Demba Gofa Woreda Government Communication Affairs Office

Directions Website

Demba Gofa Woreda Government Communication Affairs Office በጎፋ ዞን ደምባ ጎፋ ወረዳ የመንግስት ኮሙኒኬሽንጉዳዮች ጽ/ቤት

የኦይዳ ወረዳ ዋና አስተዳዳሪ ክቡር አቶ አብርሃም አልዬየተለያዩ ሹመቶችን ሰጥተዋል።በዚህም መሰረት:-1. አቶ ሳሙኤል እሸቱ ..... ከተማና መሠረተልማት ጽ/ቤት ኃላፊ2. አቶ አምባዬ አዶ...
09/10/2026



የኦይዳ ወረዳ ዋና አስተዳዳሪ ክቡር አቶ አብርሃም አልዬ
የተለያዩ ሹመቶችን ሰጥተዋል።

በዚህም መሰረት:-

1. አቶ ሳሙኤል እሸቱ ..... ከተማና መሠረተልማት ጽ/ቤት ኃላፊ

2. አቶ አምባዬ አዶሼ ..... ፋይናንስና ፕላን ልማት ጽ/ቤት ኃላፊ

3. ወ/ሮ ልዕልት አልቶ .... ንግድና ገበያ ልማት ጽ/ቤት ኃላፊ

4. አቶ ተመስገን ተስፋዬ ... ገቢዎች ጽ/ቤት ኃላፊ

5. አቶ ታደሰ ታዬ ........... ባህል ቱርዝም እና ስፖርት ጽ/ቤት ኃላፊ

6. አቶ እምባቆም አዛዜ .... አስተዳደር ጽ/ቤት ኃላፊ

7. አቶ ምትኩ ሀለቃ ...... ግብርና ጽ/ቤት ኃላፊ

8. አቶ እንግዳ እንድሪያስ ... ሰላምና ፀጥታ አስተዳደር ጽ/ቤት ኃላፊ

9.አቶ ኩሜታ ኩንሳ ......... ስቭል ሰርቭስ ጽ/ቤት ኃላፊ

10.አቶ ያዕቆብ ደበበ........ ሥራና ክህሎት ጽ/ቤት ኃላፊ

11.አቶ ደሣለኝ ቃንታ ..... ፍትህ ጽ/ቤት ኃላፊ

12.አቶ ተመስገን ጎበና ..... ማዕድን ጽ/ቤት ኃላፊ

13.ወ/ሮ ሠራዊት ቶልባ .... ሴቶችና ማህበራዊ ጉዳይ ጽ/ቤት ኃላፊ

14.አቶ ገብሬ አበራ......... መስኖና ቆላማ ጽ/ቤት ኃላፊ

15.አቶ ዘዉዴ በላይ ...... መሬት አስተዳደር ጽ/ቤት ኃላፊ

16.አቶ ደበበ ዳ/ዳና ...... ኢንቨስትመንት ጽ/ቤት ኃላፊ

17.አቶ ነጋ አረጋ ...... ትምህርት ጽ/ቤት ኃላፊ

18.አቶ እድገቱ እስራኤል …. ዉሃና ኢነርጅ ጽ/ቤት ኃላፊ

19.አቶ ሳሱዴ ፋንካሾ ..... መንግሥት ኮሙዩኒኬሽን አገልግሎት ጽ/ቤት ኃላፊ

20.አቶ ወልደሀና ባይታሮ .... ትራንስፖርትና መንገድ ልማት ጽ/ቤት ኃላፊ

21.አቶ ባልታ ባህሩ ..... ሳይንስና ኢኖቬሽን ጽ/ቤት ኃላፊ

22.ወ/ሮ ዝናሽ በለጠ .... ህ/ም ቤት ዋና አፈ ጉባኤ

23.አቶ መልካሙ ማዳ ...ህ/ም ቤት ም/ አፈ ጉባኤ

24.አቶ አለሙ አይማ ..... ህዝብ ም/ቤት የኢኮኖሚ ዘርፍ ቋሚ ኮሚቴ ሰ/ቢ

25.አቶ ኢሳያስ አግዶ......ህዝብ ም/ቤት የማህበራዊ ዘርፍ ቋሚ ኮሚቴ ሰብሳቢ

26.አቶ ጴጥሮስ ጃግሌ .....ህዝብ ም/ቤት የህግና ፍትህ ዘርፍ ቋሚ ኮሚቴ ሰብሳቢ

27.ወ/ሮ ንጋቷ በየነ .... ብ/ፓ/ቅ/ጽ/ቤት የሴቶች ክንፍ ኃላፊ

28.ወ/ሮ አለምነሽ አራባ ..... ብ/ፓ/ቅ/ጽ/ቤት ሀብት ልማትና ፋይናንስ አስተዳደር ዘርፍ ኃላፊ

29.አቶ ተካልኝ ጴጥሮስ ...... ብ/ፓ/ቅ/ጽ/ቤት የወጣቶች ክንፍ ኃላፊ

30.አቶ ማናሌ ማልካ ....... ብ/ፓ/ቅ/ጽ/ቤት ሚድያና ህዝብ ግንኙነት ዘርፍ ኃላፊ

31.አቶ ማስኮቤ ዮሰፍ ..... ብ/ፓ ኢንስፐክሽን ስነምግባርና ኮሚሽን ጽ/ቤት ኃላፊ

32.አቶ ዮናስ ቡጫራ ........ብ/ፓ ኢንስፐክሽን ስነምግባርና ኮሚሽን ጽ/ቤት ም/ኃላፊ

33.አቶ አማኑኤል ሽፈራዉ ....ብ/ፓ/ቅ ጽ/ቤት የፖለቲካ ዘርፍ ም/ኃላፊ

