Harari Government communication affairs Office

10/10/2026

የሀረር ከተማን ዕድገት የሚያፋጥኑ ዘርፈ-ብዙ የልማት ስራዎች ተጠናክረው ቀጥለዋል-ርዕሰ መስተዳድር አቶ ኦርዲን በድሪ

ሀረር፣መስከረም 30/2019(ሀክመኮ):-የሀረር ከተማን ዕድገት የሚያፋጥኑ ዘርፈ-ብዙ የልማት ስራዎች ተጠናክረው መቀጠላቸውን ርዕሰ መስተዳድር አቶ ኦርዲን በድሪ ገለፁ።

ርዕሰ መስተዳድሩ በመደመር እሳቤ በሀረር ከተማ እየተከናወኑ የሚገኙ የልማት ፕሮጀክቶችን ተዘዋውረው ተመልክተዋል።

በምልከታውም እንደገለፁት የሀረር ከተማን ዕድገት የሚያፋጥኑና ተመራጭ የቱሪዝም መዳረሻ እንድትሆን የሚያስችሉ ዘርፈ-ብዙ የልማት ተግባራት እየተከናወኑ ይገኛሉ።

የልማት ፕሮጀክቶቹ የማህበረሰቡን ፍላጎት ማዕከል አድርገው እየተከናወኑ የሚገኙ ሲሆን ለዜጎች ዘላቂ ጥቅም እንዲያስገኙ ትኩረት መሰጠቱንም አክለዋል።

እየተከናወኑ የሚገኙ የልማት ስራዎች ከተማዋን ለኑሮ የተመቸች እና ለኢንቨስትመንት ተመራጭ የሚያደርጉ ናቸው።

በክልሉ በኮሪደር ልማት የተመዘገቡ ውጤቶችን ከማስቀጠል ባለፈ፣ የአገልግሎት አሰጣጥን በማሳለጥ የሕዝቡን የልማትና የመልካም አስተዳደር ጥያቄዎች የሚመልሱ መሆናቸውን ገልጸዋል።

09/10/2026

ጠቅላይ ሚኒስትር ዐቢይ አሕመድ (ዶ/ር) ከሕንድ የውጭ ጉዳይ ሚኒስትር ሱብራህማንያም ጃይሻንካር(ዶ/ር) ጋር ተወያዩ

‎ጠቅላይ ሚኒስትር ዐቢይ አሕመድ (ዶ/ር) ከሕንድ የውጭ ጉዳይ ሚኒስትር ሱብራህማንያም ጃይሻንካር(ዶ/ር) እና ልዑካቸውን ዛሬ መወያየታቸውን ገልጸዋል።

ጠቅላይ ሚኒስትር ዐቢይ አሕመድ (ዶ/ር) በማህበራዊ ትስስር ገጻቸው ባስተላለፉት መልዕክት እንደገለጹትበቆይታችን በኢትዮጵያ እና በሕንድ መካከል ያለውን ጠንካራና የቆየ ወዳጅነት በድጋሚ ያረጋገጠ ነው።

ጠቅላይ ሚኒስትር ዐቢይ አሕመድ (ዶ/ር) ባስተላለፉት መልእክት ከሰሞኑ በሕንድ ካደረግኩት ጉብኝት እና ከጠቅላይ ሚኒስትር ናሬንድራ ሞዲ ጋር ከነበረኝ ቆይታ ተከትሎ በተጠናከረ ትብብርና በስትራቴጂካዊ አጋርነት ላይ የተመሰረተ ወዳጅነታችንን ይበልጥ ማሳደግ በሚቻልባቸው ዕድሎች ላይ ተነጋግረናል ብለዋል።

09/10/2026

የጀጎል አለም አቀፍ ቅርስ የምሽት ገጽታ

09/10/2026

ፅ/ቤቱ ህዝብን ማዕከል ያደረገ ዓላማ ተኮር የኮሙኒኬሽን ተግባራትን በማከናወን አበረታች ውጤት አስመዝግቧል-አቶ ሔኖክ ሙሉነህ

የሀረሪ ክልል የመንግስት ኮሙዩኒኬሽን ጉዳዮች ፅ/ቤት ህዝብን ማዕከል ያደረገ ዓላማ ተኮር የኮሙኒኬሽን ተግባራትን በማከናወን አበረታች ውጤት ማስመዝገቡን የፅ/ቤቱ ሀላፊ አቶ ሔኖክ ሙሉነህ ገለፁ።

