15/09/2026
Konfaransiin Misooma,Qulqullinaafi Gabaa Bunaa Gaggeeffamaa Jira.
Konfaransii kanarrattis argamuun haasawaa baniinsaa kan taasisan Ittaanaa Bulchaafi Ittigaafatamaan Waajjira Qonnaafi Lafaa Aanaa Gommaa obbo Mahammadsaanii Biyyaa akka dubbatanitti Aanaan Gommaa bakka argama buna arabikaa ta'uusaatiin jiruufi jireenyi hawaasa Gommaa tajaajila hawaas-diinagdee dabalatee karaalee hedduun irra jireessi isaa buna irratti kan bu'uureffate ta'uu himuun kanaafis hawaasni bal'aan Aanaa keenyaafi dhimmamtoonni bunaa hundi qulqullina bunaa eeguun galiin mataa isaaniifi biyyi keenya buna irraa argattu daran akka dabaluu taasisuuf hojjachuu akka qaban dhaamaniiru.
Konfaransii kanarrattis barreeffamni sosochii misooma bunaa irratti xiyyeeffachuun ka'umsa mariif akka tolutti qophaa'e karaa Waajjira Qonnaafi Lafaa Aanaa Gommaa qindeessaa hojii qonnaa kan ta'an obbo Mahammadsafaa Kadiriin dhiyaachaa kam jiru yoo ta'u,mariin bal'aa irratti erga taasifameen booda kallattiin hojii bunaa yeroo ittaanuu kan kaa'amu ta'uun ibsameera.
Konfaransii kanarrattis hoggansi Aanaafi Gandoolee akkasumas Abbootiin qabeenyaa,qonnaan bultoonni adda dureen,daldaltoonni akkasumas qooda fudhattoonni dhimmamtoota bunaa Aanichaa hirmaachaa jiru.
