What are the opening hours?

Monday 08:30 - 17:30 Tuesday 08:30 - 17:30 Wednesday 08:30 - 17:30 Thursday 08:30 - 15:30 Friday 08:30 - 17:30

Ministry of Mines - Ethiopia

Home
Ethiopia
Addis Ababa
Ministry of Mines - Ethiopia

Directions Website Contact the organization

በማዕድንና ነዳጅ ዘርፍ እየተሰሩ ያሉ ስራዎችን ለህዝብ ማስተዋወቅ

12/11/2026

ተግተን ስንሰራ ሁሌም ድል ከኛ ጋር ነው
ሀገሬ በልጆችዋ ኮራች።

‎ሀገራችን በዳካር በተካሄደው የ2026 የዓለም ወጣቶች ኦሎምፒክ ጨዋታዎች ልጆቻችን በአትሌቲክስ ውድድር 5 የወርቅ እና 3 የብር ሜዳሊያዎችን በማሸነፍ ለሀገር ድል አምጥተዋል።

በስፖርቱ ዘርፍ ታዳጊዎች ላይ በርትተን ከሠራን በአህጉራዊና በዓለም አቀፋዊ መድረኮች ወደ ቀደም ክብርና ከፍታችን የምንመለስበት ጊዜ ሩቅ እንደማይሆን ይህ ስኬት አመላካች ነው፡፡

የመደመር መንግሥት በተደመረ አቅም በሀሉም ዘርፍ ውጤት ይቀጥላል።

10/11/2026

በማዕድን ዘርፉ የተናበበ የዕቅድና የሪፖርት አቀራረብን ለማዘመን የሚያስችል ዲጂታል ሥርዓት ላይ ሥልጠና ተሰጠ፡፡

የማዕድን ሚኒስቴር በማዕድን ዘርፉ የዕቅድና የሪፖርት አዘገጃጀትንና አቀራረብን ወጥነት ያለውና የተናበበ ለማድረግ የሚያስችል ዲጂታል ሥርዓት በማበልጸግ፣ ለተጠሪ ተቋማትና ከሁሉም ክልሎች ለተውጣጡ የማዕድን ቢሮዎች ተወካዮች ሥልጠና ሰጥቷል።

የሥልጠናው ዋና ዓላማ በዘርፉ የዕቅድና የሪፖርት አዘገጃጀትና አቀራረብ ወጥነትና ተናባቢነት ማረጋገጥ፣ መረጃዎችን ዲጂታላይዝ ማድረግና በተቋማት መካከል ፈጣንና የተቀላጠፈ የመረጃ ልውውጥ ማስፈን ነው።

የማዕድን ሚኒስትር ክብርት ዓለምፀሐይ ጳውሎስ እንደገለጹት፣ የተዘጋጀው ዲጂታል ሥርዓት በሚኒስቴሩ፣ በተጠሪ ተቋማትና በክልል ማዕድን ቢሮዎች መካከል የሚዘጋጁ ዕቅዶችና ሪፖርቶች ወቅታዊና በተቀናጀ መልኩ እንዲቀርቡ ከማስቻሉም በላይ የመረጃ ልውውጥንና ተቋማዊ ቅንጅትን ያጠናክራል። በተጨማሪም ሥራዎችን በተቀናጀ መልኩ ለመምራት፣ ለመከታተልና ውጤታማነታቸውን ለማሻሻል ወሳኝ ሚና ይኖረዋል ብለዋል።

ከተጠሪ ተቋማትና ከክልሎች ለተውጣጡ የአይሲቲ፣ የስትራቴጂክ ጉዳዮችና የፈቃድ አስተዳደር ኃላፊዎችና ባለሙያዎች በንድፈ ሐሳብና በተግባር የተደገፈ ሥልጠና ተሰጥቷል።

ለበለጠ መረጃ ማህበራዊ ድህረ-ገጾቻችን በመከተል ይወዳጁን
ትዊተር https://twitter.com/MinistryofMine_
ድረ ገጽ፦ www.mom.gov.et
ፌስቡክ፡- https://www.facebook.com/MinesandPetroleum/
ቴሌግራም: - https://t.me/+-aNetmkG-WY2YWM8
ኢሜይል: - [email protected]
ይከታተሉ!