የሀረሪ ክልል የመንግስት ኮሙዩኒኬሽን ጉዳዮች ጽ/ቤት የመጀመሪያ ሩብ አመት እቅድ አፈጻጸም መድረክ አካሂዳል።

በውይይት መድረኩ ላይ የጽህፈት ቤቱ ኃላፊ አቶ ሔኖክ ሙሉነህ እንዳሉት ህዝብን ማዕከል ያደረገ ዓላማ ተኮር የኮሙኒኬሽን ስራ በማከናወን አበረታች ውጤቶች ተመዝግበዋል።

የክልሉ ህዝብ በሰላም፣ በመቻቻልና በአብሮነት የመኖር እሴቶች እንዲጠናከሩ እንዲሁም የቱሪስት መስህብ ስፍራዎቹ እንዲተዋወቁ በማድረግ ረገድ የተለያዩ የመገናኛ ብዙሃን አውታሮችን በመጠቀም የተጠናከረ ስራ ሲሰራ መቆየቱንም ተናግረዋል።

የክልሉን መልካም ገፅታ በመገንባትም በህዝብና በመንግስት መካከል ሁነኛ የመረጃ ድልድይ ሆኖ ተግባቦትን የመፍጠር ስራዎች በትኩረት ሲከናወኑ መቆየታቸውን አስረድተዋል።

ከዚህ በተጨማሪም በክልሉ የሚከናወኑ የልማትና የመልካም አስተዳደር ስራዎችን የተመለከቱ መረጃዎችን በማህበራዊ ሚዲያ፣ በአካባቢው በሚገኙና በሀገር አቀፍ መገናኛ ብዙሃን አማካኝነት ለህዝቡ ተደራሽ ተደርጓል ብለዋል።

አቶ ሔኖክ አክለውም በተለይም በክልላዊና በሀገራዊ ጉዳዮች ላይ ህብረተሰቡ ሁለንተናዊ ተሳትፎውን እንዲያጎለብት ለማስቻል ትኩረት ተሰጥቶት መሰራቱን አንስተዋል።

በሀገራዊ ጉዳዮች ላይ የጋራ መግባባት ከመፍጠር አኳያም የኮሙዩኒኬሽን ዘርፉ የድርሻውን እንዲወጣ ለማስቻል ጥረት ስለመደረጉ አስረድተዋል።

በበጀት አመቱ ቀሪ ወራትም ጽሕፈት ቤቱ የተቋቋመለትን ዓላማ በብቃት ለመወጣትና የህብረተሰቡን የመረጃ ፍላጎት ለማሟላት በትኩረት እንደሚሰራ ገልጸዋል።

09/10/2026

በሀረሪ ክልል በክረምት የበጎ ፍቃድ አገልግሎት ከ300 ሚሊየን ብር በላይ የሚያወጡ በጎ ስራዎች መካሄዳቸው ተገለፀ።

ሀረር፣ መስከረም 29/2019(ሀክመኮ):- በሀረሪ ክልል በ2018 ዓመት የክረምት በጎ ፍቃዶ አገልግሎት ከ300 ሚሊየን ብር በላይ የሚገመት የበጎ ፍቃዶ አገልግሎት ስራዎች መካሄዳቸው ተገለፀ።

በክልሉ 2018 የክረምት ወራት በጎ ፍቃድ አገልግሎት ዕቅድ አፈፃፀም ተካሂዷል።

በመድረኩ መልዕክት ያስተላለፉት የሀረሪ ክልል ብልፅግና ፓርቲ ፅህፈት ቤት ምክትል ሀላፊና የፖለቲካና አቅም ግንባታ ዘርፍ ሐላፊ አቶ አብዱልሐኪም አብዱማሊክ እንዳሉት በክረምት በጎ ፍቃዶ አገልግሎት ውጤታማ ተግባራት ተካሂደዋል።

በአገልግሎቱ ሰው ተኮር በሆኑ ዘርፈ ብዙ ስራዎች የበርካታ ዜጎችን የኑሮ ጫና ማቅለል የሚችሉና ለዜጎች የተሻለ አገልጎሎትን ለመስጠት አቅም የሚፈጥሩ በጎ ስራዎች መካሄዳቸውን ገልፀዋል።

የክረምት የበጎ ፍቃድ አገልግሎትና ውጤትን በቀጣይ የበጋ በጎ ፍቃድ አገልግሎት ለማሳደግ በተቋማትና በወረዳዎች የበጎ ስራዎች ሚናን ማጠናከር እንደሚጠበቅ አስገንዝበዋል።