34.አቶ ዘላለም ማትዮስ .....ብ/ፓ/ቅ ጽ/ቤት የአደረጃጀት ዘርፍ ም/ኃላፊ

35.አቶ ይስሀቅ አልታዬ.... ሚሊሻ ጽ/ቤት ኃላፊ

36.አቶ መልካሙ አልባ ... አከ/ጥ/አ/ን/ለ/ቁ ጽ/ቤት ኃላፊ

37.አቶ ተገኝ ወዶጋባ .... ህብረት ስራ ጽ/ቤት ኃላፊ

38.አቶ ሠራዊት ዘነበ ..... ወጣቶችና በጎ ማስተባበሪያ ጽ/ቤት ኃላፊ

39.አቶ መለሰ ባንጃ .... የህብረተሰብ ተሳትፎ ማስተባበሪያ ዘርፍ ኃላፊ
40. አቶ ይርጋለም ነጋሽ... ማዘጋጃ አገልግሎት ስራ አስኪያጅ

41.አቶ ተረፈ ወ/ማገኝ ... ምግብ ዋስትና ዘርፍ ኃላፊ

42.አቶ አድሱ ፃምባሎ .... ቡና ሻይና ቅመማቅመም ዘርፍ ኃላፊ

43.ወ/ሮ ጠጅቱ ፀጋዬ ……… ወሳኝ ኩነት ማስተባበሪያ

#ምንጭ:- የኦይዳ ወረዳ መንግስት ኮሚዩኒኬሽን ጽህፈት ቤት

የክልሉ ድጋፍ ቡድን በጎፋ ዞን የክረምት በጎ ፈቃድ አገልግሎት አፈጻጸምን ገመገመበጎፋ ዞን በ18 የትኩረት መስኮች ከ665 ሚሊዮን ብር በላይ ማዳን ያስቻሉ የክረምት በጎ ፈቃድ ተግባራት መፈ...
09/10/2026

የክልሉ ድጋፍ ቡድን በጎፋ ዞን የክረምት በጎ ፈቃድ አገልግሎት አፈጻጸምን ገመገመ

በጎፋ ዞን በ18 የትኩረት መስኮች ከ665 ሚሊዮን ብር በላይ ማዳን ያስቻሉ የክረምት በጎ ፈቃድ ተግባራት መፈጸማቸው ተገለጸ

ሣውላ፦ መስከረም 29/2019 ዓ.ም

የደቡብ ኢትዮጵያ ክልል ድጋፍ ቡድን በጎፋ ዞን በመገኘት በ2018/19 በጀት ዓመት የክረምት በጎ ፈቃድ አገልግሎት ከቅድመ ዝግጅት ጀምሮ በአፈጻጸምና በማጠቃለያ ምዕራፎች የተከናወኑ ተግባራትን በመስክ በመመልከት ምዘና አካሂዷል።

በምዘናው ወቅት በዞኑ በ18 የትኩረት መስኮች በተከናወኑ የበጎ ፈቃድ ተግባራት ከ665 ሚሊዮን ብር በላይ ማዳን መቻሉ የተገለጸ ሲሆን፣ የተገኙ ውጤቶችን፣ የተሰሩ ሥራዎችንና ለቀጣይ ሥራዎች የሚያግዙ ተሞክሮዎችን በተመለከተ ለዞኑ ዐቢይና ቴክኒክ ኮሚቴዎች አባላት ግብረ መልስ ተሰጥቷል።

የደቡብ ኢትዮጵያ ክልል ሴቶችና ማኅበራዊ ጉዳይ ቢሮ ምክትል ኃላፊ ወ/ሮ ገነት በለጠ፣ በዞኑ በተለያዩ ወረዳዎችና ቀበሌዎች በተደረገው የመስክ ምልከታ ውጤታማ የበጎነት ተግባራት መከናወናቸውን በማየታቸው መደሰታቸውን ተናግረዋል።

በተለይም ድጋፍ የተደረገላቸው የማኅበረሰብ ክፍሎች ችግራቸው በዘላቂነት እየተፈታ መሆኑን መመልከታቸውን ገልጸው፣ በአጭር የክረምት ወቅት ለአቅመ ደካሞችና ረዳት ለሌላቸው ወገኖች ከጭቃ ቤት ወደ ደረጃውን የጠበቀ የብሎኬት ቤት በመሸጋገር የተሻለ መጠለያ እንዲያገኙ መደረጉ ከተከናወኑት አበረታች ተግባራት መካከል እንደሚገኝ አመልክተዋል።

የጎፋ ዞን ብልጽግና ፓርቲ ቅርንጫፍ ጽሕፈት ቤት ኃላፊና የዞኑ የክረምት በጎ ፈቃድ አገልግሎት ዐቢይ ኮሚቴ ሰብሳቢ አቶ ጋሻያለው ገላ፣ የዘንድሮው የክረምት በጎ ፈቃድ አገልግሎት በፓርቲው የአመራር አቅጣጫ መሠረት በሁሉም መዋቅሮች ዐቢይና ቴክኒክ ኮሚቴዎችን በማዋቀር፣ በተቀናጀ አመራርና ክትትል ወደ ተግባር መገባቱን ገልጸዋል።

ተግባራቱ ከቅድመ ዝግጅትና ዕቅድ አዘገጃጀት ጀምሮ እስከ አፈጻጸምና ማጠቃለያ ድረስ በዐቢይና ቴክኒክ ኮሚቴዎች በተዘጋጀ የጊዜ ሰሌዳ መሠረት እየተገመገሙ መመራታቸውን አቶ ጋሻያለው አስረድተዋል። በተጨማሪም ከክልሉ በተላከው የአፈጻጸም መርህ መሠረት በ18ቱም የትኩረት መስኮች የየዘርፉ ዕቅዶች በጋራ በመዘጋጀትና በመወያየት ሥራዎቹ እንዲከናወኑ መደረጉን ጠቁመዋል።

