https://www.facebook.com/734257169926838/

Dessie City Administration Communication, Dessi (2026)

08/10/2026

ጠቅላይ ሚኒስትር ዐቢይ አሕመድ (ዶ.ር) ለተለያዩ የሥራ ኀላፊዎች ሹመት ሰጡ።

ጠቅላይ ሚኒስትር ዐቢይ አሕመድ (ዶ.ር) ከዛሬ ጀምሮ ለተለያዩ የሥራ ኀላፊዎች ሹመት ሰጥተዋል።

1. አቶ አደም ፋራህ በምክትል ጠቅላይ ሚኒስትር ማዕረግ የዴሞክራሲ ሥርአት ግንባታ አሥተባባሪ

2. አምባሳደር በትረ መንግሥቱ የጠቅላይ ሚኒስትር ጽሕፈት
ቤት ኀላፊ እና የካብኔ ጉዳዮች ሚኒስትር

3. ወይዘሮ እናትዓለም መለስ የመንግሥት ኮሙዩኒኬሽን አገልግሎት ሚኒስትር

4. አቶ ፍቃዱ ተሰማ የመንግሥት ዋና ተጠሪ ሚኒስትር

መረጃው አማራ ኮሙኒኬሽን

08/10/2026

ምክር ቤቱ በጠቅላይ ሚኒስትር ዐቢይ (ዶ/ር) የቀረቡለትን የሚኒስትሮች ሹመት አጸደቀ

አዲስ አበባ፣ መስከረም 28፣ 2019 (ኤፍ ኤም ሲ) 7ኛው የሕዝብ ተወካዮች ምክር ቤት በጠቅላይ ሚኒስትር ዐቢይ አሕመድ (ዶ/ር) የቀረቡለትን የሚኒስትሮች ሹመት አጽድቋል

የሕዝብ ተወካዮች ምክር ቤት 7ኛ የስራ ዘመን 1ኛ መደበኛ ስብሰባውን ጠቅላይ ሚኒስትር ዐቢይ አሕመድ (ዶ/ር) በተገኙበት ማካሄድ ጀምሯል፡፡

በመደበኛ ስብሰባው ጠቅላይ ሚኒስትር ዐቢይ አሕመድ (ዶ/ር) የካቢኔያቸውን እጩ አባላት ለምክር ቤቱ አቅርበዋል፡፡

በዚሁ መሠረት፡-

1. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
2. አቶ አዲሱ አረጋ - የግብርና ሚኒስትር

3. ፍጹም አሰፋ (ዶ/ር) - የገንዘብ ሚኒስትር
4. አቶ መሃመድ እድሪስ - የመከላከያ ሚኒስትር

5. ብርሃኑ ነጋ (ፕ/ር) - የትምህርት ሚኒስትር
6. ወ/ሮ ሃና አርአያሥላሴ - የፍትሕ ሚኒስትር

7. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
8. ፍስሃ ይታገሱ (ዶ/ር) - የኢንዱስትሪ ሚኒስትር

9. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
10. መቅደስ ዳባ (ዶ/ር) - የጤና ሚኒስትር

11. አቶ አወሉ አብዲ- የሥራና ክህሎት ሚኒስትር
12. ወ/ሮ አይናለም ንጉሴ - የገቢዎች ሚኒስትር

13. አቶ በረከት ፍስሃጽዮን - የብሔራዊ ስትራቴጂ ሚኒስትር
14. ሰላማዊት ካሳ- የባህልና ቱሪዝም ሚኒስትር

15. ወ/ሮ ዓለምጸሃይ ጳውሎስ - የማዕድን ሚኒስትር
16. አቶ ሳዳት ነሻ - የሎጂስቲክስ ሚኒስትር

17. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
18. አቶ ሙሳ አደም - የሰላም ሚኒስትር

19. ፍሬሕይወት ታምሩ - የኢኖቬሽንና ቴክኖሎጂ ሚኒስትር
20. መሃመድ አብዱራሃማን (ኢ/ር) - የከተማና መሰረተ ልማት ሚኒስትር

21. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
22. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው በእጩነት ቀርበዋል፡፡

