Harari Finance & Economic Cooperation Bureau

17/09/2026

09/09/2026

በሀረሪ ክልል ጳጉሜ 4 "የኀብር ቀን" በጋራ የአካል ብቃት እንቅስቃሴ ተከበረ

ጳጉሜ4/2018

በሀረሪ ክልል የጳጉሜ 4 "የኀብር ቀን" መርሃ ግብር በጋራ የአካል ብቃት እንቅስቃሴ በድምቀት ተከበረ።

በእንቅስቃሴው ላይ የክልሉ ገንዘብ እና ኢኮኖሚ ትብብር ቢሮ የሥራ አመራር አባላት እና ሠራተኞች በንቃት በመገኘት ተሳትፎ አድርገዋል። በዕለቱ የተከናወነው የጋራ የአካል ብቃት እንቅስቃሴ በሠራተኞች መካከል አብሮነትን እና የቡድን መንፈስን ለማጠናከር ምቹ ሁኔታን የፈጠረ መሆኑ ተገልጿል።

የዕለቱ ተሳታፊዎች በሰጡት አስተያየት፤ ስፖርት የአካልና የአእምሮ ጤንነትን ከመጠበቀ ባሻገር በሕዝቦች መካከል ያለውን ወዳጅነትና ማኅበራዊ ትስስር ለማጠናከር ከፍተኛ ሚና እንደሚጫወት ጠቁመዋል። ኅብረትን እና አብሮነትን በሚያጠናክሩ መሰል ሀገራዊ በዓላት ላይ የተጠናከረ ተሳትፎ እንደሚደረግም አመላክተዋል።

www.hararibof.gov.et
E-mail:[email protected]
Facebook:-www.facebook.com/HBoFED
TikTok:- https://www.tiktok.com/.bofec
T.me:- https://t.me/HBoFEC

03/09/2026

በክልሉ ለሚገኙ 16 ተቋማት በዲጂታል የንብረት አስተዳደር ሥርዓት (DPMS) ላይ የተሰጠ ሥልጠና ተጠናቀቀ።

ነሐሴ 28/2018

* * * *
በክልሉ ገንዘብና ኢኮኖሚ ትብብር ቢሮ አዘጋጅነት ከክልሉ ለተውጣጡ 16 ተቋማት የግዥ፣ ፋይናንስ፣ ንብረት አስተዳደር ኃላፊዎች ፣ለንብረት ባለሞያዎች እንዲሁም የአይቲ ባለሙያዎች በሁለት ዙር ሲሰጥ የቆየው ተግባር ተኮር የዲጂታል የንብረት አስተዳደር ሥርዓት (DPMS) ሥልጠና ተጠናቀቀ።

የሥልጠናው መርሃ ግብር የቋሚና አላቂ ንብረት ምዝገባ፣ የንብረት ቆጠራ፣ የተሽከርካሪዎች መረጃ ምዝገባ እስከ መሠረተ ልማት ምዝገባ ዳታቤዝ አጠቃቀምን ያካተተ ነበር ። የተቋማትን አሠራር በቴክኖሎጂ ለማዘመንና ውጤታማ ለማድረግ ትልቅ ፋይዳ እንዳለው ተመላክቷል።

የመዝጊያ መርሃ ግብር ላይ ንግግር ያደረጉት የክልሉ ገንዘብና ኢኮኖሚ ትብብር ቢሮ ሃላፊ አቶ መሀመድ ያህያ ሥልጠናው ከዕለት ተዕለት ሥራዎች ወጣ ብሎ የሚከወን የተለመደ መድረክ ብቻ ሳይሆን የመንግሥትን ንብረት በዲጂታል ሥርዓት፣ በትክክለኛ መረጃ፣ በግልጽነትና በተጠያቂነት ለመምራት የተጀመረ ቁልፍ የለውጥ ምዕራፍ መሆኑን ገልጸዋል።