05/11/2026

የዘርፉን እምቅ ዓቅም ወደ ውጤት ለመቀየር በሚያስችሉ ጉዳዮች ላይ ውይይት ተካሄደ፡፡

(ጥቅምት 26 ቀን 2019 ዓ.ም ማዕድን ሚኒስቴር) የማዕድን ሚኒስቴር ከሚኒስቴር መስሪያ ቤቱ እና ተጠሪ ተቋማት ስራ መሪዎችና ጋር ‹‹በመደመር መንግስት ማዕድን ለኢኮኖሚ ልህቀት›› በሚል ርዕስ በክብርት ሚንስትር ዓለምጸሐይ ጳውሎስ ሰነድ ቀርቦ ውይይት ተካሄደ፡፡ ሰነዱ የዘርፉን እምቅ ዓቅም ወደ ውጤት መቀየር የሚያስችሉ ጉዳዮችን የያዘ ነው፡፡

የማዕድን ሚኒስቴር ሚንስትር ክብርት ዓለምጸሐይ ጳውሎስ በመነሻ ሰነዱ ማዕድን በሀገር በቀል ኢኮኖሚ ሪፎርም ውስጥ ከአምስቱ ምሰሶዎች አንዱ መሆኑን ጠቅሰው በዘርፉ ያሉ ተጨባጭ እውነታዎችን፣ የለውጥ እርምጃ የሚሹ አሁናዊ ሁኔታዎችን፣ የተቋም ግንባታ እና ቀጣይ ተልዕኮዎችን አስቀምጠዋል፡፡

በውይይቱ የተለወጠ የማዕድን ዘርፍ ለሐገር እድገት ድርሻው ከፍተኛ በመሆኑ ተቋሙን በዓላማ መገንባት፣ በዲሲፕሊን መምራት፣በታማኝነት ማስተዳደር እና በጽናት መዝለቅን ከሁሉም የስራ መሪ የሚጠበቅ ተግባር መሆኑ ተጠቅሷል፡፡

የማዕድን ዘርፍ ትልቅ ዓቅም ያለው መንግሥት እና ህዝብም ትልቅ እምነት የጣሉበት በመሆኑ አመራሩና ሠራተኛው ታሪካዊ ባለአደራ መሆኑን ተገንዝቦ በጋራና በቅንጅት ያለውን እምቅ አቅም ወደ ውጤት መቀየር በሚያስሉ ጉዳዮች ላይ መስራት እንደሚጠበቅ በውይይቱ ተነስቷል፡፡

አመራሩና ሠራተኛው ዋነኛ ግቡ ተቋም እና ሐገር ግንባታ ላይ በማተኮር በዘርፉ ያሉ አቅሞችን በመለየት እና ቅድሚያ የሚሰጡትን ስራዎች በመለየት መስራት እንደሚገባ በመወያየት በቀጣይ የስራ አቅጣጫዎች ላይ የጋራ መግባባት መፍጠር ተችሏል፡፡

ለበለጠ መረጃ ማህበራዊ ድህረ-ገጾቻችን በመከተል ይወዳጁን
ትዊተር https://twitter.com/MinistryofMine_
ድረ ገጽ፦ www.mom.gov.et
ፌስቡክ፡- https://www.facebook.com/MinesandPetroleum/
ቴሌግራም: - https://t.me/+-aNetmkG-WY2YWM8
ኢሜይል: - [email protected]
ይከታተሉ!

04/11/2026

የማዕድን ዘርፍ ምክር ቤት የመጀመሪያውን መደበኛ ስብሰባ በቪዲዮ ኮንፈረንስ አካሄደ

(ጥቅምት 25 ቀን 2019)በማዕድን ሚኒስቴር ሰብሳቢነት የተቋቋመው አገራዊ የማዕድን ዘርፍ ምክር ቤት የመጀመሪያውን መደበኛ ስብሰባ በቪዲዮ ኮንፈረንስ (በበይነ መረብ) አካሂዷል።

በስብሰባው ላይ የክልል ምክትል ፕሬዝዳንቶች፣ የክልል ማዕድን ቢሮዎች ኃላፊዎች፣ የፌዴራል አባላትና ሌሎች የሚመለከታቸው ተቋማት ተሳትፈዋል።

