Amir Nur Werda Admin Communications,Harar Ethiopia

31/10/2026

የጌይ መድረሳ ትምህርት ቤት ተማሪዎች የእረፍት ጊዜያቸውን ለበጎ አድራጎት ሥራ አዋሉ

ጥቅምት 21 ቀን 2019 ዓ.ም

በአሚር ኑር ወረዳ የሚገኘው የ7ኛ እና 8ኛ ክፍል ተማሪዎች ከመምህር ጋር በመሆን የእረፍት ጊዜያቸውን በአርአያነት ባለው ሥራ አሳልፈዋል።

ተማሪዎቹ በወረዳው 02 ቀበሌ አው-ሰብሮ በተባለው አካባቢ በሚኖሩ አቅመ ደካማ እናት ቤት በመገኘት የቤትና የአካባቢ ጽዳት፣ የቤት ቁሳቁሶችን ማጽዳትና ማስተካከል እንዲሁም ልብስ ማጠብን ጨምሮ የተለያዩ የድጋፍ ሥራዎችን አከናውነዋል።

ይህ ተግባር ተማሪዎች ከክፍል ውስጥ ከሚያገኙት እውቀት ባሻገር የሰውን መርዳት፣ መተሳሰብና ማህበራዊ ኃላፊነትን በተግባር እንዲለማመዱ ያግዛል።

በመሆኑም ትምህርት ቤቱ የትምህርት እና የሥነ-ምግባር እድገትን በማጣመር ለማህበረሰቡ የሚጠቅምና ለሌሎችም አርአያ የሚሆን ተግባር ማከናወኑ ተገልጿል።

31/10/2026

30/10/2026

📌 የታለፉ ፈተናዎች፣ የሰመሩ ውጤቶች!

“ፈተናዎችን ተሻግረን ድል አስመዝግበናል፤ አሁን ላይ ቀጣይ ትኩረታችን የህዝባችንን የላቀ ሁለንተናዊ ተጠቃሚነት ማረጋገጥ ብቻ ነው!" — ክቡር አቶ ኦርዲን በድሪ (የሐረሪ ክልል ርዕሰ መስተዳድር)

28/10/2026

በአሚር ኑር ወረዳ የSchool Health ግንዛቤ ማስጨበጫ ሥራ ተካሄደ

ጥቅምት 18/2019
በአሚር ኑር ወረዳ ጌይ መድረሳ ትምህርት ቤት የተማሪዎችን የጤና ግንዛቤ ለማሳደግ የSchool Health ግንዛቤ ማስጨበጫ ሥራ ተካሄደ።

በመርሃ ግብሩ ከክልሉ ትምህርት ቢሮ ለወረዳችን ድጋፍና ክትትል የተመደቡ ወ/ሮ የወረዳው ትምህርት ጽ/ት ቤት ኃላፊ ወ/ሮ እና የጤና ጽ/ት ቤት ኃላፊ አቶ ተገኝተዋል።

በግንዛቤ ማስጨበጫው የተማሪዎች የጤና ምርመራ፣ ክትባት፣ የግልና የአካባቢ ንጽህና፣ ተገቢ አመጋገብ፣ የበሽታ መከላከልና የአእምሮ ጤና ጥበቃ ላይ ትኩረት ተሰጥቷል።
ኃላፊዎቹ የተማሪዎችን ጤና ለመጠበቅና ጤናማ የትምህርት አካባቢ ለመፍጠር የሚደረገው ጥረት ወደፊትም ተጠናክሮ እንደሚቀጥል ተናግረዋል።

24/10/2026

********* """" **********

አሚር ኑር ወረዳ | የካቲት 14 ቀን 2019 ዓ.ም.

በአሚር ኑር ወረዳ የሚገኘው የጌይ መድረሳ አንደኛ ደረጃ ትምህርት ቤት የ7ኛ እና የ8ኛ ክፍል ተማሪዎች፣ በመምህር ጉርሜሳ አፍንዲ አስተባባሪነት፣ በ01 ቀበሌ ሸሽ ቶያ በተባለ ሥፍራ ለሚገኙ አቅመ ደካማ እናት የበጎ ፈቃድ አገልግሎት ሰጡ።

ተማሪዎቹ ቤት በማጽዳት፣ ልብስና ዕቃ በማጠብ እንዲሁም ምግብ በማዘጋጀት ድጋፍ አድርገዋል።

በበጎ ፈቃድ ሥራው ላይ የወረዳው ትምህርት ጽሕፈት ቤት ኃላፊ ወይዘሮ ሮይዳ አህመድ እና የወረዳው ኢንስፔክሽን ወይዘሮ ዚቄህ አህመድ በመገኘት ተማሪዎቹንና አስተባባሪውን አበረታተዋል።