የዲጂታል ሲስተም በራሱ ተአምር እንደማይሠራ በማስታወስ፣ ባለሙያዎችና ኃላፊዎች ትክክለኛ መረጃ በማስገባትና በኃላፊነት ስሜት በመጠቀም እውነተኛው ሥራ ከሥልጠናው ማጠናቀቂያ በኋላ መሬት ላይ መተርጎም እንዳለበት አሳስበዋል።

በስልጠናው መድረክ ላይ በጉዳዩ ዙሪያ ሰፊ ውይይት ተደርጎ ከተሳታፊዎች የተነሱ ጥያቄዎችና አስተያየቶች ላይ ምክክር ከተደረገ በኋላ ስልጠናውን በብቃት ለአጠናቀቁ ሰልጣኞች የምስክር ወረቀት ተበርክቷል።

ቢሮው ለሥልጠናው መሳካት ላደረገው ትብብር ለአፍሮኔክስ ቴክ ሀብ ባለሙያዎችና አመራሮች ምስጋና ያቀረበ ሲሆን በቴክኖሎጂ የተደገፈ፣ በመረጃ የሚመራ፣ ቀልጣፋ እና ግልጽ የንብረት አስተዳደር ሥርዓት በክልሉ ለመዘርጋት የሚደረገው የዲጂታል ለውጥ ጉዞ ተጠናክሮ እንደሚቀጥልና አስፈላጊው ክትትልና ድጋፍ እንደሚደረግ አስገንዝቧል።

www.hararibof.gov.et
E-mail:[email protected]
Facebook:-www.facebook.com/HBoFED
TikTok:- https://www.tiktok.com/.bofec
T.me:- https://t.me/HBoFEC

31/08/2026

የሀረሪ ክልል ካቢኔ በተለያዩ ጉዳዮች ላይ ተወያይቶ ውሳኔ አስተላለፈ

የሀረሪ ክልል መስተዳድር ምክር ቤት (ካቢኔ) በተለያዩ ጉዳዮች ላይ ተወያይቶ ውሳኔ አስተላልፏል።

መስተዳድር ምክር ቤት በቅድሚያ የተወያየው የሀረሪ መሶብ የአንድ ማዕከል ዲጂታል የመንግስት አገልግሎት ድርጅታዊ መዋቅር እና የሰው ኃይል ፍላጎት በተመለከተ በቀረበ ረቂቅ ላይ ነው።

ረቂቁም የሀረሪ መሶብ አንድ ማዕከል አገልግሎት በተለያዩ የመንግሥት ተቋማት የሚሰጡትን አገልግሎት በአንድ ቦታ በማሰባሰብ፣ በማደራጀትና ዲጂታላይዝ በማድረግ ተገልጋዩ ላልተፈለገ እንግልትና ወጪ ሳይጋለጥ ተደራሽ፣ ግልፅ፣ ቀልጣፋ፣ ወጪ ቆጣቢና ውጤታማ አገልግሎት በመስጠት እርካታን ለማሳደግ ያለመ መሆኑ ተጠቁሟል።

መስተዳድር ምክር ቤቱም ድርጅታዊ መዋቅር ላይ በሰፊው ከመከረ በኋላ በሙሉ ድምፅ አፅድቆታል።

ካቢኔው በመቀጠል የተወያየው በሐረር ከተማ ማዘጋጃ ቤት ለከንቲባ ኮሚቴ ውሳኔ የቀረበ የአደረጃጀት ማሻሻያ ረቂቅ ላይ ነው።

የአደረጃጀት ማሻሻያውም ማዘጋጃ ቤቱ በህግ የተሰጠውን ሃላፊነት በአግባቡ ለማከናወን የሚያስችለውን አደረጃጀት በመፍጠር የሚስተዋሉ ችግሮችን በመቅረፍ ውጤታማ የሆኑ ተግባራትን እንዲያከናውን ለማስቻል መሆኑ ተገልጿል።