በመድረኩ የ2018 የክረምት በጎ ፍቃድ አገልግሎት ስራዎች የዕቅድ አፈፃፀምን ያቀረቡት በክልሉ ብልፅግና ፓርቲ ፅህፈት ቤት ልዩ ረዳት አቶ ሐይለጊዮርጊስ መገርሳ በክረምቱ የበጎ ፍቃድ አገልግሎት ስራዎች ውጤታማ ተግባራት መካሄዳቸውን ገልፀዋል።

በዋናነትም በአረንጓዴ አሻራ ዘመቻ ውጤታማ የችግኝ ተከላ ዘመቻ መካሔድ መቻሉን ጠቁመው በትምህርት ቁሳቁስ ድጋፍ፣ በተማሪዎች የንፅህና መጠበቂያ ድጋፍ፣ የመማሪያ ክፍሎች ግንባታና ጥገናን ጨምሮ በትምህርት በጎ ፍቃድ አገልግሎት የተካሄዱ ስራዎችን ጠቅሰዋል።

በጤናው መስክም ከ82 ሚሊየን ብር በላይ የሚያወጣ ነፃ የህክምና እና የጤና አገልግሎት መስጠት መቻሉን ጠቁመዋል።

በተጨማሪም በመሰረተ ልማት ግንባታ፣ በትራንስፖርት፣ በአካባቢ ጥበቃ፣ በወጣቶችና ሴቶች የሰላም ዕሴት ጥበቃ፣ በአቅመ ደካማ ቤቶች ዕድሳት እና ሌሎች መስኮች የበጎ ፍቃድ ተግባራት ሲካሄዱ መቆየቱን ጠቁመው ባጠቃላይ እስካሁን የተካሔዱ የክረምት የበጎ ፍቃድ አገልግሎት ስራዎች በገንዘብ ሲሰሉም ከ211 ሚሊየን ብር በላይ እንደሚያወጡ አመልክተዋል።

በቀረበው አፈፃፀም ላይ በክልሉ የተለያዩ ተቋማት እና የወረዳ አመራሮች ውይይት አድርገው፣ በበጋ የበጎ ፍቃድ አገልግሎት የተሻለ በጎ ስራዎችን ለማስፋት መስራት እንደሚጠበቅ አቅጣጫ ተቀምጧል።

በሌላ በኩል በመድረኩ የክልሉ ሰላምና ፀጥታ አስተዳደር ቢሮ ሀላፊ አቶ ቶውፊቅ መሐመድ የሰላም እሴትን ከማጠናከር አኳያ እየተካሄዱ ያሉ ስራዎችን በተመለከተ ከክልሉ የተለያዩ ተቋማት የተውጣጡ አመራሮች ገለፃ አቅርበዋል።

በክልሉ ማህበረሰቡን የሰላሙ ባለቤት በማድረግ በተሰራው ስራ አበረታች ውጤቶች ማስመዝገብ መቻሉን ጠቁመዋል።

በቀጣይም የሰላም እሴት ግንባታን ይበልጥ በማጎልበት ዘላቂ ሰላም ለመገንባት የህዝቦችን አብሮነት የሚያጠናክሩ ሥራዎች ተጠናክረው እንደሚቀጥሉ በትኩረት እንደሚሰራ ተናግረዋል።

08/10/2026

አሰባሳቢና ገዢ ትርክት በማስረጽ ረገድ የሚዲያና ኮሙኒኬሽን ባለሙያዎች ሚናቸውን ማጎልበት እንዳለባቸው ተገለጸ

በሐረሪ ክልል አሰባሳቢና ገዢ ትርክት በማስረጽ ረገድ የሚዲያና ኮሙኒኬሽን ባለሙያዎች ሚናቸውን ማጎልበት እንደሚገባቸው ተመለከተ።

በሐረሪ ክልል የሚዲያና ኮሙኒኬሽን ባለሙያዎች እና የማህበራዊ ሚዲያ አንቂዎች ሚናቸውን ማጠናከር በሚቻልባቸው ጉዳዮች ላይ ውይይት ተካሄዷል።

በመድረኩ ላይ የክልሉ የመንግስት ኮሙኒኬሽን ጉዳዮች ጽህፈት ቤት ኃላፊ አቶ ሔኖክ ሙሉነህ፣ መልካም እሴቶች እንዲጎለብቱ እና ህዝቡ በክልሉ በሚከናወኑ ሁሉን አቀፍ ስራዎች የሚያደርገውን ተሳትፎ ማሳደግ ያስቻሉ ስራዎች ሲከናወኑ ቆይተዋል ብለዋል።