በውይይቱም የማዕድን ዘርፉን እምቅ አቅም ወደ ተጨባጭ ውጤት ለመቀየር የባለድርሻ አካላት ሚናና ኃላፊነት የሚያብራራ ሰነድ ቀርቦ ውይይት ተደርጎበታል።

በተጨማሪም የዘርፉን ሕግና ደንቦች ማስከበር፣ ምርትና ምርታማነትን ማሳደግ፣ የቁጥጥር ሥራዎችን ማጠናከርና የተቋማትን ቅንጅት ማሳደግ በሚያስችሉ የሥራ ክፍፍሎች ተደርገዋል።

ለበለጠ መረጃ ማህበራዊ ድህረ-ገጾቻችን በመከተል ይወዳጁን
ትዊተር https://twitter.com/MinistryofMine_
ድረ ገጽ፦ www.mom.gov.et
ፌስቡክ፡- https://www.facebook.com/MinesandPetroleum/
ቴሌግራም: - https://t.me/+-aNetmkG-WY2YWM8
ኢሜይል: - [email protected]
ይከታተሉ!

30/10/2026

26 የከተማ አውቶብሶች ከነዳጅ ወደ ተፈጥሮ ጋዝ ተለውጠው ሥራ ጀምረዋል- ጠቅላይ ሚኒስትር ዐቢይ አሕመድ (ዶ/ር)

የመጀመሪያዎቹ 26 የከተማ አውቶብሶች ከነዳጅ ወደ ተፈጥሮ ጋዝ ተለውጠው ዛሬ ሥራ ላይ መዋላቸውን ጠቅላይ ሚኒስትር ዐቢይ አሕመድ (ዶ/ር) ገለጹ።

ጠቅላይ ሚኒስትር ዐቢይ በመልዕክታቸው፣ የከተማ አውቶብሶች ከነዳጅ ወደ ተፈጥሮ ጋዝ ተለውጠው ሥራ ላይ በመዋላቸው የተሰማኝን ደስታ መግለጽ እፈልጋለሁ ብለዋል።

ባለፉት ጥቂት ወራት የተፈጥሮ ጋዝ ምርትን ከሚመረትበት ስፍራ ወደ አዲስ አበባ የማጓጓዝ፣ የጋዝ ማደያዎችን የማዘጋጀት እና የከተማ አውቶብሶችን ወደ ተፈጥሮ ጋዝ የመለወጥ ሰፊ ሥራዎች ሲከናወኑ መቆየታቸውን አመልክተዋል።

ይህ ታሪካዊ እርምጃ በነዳጅ ግዢ ላይ የሚወጣውን ከፍተኛ የውጭ ምንዛሬ በከፍተኛ ደረጃ እንደሚያስቀር ተናግረዋል።

በተጨማሪም የሕዝብ ትራንስፖርት የሥራ ማስኬጃ ወጪን በመቀነስ የዜጎችን የጉዞ ታሪፍ በግማሽ ያቃልላል ነው ያሉት።

በነዳጅ የሚሰሩ ተሽከርካሪዎችን በራስ አቅም ወደ ተፈጥሮ ጋዝ የመለወጡ ተግባር ደግሞ የሀገር ውስጥ አቅምንና የቴክኖሎጂ ሽግግርን በተግባር ያረጋገጠ መሆኑን ገልጸዋል።

በቀጣይም በነዳጅ ላይ ያለውን ጥገኝነት ሙሉ በሙሉ ለማስቀረት እና ሀገር ውስጥ እየተመረተ ያለውን የተፈጥሮ ጋዝ በስፋት ጥቅም ላይ ለማዋል የሚያስችሉ 400 አዳዲስ በተፈጥሮ ጋዝ የሚሰሩ አውቶብሶች በቅርቡ ወደ ሀገር ውስጥ እንደሚገቡ ጠቁመዋል።

በምግብ፣ በቤት እና በትራንስፖርት ዘርፎች ላይ ተጨባጭ ሥራዎችን በማከናወን በዜጎች ሕይወት ላይ መሠረታዊ ለውጥ ለማምጣት የተጀመሩት አበረታች ጥረቶች ተጠናክረው እንደሚቀጥሉ ጠቅላይ ሚኒስትሩ አረጋግጠዋል።