ካቢኔውም በማሻሻያው ላይ በጥልቀት ከተወያየ በኋላ በሙሉ ድምፅ አፅድቋል።

መስተዳድር ምክር ቤቱ ከዚህ በተጨማሪም በሌሎች አጀንዳዎች ዙሪያ ውይይት በማካሄድ ውሳኔ አስተላልፋል።

29/08/2026

የሐረሪ ክልል ገንዘብና ኢኮኖሚ ትብብር ቢሮ ለሠራተኞችና ቤተሰቦቻቸው በኤችአይቪ/ኤድስ መከላከል ዙሪያ የግንዛቤ ማጎልበቻ ሥልጠና ሰጠ

ነሐሴ 22/2018
****

የሐረሪ ክልል ገንዘብና ኢኮኖሚ ትብብር ቢሮ ለተቋሙ አመራሮች፣ ሠራተኞች እና ለቤተሰብ አባላት በኤችአይቪ/ኤድስ ስርጭት መከላከልና ግንዛቤ ማስጨበጫ ዙሪያ ያተኮረ ሥልጠና ሰጠ። የቤተሰብ አባላትን ጨምሮ ስልጠናው መካሄዱ መርሃ-ግብሩ ልዩና የላቀ ትርጉም እንዲኖረው አስችሎታል።

መድረኩን በንግግር የጀመሩት የተቋሙ ም/ቢሮ ሃላፊ አቶ ያህያ አብዱራሂም ጤና የሚጀምረው ከቢሮ ሳይሆን ከቤት በመሆኑ የሕብረተሰቡና የተቋሙ ጽኑ መሠረት የተገነባው በቤተሰቦች ጤናማነትና ሰላም ላይ መሆኑን ገልጸዋል::

ባለፉት ዓመታት በሕክምና ሳይንስ የታዩ ድሎች በሽታውን ወደ ቁጥጥር ሊደረግበት ወደሚችል ደረጃ ያደረሱ ቢሆንም ማኅበራዊ ማግለል፣ የተሳሳቱ አመለካከቶች እና ፍርሃት አሁንም ፈታኝ መሆናቸውን ጠቁመዋል።

አለማወቅና ማግለል የሚሸነፉት በዝምታ ሳይሆን በግልጽ ውይይት እና በትክክለኛ ትምህርት እንደሆነ ያነሱት አቶ ያህያ ከሥልጠናው የሚገኘውን እውቀት በቢሮ ብቻ ሳይወሰን ወደ ቤተሰብ በመውሰድና ለልጆች በማካፈል በዕለት ተዕለት ሕይወት መተግበር እንደሚገባ አሳስበዋል።

ቤቶች እውነተኛ ደኅንነታቸው የተጠበቀ መጠለያ እንዲሆኑ ትክክለኛ መረጃ መያዝ አስፈላጊ መሆኑንም ተናግረዋል።

የዛሬው ሥልጠና መረጃ ሰጪ፣ አሳታፊ እና የጋራ ግንዛቤን የሚያጎለብት ሆኖ እንዲዘጋጅ መደረጉን በመጥቀስ፣ ተሳታፊዎች ትምህርቱን በትኩረት በመከታተልና ጥያቄዎችን በግልጽ በማንሳት እንዲሳተፉ ጥሪ አቅርበዋል።

በመጨረሻም በፕሮግራም ክፍል ንዑስ ስራ ሂደት ሃላፊ ወ/ሪት ምህረት ገ/ወልድ በሥልጠናው ዙሪያ የተዘጋጀውን ጽሑፍ ማቅረቧን ተከትሎ፣ በሰልጣኞች መካከል ጥያቄዎችና ሐሳቦች ተነስተው በጉዳዩ ላይ ሰፊ ውይይት ተደርጎበታል።

www.hararibof.gov.et
[email protected]
F.b.www.facebook.com/HBoFED
TikTok.https://www.tiktok.com/.bofec
T.me:- https://t.me/HBoFEC

28/08/2026

28/08/2026

የሐረሪ ክልል ገንዘብና ኢኮኖሚ ትብብር ቢሮ የ2018 በጀት ዓመት አፈፃፀም ሪፖርቱን በመገምገም የ2019 በጀት ዓመት የዕቅድ አቅጣጫዎች ላይ ሰፊ ውይይት አካሄደ።

