiyaa ammaa Fulbaana 14/ 2019 bakka Hoggantoonni Mootummaa Federaslaafi Naannoo Oromiyaa, Bakka buutonni Imbaasii Mootummaa Fillaandiifi Kutaaleen hawaasaa garaagaraavargamanitti raawwate.

!
Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

Pirojektiin Bishaan Dhugaatii Qulqulluu Hawaasa Kuma 47 Ol Tajaajilu Eebbifame========= | Fulbaana 26,2019, Magaalaa B...
06/10/2026

Pirojektiin Bishaan Dhugaatii Qulqulluu Hawaasa Kuma 47 Ol Tajaajilu Eebbifame
=========
| Fulbaana 26,2019, Magaalaa Buusaa |Godina Giddu Galeessaa Aanaa Daawootti Pirojektiin bishaan dhugaatii qulqulluu Magaalaa Buusaa, deeggarsa dhaabbata Menshin for Menshin Foundation qarshii miliyoona 122 fi hirmaannaa mootummaa fi hawaasaa qarshii miliyoona 28, waliigalaan qarshii miliyoona 150n ijaarame, harra eebbifamee tajaajilaaf banaa ta’eera.

Pirojektichi hawaasa kuma 47 ol ta’uuf bishaan dhugaatii qulqulluu fi gahaa kan dhiyeessu yoo ta’u, rakkoo bishaan dhugaatii hawaasa Magaalaa Buusaafi naannawashee guutummaatti fura jedhameera.

Hoggantuun Biiroo Bishaanii Oromiyaa, Inj. Maariyaa Guutamaa, sirna eebbaa irratti haasaa taasisaniin, bishaan qulqulluun fayyaa, qulqullina, kabaja ilma namaa fi misooma hawaasaa waliin walitti dhufeenya cimaa qabaachuu ibsan.

Mootummaan Naannoo Oromiyaa bishaan dhugaatii qulqulluu, gahaa fi itti fufiinsa qabu hawaasaaf mirkaneessuuf xiyyeeffannoodhaan hojjechaa jiraachuu dubbataniiru.

Inj. Maariyaan, pirojektichi Biiroo Bishaanii Oromiyaa fi Menshin for Menshin Foundation waliin ta’uun hojjetamee xumuramuun isaa, rakkoo hawaas-dinagdee uummataa furuuf gahee olaanaa qabaachuu ibsuun, dhaabbatichi deeggarsa fi tumsa taasiseef galateeffataniiru.

Kaayyoon mootummaa pirojektoota bishaanii ijaaruu qofa osoo hin taane, hawaasni bishaan qulqulluu argatee fayyaa fi jireenyi isaa akka fooyya’u, akkasumas bu’uuraaleen bishaanii ijaaraman sirnaan kunuunfamuun tajaajilichi dhaloota dhufuufis akka itti fufu hubachiisaniiru.

Dura Taa’aan Doktaroota Awustiriyaa, Doktar Kiristiyaan Giroos, pirojektichi hawaasaaf faayidaa guddaa qabaachuu ibsuun, Pirojektiin hawaasaaf hojjetame kun eegumsaafi kunuunsi barbaachisu akka taasifamuuf dhaaman.
Daayireektarri Pirojektii, Opireeshinii fi Raawwii Dhaabbata Menshin for Menshin, Aadde Baahirituu Siyyum, Milkaa'ina pirojektichaa keessatti deeggarsi taasifame hawaasa rakkoo bishaanii keessa jiruuf furmaata fiduu irratti shoora olaanaa qabaachuu ibsuun, hojiiwwan misoomaa kana fakkaatu keessatti tumsi dhaabbatichaa akka itti fufu ibsaniiru.

Bulchaan Bulchiinsa Aanaa Daawoo, Obbo Alamuu Qana’aa fi Kantiibaan Magaalaa Buusaa obbo Kabbadaa Getaachoos gamasaanitiin haasaa taasisan keessatti, pirojektichi rakkoo bishaan dhugaatii Magaalaa Buusaa fi naannawa ishee furuu dubbatan. Hawaasnis rakkoo bishaan qulqulluu dhabuun irra gahaa ture waan hubateef pirojekticha akka qabeenya isaatti kunuunsee akka itti fayyadamu gaheesaanii akka bahatan ibsaniiru.

Hawaasni Magaalaa Buusaa fi naannawa ishee gama isaaniin, pirojektichi rakkoo bishaan dhugaatii isaan mudataa ture furuun jireenya isaanii keessatti jijjiirama guddaa fiduu ibsuun, gammachuu fi galata qaban ibsaniiru.

