Ethiopian National Theatre

27/10/2026

https://youtu.be/TJUhVbJCBbk?si=cfli8SptSwAdKSaf

የኢትዮጵያ ብሔራዊ ቲያትር ቡድን በህንድ በተዘጋጀው ዓለም አቀፍ የብሪክስ (BRICS) የባህል መድረክ ...

26/10/2026

26/10/2026

🇪🇹🎭 ኢትዮጵያና ህንድ በቴአትር ጥበብ ትብብርን ለማጠናከር ተወያዩ!

​ኒው ዴልሂ፦ ጥቅምት 14 ቀን 2019 ዓ.ም

​በህንድ ብሔራዊ የድራማ ትምህርት ቤት (Indian National School of Drama) ዳይሬክተር ቺታራንጃን ትሪፓቲ የሚመራ ልዑክ፣ በኒው ዴልሂ በሚገኘው የኢትዮጵያ ኤምባሲ ጥሪ መሠረት፣ በህንድ የኢትዮጵያ ባለሙሉ ሥልጣን አምባሳደር ክቡር አምባሳደር ነብዩ ተድላ እና ከኤምባሲው የመጀመሪያ ጸሐፊ አቶ አትክልቲ አጥናፉ ጋር በቴአትር ጥበብ የጋራ ትብብርን ለማጠናከር ውይይት አካሂዷል።

​ይህ በህንድ ብሔራዊ የድራማ ትምህርት ቤት (Indian National School of Drama) እና በኢትዮጵያ ኤምባሲ በኩል የተደረገው ውይይት፤ በሁለቱ ተቋማት እንዲሁም በኢትዮጵያ ብሔራዊ ቴአትር መካከል የአካዳሚክና የኪነ-ጥበብ ትብብርን ማጠናከር፣ የጋራ ፕሮግራሞችን ማከናወን፣ የሙያ ልምድና ዕውቀት ልውውጥን ማስፋፋት እንዲሁም ለቀጣይ የጋራ የጥበብ ሥራዎች ዕድሎችን መፍጠር ላይ አተኩሯል።

​በውይይቱ የህንድ ብሔራዊ የድራማ ትምህርት ቤት ሬጅስትራር ፕራዲፕ ኩማር ሞሃንቲ እና የቤተ-መጻሕፍትና የሕዝብ ግንኙነት ኃላፊ ዶ/ር ኢ. ጋጃላክሽሚ ተሳትፈዋል።

​የኢትዮጵያ ብሔራዊ ቴአትር በብሪክስ ዓለም አቀፍ የቴአትር ፌስቲቫል ያደረገው ተሳትፎ የሀገራችንን የቴአትር ጥበብና ባህል በዓለም አቀፍ መድረክ ከማስተዋወቅ ባለፈ፣ ከህንድ የጥበብ ተቋማት ጋር የትብብር ዕድሎችን ለመፍጠር አዲስ መንገድ ከፍቷል። ይህም ለቀጣይ የሙያ ልምድ ልውውጥ፣ ለክህሎት ማሳደግና ለጋራ የኪነ-ጥበብ ሥራዎች ጠንካራ መሠረት ይሆናል ተብሎ ይታመናል።

24/10/2026

🎥🇪🇺 የአውሮፓ ህብረት የፊልም ፌስቲቫል በኢትዮጵያ ብሔራዊ ቴአትር በደማቅ ሁኔታ ተከፈተ!

​ #አዲስ አበባ| የባህል ልውውጥንና የኪነ-ጥበብ ትብብርን ለማጠናከር ያለመው የአውሮፓ ህብረት የፊልም ፌስቲቫል (EUFF 2026) የመክፈቻ ሥነ-ሥርዓት ጥቅምት 13 ቀን 2019 ዓ.ም በታላቁ የኢትዮጵያ ብሔራዊ ቴአትር በደማቅ ሁኔታ ተካሂዷል።