ይህ ተግባር ተማሪዎች የእረፍት ጊዜያቸውን በአግባቡ እንዲጠቀሙ፣ የመረዳዳትና የማህበራዊ ኃላፊነት እሴቶችን እንዲያዳብሩ የሚያግዝ አርአያነት ያለው ተግባር ነው።

24/10/2026

"ምርታማነትና አቅርቦትን በማሳደግ የኑሮ ውድነት ጫናን በመቀነስ ለህዝብ የገባውን ቃል ለመተግበር የመደመር መንግስት በትኩረት እየሰራ ነው"- ወይዘሮ ሮዛ ዑመር

ሀረር፣ ጥቅምት 14/ 2019 (ሀክመኮ):- ምርታማነትን በማሳደግ የአርሶ አደሩ ህይወት እንዲሻሻልና አቅርቦትን በመጨመር የኑሮ ውድነት ጫናን በመቀነስ ለህዝብ የገባውን ቃል በተግባር ለመመለስ የመደመረ መንግስት በትኩረት እየተሰራ ነው ሲሉ የሀረሪ ክልል ምክትል ርዕሰ መስተዳድርና የግብርና ልማት ቢሮ ሀላፊ ወይዘሮ ሮዛ ዑመር ገለፁ።

የመደመር መንግስት የህዝብ ተጠቃሚነትን ለማረጋገጥ እየተሰራበት ከሚገኙ ዋና የልማት መስኮች የግብርና ምርትና ምርታማነትን ማሳደግ፣ በምግብ እራስን የመቻል፣ የማህበረሰብን ፍላጎት የሚያሟላ በቂ የምርት አቅርቦትና ምርታማነትን ማረጋገጥ መሆኑን ምክትል ርዕሰ መስተዳድሯ ተናግረዋል።

በተለይም ለእርሻ ግብርና ወሳኙ ግብአት የሆነው የውሀ አቅርቦት እንዲጨምርና ከዝናብ ጥገኝነት የተላቀቀ እንደየ አካባቢው ፀጋ የተለያዩ ምርቶችን ደጋግሞ የሚሰጥ ግብርና እንዲረጋገጥ መንግስት ከእያንዳንዱ አርሶ አደር ማሳ የዘለቀ የድጋፍ፣ ክትትልና የማጎልበት ስራዎች እያካሄደ እንደሚገኝ ጠቁመዋል።

የመደመር መንግስት በምስረታው ማግስት በ2019 ዓመት በግብርናው መስክ ምርትና ምርታማነትን በላቀ ደረጃ ለማሳደግ እንደ ሀገርም ሆነ እንደ ክልል በትኩረት እየተሰራ ነው ብለዋል።

በክልሉ በዋናነት የግብርና ምርት በሚካሄድባቸው ሶስቱ የገጠር ወረዳዎች ምርታማነት እንዲጨምር የአካባቢዎቹ የመሬትና አየር ፀባይ ሁኔታን፣ ዝናብ የማግኘት ሁኔታን፣ ያላቸው የውሀ አቅርቦት አማራጭን፣ ነባር የምርት አይነቶችን፣ የምርት አይነቶችን ማሳደጊያ አማራጮችን ጨምሮ የአርሶ አደሩን የግብርና ግንዛቤን ማሳደጊያ የባለሞያ ድጋፍን በማቅረብና በዘላቂነት በማገዝ እየተሰራ ነው ብለዋል።

በዚህም ሳይታረስ የሚያድር ምርት ሳይሰጥ ወቅት የሚያልፍበት አንድም መሬት አይኖርም በሚል ዕሳቤ እየተሰራ እንደሚገኝ ተናግረዋል።

ዋና ግብአት የሆነው የውሀ አቅርቦትን በማሳደግ የዝናብ ጥገኝነትን ለመቅረፍ በገጠር ወረዳዎቹ ያለውን ፀጋና አማራጭን መሰረት ያደረገ የውሀ አቅርቦትና ምርታማነትን የማሳደግ ስራ እየተካሄደ ነው ብለዋል።

ለአብነት በክልሉ ሶፊ ወረዳ የቂሌ ቀበሌ ውስጥ የአርሶአደሩን ምርታማነት እንዲጨምር በተካሄደው ስራ የሴፍቲኔት ተረጂ የነበሩ በርካታ አርሶ አደሮች እራሳቸውን እንዲችሉ ያደረገ ለውጥ ያመጣ ስራ መካሄዱን ገልፀዋል።