ከተከናወኑት የበጎ ፈቃድ ተግባራት መካከል ለመጠለያ ችግር ላለባቸው ወገኖች የቤት ባለቤት ማድረግ ትልቅ ትኩረት እንደተሰጠው የገለጹት አቶ ጋሻያለው፣ በክረምቱ ወቅት 253 ለሚሆኑ ወገኖች ደረጃውን የጠበቀ የብሎኬት ቤት በመገንባት ማስረከብ መቻሉን አመልክተዋል። ይህም የተቸገሩና ደጋፊ የሌላቸው የማኅበረሰብ ክፍሎች የተሻለ የኑሮ ሁኔታ እንዲኖራቸው ከማገዙም በላይ የበጎ ፈቃድ አገልግሎቱ ተጨባጭ ለውጥ ማምጣት እንደቻለ አሳይቷል።

እንደ አቶ ጋሻያለው ገለጻ፣ የክረምት በጎ ፈቃድ አገልግሎት ለሁሉም አመራሮች ትኩረት የተሰጠው ተግባር በመሆኑ፣ ከክልሉ ዕቅድ በተጨማሪ የዞኑን ሁኔታ ያገናዘበ ዕቅድ በማዘጋጀት ተግባራቱ በውጤታማነት እንዲፈጸሙ ተደርጓል።

በየዘርፉ የተዘጋጁ ዕቅዶችም በዐቢይና ቴክኒክ ኮሚቴዎች አማካኝነት ወደ ተግባር እንዲገቡና በቅንጅት እንዲመሩ መደረጉን ተናግረዋል።

በክረምቱ ወራት የተከናወኑት የበጎነት ተግባራት የተቸገሩ ወገኖችን እንባ ከማበስ ባለፈ፣ በማኅበረሰቡ ውስጥ የመተሳሰብ፣ የመረዳዳትና የመደጋገፍ እሴቶችን ያጠናከሩ መሆናቸውንም አቶ ጋሻያለው ጠቁመዋል። በጎነት ለሰው ልጆች የሚሰጥ ድጋፍ ብቻ ሳይሆን ለሚያደርጉትም የሕሊና እርካታን የሚሰጥና ከፈጣሪ የሚገኝ በረከት መሆኑን አመላክተዋል።

የክልሉ ድጋፍ ቡድን ያካሄደው ምዘና በዞኑ ከቅድመ ዝግጅት እስከ ማጠቃለያ ድረስ የተከናወኑ ተግባራትን በስፋት ለመገምገም፣ የተገኙ ውጤቶችን ለመለየትና ለቀጣይ ሥራዎች የሚያግዙ ተሞክሮዎችን ለማጋራት ያገዘ መሆኑ ተመላክቷል።
ቡድኑ የሰጠው ግብረ መልስም በቀጣይ የበጎ ፈቃድ አገልግሎት አፈጻጸም የተሻሉ ውጤቶችን ለማምጣት ጠቃሚ እንደሚሆን ተገልጿል።

በጥቅሉ፣ በጎፋ ዞን በ18 የትኩረት መስኮች የተከናወኑ የበጎ ፈቃድ ተግባራት ከ665 ሚሊዮን ብር በላይ ሀብት ማዳን ማስቻላቸው፣ 253 ወገኖች የመኖሪያ ቤት ባለቤት መሆናቸውና የማኅበረሰቡን የመተሳሰብና የመረዳዳት እሴቶች ማጠናከራቸው የተገኙ ዋና ዋና ውጤቶች መሆናቸው ተጠቁሟል።

የተገኙት ውጤቶች የማኅበረሰብ አቅምን በማሰባሰብ ተጨባጭ ለውጥ ማምጣት እንደሚቻል ያሳዩ ሲሆን፣ ተግባራቱን በዘላቂነት ለማስቀጠልና ለሌሎች ዞኖች ተሞክሮ የሚሆኑ ሥራዎችን ለማስፋፋት ጠንካራ መሠረት መጣሉም ተመላክቷል።

ጋሞ ዞን እርጥብ ሳር ይዘው የሚነድ እሳት ያጠፉ ጥበበኛ የጋሞ አባቶች መኖሪያ ነው - ተስፋዬ በልጅጌ (ዶ/ር)ሳውላ፣ መስከረም 28፣ 2019 ዓ/ምአቅም፣ እውቀት፣ ልምድና ጉልበትን በመደመር...
09/10/2026

ጋሞ ዞን እርጥብ ሳር ይዘው የሚነድ እሳት ያጠፉ ጥበበኛ የጋሞ አባቶች መኖሪያ ነው - ተስፋዬ በልጅጌ (ዶ/ር)

ሳውላ፣ መስከረም 28፣ 2019 ዓ/ም

አቅም፣ እውቀት፣ ልምድና ጉልበትን በመደመር እንዲሁም ወንድማማችነትን በማጠናከር የልማት ሥራዎችን በትጋት እንሰራለን አሉ የደቡብ ኢትዮጵያ ክልል ርዕሰ መስተዳድር ተስፋዬ በልጅጌ (ዶ/ር)።

በክልሉ ም/ቤት መስራች ጉባዔ ርዕሰ መስተዳድር ሆነው የተሰየሙት ተስፋዬ በልጅጌ (ዶ/ር) በአርባምንጭ ከተማ አቀባበል ተደርጎላቸዋል።

ተስፋዬ በልጅጌ (ዶ/ር) በዚህ ወቅት ባስተላለፉት መልዕክት÷ ጋሞ ዞን ከገቡበት ጊዜ ጀምሮ በተለያዩ አካባቢዎች በሕብረተሰቡ ለተደረገላቸው ደማቅ አቀባበል አመስግነዋል።