​በዚህ ደማቅ የመክፈቻ ሥነ-ሥርዓት ላይ የታላቁ ኢትዮጵያ ብሔራዊ ቴአትር ዋና ዳይሬክተር አቶ ባረከ ታደሰ በመገኘት፣ በኢትዮጵያ ለሚገኙ የተለያዩ ሀገራት ዲፕሎማቶች፣ ለኪነ-ጥበብ ባለሙያዎችና ለፌስቲቫሉ ታዳሚዎች የላቀ የእንኳን ደህና መጣችሁ መልዕክት አስተላልፈዋል። ዳይሬክተሩ አክለውም፣ ይህ ታላቅ ዓለም አቀፍ የፊልም ፌስቲቫል ታሪካዊ በሆነው በታላቁ የኢትዮጵያ ብሔራዊ ቴአትር የመክፈቻውን ሥነ-ሥርዓት በማካሄዱ የተሰማቸውንም ደስታ ገልጸዋል።

​ይህ ፌስቲቫል ሀብታሙን የአውሮፓ ሲኒማ፣ ባህልና ቋንቋዎች ከኢትዮጵያ የፊልም ጥበብና ተሞክሮ ጋር በማገናኘት፣ በሁለቱ ወገኖች መካከል ያለውን የባህል ልውውጥ፣ ወዳጅነትና የጥበብ ትብብር ይበልጥ ለማጠናከር ትልቅ ዕድል የሚፈጥር ነው። በዚህም ለአዲስ አበባ እና አካባቢዋ የፊልም አፍቃሪዎችና ታዳሚዎች ልዩ ልዩ የፊልም ጥበብ ልምዶችን የሚያካፍል ይሆናል።

​🎬 በፌስቲቫሉ ላይ የሚቀርቡ ዋና ዋና መርሃ-ግብሮች፦
​🏆 ዓለም አቀፍ እውቅና ያላቸው ፊልሞች፦ በአውሮፓ ሽልማቶችን ያሸነፉ 27 ድንቅ ፊልሞች ይቀርባሉ።

​🇪🇹 የሀገር ውስጥ ድምፆች፦ በርካታ የኢትዮጵያ አጫጭር ፊልሞች ለዕይታ ይበቃሉ።

​💡 የክህሎት ማሳደጊያ መድረኮች፦ በልምድ ባላቸው ዓለም አቀፍና ሀገር በቀል የፊልም ባለሙያዎች የሚመሩ የወርክሾፕ እና የማስተር ክላስ (Masterclass) ሥልጠናዎች ይካሄዳሉ።

​💬 የቀጥታ ውይይቶች፦ ከፊልም አዘጋጆች፣ ዳይሬክተሮችና ተዋንያን ጋር በቀጥታ የሚደረጉ የጥያቄና መልስ ክፍለ-ጊዜዎች ተዘጋጅተዋል።

​እነዚህ መርሃ-ግብሮች ለአዲስ አበባ ታዳሚዎች አነቃቂ ታሪኮችን የሚያገኙበት፣ የጋራ እሴቶችንና ዓለም አቀፋዊ ተግዳሮቶችን የሚያሰላስሉበት፣ እንዲሁም የአውሮፓን ሲኒማ፣ ባህል፣ ቋንቋዎችና የብዝሃነት ሀብት ይበልጥ የሚያውቁበት ልዩ አጋጣሚን ይፈጥራሉ።

የፌስቲቫሉ ቆይታና ፌስቲቫሉ
​ይህ ታላቅ ፌስቲቫል በኢትዮጵያ የአውሮፓ ህብረት ልዑክ (EU Delegation to Ethiopia)፣ በአፍሪካ ህብረት የአውሮፓ ህብረት ልዑክ፣ በአውሮፓ ፓርላማ እንዲሁም በአዲስ አበባ በሚገኙ 23 የአውሮፓ ህብረት አባል ሀገራት እና እንግዳ ሀገራት አማካኝነት ከ ጋር በመተባበር የቀረበ ነው።

​ፌስቲቫሉ ከጥቅምት 13 ቀን 2019 ዓ.ም እስከ ህዳር 12 ቀን 2019 ዓ.ም ለአንድ ወር ያህል በተለያዩ የማህበረሰብና የባህል ማዕከላት የሚቀጥል ይሆናል።

​ Events

18/10/2026

https://www.facebook.com/share/r/1Eq4T7WDat/

18/10/2026

https://youtu.be/I4b1RvjHi-Q?si=c36s6VwcT3-12d1s

National Media SC is here to support, the success of our country's ...