በተለይም የሚዲያና ኮሙኒኬሽን ዘርፉ ፅንፈኛ ሀይሎች በማህበረሰቡ መካከል የሚነዙትን የጥላቻና ሀሰተኛ መረጃዎችን በመከላከል አሰባሳቢና ገዢ ትርክቶች እንዲሰርጹ በማድረግ ረገድ ስራዎች እየተሰሩ መሆኑን ተናግረዋል።

በተለይም አፍራሽ የሆኑ ፕሮፖጋንዳዎችን ቀድሞ በመከላከል የሀገርን ብሔራዊ ጥቅም ማስጠበቅና ሕብረ ብሄራዊነት እንዲሰርፅና እንዲፀና በትኩረት ይሰራል ብለዋል።

የሚዲያና ኮሙኒኬሽን ዘርፍ ባለሞያዎች እና ማህበራዊ ሚዲያ አንቂዎች በክልሉ በሁሉም ዘርፎች ለተመዘገቡ ውጤቶች አስተዋጽኦ ማበርከታቸውንም አንስተዋል።

በተጨማሪም የህዝብ ሰላምና አንድነት እንዲጎለብትና የልማት ስራዎች ተጠናክረው እንዲቀጥሉ አዎንታዊ ሚናቸውን እንደሚያጠናክሩ አስገንዝበዋል።

በውይይት መድረኩ ላይ የተገኙት በሐረሪ ክልል ብልፅግና ፓርቲ ህዝብ ግንኙነት ዘርፍ ኃላፊ አቶ ዲኒር ዩሱፍ የብልፅግና ፓርቲ ሁለንተናዊ ብልፅግናን እውን ለማድረግ እየሰራ እንደሚገኝ ገልፀዋል።

ይህንን እውን ለማድረግ አገራዊ አንድነትን አስጠብቆ መሄድ እንደሚገባም አክለዋል።

የሚዲያና ኮሙኒኬሽን ባለሙያዎች በተለይም የጋራ የሚያደርጉ ሀገራዊ እሴቶችን በማጠናከርና ገዢ ትርክትን በመገንባት ሰላምና ልማት እንዲጠናከር እያበረከቱ የሚገኘው ተግባር ይበልጥ መጎልበት አለበት ብለዋል።

የክልሉ ህዝብ የሚታወቅበት የሰላም፣መቻቻልና አብሮነት እሴቶች እንዲጎለብቱ በሚዲያና ኮሙኒኬሽን ዘርፉ እየተከናወኑ የሚገኙ አበረታች ተግባራትን ማጠናከር ያስፈልጋል ብለዋል።

08/10/2026

በሀረሪ ክልል በሳይበር ቴክኖሎጂ ላይ ያተኮረ የግንዛቤ ማስጨበጫ ስልጠና ተሰጠ

በሀረሪ ክልል በሳይበር ቴክኖሎጂ ላይ ያተኮረ የግንዛቤ ማስጨበጫ ስልጠና ለኮሙኒኬሽን ባለሞያዎች ተሰጥቷል።

ስልጠናውን የክልሉ ኢኖቬሽን እና ቴክኖሎጂ ኤጀንሲ ከክልሉ መንግሥት ኮሙዩኒኬሽን ጉዳዮች ጽ/ቤት ጋር በመተባበር ነው የተዘጋጀው።

የሀረሪ ክልል ኢኖቬሽን ቴክኖሎጂ ኤጀንሲ ኃላፊ አቶ ጀማል ኢብራሂም በግንዛቤ ማስጨበጫውን በሰጡበት ወቅት እንደገለፁት የሳይበር ደህንነትን ለማረጋገጥ በሚደረገው ጥረት ውስጥ የኮሙኒኬሽን ባለሙያዎች ሚና ወሳኝ ነው።

የሳይበር ደህንነትን ማስጠበቅ የተቋማትና አጠቃላይ የዜጎችን የጋራ ጥረትን ይጠይቃል።

በተለይ የኮሙኒኬሽን ባለሞያዎች የሳይበር ደህንነትን በተመለከተ ግንዛቤ እንዲኖራቸው ለማድረግ ስልጠናው መዘጋጀቱን ገልጸዋል።

በስልጠናው የሳይበር ምንነት፣ የሳይበር ደህንነት፣የሳይበር አንድምታ፣ ጥቃትና ተዛማጅ ርዕሶች ላይ ትኩረት አድርጎ መሰጠቱን ገልፀዋል።

በቀጣይም መሰል ስልጠናዎችን በማጠናከር ኮሙኒኬሽን ባለሞያው እራሱንና የተቋማቱን አሰራር ከሳይበር ጥቃት እንዲጠብቅ ለማስቻል ትኩረት ተሰጥቶ ይሰራል ብለዋል።