የጋሞ ዞን እርጥብ ሳር ይዘው የሚነድ እሳት ያጠፉ የጋሞ አባቶች መኖሪያ፣ የጥበብ፣ የሰላምና የመቻቻል ምድር ናት ያሉት ርዕሰ መስተዳድሩ÷ ይህን ለኢትዮጵያ ሀገረ መንግሥት ግንባታ የሚውል እሴት ጠብቀው ላቆዩ አባቶች ምስጋና አቅርበዋል።

በቀጣይ የተጀመሩ የልማት ሥራዎችን ለማስቀጠል የሚታዩ ችግሮችን በመለየት በእቅድ አካቶ ለመስራት ከተለያዩ የሕብረተሰብ ክፍሎች ጋር የሚደረጉ ውይይቶች መሠረታዊ ናቸው ብለዋል፡፡

በአርባምንጭ ከተማ እንዲሁም በጋሞ ዞን የተጀመረውን ልማት አጠናክሮ ለማስቀጠልና አዳዲሶችን ለመጀመር የምንሰስተው ጊዜ እና ጉልበት የለም ነው ያሉት።

አርባምንጭን የኢትዮጵያ ብቻ ሳይሆን የዓለም የኮንፈረንስ እና የቱሪዝም ማዕከል ለማድረግ በቁርጠኝነት እንደሚሰራ አመልክተዋል።

መፍጠር፣ መፍጠንና መዝለልን መርህ በማድረግ ሥራዎች ታቅደው እንደሚሰሩ ጠቅሰው÷ ሕብረተሰቡም ለክልሉ መንግሥት ጊዜ በመስጠት፣ በጋራ ተጋግዞ በመስራት፣ ወንድማማችነትን በማጠናከር የልማቱ አጋር ሊሆን እንደሚገባ አስገንዝበዋል።

በቀጣይ አዳዲስ አሰራሮችን በመዘርጋት በተለይ የመልካም አስተዳደር ችግሮችን መቅረፍና የዴሞክራሲ ልምምድን ለማጠናከር ልዩ ትኩረት እንደሚሰጥ አብራርተዋል።

ርዕሰ መስተዳድሩ በቆይታቸው የአርባምንጭ ሁሉገብ ስታዲየም ግንባታ የደረሰበትን ደረጃ መመልከታቸውን የክልሉ ኮሙኒኬሽን መረጃ ያመላክታል።

ምንጭ ኤፍ ኤም ሲ

19ኛው ብሔራዊ የሠንደቅ ዓላማ ቀን የኢፌዴሪ መንግሥት ፕሬዘዳንት በተገኙበት በድምቀት ይከበራል፡፡መስከረም 29 / 2019 ዓ.ም19ኛው ብሔራዊ የሠንደቅ ዓላማ ቀን “ሠንደቅ ዓላማችን ለብሔራ...
09/10/2026

19ኛው ብሔራዊ የሠንደቅ ዓላማ ቀን የኢፌዴሪ መንግሥት ፕሬዘዳንት በተገኙበት በድምቀት ይከበራል፡፡

መስከረም 29 / 2019 ዓ.ም

19ኛው ብሔራዊ የሠንደቅ ዓላማ ቀን “ሠንደቅ ዓላማችን ለብሔራዊ መግባባትና ለአንድነታችን” በሚል መሪ ቃል በኢፌዴሪ የሕዝብ ተወካዮች ምክር ቤት ሰኞ ጥቅምት 2 ቀን፣ 2019 ዓ.ም ከጠዋቱ 3፡00 ሰዓት ጀምሮ በታላቅ ድምቀት ይከበራል፡፡

የብሔራዊ የሰንደቅ ዓላማ ቀን በሠንደቅ ዓላማ አዋጅ ቁጥር 863/2006 (እንደተሻሻለው) አንቀጽ 2 መሠረት በየዓመቱ ጥቅምት ወር የመጀመሪያ ሳምንት ሰኞ እንደሚከበር ይደነግጋል፡፡

ይህ በዓል ኢትዮጵያውያን የሀገርን ዳር ድንበር እና ክብሯን ለማስጠበቅ ደምና ላባቸውን አፍስሰው፣ አጥንታቸውን ከስክሰው ያስከበሩት ሰንደቅ ዓላማ በጋራ የሚከበርበት ቀን በመሆኑ ማንኛውም ኢትዮጵያዊ ዜጋ ለሰንደቅ ዓላማ የሚገባውን ክብር የመስጠትና የማክበር ኃላፊነትና ግዴታ አለበት፡፡

ብሔራዊ ሠንደቅ ዓላማ በዋናነት የኢትዮጵያውያን የማንነት መገለጫና አርማ ነው፡፡ ብሔራዊ ሠንደቅ ዓላማ ቀን የሚከበርበት ዋና ዓላማ ለሠንደቅ ዓላማ የሚገባውን ክብር በመስጠት ዜጎች የጋራ እሴቶቻቸውን የሚያጠናክሩበትና በሀገራዊ አንድነትና ህብረ ብሔራዊነት መግባባትን የሚፈጥሩበት ሀገራዊ በዓል በመሆኑ ነው፡፡

ብሔራዊ የሠንደቅ ዓላማ ቀን መከበር ከጀመረ እነሆ አስራ ስምንት ዓመታትን ያስቆጠረ ሲሆን ዘንድሮ ለአስራ ዘጠነኛ ጊዜ በኢፌዴሪ የሕዝብ ተወካዮች ምክር ቤት መሪነትና አስተባባሪነት በመላ ሀገሪቱ ወቅታዊ ሀገራዊ እና ነባራዊ ሁኔታዎችን ባገናዘበ መልኩ በድምቀትና በተለያዩ ዝግጅቶች ታጅቦ ይከበራል፡፡