* * * * *
ነሐሴ 21/2018

የሐረሪ ክልል ገንዘብና ኢኮኖሚ ትብብር ቢሮ የ2018 በጀት ዓመት አፈፃፀም ሪፖርቱን በመገምገም የ2019 በጀት ዓመት የዕቅድ አቅጣጫዎች ላይ ሰፊ ውይይት አካሄደ።

በግምገማ መድረኩ ላይ የተቋሙ ምክትል ቢሮ ኃላፊ አቶ ያህያ አብዱራሂም እንደገለፁት፣ የባለፈው በጀት ዓመት አፈፃፀም በአግባቡ መገምገም በሂደት የታዩ ክፍተቶችን ለማረም እንዲሁም የቢሮውን ጥንካሬዎች፣ ድክመቶች፣ መልካም አጋጣሚዎችና ስጋቶች በመተንተን ለቀጣዩ ዓመት ስኬት ወሳኝ መሠረት ነው ብሎዋል።

ቢሮው በሚቀጥለው ዓመት ስራዎቹን በብቃት ለመፈጸም ባስቀመጠው ራዕይና ተልዕኮ መሠረት የተዘጋጀው የ2019 ዕቅድ፤ ለመንግስት ልማት የሚውለውን ፋይናንስ ማሳደግ እና አጠቃቀሙን ማሻሻል ላይ ትኩረት አድርጎ መዘጋጀቱ ተመላክቷል። በተጨማሪም የመንግስት ፋይናንስ አስተዳደር ዘመናዊ፣ ቀልጣፋ፣ በሕግ የሚመራ እና ከብክነት የሚከላከል ሥርዓት እንዲዘረጋና እንዲጠናከር የሚያስችሉ ቁልፍ ተግባራት በዕቅዱ መካተታቸው ተገልጿል።

በመድረኩ ላይ የተቋሙ ፕላንና ፕሮግራም ዳይሬክተር ወ/ሮ ሲትራ አብዱራሀማን የ2018 በጀት ዓመት ሪፖርት እና የ2019 በጀት ዓመት እቅድ በዝርዝር አቅርበዋል። የቀረበውን ሪፖርት እና እቅድ መነሻ በማድረግም ሰፊ አስተያየቶች፣ ማብራሪያዎች እና ጥያቄዎች ተነስተው ጥልቅ ውይይት ተደርጎባቸዋል።

በመድረኩ ማጠቃለያ ላይ ሁሉም ዳይሬክቶሬቶች በውይይቱ የተሰጡትን አስተያየቶች እንደ ግብአት በመውሰድ እና የተጣለባቸውን ኃላፊነት በአግባቡ በመወጣት በ2019 በጀት ዓመት የተሳካ ስራ ለመስራት ቃል በመግባት መድረኩ ተጠናቋል።

www.hararibof.gov.et
[email protected]
F.b.www.facebook.com/HBoFED
TikTok.https://www.tiktok.com/.bofec
T.me:- https://t.me/HBoFEC

14/08/2026

የዘላቂ ልማት ግቦች (SDGs) የ2018 በጀት ዓመት አፈጻጸም ግምገማ እና የ2019 ዕቅድ ላይ ውይይት ተካሄደ::

ነሐሴ 8/2018
* * * *

በሐረሪ ሕዝብ ክልላዊ መንግሥት የገንዘብና ኢኮኖሚ ትብብር ቢሮ አዘጋጅነት፣ የግብርና ቢሮ፣ የውሃ ፍሳሽ አገልግሎት ባለሥልጣን፣ የኢንተርፕራይዝ ልማት ቢሮ እና የገንዘብና ኢኮኖሚ ትብብር ቢሮ የዘርፍ አስተባባሪዎችና ባለሙያዎች በተገኙበት የዘላቂ ልማት ግቦች (SDGs) የ2018 በጀት ዓመት አፈጻጸም ግምገማ እና የ2019 በጀት ዓመት ቅድመ ዕቅድ ውይይት መድረክ ተካሄዷል።