Pirojektichi tumsa mootummaa, hawaasaa fi dhaabbilee deeggarsaa cimsuun bishaan qulqulluu fi itti fufiinsa qabu hawaasaaf dhiyeessuuf fakkeenya gaarii ta’uun isaa ibsameera.

! 💧
Bishaan Qulqulluu — Fayyaa Ummataaf!
Tumsa Keenyaan — Bishaan Qulqulluu Hundaaf!


Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

!=======Biiroon Bishaanii Oromiyaa fi hojjettoonni Biiroichaa, Muummee Ministiraa FDRI Kab. Dr. Abiyyi Ahimad, irra dee...
06/10/2026

!
=======
Biiroon Bishaanii Oromiyaa fi hojjettoonni Biiroichaa, Muummee Ministiraa FDRI Kab. Dr. Abiyyi Ahimad, irra deebiin filatamuusaaniif baga gammaddan, baga gammanne jechuun hawwii qaban ibsan.

Muummeen Ministiraa Dr. Abiyyi Ahimad, rakkoo bishaan dhugaatii qulqulluu biyyattii furuuf imaammataa fi tarsiimoo qabatamaa diriirsuun, bishaan qulqulluu fi nageenya qabu ummataaf dhiyeessuuf hojii bal’aa gaggeessaa jiru.

Biiroon Bishaanii Oromiyaa fi hojjettoonni isaa, galma kana milkeessuuf kutannoo, ciminaafi itti-gaafatamummaa olaanaan qooda isaanii bahachuuf qophii ta’uu ibsan.

💧 Bishaan Lubbuudha!




Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

03/10/2026

(Biiroon Bishaanii Oromiyaa) irra deebidhaan Baga Irreecha bara 2019tiin isin gahe jedha.
!

"Baga Ayyaana Irreechaa Bara 2019 Nagaan Geessan!" Injr. Maariyaa Guutamaa======Ummata Oromoo biyya keessaafi biyya alaa...
02/10/2026

"Baga Ayyaana Irreechaa Bara 2019 Nagaan Geessan!" Injr. Maariyaa Guutamaa
======
Ummata Oromoo biyya keessaafi biyya alaa jiraattan, akkasumas sabootaafi sablammoota biyya keenyaa hundaaf, Ayyaana Irreechaa Bara 2019 baga nagaan geessan!

Irreechi ayyaana galateeffannaa Uumaa, nagaa, araaraa, jaalalaa, obbolummaa fi tokkummaa ti. Irreechi akkasumas calaqqee duudhaa fi sirna Gadaa Oromoo, akkasumas hariiroo ilma namaa fi uumamaa gidduu jiru kan mul’isuudha.

Yeroo bacaqii gannaa keessaa baanee booqaa birraatti ceenu, uumamni haaromsa; lafti magarsaa, malkaan yaa’a, jireenyi haaraas ni daraara. Kanaaf, “Malkaan ni taliila” jechuun bishaan mallattoo jireenyaa, qulqullinaa, haaromsaafi badhaadhinaa ta’uu nu yaadachiisa.

Bishaan lubbuudha. Bishaan jireenya namaa, horii fi uumamaa hundaa ti; misooma, fayyaa fi badhaadhina hawaasa keenyaa keessattis gahee olaanaa qaba.

Biiroon Bishaanii Oromiyaa, qabeenya bishaanii keenya qorachuu, kunuunsuu fi sirnaan bulchuu, akkasumas uummataaf bishaan dhugaatii qulqulluu, gahaa fi itti fufiinsa qabu dhiyeessuuf hojii isaa cimsee itti fufa.

Bara 2019 keessattis, hojiiwwan bishaanii saffisaan, qulqullinaan, bu’a qabeessaafi itti gaafatamummaan raawwachuun; pirojektoota bishaanii duraanii cimsuun, tajaajila bishaan dhugaatii babal’isuun, fayyadamummaa hawaasaa daran mirkaneessuuf kutannoon ni hojjenna.

Ayyaanni Irreechaa Bara 2019 kun, nagaa nuuf haa fidu; araara nuuf haa buusu; jaalalaa fi obbolummaa nu keessatti haa dagaagsu; tokkummaa keenya haa cimsu; gammachuu, badhaadhinaa fi milkaa’ina nuuf haa ta’u!

🌿 Baga Irreecha Geessan!
🌿 Baga Nagaan Waliin Geenye!
🌿 Irreechi Bara 2019 Nagaa, Araaraa fi Badhaadhina Nuuf Haa Ta’u!