በዚህም መሠረት ክቡር የኢፌዴሪ ፕሬዘዳንት ታዬ አጽቀሥላሴ ዕለቱን አስመልክቶ ለመላው ኢትዮጵያውያን መልዕክት በማስተላለፍ በንግግር ከከፈቱ በኋላ በጠቅላይ ፍርድ ቤት ፕሬዘዳንት አማካኝነት በቀጥታ ስርጭት በመላው ሀገሪቱ ዜጎች በሠንደቅ ዓላማው ፊት ቃለ መሃላ የሚፈጸምበት ሥነ ሥርዓት ይፈጸማል፡፡

ከዚያም በሀገር መከላከያ ሠራዊት ማርሽ ባንድ እና ክብር ዘብ ታጅበው በክቡር የኢፌዴሪ ፕሬዘዳንት አማካኝነት ሠንደቅ ዓላማ የመስቀል ሥነ ሥርዓት ይከናወናል።

በሥነ ሥርዓቱ ላይ የሕዝብ ተወካዮችና የፌዴሬሽን ምክር ቤቶች አባላት፣ ለምክር ቤቱ ተጠሪ የሆኑ ተቋማት፣ የሀገር መከላከያ ሠራዊት ከፍተኛ አመራሮች፣ የሀይማኖት አባቶች፣ ጥንታዊት ኢትዮጵያ ጀግኖች አርበኞች ማህበር እንዲሁም ጥሪ የተደረገላቸው እንግዶች በተገኙበት በታላቅ ድምቀት ይከበራል።

ይህ በዓል በመላው ሀገሪቱ በሚገኙ ክልሎችና ከተማ አስተዳደሮች፣ የመንግሥት መሥሪያ ቤቶች፣ ትምህርት ቤቶች፣ በውጭ ሀገር በሚገኙ የኢትዮጵያ ኤምባሲዎችና ቆንስላዎች በተመሳሳይ ሰዓትና ድምቀት ይከበራል።

የኢፌዴሪ የሕዝብ ተወካዮች ምክር ቤት!

19ኛው ብሔራዊ የሠንደቅ ዓላማ ቀን በመጪው ሰኞ ይከበራልመስከረም 29/2019 ዓ.ም19ኛው ብሔራዊ የሠንደቅ ዓላማ ቀን በመጪው ሰኞ የኢፌዴሪ ፕሬዚዳንት ታዬ አጽቀ ሥላሴ በተገኙበት በድምቀት...
09/10/2026

19ኛው ብሔራዊ የሠንደቅ ዓላማ ቀን በመጪው ሰኞ ይከበራል

መስከረም 29/2019 ዓ.ም

19ኛው ብሔራዊ የሠንደቅ ዓላማ ቀን በመጪው ሰኞ የኢፌዴሪ ፕሬዚዳንት ታዬ አጽቀ ሥላሴ በተገኙበት በድምቀት ይከበራል፡፡

ቀኑ “ሠንደቅ ዓላማችን ለብሔራዊ መግባባትና ለአንድነታችን” በሚል መሪ ቃል በኢፌዴሪ የሕዝብ ተወካዮች ምክር ቤት በድምቀት እንደሚከበር የምክር ቤቱ መረጃ አመላክቷል፡፡

ሙስናን የመታገል ቁርጠኝነትአዲስ አበባ፣ መስከረም 29፣ 2019 (ኤፍ ኤም ሲ) ሙስና ሀገርን ወደ ኋላ የሚጎትት፣ የታላቅነት ጉዞ እንቅፋት ነው፡፡ የሀገርን ሀብት በማባከን ማህበረሰቡ የሚገ...
09/10/2026

ሙስናን የመታገል ቁርጠኝነት

አዲስ አበባ፣ መስከረም 29፣ 2019 (ኤፍ ኤም ሲ) ሙስና ሀገርን ወደ ኋላ የሚጎትት፣ የታላቅነት ጉዞ እንቅፋት ነው፡፡ የሀገርን ሀብት በማባከን ማህበረሰቡ የሚገባውን ጥቅም እንዳያገኝም ያደርጋል፡፡

የመደመር መንግሥት እነዚህን ብልሹ አሰራሮች ለመከላከልና እምነት ያላቸው ተቋማትን ለመገንባት የተለያዩ ጥረቶችን ሲያደርግ ቆይቷል፡፡ የተቋማትን አሰራር በዲጂታል መልክ በማዘመን የሌብነት ተጋላጭነትን ለመቀነስ በመስራት ላይ ይገኛል፡፡

እንዲሁም የተለያዩ ምርመራዎችን በማካሄድ በወንጀል ተሳትፈው የተገኙ አካላትን ተጠያቂ የማድረግ ስራዎች ተሰርተዋል፡፡

በ2018 ዓ.ም በተደረገው ምርመራም ከ1 ሺህ 600 በላይ የሙስና መዝገቦች ተመርምረዋል፤ እንዲሁም ከ300 በላይ መዝገቦች ተከፍተው ከ400 በላይ ተከሳሾች ፍርድ ቤት ቀርበዋል፡፡

በትናንትናው ዕለት በተካሄደው የሕዝብ ተወካዮች ምክር ቤት 7ኛ የስራ ዘመን 1ኛ መደበኛ ስብሰባ ላይ ጠቅላይ ሚኒስትር ዐቢይ አሕመድ (ዶ/ር) ለቦታው ይመጥናሉ ያሏቸውን የመደመር መንግሥት ካቢኔ አባላትን አቅርበዋል። ምክር ቤቱም ሹመቱን መርምሮ አጽድቋል።

የሚኒስትሮች ሹመት ብቃትን መሠረት ያደረገ እና አካታችነትን ያረጋገጠ ሲሆን፤ ኢትዮጵያን በተሻለ ሁኔታ ወደ ፊት የሚወስዳትና ከግቧ የሚያደርሳት ነው፡፡