ውይይቱን በንግግር የጀመሩት የቢሮው ምክትል ቢሮ ኃላፊ አቶ ያህያ አብዱራሂም መድረኩ ያለፈውን ዓመት ጥንካሬዎችና ድክመቶች ለመገምገም እና የቀጣይ ዓመት ቅድመ ዝግጅት ለማድረግ ያለውን ወሳኝነት ገልጸዋል። የልማት ግቦቹን መሬት ላይ በማውረድ የህዝብን ኑሮ ማሻሻልና የሀገሪቱን የዕድገት ጉዞ ማቀላጠፍ ቁልፍ ጉዳይ መሆኑን አንስተው ባለፈው ዓመት በተለያዩ ዘርፎች በርካታ የልማት ሥራዎች መከናወናቸውን አብራርተዋል። አክለውም አሁን የታዩ ስኬቶችን አጠናክሮ ክፍተቶችን የማረሚያ ወሳኝ ጊዜ መሆኑን አስገንዝበዋል።

በመድረኩ ባለድርሻ ተቋማት በበጀት ዓመቱ ያከናወኗቸውን የሥራ አፈጻጸም ሪፖርቶች እና የ2019 በጀት ዓመት ዕቅድ አቅርበዋል። በሪፖርቶቹ እናእቅዶች ላይም ተሳታፊዎች ሰፊ ውይይት በማድረግ በጥልቀት ገምግመዋል።

በውይይቱ ወቅት በዋናነት በጀትን ለታለመለት ዓላማ ብቻ ማዋል፣ የፋይናንስ ደንቦችን በጥብቅ መከተል፣ የግዥ ሥርዓትን በጊዜ ማጠናቀቅ እና የኦዲት ግኝቶችን በመቀነስ ግልጽነትና ተጠያቂነትን ማረጋገጥ ላይ ትኩረት ተሰጥቷል። በተጨማሪም የወርሃዊ እና የሩብ ዓመት ሪፖርት አቅርቦትን ተቋማዊ ማድረግ እንዲሁም የመስክ ጉብኝት ፕሮግራሞችን በጊዜ ሰሌዳ መሠረት ማከናወን ይገባል ተብሏል።

በሌላ በኩል በ2018 በጀት ዓመት ለተለዩ ድክመቶች የማሻሻያ እርምጃዎችን በ2019 ዓመታዊ ዕቅድ ውስጥ ማካተት፣ ለፕሮጀክቶች ቅድመ ዝግጅት ማሳወቅ፣ የአካባቢ ተጽዕኖ ጥናት መሠራቱን ማረጋገጥ እና የፕሮጀክት መለያ ታፔላዎችን ማዘጋጀት እንደሚያስፈልግ ተመላክቷል። ከዚህም በላይ በየዘርፉ ለስንት ዜጎች የሥራ ዕድል እንደሚፈጠር በዕቅዱ ላይ በግልጽ መገለጽ እንዳለበት የጋራ መግባባት ላይ ተደርሷል።

በውይይቱ ማጠቃለያ ላይ የቢሮው ምክትል ቢሮ ኃላፊ መድረኩ መሠረታዊ የአፈጻጸም ጉዳዮችን በዝርዝር ዳስሶ የጋራ መግባባት ላይ መድረሱን ጠቅሰው የተሳታፊዎች ውይይት ፍሬያማና ገንቢ እንደነበር ገልጸዋል። ውይይቱ ለቀጣዩ በጀት ዓመት ሥራዎች ጠንካራ መነሻ እንደሚፈጥር ሙሉ እምነት እንዳላቸው በመግለጽ መድረኩን አጠናቀዋል።

www.hararibof.gov.et
[email protected]
F.b.www.facebook.com/HBoFED
TikTok.https://www.tiktok.com/.bofec
T.me:- https://t.me/HBoFEC

13/08/2026

የመንግስት ፋይናንስ ዘርፍ አስተዳደር እና የአገልግሎት አሰጣጥ ሪፎርም የዝግጅት ምዕራፍ አፈጻጸም ግምገማ ተካሄደ::