ምክር ቤቱም በጠቅላይ ሚኒስትሩ የቀረቡለትን የሚኒስትሮች ሹመት አጽድቋል፡፡

የአዲሱ የመደመር መንግሥት ተሿሚ ሚኒስትሮችም በምክር ቤቱ ፊት ቃለ መሃላ ፈጽመዋል፡፡

#የመደመርመንግሥት
FBC

08/10/2026

ምክር ቤቱ የሚኒስትሮችን ሹመት አጸደቀ።

ሰባተኛው የሕዝብ ተወካዮች ምክር ቤት አንደኛ መደበኛ ሥብሠባውን እያካሄደ ነው።

በጉባኤው ጠቅላይ ሚኒስትር ዐቢይ አሕመድ (ዶ.ር) ያቀረቧቸውን ሚኒስትሮች ሹመት አጽድቋል።

✍️ ጌዲዮን ጢሞቲዎስ ( ዶ.ር):- የውጭ ጉዳይ ሚኒስትር

✍️ አቶ አዲሱ አረጋ :- የግብርና ሚኒስትር

✍️ ፍጹም አሰፋ (ዶ.ር):- የገንዘብ ሚኒስትር

✍️ መሐመድ እድሪስ:- የመከላከያ ሚኒስትር

✍️ፕሮፌሰር ብርሃኑ ነጋ:- የትምህርት ሚኒስትር

✍️ ወይዘሮ ሃና አርአያ ሥላሴ:- የፍትሕ ሚኒስትር

✍️ ወይዘሮ ያስሚን ውኃብረቢ:- የንግድ እና ቀጣናው ትስስር ሚኒስትር

✍️ ፍስሃ ይታገሱ ( ዶ.ር):- የኢንዱስትሪ ሚኒስትር

✍️ ኢንጂነር ሃብታሙ ኢተፋ (ዶ.ር):- የውኃ እና ኢነርጂ ሚኒስትር

✍️ ዶክተር መቅደስ ዳባ:- የጤና ሚኒስትር

✍️ አቶ አወሉ አብዲ:- የሥራ እና ክህሎት ሚኒስትር

✍️ ወይዘሮ ዓይናለም ንጉሤ:- የገቢዎች ሚኒስትር

✍️ አቶ በረከት ፍስሐጽዮን:- የብሔራዊ ስትራቴጂ ሚኒስትር

✍️ ወይዘሮ ሰላማዊት ካሳ:- የባሕል እና ቱሪዝም ሚኒስትር

✍️ ወይዘሮ ዓለምፀሐይ ጳውሎስ:- የማዕድን ሚኒስትር

✍️ አቶ ሳዳት ነሻ:- የሎጂስቲክስ ሚኒስትር

✍️ ወይዘሮ ሸዊት ሻንካ :- የሴቶች እና ማኅበራዊ ጉዳይ ሚኒስትር

✍️ አቶ ሙሳ አደም:- የሰላም ሚኒስትር

✍️ ወይዘሮ ፍሬሕይወት ታምሩ:- የኢኖቬሽን እና ቴክኖሎጂ ሚኒስትር

✍️ እንጂነር ማሕመድ አብዱረህማን:- የከተማ እና መሠረተ ልማት ሚኒስትር

✍️ ኢንጂነር ሱልጣን ወሊ (ዶ.ር):- የመስኖ እና ቆላማ ሚኒስትር

✍️ አክሊሉ ታደሰ (ዶ.ር):- የወጣቶች እና ስፖርት ሚኒስትር ኾነው ተሹመዋል።

08/10/2026

አቶ ተመስገን ጥሩነህ የኢፌዲሪ ምክትል ጠቅላይ ሚኒስትር ሆነው ተሰየሙ

አዲስ አበባ፣ መስከረም 28፣ 2019 (ኤፍ ኤም ሲ) አቶ ተመስገን ጥሩነህ የኢፌዲሪ ምክትል ጠቅላይ ሚኒስትር ሆነው ተሰይመዋል፡፡

የሕዝብ ተወካዮች ምክር ቤት 7ኛ የሥራ ዘመን 1ኛ መደበኛ ስብሰባውን ጠቅላይ ሚኒስትር ዐቢይ አሕመድ (ዶ/ር) በተገኙበት መካሄድ ጀምሯል፡፡