ሹመቱ ሀገር በኃላፊነት የሚሰጣቸው ሰዎች ምን ያህል ከሙስና የፀዱ መሆናቸው ብቻ ሳይሆን አካባቢያቸው ላይ የሚፈጸሙ የሙስና ተግባራትንና ብልሹ አሰራሮችን ለመከላከል ያላቸው ዝግጁነት ተጠንቶና ተፈትኖ የተደረገ ነው፡፡

ጠቅላይ ሚኒስትር ዐቢይ አሕመድ (ዶ/ር) እንደተናገሩት፤ ሁሉም ሚኒስትሮችና ሚኒስትር ዴኤታዎች ላለፉት ዓመታት ከፍተኛ የሆነ ሚስጥራዊ ክትትል ሲደረግባቸው ቆይቷል፡፡

በተጨማሪም በሀገር ውስጥና በውጪ ሀገር ያላቸውን እንቅስቃሴ፣ ከልጆቻቸው፣ የትዳር አጋሮቻቸው፣ ከሚያገኟው ሀብታሞች ጋር በሙሉ ምስጢራዊ ክትትል ሲደረግ ቆይቷል፤ በሙስና ተጠርጣሪነት ያላቸው ሚኒስትሮች ወደ ካቢኔ አባልነት ፈፅሞ አልተካተቱም ብለዋል፡፡

በትናንትናው ዕለት ሹመት የተሰጣቸውና ሀገር ለማስተዳደር ኃላፊነት የተጣለባቸው ሁሉ ስልጣናቸውን በአግባቡ ህዝብን ለማገልገል የሚጠቀሙ ከመሆናቸው ባሻገር ለትውልዱ አርዓያ መሆን እንደሚገባቸው ይታመናል፡፡

በመሆኑም ይህ ውሳኔ መንግሥት የሀገርን አደራ የሚወጡ፣ ሸክሟን ተሸክመው ሊያቀሉላት የተዘጋጁ ኃላፊነት የሚሰማቸው፣ በመንግሥትና በዜጎች መካከል መተማመንን ሊያጠናክሩ የሚችሉ ካቢኔዎችን በመሾም ለኢትዮጵያ ይበል የሚያሰኝ ስራን መስራቱን ያሳያል፡፡



በቤተልሔም ግርማ

የመንግሥት መሥሪያ ቤቶች ውጤታማነት በፋይዳ ሲለካበዘመናዊ የመንግሥት አስተዳደር የተቋማት ስኬት የሚለካው በዜጎች ዕለታዊ ሕይወት ላይ ያመጡት ተጨባጭ ለውጥና የፈጠሩት ፋይዳ ነው።ኢትዮጵያ በ...
09/10/2026

የመንግሥት መሥሪያ ቤቶች ውጤታማነት በፋይዳ ሲለካ

በዘመናዊ የመንግሥት አስተዳደር የተቋማት ስኬት የሚለካው በዜጎች ዕለታዊ ሕይወት ላይ ያመጡት ተጨባጭ ለውጥና የፈጠሩት ፋይዳ ነው።

ኢትዮጵያ በያዘችው የብልፅግና ጉዞ የመንግሥት መሥሪያ ቤቶች የአሠራር ባህልም ከልማዳዊ የሂደት አስተሳሰብ ተላቅቆ በውጤት፣ ፋይዳና ተፅዕኖ ላይ ወደሚያተኩር አሠራር መሸጋገር ይገባዋል።

ጠቅላይ ሚኒስትር ዐቢይ አሕመድ (ዶ/ር) የመደመር መንግሥት ካቢኔ አባላትን ባቀረቡበት ወቅት ካሰመሩባቸው አበይት ጉዳዮች አንዱ የኢትዮጵያ እድገትና ለውጥ በዜጎች ሕይወት ላይ ተጨባጭ ለውጥ ካላመጣ ትርጉም እንደማይኖረው ነው።

ይህ እሳቤ የመንግሥት ተቋማት የሚሠሩበትን መንገድ ብቻ ሳይሆን ስኬታቸው የሚለካበትን መስፈርትም እንደገና ማየትን ይጠይቃል።

ተቋም ምን ያህል ሥራ እንደሠራ መጠየቅ አስፈላጊ ቢሆንም ያከናወነው ሥራ ምን ያህል ፋይዳ አስገኝቷል? የዜጎችን ሕይወትስ ምን ያህል ቀይሯል? የሚለው ወሳኝ ነው።

እነዚህ ጥያቄዎች ከ“ምን ሠራን?” ወደ “ምን ተለወጠ?” የሚደረገውን የአስተሳሰብ ሽግግር የሚያመለክቱ ሲሆን ይህም የመንግሥት ተቋማት ሥራቸውን በተግባራዊ ውጤት እንዲመዝኑ የሚያደርግ አሠራር ነው።

በዚህ አዲስ የአፈጻጸም እሳቤ መሠረት ተቋማት በተፈጸሙ ሥራዎች ያመጡትን ውጤት፣ የፈጠሩትን ፋይዳና በማኅበረሰቡ ላይ ያሳረፉትን ተፅዕኖ ማሳየት ይጠበቅባቸዋል።

ይህ አሠራር ተቋማዊ ተጠያቂነትን በማጠናከር አመራሩም ሆነ ሠራተኛው የሚያከናውነውን ሥራ ከውጤቱ ጋር እንዲያገናኙ ያስችላል።

ስለዚህ ከሂደት ወደ ውጤት፣ ከውጤት ወደ ፋይዳና ከፋይዳ ወደ ተጨባጭ ተፅዕኖ የሚደረገው ሽግግር ለዘመናዊ የመንግሥት አስተዳደር ተገቢ አቅጣጫ ነው።

እያንዳንዱ የመንግሥት ውሳኔና እንቅስቃሴ በዜጎች ሕይወት ላይ ተጨባጭ ፋይዳ እንዲፈጥር ማድረግ ደግሞ የተቋማትን ውጤታማነት ብቻ ሳይሆን የመንግሥትን ተጠያቂነትና የሕዝብን እምነት ለማጠናከር ወሳኝ ነው።(ኤፍ ኤም ሲ)

ሰላም ፣ እንዴት አደራችሁ?እውነተኛዋ ህብረ-ብሔራዊት ሀገር፦ ኢትዮጵያአዲስ አበባ፣ መስከረም 29፣ 2019 (ኤፍ ኤም ሲ) ኢትዮጵያ በብዝሃነቷ የተዋበች ሀገር ናት። ብሔሮቿ፣ ቋንቋዎቿና ባህ...
09/10/2026

ሰላም ፣ እንዴት አደራችሁ?