ነሐሴ 7/2018
* * * *

የሐረሪ ክልል ገንዘብና ኢኮኖሚ ትብብር ቢሮ የመንግስት ፋይናንስ ዘርፍ አስተዳደር እና የአገልግሎት አሰጣጥ ሪፎርም የዝግጅት ምዕራፍ አፈጻጸምን የሥራ ግምገማ መድረክ ከአብይ ኮሚቴ አባላት ጋር አካሄደ።

የስብሰባውን መድረክ በይፋ የከፈቱት የቢሮው ኃላፊ እና የአብይ ኮሚቴው ሰብሳቢ አቶ መሐመድ ያህያ እንደገለጹት የፋይናንስ ሴክተር ሪፎርም በመንግስት የሲቪል ሰርቪስ ሪፎርም ፖሊሲዎች መሠረት ተቋማዊ አቅምን ለማጠናከር፣ የፋይናንስ አስተዳደርን ለማዘመን፣ ግልጽነትና ተጠያቂነትን ለማሳደግ እንዲሁም ውጤታማ የፋይናንስ ሥርዓት ለመገንባት የተጀመረ ወሳኝ የለውጥ ፕሮግራም ነው።

የቢሮው ኃላፊ አያይዘውም ይህ የሪፎርም ትግበራ የክልላችንን የኢኮኖሚ ዕድገት ለማፋጠን፣ ብልሹ አሠራሮችን ለመከላከል እና የመንግስትን ሀብት በብቃት ለመጠቀም ወሳኝ ሚና አለው። በተለይም አሠራራችንን በዲጂታላይዜሽን ማስደገፋችን ለዘመናዊ የፋይናንስ አስተዳደር ግንባታ የላቀ ፋይዳ ይፈጥራል ሲሉ አስገንዝበዋል።

በመቀጠልም በቴክኒክ ኮሚቴው ሰብሳቢ በአቶ ኑረዲን መሐመድ አማካይነት በዝግጅት ምዕራፉ እስካሁን የተከናወኑ ዋና ዋና ተግባራት፣ የተገኙ ውጤቶች፣ ያጋጠሙ ተግዳሮቶችና የቀጣይ ሥራዎች አቅጣጫን ያካተተ ዝርዝር ሪፖርት ቀርቦ ውይይት ተደርጎበታል።

የአብይ ኮሚቴ አባላት በበኩላቸው የተዘጋጁ ሰነዶች በፍጥነት እንዲጸድቁ፣ የሚወጡ የሕግና የመመሪያ ማሻሻያዎች ከክልሉ ነባራዊ ሁኔታ ጋር የተጣጣሙ እንዲሆኑ እንዲሁም ከሚመለከታቸው አካላት ሁሉ አስፈላጊው ግብዓት ተሰብስቦ ሥራው እንዲጠናቀቅ አስተያየታቸውን ሰጥተዋል።

የቢሮው ምክትል ቢሮ ኃላፊ አቶ ያህያ አብዱራሂም በዝግጅት ምዕራፉ የተከናወኑ ሰነዶችና የቅድመ ዝግጅት እንቅስቃሴዎች አበረታች መሆናቸውን ገልጸዋል።የሪፎርም ሥራው በጥራትና በፍጥነት እንዲጠናቀቅም የክትትልና ድጋፍ ሥራው እንደሚቀጥል አረጋግጠዋል።አያይዘውም በቀጣይ የዳይሬክቶሬቶች ቅንጅት የበለጠ ተጠናክሮ የተጀመሩ የቅድመ ዝግጅት ሥራዎች ወደ ሙሉ ትግበራ ለመሸጋገር መስርት መጣል እንዳለባቸው አፅኖት ስጥቶዋል።

በውይይቱ ማጠቃለያ ላይ የቢሮው ኃላፊ አቶ መሐመድ ያህያ በሰጡት የመዝጊያ ንግግር የቴክኒክ ኮሚቴው ያቀረበውን አጠቃላይ አፈጻጸምና በውይይቱ የተነሱ ገንቢ አስተያየቶችን አድንቀዋል።