በመደበኛ ስብሰባው ጠቅላይ ሚኒስትር ዐቢይ አሕመድ (ዶ/ር) የካቢኔያቸውን እጩ አባላት ለምክር ቤቱ አቅርበዋል፡፡

በዚህም መሰረት አቶ ተመስገን ጥሩነህ የኢፌዲሪ ምክትል ጠቅላይ ሚኒስትር ሆነው እንዲሰየሙ ለምክር ቤቱ አቅርበዋል፡፡

ምክትል ጠቅላይ ሚኒስትር ተመስገን በምክር ቤቱ ቀርበው ቃለ መሃላ ፈጽመዋል፡፡

08/10/2026

በደሴ ከተማ አስተዳደር ከተማ ልማታዊ ሴፍትኔት እና ስራ ፕሮጀክት ጽ/ቤት /UPSNJP/ ካፒታል በጀት የተገነባ የትምህርት ቤት መጸዳጃ ቤት ተመርቆ አገልግሎት መስጠት ጀመረ።

ደሴ፦ መስከረም 28/2019 ዓ.ም (ደሴ ኮሙኒኬሽን)

በደሴ ከተማ አስተዳደር ከተማ ልማታዊ ሴፍትኔት እና ስራ ፕሮጀክት ጽህፈት ቤት የተገነባው የጦሳ እና የሰኞ ገበያ አንደኛና መካከለኛ ደረጃ ትምህርት ቤት መጸዳጃ ቤት ተመርቆ አገልግሎት መስጠት ጀምሯል።

የመጸዳጃ ቤቱ ግንባታ ዋና ዓላማ የተማሪዎችን የንጽህናና የጤና አጠባበቅ ሁኔታ ማሻሻል፣ ምቹና የተሻለ የመማሪያ አካባቢ መፍጠር እንዲሁም የትምህርት ቤቱን ንጽህና አጠባበቅ ማጠናከር መሆኑ ተገልጿል።

በምረቃ ሥነ-ሥርዓቱ ላይ የተገኙት በምክትል ከንቲባ ማዕረግ የደሴ ከተማ አስተዳደር ከተማና መሠረተ ልማት መምሪያ ኃላፊ አቶ ቃሲም አበራ በትምህርት ቤቶች በቂና የተሟላ የመጸዳጃ ቤት አገልግሎት መኖሩ የተማሪዎችን ጤና ከመጠበቅ ባሻገር ምቹ የመማሪያ አካባቢ ለመፍጠር የሚያግዝ መሆኑን ገልጸዋል።

የደሴ ከተማ አስተዳደር ትምህርት መምሪያ ኃላፊ አቶ ፍቅር አበበ በበኩላቸው የከተማ ልማታዊ ሴፍትኔት እና ስራ ፕሮጀክት ተቋም በደሴ ከተማ ባሉ ትምህርት ቤቶች ሰፊ ተሳትፎ እያደረገ መሆኑን ጠቁመው፤ የተገነባው መጸዳጃ ቤትም ለተማሪዎች ጤናማ፣ ንጹህና ምቹ የትምህርት አካባቢ በመፍጠር የትምህርት ሂደቱን ለማጠናከር አስተዋጽኦ እንደሚኖረው ገልጸዋል።

የደሴ ከተማ አስተዳደር የከተማ ልማታዊ ሴፍትኔት እና ስራ ፕሮጀክት ጽ/ቤት ኃላፊ አቶ ብርሃኑ ሙሴ የተገነባው መጸዳጃ ቤት ለትምህርት ቤቱ ተማሪዎችና ለመላው የትምህርት ማኅበረሰብ ንጹህና ጤናማ አካባቢ እንዲኖር ከማገዝ ባሻገር የትምህርት ቤቶቹን የንጽህና ባህል ለማጠናከር አስተዋጽኦ እንደሚያደርግ ገልጸዋል።