29/10/2026

በኮንስትራክሽን ማዕድን ዘርፎች ከተሰማሩ ድርጅቶች እና ማኅበራት ጋር ውይይት ተደረገ

(ጥቅምት 19/2019 ዓ.ም የማዕድን ሚኒስቴር) በሴራሚክ፣ ግራናይት፣ እምነበረድ፣ ስታዎት፣ ብረታ-ብረት እና የኮንስትራክሽን ማዕድን ዘርፎች ከተሰማሩ ድርጅቶች እና ማኅበራት ጋር ውይይት ተደርጓል።

የውይይቱ ዓላማ የኮንስትራክሽን ዘርፍ አምራቾች አቅማቸውን አዳብረው የምርቶቻቸውን መጠን እና ጥራት በማሻሻል፤ በዘርፉ ልማት ተገቢውን ሚና እንዲወጡ ማስቻል ነው፡፡

ውይይቱን የመሩት የማዕድን ሚኒስቴር ሚኒስትር ክብርት ወ/ሮ ዓለምፀሐይ ጳውሎስ በኢትዮጵያ እያደገ ያለውን የዘርፉን ፍላጎት ለማሟላት የኮንስትራክሽን እንዱስትሪ ምርቶችን በበቂ ጥራትና መጠን በማምረት፡- ከውጭ የሚገቡትን ምርቶች በሀገር ውስጥ ምርቶች በመተካት የምንዛሬ ወጭ በማስቀረት ብሎም በማምጣት ደረጃ ለማሳደግ ዓልመው መሥራት እንዳለባቸው አስገንዝበዋል፡፡

በዘርፉ በአምራችነት የተሰማሩ ድርጅቶች፣ ማኅበራት እና የሚመለከታቸው ተቋማት ሀገር ያላትን ፀጋዎች በበቂ መጠን፣ ደረጃ እና ጥራት በማምረት በሀገር ግንባታው ላይ ታሪካዊ አሻራ የሚያሳርፉበት አጋጣሚ መሆኑን አስገንዝበው አምራቾች ምርቶቻቸውን በሚያመርቱባቸው አካባቢ ያሉትን ማኅበረሰቦች በማሳተፍ፣ በማኅበረሰቡ የባቤትነት ስሜት በመገንባት፣ የአካባቢውን ሥነ-ምህዳር በመጠበቅ፣ እና ማኅበራዊ ኃላፊነቶችን በአግባቡ በመወጣት ለትውልድ ተሻጋሪ የሆነ ተግባራትን የማከናወን ሀገራዊ ኃላፊነት እንዳለባቸው በአፅንኦት ገልፀዋል፡፡

ክብርት ሚኒስትሯ በሀገር ውስጥ ከጊዜ ወደ ጊዜ እያደገ ያለውን ፍላጎት በመጠንም በጥራት ለማሟላት፣ ሀገር ያላትን ሀብት በአግባቡ ተጠቅማ በልማት ወደ ፊት እንድትራመድ እንዲሁም የአምራቾች አቅም እንዲያድግ የመንግሥት ድጋፍ እንደማይለይ የገለፁ ሲሆን የሚያጋጥሙ ችግሮችን በጋራ ለመፍታት ያለውንም ዝግጅት አብራርተዋል፡፡
ለበለጠ መረጃ ማህበራዊ ድህረ-ገጾቻችን በመከተል ይወዳጁን
ትዊተር https://twitter.com/MinistryofMine_
ድረ ገጽ፦ www.mom.gov.et
ፌስቡክ፡- https://www.facebook.com/MinesandPetroleum/
ቴሌግራም: - https://t.me/+-aNetmkG-WY2YWM8
ኢሜይል: - [email protected]
ይከታተሉ!