17/10/2026

17/10/2026

🇪🇹 የኢትዮጵያ ብሔራዊ ቴአትር ልዑክ የብሪክስ ዓለም አቀፍ የቴአትር ፌስቲቫል ተሳትፎውን በስኬት አጠናቆ ወደ ሀገሩ ተመለሰ!

​አዲስ አበባ፦ በህንድ በተካሄደው የ2026 የብሪክስ (BRICS) ዓለም አቀፍ የቴአትር ፌስቲቫል የኢትዮጵያን ባህልና ጥበብ በማስተዋወቅ ሀገራዊ ውክልናውን የተወጣው የኢትዮጵያ ብሔራዊ ቴአትር ልዑክ ቡድን፣ ጥቅምት 7 ቀን 2019 ዓ.ም. ጠዋት በቦሌ ዓለም አቀፍ አየር ማረፊያ በሰላም የደረሰ ሲሆን፣ በኢትዮጵያ ብሔራዊ ቴአትር ደማቅ አቀባበል ተደርጎለታል።

​ልዑኩ ከህንድ ከመነሳቱ በፊት፣ በህንድ የኢትዮጵያ ባለሙሉ ሥልጣን አምባሳደር አቶ ነብዩ ተድላ በኤምባሲው ቅጥር ግቢ የምሳ ግብዣ ተዘጋጅቶለት መልካም ጉዞ ተመኝተዋል። አምባሳደሩ በዚሁ ወቅት፣ ልዑኩ በቴአትር ጥበብ አማካኝነት የኢትዮጵያን ባህልና ገጽታ በመልካም ሁኔታ ማስተዋወቁን አድንቀው፣ የሀገሪቱን ባህልና ጥበብ በዓለም አቀፍ መድረኮች የማስተዋወቅ ሥራ በቀጣይነት እንዲጠናከር አሳስበዋል።

​በኢትዮጵያ ብሔራዊ ቴአትር በተካሄደው የአቀባበል ሥነ-ሥርዓት ላይ የኢትዮጵያ ብሔራዊ ቴአትር ዋና ዳይሬክተር አቶ ባረከ ታደሰ ለልዑኩ ቡድን አባላት የአበባ ጉንጉን በማበርከት፣ «እንኳን በሰላምና በስኬት ተመለሳችሁ!» የሚል የእንኳን ደስ አላችሁ መልዕክታቸውን አስተላልፈዋል።

​ዋና ዳይሬክተሩ አቶ ባረከ ታደሰ በንግግራቸው፣ የኢትዮጵያን ስም፣ ባህልና ጥበብ በዓለም አቀፍ መድረኮች ማስተዋወቅ የብሔራዊ ቴአትር ዋነኛ ዓላማ መሆኑን አስረድተዋል።

ልዑኩ የተሰጠውን ሀገራዊ ኃላፊነት በብቃት በመወጣቱም ምስጋናቸውን አቅርበው፣ የሀገሪቱን ገጽታ በጥበብ የማስተዋወቅ ሥራ በቀጣይም በተጠናከረ መልኩ እንደሚቀጥል ገልጸዋል። አክለውም፣ የልዑኩ ተሳትፎ የኢትዮጵያን ባህላዊ እሴቶችና የኪነ-ጥበብ ሀብት ለዓለም ሕዝብ ለማስተዋወቅ ከማገዙም በላይ፣ በዓለም አቀፍ የጥበብ መድረኮች ላይ የሀገሪቱን ተሳትፎ ለማጠናከር ያለውን አስፈላጊነት አሳይቷል ብለዋል።