በአካባቢው በአመት ሶስቴ የሚሰጥ ፈጥኖ ደረሽ የሆነ የማሽላ ሰብል በመዝራት እና የከርሰ ምድር ውሀ በመጠቀም አርሶ አደሩ እንዲያለማ እየተደረገ መሆኑን ጠቅሰዋል።

በተጨማሪም በአካባቢው የሽንኩርት ክላስተር፣ የቃሪያ፣ የቲማቲም እና ስኳር ድንች በክላስተር እየለማ ነው ብለዋል።

በአርሶ አደሩ ማሳ የአረንጓዴ አሻራንም በማስተሳሰር የማንጎ፣ ፓፓያና ሌሎች የፍራፍሬ ምርት የሚሰጡ ችግኞችም በዘመቻው ወቅት ተተክለው አርሶአደሩ እንክብካቤ እያደረገ ከምርቱም ለገበያ በማቅረብ ገቢ የሚያገኝበትና የስነምግብ እሳቤን በመከተል ለምግብነት እንዲጠቀም በማድረግ እየተሰራ መሆኑን ተናግረዋል።

የውሀ አቅርቦትን ለመጨመር ከተካሄዱ ስራዎች አንዱ ማሳያም በሶፊ ወረዳ ቂሌ ቀበሌ 40 ሺህ ሜትር ኪዩብ የሚደርስ የውሀ ማቆሪያ በመገንባትና፣ በቄሌ ችግኝ ጣቢያ ሁለት የከርሰ ምድር ውሀ ማውጫ ጥልቅ ጉድጓድ በማዘጋጀት፣ በፀሐይ ብርሐን ሐይል ግፊት፣ በዙሪያው ወዳሉ የአርሶ አደሩ ማሳ ውሀ የማድረስ፣ በተዘጋጀው ማቆሪያም ውሀ የማጠራቀምና ባስፈለገ ጊዜያት ከማቆሪያው ወደ አርሶ አደሩ ማሳ የሚደርስበት መንገድ መዘርጋቱን አብራርተዋል።

መሰል ስራዎች ዝናብ ላይ ጥገኛ የሆነ ግብርናን በመቀየር፣ ምርታማነት እንዲጨምር፣ የአርሶ አደሩ የኑሮ አቅም እንዲሻሻል፣ የግብርና ምርቶች አቅርቦት እንዲጨምርና ገበያን በማረጋጋት የኑሮ ውድነት ጫናን ለመቀነስ ትልቅ ዕገዛ ያደርጋል ብለዋል።

በተጨማሪም የውሀ መሳቢያ ሞተር፣ የዲናሞ፣ የውሀ መግፊያ ፀሐይ ሐይል ማምረቻና የዘር አቅርቦት በማድረግ ምርታማነት እንዲጠናከር እየተሰራ መሆኑን ጠቁመዋል።

ከወቅታዊ የአየር ሁኔታ ጋር ተያይዞ የኤልኒኖ መከተስ በምስራቁ የሀገሪቱ አካባቢ ትልቅ ተፅኖ ማሳደሩን የገለፁት ወይዘሮ ሮዛ በኤልኒኖ ሳቢያ በክረምት ይጠበቅ የነበረ በቂ ዝናብ አለመገኘቱ ያሳደረውን ተፅኖ ለመቋቋም የተሰራ መሆኑን አመልክተዋል።

የአየር ንብረት የቅድመ ትንበያ መረጃን በመተንተን የኤልኒኖ ተፅኖ የሚቀረታበት አካባቢዎችን በመለየትና ሊደገፉ የሚችሉ፣ ዝናብ ሊያገኙ የሚችሉና የምርት ማካካስ ሊሰራባቸው የሚችሉ አካባቢና የምርት አይነቶችን በመለየት የከርሰ ምድር ውሀ እና የጉድጓድ ውሀ በመጠቀም በባለሞያ ድጋፍ የታገዘ ምርታማነት እንዲቀጥል ሰፊ ስራ መካሄዱን ተናግረዋል።

ምርትና ምርታማነት እንዲጨምር የሚካሄደው ስራ በተጨባጭ ውጤቶችና ስኬቶች ታጅቦ እንዲቀጥል መንግስት በትጋና በትኩረት ይሰራል ሲሉ ምክትል ርዕሰ መስተዳድሯ አረጋግጠዋል።