የስልጠናው ተሳታፊዎች በበኩላቸው በተለያዩ ተቋማት ላይ የሚፈፀሙ የሳይበር ጥቃቶች በሀገሪቱ ኢኮኖሚ፣ማህበራዊ እና ፖለቲካዊ ዘርፍ ላይ ከፍተኛ ተጽዕኖ እንደሚያሳድሩ ገልፀዋል።

የተቋማትን የሳይበር ደህንነት ለማረጋገጥ የኮሙኒኬሽን ባለሞያዎች የህብረተሰቡን ግንዛቤ ማሳደግ የሚጠበቅባቸውን ኃላፊነት እንዲወጡ ጠይቀዋል።

08/10/2026

ጠቅላይ ሚኒስትር ዐቢይ አሕመድ (ዶ/ር) ለመደመር መንግሥት የሚኒስትሮች ምክር ቤት ያቀረቧቸው ዕጩዎች ዛሬ ጠዋት በሕዝብ ተወካዮች ምክር ቤት እንደሚከተለው ፀድቀዋል፦

1. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
2. አዲሱ አረጋ (ዶ/ር) - የግብርና ሚኒስትር
3. ⁠ ፍጹም አሰፋ (ዶ/ር) - የገንዘብ ሚኒስትር
4. አቶ መሃመድ እድሪስ - የመከላከያ ሚኒስትር
5. ብርሃኑ ነጋ (ፕ/ር) - የትምህርት ሚኒስትር
6. ሃና አርአያሥላሴ - የፍትሕ ሚኒስትር
7. ያስሚን ወሃብረቢ - የንግድና ቀጣናዊ ትስስር ሚኒስትር
8. ፍስሃ ይታገሱ (ዶ/ር) - የኢንዱስትሪ ሚኒስትር
9. ⁠ሃብታሙ ኢተፋ (ዶ/ር) - የውሃ እና ኢነርጂ ሚኒስትር
10. ⁠መቅደስ ዳባ (ዶ/ር) - የጤና ሚኒስትር
11. አወሉ አብዲ- የሥራና ክህሎት ሚኒስትር
12. አይናለም ንጉሴ - የገቢዎች ሚኒስትር
13. በረከት ፍስሃጽዮን - የብሔራዊ ስትራቴጂ ሚኒስትር
14. ሰላማዊት ካሳ- የባህልና ቱሪዝም ሚኒስትር
15. ዓለምጸሃይ ጳውሎስ - የማዕድን ሚኒስትር
16. ሳዳት ነሻ - የሎጂስቲክስ ሚኒስትር
17. ⁠ ሻዊት ሻንካ - የሴቶችና ማህበራዊ ጉዳይ ሚኒስትር
18. ⁠ሙሳ አደም - የሰላም ሚኒስትር
19. ⁠ ፍሬሕይወት ታምሩ - የኢኖቬሽንና ቴክኖሎጂ ሚኒስትር
20. ⁠መሃመድ አብዱራሃማን (ኢ/ር) - የከተማና መሰረተ ልማት ሚኒስትር
21. ⁠ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
22. ⁠ አክሊሉ ታደሰ (ዶ/ር) - የወጣቶችና ስፖርት ሚኒስትር

#የመደመርመንግሥት

08/10/2026

አቶ ተመስገን ጥሩነህ ምክትል ጠቅላይ ሚኒስትር ሆነው ተሾሙ

አቶ ተመስገን ጥሩነህ የኢፌዲሪ ምክትል ጠቅላይ ሚኒስትር ሆነው ተሾሙ።

ጠቅላይ ሚኒስትር ዐቢይ አሕመድ (ዶ/ር) የመደመር መንግሥት ካቢኔያቸውን ለሕዝብ ተወካዮች ምክር ቤት አቅርበዋል።

በዚሁ መሰረት ጠቅላይ ሚኒስትሩ አቶ ተመስገን ጥሩነህን የኢፌዲሪ ምክትል ጠቅላይ ሚኒስትር እንዲሆኑ አቅርበዋል።

ምክር ቤቱ በጠቅላይ ሚኒስትር ዐቢይ አሕመድ (ዶ/ር) የቀረበውን የሹመት ጥያቄ መሠረት በማድረግ፣ የምክትል ጠቅላይ ሚኒስትር ተመስገን ጥሩነህን ሹመት አጽድቋል።

አቶ ተመስገን ጥሩነህ ሹመታቸው በምክር ቤቱ ከጸደቀ በኋላ ቃለ መሐላ ፈጽመዋል።

08/10/2026