በቀጣይም ጽ/ቤቱ በሚያከናውናቸው የልማትና የማኅበራዊ ድጋፍ ሥራዎች የተማሪዎችን የመማሪያ ሁኔታ ለማሻሻልና የትምህርት ቤቶችን መሠረተ ልማት ለማጠናከር ትኩረት እንደሚሰጥ አስታውቀዋል።

የትምህርት ቤቶቹ ርዕሰ መምህራን በበኩላቸው ለተማሪዎችና ለመላው የትምህርት ቤቱ ሠራተኞች ንጹህና ምቹ መጸዳጃ ቤት መገንባቱ ጤናማ የትምህርት አካባቢን በመፍጠር ረገድ ያለው ፋይዳ ከፍተኛ መሆኑን ገልጸው፤ ለተደረገው ድጋፍ አመስግነዋል።

08/10/2026

ጠቅላይ ሚኒስትር ዐቢይ አሕመድ (ዶ/ር) የመደመር መንግሥት ካቢኔያቸውን በዛሬው ዕለት ለሕዝብ ተወካዮች ምክር ቤት ያቀርባሉ።

የሕዝብ ተወካዮች ምክር ቤት የአስፈጻሚ አካላትን ስያሜ፣ አደረጃጀት፣ ሥልጣን እና ተግባር ለመወሰን የቀረበውን ረቂቅ አዋጅን በትናንትናው ዕለት በሙሉ ድምፅ ማፅደቁ ይታወሳል።

ረቂቅ አዋጁም አዋጅ ቁጥር 1440/2019 ዓ.ም ሆኖ ጸድቋል።

የማሻሻያው ዋና ዓላማ ተቋማት ሥራቸውን በግልጽ እንዲያውቁ፣ የጋራ እና የተናጠል ኃላፊነቶች እንዲለዩ እና የመንግሥት አፈጻጸም የበለጠ ቀልጣፋ እንዲሆን ነው።

ይህም በተቋማት መካከል የሚፈጠርን የሥራ መደራረብ በመቀነስ፣ ኃላፊነትን በመለየት እና ተጠያቂነትን በማጠናከር የመንግሥትን የማስፈጸም አቅም ያሳድጋል። የዚህ ለውጥ ዋና ተጠቃሚው ደግሞ ዜጎች ናቸው።

የተደራጀ ተቋም ማለት የተሻለ አገልግሎት፣ የተገለጸ ኃላፊነት ማለት የበለጠ ተጠያቂነት፣ በተሻለ ሁኔታ የሚመራ የሕዝብ ሀብት ማለት ደግሞ የበለጠ ውጤት ማለት ነው።

ማሻሻያው ባለፉት አምስት ዓመታት በአስፈጻሚ ተቋማት የታዩ ውስንነቶችን ለመቅረፍ ጠንካራ መሠረት እንደሚፈጥር ተገልጿል።

በአዋጁ መሠረት ከቁጥር አንፃር ሚኒስቴር መሥሪያ ቤቶች በነበሩበት 22 ሆነው መቀጠላቸው እና በሁለት ሚኒስቴር መሥሪያ ቤቶች ላይ የስያሜ ለውጥ ሲደረግ፣ ሁለት ሚኒስቴሮች አንደ አዲስ ተቋቁመዋል።
#የመደመርመንግሥት

መረጃው አማራ ኮሙኒኬሽን

07/10/2026

የፌዴራል መንግሥት አስፈጻሚ አካላትን ስያሜ፣ አደረጃጀት፣ ሥልጣን እና ተግባር ለመወሰን የቀረበ ረቂቅ አዋጅ ጸደቀ
*********************

የሕዝብ ተወካዮች ምክር ቤት ዛሬ ባካሄደው 1ኛ ዓመት የሥራ ዘመን 1ኛ ልዩ ስብሰባው የፌዴራል መንግሥት አስፈጻሚ አካላትን ስያሜ፣ አደረጃጀት፣ ሥልጣን እና ተግባር ለመወሰን የቀረበ ረቂቅ አዋጅን መርምሮ በሙሉ ድምፅ አጽድቋል።

