05/08/2026
Waajjira Maallaqaa godina Arsiitti gamaaggama raawwii hojii bara 2018 fi kallattii qophii karoora of danda'uu bara 2019 aanaaleefi bulchiinsa magaalotaa hirmaachise gaggeeffame jira.
Gamaaggama kanaan gabaasni raawwii hojii bara 2018 kan dhiyaate yoo ta'u. Hanqinootni, ciminootnii fi rakkoolee gurguddoo raawwii hojii bara 2018 keessatti mul'atan addaan baasuun injifannoowwan argaman akkaataa ittifufsiisuun danda'amurratti kallattiin kan kennamu ta'uun ibsame.
Bulchaan godina Arsii Obbo Ibraahim Kadiir Pirojektiiwwan hojjataman qulqullinaafi ariitiin akka hojjatamuuf sirna itti fayyadama baajataa haqa qabeessa ta'e lafa qabsiisuun murteessaa ta'uu himan.
itti fayyadama baajataa, galii mootummaa, iftoomina cimsuufi sirna bulchiinsa faayinaansii bu'a qabeessa ta'een hojjatamuu akka qabus dhaaman.
Ittigaafatamaan Waajjira Maallaqaa godina Arsii Obbo Gishaa Kabbadaa ittigaafatamummaa,iftoominaafi bu'a qabeessummaa hojii maallaqaa caalmaatti cimsuun tajaajila mootummaa qulqullinaafi saffisaa ta'e uummataaf kennuurratti qindoominaan hojjatamaa jiraachuu himan.
Aanaalee Raawwii hojii olaanaa galmeessisaniif beekamtiifi badhaasni kennameera.
Bu'uruma kanaan Cuunfaa madaallii raawwii hojii walii galaa bara 2018tiin
Aanaalee
1ffaa. W/Maallaqaa Aanaa Gunaa
2ffaa. W/Maallaqaa Aanaa Loodee Heexosaa
3ffaa. W/Maallaqaa Aanaa Diksiis
4ffaa. W/M/Aanaa H/Waabee
5ffaa. W/M/Aanaa Digaluuf Xiijoo
Badhaasa Addaa Cufiinsa Herreegaa Waxabajiitiin
1ffaa. W/M/Aanaa Gunaa
2ffaa. W/M/Aanaa Diksiis
3ffaa. W/M/Aanaa Loodee Heexosaa
4ffaa. W/M/Aanaa H/Waabee
5ffaa. W/M/Aanaa Z/Dugdaa
6ffaa. W/M/Aanaa Sh/Kooluu
7ffaa. W/M/Aanaa Doddota
8ffaa. W/M/Aanaa D/Xiijootiif kennuun xumuramee jira.