በመጨረሻም ቢሮ ኃላፊው ይህ የሪፎርም ሂደት ለክልላችን ፋይናንስ ዘላቂነት፣ ለሀብት አጠቃቀም ውጤታማነት እና ለዘመናዊ የአስተዳደር ሥርዓት ግንባታ የላቀ አስተዋጽኦ ያለው በመሆኑ የቢሮው አመራሮችና የሪፎርም አፈጻጸም ኮሚቴዎች የሪፎርሙን ዓላማዎች ከግብ ለማድረስ ያላቸውን ቁርጠኝነት የሚያሳይ ነው። በቀጣይ የሚከናወኑ ተግባራት በታቀደላቸው ጊዜና ጥራት እንዲጠናቀቁ ሁሉም አካል በኃላፊነት ስሜት መስራት አለበት" ሲሉ ጥሪያቸውን በማቅረብ የመድረኩን ፍጻሜ አብስረዋል።

www.hararibof.gov.et
[email protected]
F.b.www.facebook.com/HBoFED
TikTok:-http://www.tiktok.com/.bofec
T.me:- https://t.me/HBoFEC

12/08/2026

የሀረሪ ክልል ገንዘብ እና ኢኮኖሚ ትብብር ቢሮ ለአቅመ-ደካማ ተማሪዎች የትምህርት ቁሳቁስ ድጋፍ አደረገ::

ነሐሴ 6/2018

* * * *

በሀረሪ ክልል በየዓመቱ የሚካሄደው የክረምት የበጎ ፈቃድ አገልግሎት የማህበረሰባችንን በርካታ ችግሮች እያቃለለ ይገኛል።

የዚህ በጎ ተግባር አካል የሆነው የክልሉ ገንዘብ እና ኢኮኖሚ ትብብር ቢሮ ለአዲሱ የትምህርት ዘመን የሚሆኑ የትምህርት ቁሳቁሶችን በማዘጋጀት ለሀረሪ ክልል ሴቶች፣ ህፃናትና ወጣቶች ቢሮ ማስረከቡን አስታውቋል።

በዕለቱ ከተደረጉት ድጋፎች መካከል 200 ደርዘን ደብተር እና 1,000 ፍሬ እስክሪብቶዎች ይገኙበታል እነዚህ ቁሳቁሶች በአቅም ማነስ ምክንያት ለልጆቻቸው ደብተርና እስክሪብቶ ማሟላት ለሚቸገሩ ወላጆች ትልቅ እፎይታ የሚፈጥር ነው።

በትምህርት ቁሳቁስ እጥረት ምክንያት ተማሪዎች ከትምህርት ገበታቸው እንዲያቋርጡ አለመፍቀድ የሁላችንም ኃላፊነት ነው።

እንዲህ ዓይነቶቹ ድጋፎች ልጆች ያለ ስጋት እንዲማሩ ከማድረጋቸውም በላይ በትምህርታቸው የተሻለ ውጤት እንዲያስመዘግቡ የሚያስችላቸውን ተስፋና ጥንካሬ እንደሚሰጣቸው በስነ-ስርዓቱ ወቅት ተገልጿል።

በመጨረሻም አንድም ልጅ በትምህርት ቁሳቁስ እጥረት ምክንያት ከትምህርት ቤት እንዳይቀር በሚለው መርህ መሰረት የመንግስት፣ የባለሀብቱና የህብረተሰቡ ቅንጅት አስፈላጊ መሆኑ ተስመሮበታል።

በመሆኑም መሰል የወገን አለኝታነትን የሚያሳይ የበጎ አድራጎት ስራዎች በቀጣይም ተጠናክረው እንዲቀጥሉ ቢሮው ጥሪውን አስተላልፏል።

www.hararibof.gov.et
[email protected]
F.b.www.facebook.com/HBoFED
TikTok:- https://www.tiktok.com/.bofec
T.me:- https://t.me/HBoFEC