እውነተኛዋ ህብረ-ብሔራዊት ሀገር፦ ኢትዮጵያ

አዲስ አበባ፣ መስከረም 29፣ 2019 (ኤፍ ኤም ሲ) ኢትዮጵያ በብዝሃነቷ የተዋበች ሀገር ናት። ብሔሮቿ፣ ቋንቋዎቿና ባህሎቿ በአንድ ሀገራዊ ጣራ ሥር አብረው የኖሩ ሲሆን፣ ይህ ብዝሃነትም የጋራ ጥንካሬዋ ነው።

ልዩነቶችን ማጥፋት ሳይሆን በማክበር፣ አንድነትንም በተመሳሳይነት ሳይሆን በእኩልነት፣ በመከባበርና በጋራ ጥቅም ላይ መገንባት ነው።

ይህ ሀሳብ በኢትዮጵያ በቃል ብቻ አልቀረም። ሀገራዊ ምክክሩ ልዩነቶችን በጉልበት ሳይሆን በውይይትና በመግባባት ለመፍታት የተጀመረ ተጨባጭ ሂደት ነው። በሂደቱም በ1 ሺህ 234 ወረዳዎች የአጀንዳ ልየታ ተካሂዶ የሀገሪቱን 93 በመቶ አካባቢ መድረስ ተችሏል።

የተሰበሰቡት አጀንዳዎችና ምክረ ሀሳቦች ለፌዴራልና ለክልል መንግሥታት እንዲሁም ለሕዝብ ተወካዮች ምክር ቤት መተላለፋቸው ደግሞ ልዩነትን ከግጭት ወደ ውይይት ለመቀየር የተጀመረውን ጉዞ ያሳያሉ።

በሌላ በኩል ህብረ-ብሔራዊነት የሚጠናከረው ዜጎች መናገር ብቻ ሳይሆን የሚደመጡበት ሥርዓት ሲኖርም ነው። የመንግሥት -ሕዝብ ምክክር ፖርታልም ረቂቅ ሕጎች ከመጽደቃቸው በፊት ዜጎች አስተያየት የሚሰጡበትን የዲጂታል መድረክ ፈጥሯል።

ሰላምና ማህበራዊ ትስስርም የህብረ-ብሔራዊነት መሠረቶች ናቸው። ከዚህ አንጻር የሰላም ሚኒስቴር ብሔራዊ መግባባትን፣ የባህል ልውውጥንና የመከባበር ባህልን ከሚያጠናክሩ ሥራዎች ጋር የተያያዙ ተግባራትን እያከናወነ ይገኛል።

በዚህም በሀገሪቱ በሁሉም ክልሎች ከ200 ሺህ በላይ ወጣቶችን በማሳተፍ የተካሄደው የሰላም በጎ ፈቃደኞች መርሃ ግብር ወጣቶች ለሰላም፣ ለመተሳሰብና ለሀገራዊ አንድነት እንዲሠሩ ዕድል የፈጠረ ተግባራዊ ሥራ ነው።

በተጨማሪም ብዝሃነትን እንደ ሀገራዊ ጥንካሬ ማየት የመደመር መንግስት ልዩ ትኩረት የሰጠው ሌላ ጉዳይ ነው ። “ብዝሃነት የኢትዮጵያ ውበት ነው” በሚል መሪ ቃል የተከበረው የአንድነት ቀን ልዩነትን ከመከፋፈያ ምንጭ ይልቅ እንደ የጋራ ጥንካሬ ለመመልከት የሚደረገውን ጥረት አሳይቷል።

ብዝሃነትን ማክበርና ፍትሓዊነትንና እኩልነትን ማጠናከር የጠንካራ ሀገር መገለጫ ነው፡፡ ኢትዮጵያም ልዩነቶቿን በማክበር አንድነቷን አጠንክራ ወደፊት መጓዟን ትቀጥላለች፡፡

ሹመት እንደ ሸክም፤ የሥራ ባህልን መገንባትሳውላ፣ መስከረም 28፣ 2019 ዓ/ምበሀገራችን የፖለቲካና የሕዝብ አስተዳደር ታሪክ ውስጥ ሥልጣንና የሹመት አብዛኛውን ጊዜ ከማዕረግ፣ ከምቾት፣ ከጥ...
09/10/2026

ሹመት እንደ ሸክም፤ የሥራ ባህልን መገንባት

ሳውላ፣ መስከረም 28፣ 2019 ዓ/ም

በሀገራችን የፖለቲካና የሕዝብ አስተዳደር ታሪክ ውስጥ ሥልጣንና የሹመት አብዛኛውን ጊዜ ከማዕረግ፣ ከምቾት፣ ከጥቅማጥቅምና ከክብር ጋር ተያይዘው የመታየት ሥር የሰደደ ባህል አላቸው።

ነገር ግን ኢትዮጵያ በምትገኝበት የሁለንተናዊ እድገት ምዕራፍ፣ ይህንን ጊዜ ያለፈበት የአስተሳሰብ ዘይቤ መቀየር ለነገ የማይባል አስፈላጊ ጉዳይ ነው።