በምክር ቤቱ የመንግሥት ተወካይ አቶ ፍቃዱ ተሰማ፣ ግልጽ እና ውጤታማ የሆነ የአስፈጻሚ አካላትን አደረጃጀት በመፍጠር የሚኒስቴር መሥሪያ ቤቶች እና የተጠሪ ተቋማት የጋራ እና የተናጠል ተግባር በግልጽ በማስቀመጥ ረገድ ረቂቅ አዋጁ ሚናው የጎላ መሆኑን አስረድተዋል።

የመንግሥት ተወካይ እና አስረጂ የሆኑት ፍጹም አሰፋ (ዶ/ር) እና ወ/ሮ ሃና አርዓያሥላሴ የረቂቅ አዋጁ አስፈላጊነት እና ዓላማን በተመለከተ በዝርዝር ሪፖርት ለምክር ቤቱ አቅርበዋል።

በመንግሥት አስፈጻሚ ተቋማት መሥሪያ ቤቶች ባለፉት አምስት ዓመታት ውስጥ የታዩትን ውስንነቶች ለመቅረፍ ረቂቅ አዋጁ እንደሚያግዝ እና የዜጎችን ሰብዓዊና ዲሞክራሲያዊ መብቶች እንዲከበሩ፣ የሕዝቡን የኑሮ ደረጃ ለማሻሻል እና የአገልግሎት ዘርፉን ለማሳለጥ እንደሚያግዝ ገልጸዋል።

ረቂቅ አዋጁ ሰፊ ጥናት የተደረገበት እና ከሚኒስቴር መሥሪያ ቤቶች እና ከተጠሪ ተቋማት ጋር ውይይት በማድረግ በቂ ግብዓት ማግኘት መቻሉን አስረድተዋል።

የተቋማትን አደረጃጀት በግልጽ ማስቀመጥ፣ የመንግሥት እና የሕዝብ ሀብትን የሥራ ኃላፊዎች በአግባቡ እንዲጠቀሙ ለማስቻል ረቂቅ አዋጁ ትልቅ አቅም እንደሚፈጥር አስረድተዋል።

የምክር ቤት አባላት በበኩላቸው፣ አንዳንድ የተጠሪ ተቋማት ለውጥ በደንብ የሥራ ባሕሪያቸውን እና ያላቸውን ፋይዳ ያገናዘበ መሆን እንዳለበት አስገንዝበዋል።

ቀልጣፋ እና ውጤታማ አደረጃጀት በመፍጠር የተቋማትን የማስፈጸም አቅም ለማሳደግ ረቂቅ አዋጁ ሚናው የጎላ መሆኑን የምክር ቤቱ አባላት አያይዘውም መግለጻቸውን ከምክር ቤቱ ያገኘነው መረጃ ያመለክታል።

ምክር ቤቱ ባካሄደው ልዩ ስብሰባው፣ የፌዴራል መንግሥት አስፈጻሚ አካላትን ስያሜ፣ አደረጃጀት፣ ሥልጣን እና ተግባር ለመወሰን የቀረበውን ረቂቅ አዋጅ፤ አዋጅ ቁጥር 1440/2019 ዓ.ም አድርጎ በሙሉ ድምፅ አጽድቋል።

#የመደመርመንግሥት

07/10/2026

የሕዝብ ተወካዮች ምክር ቤት በረቂቅ አዋጅ ላይ እየተወያየ ነው።

7ኛው የኢፌዴሪ የሕዝብ ተወካዮች ምክር ቤት ዛሬ እያካሄደው በሚገኘው 1ኛ ልዩ ስብሰባው በፌዴራል መንግሥት አሥፈጻሚ አካላት ስያሜ፣ አደረጃጀት፣ ሥልጣን እና ተግባር ለመወሰን በቀረበ ረቂቅ አዋጅ ላይ እየመከረ ይገኛል።

የምክር ቤት አባል እና የመንግሥት ተወካይ የኾኑት ፍቃዱ ተሰማ ከዚህ በፊት በነበሩት 22 አሥፈጻሚ አካላት ላይ የቁጥር ልዩነት እንደሌለ እና ከቁጥር አንጻር ሚኒስቴር መሥሪያ ቤቶች በነበሩበት 22 ኾነው እንደሚቀጥሉ ገልጸዋል።