Injinar Maariyaa Guutamaa
Hoggantuu Biiroo Bishaanii Oromiyaa




Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

Jimmaa Raareetti Pirojektoota 16 Irraa Ummanni 9,318 Fayyadamaa Bishaan Dhugaatii Qulqulluu Ta’e======= | Ful, 22/2019 ...
02/10/2026

Jimmaa Raareetti Pirojektoota 16 Irraa Ummanni 9,318 Fayyadamaa Bishaan Dhugaatii Qulqulluu Ta’e
=======
| Ful, 22/2019 — Godina Horroo Guduruu Wallaggaa, Aanaa Jimmaa Raareetti, pirojektoota bishaan dhugaatii 16 bara darbe qarshii miliyoona 205 oliin hojjetamanii xumuraman irraa ummanni 9,318 fayyadamaa bishaan dhugaatii qulqulluu ta’uu Waajjirri Bishaan, Albuudaafi Inarjii Aanichaa ibse.

I/G Waajjira Bishaanii, Albuudaafi Inarjii Aanaa Jimmaa Raaree Obbo Taadalee Gooshuu akka ibsanitti, pirojektoota kana keessaa boolla bishaanii qotuu, burqaa gabbisuu fi baayoo gaazii dabalatee hojiileen gara garaa raawwatamaniiru. Kanaanis uwwisni bishaan dhugaatii aanichaa 54.8% irraa gara 62.4%tti guddateera.

Bara 2019tti ammoo pirojektoota haaraa 13, qarshii waliigalaa mil. 546 oliin hojjechuun, ummata 11,642 fayyadamaa bishaan dhugaatii qulqulluu taasisuuf karoorfamuu ibsameera.

!.

Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

Irreecha Waliigaltee Biyyaalessaaf! (Fulbaana, 21/2019)
01/10/2026

Irreecha Waliigaltee Biyyaalessaaf!
(Fulbaana, 21/2019)

Walharkaa Fuudhinsi Hoggansaa Biiroo Bishaanii Oromiyaa harra Gaggeeffame .======== | Finfinnee | Fulbaana 20/2019 – Ho...
30/09/2026

Walharkaa Fuudhinsi Hoggansaa Biiroo Bishaanii Oromiyaa harra Gaggeeffame .
========

| Finfinnee | Fulbaana 20/2019 – Hoggantuu Biiroo Bishaanii fi Inarjii Oromiyaa duraanii Inj. Miliyoon Baqqalaa fi Hoggantuu Biiroo Bishaanii Oromiyaa haaraa Inj. Maariyaa Guutamaa gidduutti, bakka miseensonni Manaajimantii Biirichaa argamanitti, sirni walharkaa fuudhinsa hoggansaa fi hojii harra gaggeeffame.

Sirnicha irratti, karoora hojii bara 2019 irratti mariin kan taasifame yoo ta’u, Inj. Miliyoon Baqqalaan yeroo hoggansa isaanii keessatti hojiiwwan damee bishaanii irratti hojjetaman, milkaa’inawwan argaman, muuxannoowwan horataman, akkasumas hojiiwwan itti fufuu fi fooyya’uu qaban Hoggantuu haaraaf ibsaniiru..

Hoggantuun Biiroo Bishaanii Oromiyaa Inj. Maariyaa Guutamaan, hojiiwwan jalqabaman itti fufsiisuun, hanqinoota jiran furuufi tajaajila bishaanii qulqulluu, amanamaa fi waaraa uummataaf dhiyeessuuf Ogeessotaafi Manaajimantii biirichaa waliin xiyyeeffannoon akka hojjetaman sirna kanarratti ibsaniiru.


Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

Caffeen Oromiyaa Yaa'iisaa duraa Waggaa 1ffaa Bara hojii 7ffaa Magaalaa Adaamaa Galma Caffeetti geggeessaa jiruun Injina...
28/09/2026

Caffeen Oromiyaa Yaa'iisaa duraa Waggaa 1ffaa Bara hojii 7ffaa Magaalaa Adaamaa Galma Caffeetti geggeessaa jiruun Injinar Maariyaa Guutamaa Hoggantuu Biiroo Bishaanii Oromiyaa gochuun muudeera. Bara Hojii Gaarii
Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

‎
‎

Address

Bole Road, Flamingo
Addis Ababa
FINFINNE,ETHIOPOA

Website

Alerts

Be the first to know and let us send you an email when Oromia Water Bureau posts news and promotions. Your email address will not be used for any other purpose, and you can unsubscribe at any time.

Shortcuts

Share

Category