28/10/2026

የከበሩ ማዕድናት የመጀመሪያ ሩብ ዓመት አፈጻጸም ከማዕድን ላኪዎች ጋር ተገመገመ
የ2019 በጀት ዓመት የከበሩ ማዕድናት የመጀመሪያ ሩብ ዓመት የሥራ አፈጻጸም ከማዕድን ላኪዎች ጋር ተገምግሟል። የግምገማ መድረኩ ዋና ዓላማ የማዕድን ዘርፉ በተቀናጀ አቅምና በትብብር የሀገሪቱ የኢኮኖሚ መሠረት እንዲሆን ለማስቻል ከዘርፉ ተዋናዮች ጋር የጋራ መግባባትን ለመፍጠር ያለመ ነው።
የማዕድን ሚኒስትር ክብርት ዓለምፀሐይ ጳውሎስ እንደገለጹት፤ የሀገሪቱን የማዕድን ሀብት በአግባቡ በመጠቀም የኢኮኖሚ ሉዓላዊነትን ለማረጋገጥ በቅንጅት፣ በዲሲፕሊንና በጠንካራ ሥነ ምግባር መሥራት ያስፈልጋል።
አክለውም ማዕድናትን በጥሬው ከመላክ ይልቅ እሴት ጨምሮ ለውጭ ገበያ ማቅረብ፣ የሀገርን ገቢ ለማሳደግና በዓለም አቀፍ ገበያ ተወዳዳሪ ለመሆን ወሳኝ መሆኑን አስገንዝበዋል። ከኢትዮጵያ በጥሬው የሚላኩ ማዕድናትን ገዝተው እሴት ጨምረው ወደ ገበያ የሚያቀርቡ ሀገራት ከተመረተው ምርት የበለጠ ገቢ እንደሚያገኙ በመጠቆም፣ ማዕድናትን እሴት ጨምሮ ለውጭ ገበያ ማቅረብ ለሀገር የተሻለ ኢኮኖሚያዊ ጥቅም የሚያስገኝ በመሆኑ ሁሉም አካላት ለጉዳዩ ተገቢውን ትኩረት ሊሰጡት እንደሚገባ አሳስበዋል፣
በመጨረሻም አምራቾችና ላኪዎች በቅንጅት፣ በተሟላ ሥነ ምግባር፣ በከፍተኛ ትጋትና በሞራል ልዕልና በመሥራት በዘርፉ የተቀመጡ ሀገራዊ ግቦችን ማሳካት እንደሚገባ የጠቆሙት ክብርት ሚኒስትሯ፤ የዘርፉን አሠራር ማዘመን፣ ግልጽነትን ማስፈንና ተጠያቂነትን ማጠናከር ትኩረት የሚሹ ዋና ዋና ጉዳዮች መሆናቸውን ገልጸዋል።

26/10/2026

የማእድን ዘርፍ የመጀመሪያ ሩብ አመት አፈጻጸም ከመላው ሰራተኛ ጋር ምክክር ተደረገ

የማዕድን ሚኒስትር ክብርት ዓለምፀሐይ ጳውሎስ የ2019 በጀት ዓመት የመጀመሪያ ሩብ ዓመት የሚኒስቴሩን አፈጻጸም ከተቋሙ አመራሮችና ሠራተኞች ጋር ገምግመዋል።

በሩብ ዓመቱ የተመዘገቡ ውጤቶች አበረታች ቢሆኑም የማዕድን ዘርፉን እምቅ ሀብት በአግባቡ ለማልማት ከሁሉም ባለድርሻ አካላት ጋር ያለውን ቅንጅታዊ አሠራር ማጠናከር እንደሚገባ አሳስበዋል።

በተጨማሪም የማዕድናትን እሴት ጭማሪ ላይ የበለጠ ትኩረት በመስጠት፣ ከዘርፉ የሚገኘውን የውጭ ምንዛሬ ገቢ ለማሳደግ በትኩረት እንደሚሠራ ገልጸዋል።
በዘርፉ የሚታዩ ህገወጥነቶችን መከላከልም በትኩረት እና በቅንጅት እንዲሰራ አቅጣጫ አስቀምጠዋል።