ይህም ኾኖ በሁለት ሚኒስቴር መሥሪያ ቤቶች ላይ ብቻ የስያሜ ለውጥ መደረጉን እና ሁለት ሚኒስቴሮች አንደ አዲስ መቋቋማቸውን አብራርተዋል።

እንደ አዲስ የተቋቋሙት ሁለት ሚኒስቴር መሥሪያ ቤቶች ቀድሞ "የባሕል እና ስፖርት ሚኒስቴር" የነበረው እና ቀድሞ "የቱሪዝም ሚኒስቴር" የነበረው በአዲሱ "የባሕል እና ቱሪዝም ሚኒስቴር" በሚል መቋቋማቸው ተጠቁሟል።

በተጨማሪም ቀድሞ "የፕላን እና ልማት ሚኒስቴር" የነበረው "የብሔራዊ ስትራቴጂ ሚኒስቴር" በሚል እና ቀድሞ "የትራንስፖርት እና ሎጀስቲክስ ሚኒስቴር" የነበረው "የሎጀስቲክስ ሚኒስቴር" በሚል ስያሜያቸው መቀየሩ ተገልጿል።

በሚኒስቴር መሥራያ ቤቶቹ ላይ ማሻሻያው ያስፈለገበት ምክንያት ይበልጥ ውጤታማ ለማድረግ እና ከተልዕኳቸው ጋር ለማጣጣም መኾኑም ተብራርቷል።

በረቂቅ አዋጁ ላይ የፕላን እና ልማት ሚኒስትሯ ፍጹም አሰፋ (ዶ.ር) ለምክር ቤቱ ሰፋ ያለ ማብራሪያ እያቀረቡ እንደሚገኙ ከሕዝብ ተወካዮች ምክር ቤት የተገኘው መረጃ ያመለክታል።

ትልቅ ሀገር፣ ትልቅ ሕዝብ፣ ታላቅ ርዕይ 🇪🇹🇪🇹
አሚኮ

07/10/2026

የክልሉ ዳኞች ስለ ፍርድ ቤት መር አስማሚነት ያላቸውን ግንዛቤ ማሳደግ የሚችል ገለጻ ተደረገ፤

በተለያዩ የዳኝነት እና የፍትሕ ጉዳዮች ላይ የክልሉን ዳኞች አቅም ለማጎልበት የሚሰጡ ስልጠናዎች ቀጥለው ውለዋል።

በጉባኤው የዛሬ ውሎም፣ “የፍርድ ቤት መር አስማሚነት ትግበራ በፌዴራል እና የአማራ ክልል ፍርድ ቤቶች ” በሚል ርዕስ ለክልሉ ዳኞች ገለጻ ተደርጓል።

ገለጻውን ያደረጉት የአማራ ክልል ጠቅላይ ፍርድ ቤት ፕሬዝደንት ልዩ አማካሪ ረዳት ፕሮፌሰር ወርቁ ያዜ እና ዶክተር ዮናስ ግርማ ናቸው።

በስልጠናው የፍርድ ቤት መር አስማሚነት ጽንሰ ሀሳብ፣ የሕግ ማዕቀፉ፣ ከመደበኛው የዳኝነት ሥርዓት ጋር ያለው መስተጋብር፣ የፌዴራል ፍርድ ቤቶች ተሞክሮ እና በአማራ ክልል በሙከራ ደረጃ የሚከናወነው ትግበራ በስፋት ቀርቧል።

ረዳት ፕሮፌሰር ወርቁ ያዜ በገለጻቸው፣ በአማራ ክልል በጅምር ትግበራ ላይ የሚገኘውን የፍርድ ቤት መር አስማሚነት አፈጻጸም ለመገምገም የተካሄደ ዳሰሳ ጥናት ውጤት አቅርበዋል።

ጥናቱ የሙከራ ትግበራው አሁን ያለበትን ደረጃ፣ የታዩ አዎንታዊ ጎኖች፣ ያጋጠሙ ክፍተቶችና ችግሮች እንዲሁም በቀጣይ ሊሠሩ የሚገቡ ጉዳዮችን ለመለየት ያለመ መሆኑን ገልጸዋል።