​በኢትዮጵያ ብሔራዊ ቴአትር የቴአትር መሪ ሥራ አስፈጻሚና የልዑኩ ቡድን መሪ አርቲስት ካሌብ ዋለልኝ በበኩላቸው፣ በህንድ በተዘጋጀው የቴአትር መድረክ የሰው ልጅ መገኛ የሆነችውን ኢትዮጵያን በመወከል የሰሩትን ትርኢት ለተመልካች በማቅረብ አድናቆት፣ የተለያዩ ስጦታዎችና የዋንጫ ሽልማት ማግኘታቸውን ገልጸዋል።

በቀጣይም በኪነ-ጥበብ ዘርፍ በትምህርትና በሥልጠና ላይ የመሳተፍ ዕድል እንደሚኖር ጠቅሰው፣ በህንድ ቆይታቸው መልካም ግንኙነትና አቀባበል እንደተደረገላቸው አስረድተዋል። በተጨማሪም ለልዑክ ቡድኑ የተደረገው ሞቅ ያለ አቀባበል ያስደሰታቸው መሆኑን ገልጸው፣ በልዑኩ ቡድን ስም ምስጋናቸውን አቅርበዋል።

​በመጨረሻም፣ ልዑኩ ከፌስቲቫሉ ያገኘውን የዋንጫ ሽልማትና የተለያዩ ስጦታዎች ለኢትዮጵያ ብሔራዊ ቴአትር ዋና ዳይሬክተር አቶ ባረከ ታደሰ አስረክቧል።

​ #የኢትዮጵያብሔራዊቴአትር #የኢትዮጵያጥበብ

16/10/2026

🇪🇹 የኢትዮጵያ ብሔራዊ ቴአትር ልዑክ ታሪካዊውን ታጅ መሐል ጎበኘ!

ጥቅምት 5 ቀን 2019 ዓ.ም

የኢትዮጵያ ብሔራዊ ቴአትር ልዑክ በሕንድ በተካሄደው የብሪክስ (BRICS) ሀገራት የቴአትር ፌስቲቫል ቆይታው አካል በዓለም ዝነኛ የሆነውን ታሪካዊውን ታጅ መሐል በመጎብኘት የሕንድን ባህል፣ ታሪክና የሥነ ሕንፃ ጥበብ የሚያስቃኝ ልዩ ተሞክሮ አግኝቷል።

ጉብኝቱ በክቡር አምባሳደር ነብዩ ተድላ አሳሳቢነትና በናሽናል ስኩል ኦፍ ድራማ (National School of Drama) አስተባባሪነት የተካሄደ ሲሆን፣ ልዑኩ ከኒው ዴልሂ ወደ አግራ በመጓዝ የታጅ መሐልን ውበት፣ የሥነ ሕንፃ ጥበብና ታሪካዊ ዳራ ተመልክቷል።

የኢትዮጵያ ብሔራዊ ቴአትር የቴአትር መሪ ሥራ አስፈጻሚና የልዑካን ቡድኑ መሪ አርቲስት ካሌብ ዋለልኝ፣ ከአየር ማረፊያው ጀምሮ በጉዞው ወቅት ለልዑኩ የተለያዩ እገዛዎችንና ድጋፎችን ሲያደርግ ለነበረው አኑባል የምስጋና መግለጫና ስጦታ አበርክቷል። አኑባልም ለተደረገለት ክብርና አድናቆት ደስታውን ገልጿል። ይህ የምስጋና ሥነ ሥርዓት በጉዞው ወቅት የተገነባውን የትብብር፣ የመከባበርና የመልካም ግንኙነት መንፈስ ያንጸባረቀ ነው።

ልዑኩ የታሪካዊ ቅርስ ጉብኝቱን አጠናቆ ወደ ኒው ዴልሂ በመመለስ ቀኑን በአዳዲስ ተሞክሮዎችና በመልካም ትውስታዎች አሳልፏል።

ጉብኝቱ የሕንድን ታሪካዊ ቅርስ ከመቃኘት ባሻገር፣ በሀገራት መካከል ያለውን የባህል ልውውጥ፣ የጥበብ ትብብርና የሰው ለሰው ግንኙነት ለማጠናከር አዎንታዊ አስተዋጽኦ ያለው ተሞክሮ ሆኖ ተመዝግቧል።