23/10/2026

የማዕድን ሚኒስትሯ ከሶማሌ ክልል ፕሬዝዳንት ጋር በማዕድን ሜጋ ፕሮጀክቶች ላይ የመስክ ግምገማ አካሄዱ።
************************************
የማዕድን ሚኒስትር ክብርት ዓለምፀሐይ ጳውሎስ ከሶማሌ ክልል ፕሬዝዳንት ከአቶ ሙስጠፌ ሙሐመድ ጋር በመሆን በክልሉ በሚገኙ የማዕድን ልማት ፕሮጀክቶች ላይ የመስክ ግምገማ አካሂደዋል።
በግምገማው ወቅት አመራሮቹ የቀንና የምሽት ፈረቃ የሥራ እንቅስቃሴዎችን በአካል በመመልከት የሥራ አፈጻጸሙንና የፕሮጀክቶቹን ወቅታዊ ደረጃ ገምግመዋል። በዚህም መሠረት ቀሪ ሥራዎችን በቀጣይ በፍጥነት፣ በጥራትና በቅንጅት ለማከናወን የሚያስችሉ አቅጣጫዎች ተቀምጠዋል።
የማዕድን ልማት ፕሮጀክቶችን በተያዘላቸው ጊዜ ለማጠናቀቅና የዘርፉን ኢኮኖሚያዊ አስተዋጽኦ ለማሳደግ፤ የሥራ አፈጻጸምን አዘውትሮ መከታተል፣ የሚያጋጥሙ ችግሮችን በፍጥነት መፍታት እንዲሁም በፌዴራልና በክልል ተቋማት መካከል የተቀናጀ አሠራርን ይበልጥ ማጠናከር እንደሚገባ ተገልጿል።

22/10/2026

የወርቅ፣ የከድንጋይ ከሰል እና የሲሚንቶ ኩባንያዎች የሥራ አፈጻጸም ተገመገመ።

(ጥቅምት 12 ቀን 2019)የማዕድን ሚኒስትሯ ክብርት ዓለምፀሐይ ጳውሎስ ከወርቅ፣ ከድንጋይ ከሰል እና ከሲሚንቶ ኩባንያዎች ጋር ፍሬያማ ውይይት አካሂደዋል።

በውይይቱ ወቅት የኩባንያዎቹ የ2019 ዓ.ም. የመጀመሪያ ሦስት ወራት የሥራ አፈጻጸም ሪፖርት ቀርቦ ተገምግሟል። የዘርፉን ውጤታማነትና የምርት አቅም ለማሳደግ፣ ያሉ ችግሮችን ለመፍታት እንዲሁም የታቀዱ ሥራዎችን በተሻለ ቅንጅትና በውጤታማነት ለማከናወን በሚያስችሉ ጉዳዮች ላይ ጥልቅ ውይይት ተደርጓል።

ሚኒስትሯ የማዕድን ዘርፉ ለሀገራዊ ኢኮኖሚ ዕድገት፣ ለውጭ ምንዛሬ ግኝት፣ ለሥራ ዕድል ፈጠራ እና ተኪ ምርት ያለውን ወሳኝ ሚና በማጉላት፣ የታቀዱ ግቦችን ለማሳካት በቅንጅት፣ በተጠያቂነትና በትጋት መሥራት እንደሚገባ አሳስበዋል።

በተጨማሪም በምርት ያለውን አፈጻጸም ማሻሻል፣ በመንግሥትና በግሉ ዘርፋ ያለው ትብብር ማጠናከር እና ዘርፉ ለሀገራዊ ኢኮኖሚ የሚያበረክተውን አስተዋጽኦ ይበልጥ ለማሳደግ በትኩረት መሥራት እንደሚያስፈልግ አስገንዝበዋል፡፡
ለበለጠ መረጃ ማህበራዊ ድህረ-ገጾቻችን በመከተል ይወዳጁን
ትዊተር https://twitter.com/MinistryofMine_
ድረ ገጽ፦ www.mom.gov.et
ፌስቡክ፡- https://www.facebook.com/MinesandPetroleum/
ቴሌግራም: - https://t.me/+-aNetmkG-WY2YWM8
ኢሜይል: - [email protected]
ይከታተሉ!

Address

0116675480
Addis Ababa

Opening Hours

Monday	08:30 - 17:30
Tuesday	08:30 - 17:30
Wednesday	08:30 - 17:30
Thursday	08:30 - 15:30
Friday	08:30 - 17:30

Website

http://www.mom.gov.et/

Alerts

Be the first to know and let us send you an email when Ministry of Mines - Ethiopia posts news and promotions. Your email address will not be used for any other purpose, and you can unsubscribe at any time.