የፍርድ ቤት መር አስማሚነት ትግበራ አስፈላጊነትን ሲያብራሩም፣ የፍትሕ አገልግሎትን ማስፋትና ለህብረተሰቡ የፍትሕ ማግኛ አማራጮችን ማብዛት በማስፈለጉ መሆኑን ጠቁመዋል።

በመደበኛው የፍርድ ቤት አሠራር ብቻ ለሁሉም ህብረተሰብ የፍትሕ ፍላጎቶች ላይ ፈጣንና ውጤታማ መፍትሔ ማምጣት አስቸጋሪ በመሆኑ፣ የፍርድ ቤት መር አስማሚነት እንደ አማራጭ የፍትሕ መስጫ ሥርዓት ሊያገለግል እንደሚችልም አስረድተዋል።

አስማሚነት በተፈጥሮ በሰዎች ግንኙነት፣ በቤተሰብ፣ በማህበራዊ እና በሌሎች የግንኙነት መስኮች ከሚፈጠሩ አለመግባባቶች የሚመነጩ ግጭቶችን በመነጋገርና በመስማማት ለመፍታት የሚያግዝ ሥርዓት መሆኑን ገልጸዋል።

በዚህም የፍርድ ቤቶችን ጫና መቀነስ ከሚገኙ ጥቅሞች አንዱ እንጂ ዋናው ዓላማ እንዳልሆነ ጠቁመው፣ ዋናው ትኩረት የፍትሕ ተገልጋዮችን ጊዜ፣ ወጪና ጫና መቀነስ እና ተወያይተው በራሳቸው ፈቃድ መፍትሔ እንዲያገኙ ማስቻል መሆኑን አስገንዝበዋል።

በገለጻቸው የፍርድ ቤት መር አስማሚነት ዋና ዋና መርሆዎች፣ አስማሚው ሊኖሩት የሚገቡ ብቃቶችና መመዘኛዎች፣ እንዲሁም አስማሚነት ከመደበኛው የዳኝነት ሥራ ጋር እንዴት ሊቀናጅ እንደሚችል በዝርዝር ቀርቧል።

በተመሳሳይም፣ ዶክተር ዮናስ ግርማ፣በፌዴራል ፍርድ ቤቶች ያለውን የፍርድ ቤት መር አስማሚነት ሥርዓትና የተለያዩ ሀገራትን ተሞክሮ በማነጻጸር አቅርበዋል።

እንደ ገለጻቸው፣ የፍርድ ቤት መር አስማሚነት በፈቃደኝነት ወይም በሕግ በተወሰነ ሁኔታ በግዴታ ወደ አስማሚነት ሂደት የሚገባበት መልክ ሊኖረው የሚችል ሲሆን፣ የትኞቹ ጉዳዮች በግዴታ ሂደቱ ውስጥ እንደሚገቡና የትኞቹ እንደማይገቡ በግልጽ መለየት እንደሚያስፈልግ ገልጸዋል።

በአስማሚነት ሂደት የሚከበሩ መርሆዎች መካከልም ሚስጥራዊነት፣ ገለልተኝነትና የተሳታፊዎችን ፈቃደኝነት ማክበር ዋና መርሆዎች መሆናቸውን አብራርተዋል። ሂደቱ በሕግ አስገዳጅ ቢሆንም ተሳታፊዎች በአስማሚው ላይ ያለፈቃዳቸው የሚያስማማ ጫና እንዳይደረግባቸው መጠበቅ እንደሚገባም ጠቁመዋል።

የፌዴራል ፍርድ ቤቶች ተሞክሮን በማብራራትም፣ በቂ ስልጠና የወሰዱ አስማሚዎች በሥርዓቱ ውስጥ እንደሚሳተፉ፣ ዳኞች ግን በቀጥታ አስማሚ ሆነው እንደማይሠሩ ገልጸዋል። ይህም በአስማሚነት ሂደት የሚገኘው መረጃ ከመደበኛው የዳኝነት ሂደት ጋር ተደባልቆ እንዳይጠቀም ለማድረግ የሚያግዝ መሆኑን አስረድተዋል።