ጠቅላይ ሚኒስትር ዐቢይ አሕመድ (ዶ/ር) አዲሱን የመደመር መንግሥት ካቢኔ አባላት ዕጩዎችን ባቀረቡበት ወቅት፣ ሹመት የድሎት፣ የእንቅልፍ እና የማረፊያ ሳይሆን የከባድ ኃላፊነት፣ ታላቅ ድካምና ሸክም መሆኑን ተናግረዋል።

ጠቅላይ ሚኒስትሩ ሸክምና ድካም በማለት የገለጹት ይህ ኃላፊነት፣ የተሾሙት ባለሥልጣናት የሚጠብቃቸው ሥራ ትልቅ መሆኑን እና ለማሳካት ደግሞ ከባድ ልፋትና ድካም እንደሚጠይቅ ለማሳሰብ ነው፡፡

የመንግሥት ሹመትን ከክብር ይልቅ እንደ ታላቅ አደራ መቁጠር አዲስ የአመራር ባህልና የሥራ ሥነ ምግባር ለመገንባት መነሻ መሠረት ነው።

የሕዝብ አገልጋይነት ቦታ የተሰጠው አካል የተጣለበትን አደራ ከባድነት ሲገነዘብ ከምቾት ቀጠናው ለመውጣትና ሙሉ ጊዜውንና ጉልበቱን ለሀገር አገልግሎት ለማዋል ይተጋል።

ከ54 ሚሊዮን በላይ መራጮች በከፍተኛ ተስፋና እምነት የጣሉትን አደራ ለመሸከም በተለመደው ቢሮክራሲያዊ አካሄድና በሥራ ሰዓት ገደብ ብቻ መጓዝ በቂ እንደማይሆንም ያመላክታል። ጠቅላይ ሚኒስትሩ በሕዝብ ተወካዮች ምክር ቤት ተሿሚዎቹን የሚጠብቃቸው የሥቃይ ዘመን መሆኑን ሲገልጹ የኃላፊነታቸውን ክብደትና የሚጠበቅባቸውን ውጤት ለማሳየት ነው።

ይህ ወቅት የመንግሥት ኃላፊዎች ቀንና ሌሊት ሳይሉ የሚረባረቡበት፣ የሕዝብን ብሶትና የእድገት ጥያቄ በቅንነትና በላቀ ትጋት ለመመለስ የሚተጉበት ታሪካዊ አጋጣሚ ነው።

አዲሱ የአመራር ሥነ ምግባር የሚያስፈልገው በሥራ ሂደት ወይም በሪፖርት ማጌጫዎች ብቻ የሚረካ ሳይሆን በተጨባጭ የዜጎችን ሕይወት የሚቀይር አዎንታዊ ፋይዳ ማምጣትን ነው።

የካቢኔ አባላትም ሆኑ በየደረጃው ያሉ የመንግሥት መሪዎች የተሰጣቸውን ሥልጣን ሕዝብን ማገልገያ ታላቅ ጸጋና ዕድል አድርገው ማየት አለባቸው።

ሹመትን እንደ ሸክም የመቁጠር አስተሳሰብ በየተቋማቱ ሲሰርፅ የኪራይ ሰብሳቢነት፣ የይስሙላ ሥራና የቸልተኝነት ባህል ተወግዶ በምትኩ ተጠያቂነት፣ ግልፅነት፣ የላቀ የመፈጸም ብቃት እና የሕዝብ አገልጋይነት ይሰፍናል።

የኢትዮጵያን የስልጣኔና የብልፅግና ጉዞ ለማፋጠን፣ የአመራሩ አስተሳሰብ ከምቾትና ከድሎት ወጥቶ ወደ ከፍተኛ መስዋዕትነትና የሀገር ፍቅር ተጋድሎ ሊሸጋገር ይገባል።

ሹመት እንደ ሸክምና እንደ ትልቅ አደራ የሚወሰድበት የተቀናጀ የሥራ ባህል ሲገነባ፣ ኢትዮጵያ የያዘችውን የረጅም ጊዜ ስትራቴጂያዊ ራዕይ ወደ ተጨባጭ የሕዝብ ተጠቃሚነት መቀየር ይቻላል።

"የመደመር እሳቤያችንን ወደ መሬት በማውረድ የህዝባችንን የልማትና የመልካም አስተዳደር ጥያቄዎች በተደማሪ አቅማችን በጋራ ቆመን እንፈታለን።መላዉ የክልላችን አመራሮችና አባላት በአዲስ መንፈስ...
08/10/2026

"የመደመር እሳቤያችንን ወደ መሬት በማውረድ የህዝባችንን የልማትና የመልካም አስተዳደር ጥያቄዎች በተደማሪ አቅማችን በጋራ ቆመን እንፈታለን።

መላዉ የክልላችን አመራሮችና አባላት በአዲስ መንፈስና ትጋት የሀገራችንንና የክልላችንን ብልፅግና ለማረጋገጥ ትናንት የተመዘገቡትን ድሎች በጽኑ መሰረት ላይ አቆይተን ድክመቶችን አርመን ወደ ሁለንተናዊ ብልጽግና የምናደርገውን ጉዞ ለማፋጠን ሁላችንም እጅ ለእጅ ተያይዘን በእጥፍ እንትጋ።"

አበባየሁ ታደሰ (ዶ/ር)
በብልጽግና ፓርቲ የደቡብ ኢትዮጵያ ክልል ቅ/ጽ/ቤት ኃላፊ

Address

Addis Ababa

Website

Alerts

Be the first to know and let us send you an email when Demba Gofa Woreda Government Communication Affairs Office posts news and promotions. Your email address will not be used for any other purpose, and you can unsubscribe at any time.

Shortcuts

Share

Category