በተጨማሪም ለፍርድ ቤት መር አስማሚነት የተለየ ተቋማዊ መዋቅር እንዲኖረው፣ ለፍርድ ቤቱ ተጠሪ የሆነ የአስማሚነት አስተባባሪ ቢሮ እና የሚያስፈልጉ የሰው ኃይልና የአሠራር ሥርዓቶች መዘርጋት እንደሚገባ ተገልጿል።

የፌዴራል ፍርድ ቤቶች ተሞክሮ እንደሚያሳየው፣ የአስማሚነት ሂደት ከክስ ሂደቱ ጋር ተቀናጅቶ የሚካሄድ ሲሆን፣ ባለጉዳዮች በተወሰነላቸው ጊዜ በአስማሚነት ማዕከል በመቅረብ ጉዳያቸውን በውይይት እንዲፈቱ የሚያስችል አሠራር መኖሩንም ገልጸዋል።

በመጨረሻም በፌዴራል ፍርድ ቤቶች የአስማሚነት ሥርዓት በሙከራ ትግበራና በሙሉ ትግበራ ሁለት ዋና የትግበራ ምዕራፎችን አልፎ መጠናከሩን በማስታወስ፣ በሁለቱም ወቅቶች የታዩ ጠንካራ ጎኖችና ያጋጠሙ ችግሮች በአማራ ክልል ለሚካሄደው የሙከራ ትግበራ ጠቃሚ ተሞክሮ እንደሚሆኑ ተገልጿል።

በርእሰ ጉዳዩ ላይ ተሳታፊ ዳኞች አስተያይታቸውን የሰጡ ሲሆን፣ ጥያቄዎችንም አንስተው በአቅራቢዎቹ ምላሽና ማብራሪያ ተሰጦባቸዋል።

የስልጠናው ዓላማ የክልሉ ዳኞች ስለ ፍርድ ቤት መር አስማሚነት ያላቸውን ግንዛቤና አቅም በማሳደግ፣ በክልሉ የተጀመረው የሙከራ ትግበራ የተሳካና ውጤታማ እንዲሆን የሚያግዝ የጋራ ግንዛቤ ለመፍጠር ያለመ ሲሆን፣ ጉባኤው ነገም በልዩ ልዩ ጉዳዮች ላይ ሲመክር ይውላል።

የአማራ ክልል ጠቅላይ ፍርድ ቤት/ Supreme Court of Amhara Region

06/10/2026

የሚድሮክ ኢንቨስትመንት ግሩፕ #በደሴ ከተማ እየገነባ ያለው #ኢንተርናሽናል ሆቴልና የኮንቬንሽን ማእከል፦
~~~~~~~~~~~~~

የደሴ ከተማን ልዩ ገጽታ የሚያላብስና በቱሪዝም ዘርፉ የላቀ አበርክቶ የሚኖረው ባለብዙ ፋይዳው ሆቴል!

196 ደረጃቸውን የጠበቁ አልጋዎች፤ ከ170 በላይ መኪኖችን ማቆም የሚያስችል ፖርኪንግ፤ ኢንተርናሽናል ሆቴልና የኮንቬንሽን ማእከል፤ የንግድና የሣይንስ ኮንፈረንስ ፣ የኤግዚቢሽን (exhibition) አዳራሾች ፣ ቤተ መጽሀፍት ፤ የመዋኛ ገንዳ፣ የህጻናት ፕሌይ ግራውንድ፣ ዊዲንግና አምፊ ቴአትር፣ ዘመናዊና ባህላዊ ሬስቶራንቶች...

ከከተማችን አልፎ ለክልላችን የሆቴል ቱሪዝም ዘርፍ መነቃቃት በእጅጉ የሚጠቅም🔸በሚድሮክ ኢንቨስትመንት ግሩፕ ባለቤትነት በደሴ ከተማ እየተገነባ ያለው ኢንተርናሽናል ሆቴልና የኮንቬንሽን ማእከል
ደሴ ባህልና ቱሪዝም እና ስፖርት

Dessie City Administration Communication

08/10/2026

08/10/2026

08/10/2026

08/10/2026

08/10/2026

08/10/2026

07/10/2026

07/10/2026

07/10/2026

06/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request