Filtu TVET College

02/07/2026

13/06/2026

Koox ka socota Xafiiska Xirfadaha iyo Shaqo-abuurka, gaar ahaan Waaxda Kormeerka iyo Xaqiijinta Tayada, ayaa soo gaadhay Kuliyadda.

Kooxdan ayaa u timid kormeer isugu jira dabagal iyo taageero farsamo, iyadoo ujeeddadoodu tahay qiimaynta geeddi-socodka baris iyo barasho, adeegyada guud ee ay bixiso kuliyadda, iyo sidoo kale hubinta shaqooyinka qabsoomay sannad-maaliyadeedka 2018.

Kormeerkan ayaa qayb ka ah dadaallada lagu xoojinayo tayada waxbarashada iyo horumarinta adeegyada kuliyadda.

10/06/2026

115 arday oo baratay xirfadaha Gaagaban (short term) ayaa ka qalinjabiyay Kulliyadda Xirfadaha iyo Farsamada ee Filtu, laanteeda Doolo-Addo.

Ardaydan oo ay soo xareysay hay’adda RACIDA ayaa muddo saddex bilood ah ku qaatay barashada xirfado kala duwan oo aay kamid yihiin Harqanka, qurxinta dumarka/cilaanka, alxanka, Korontada iyo biyo galinta.

Munaasabadda qalinjabinta oo si heer sare ah loo soo agaasimay ayaa waxaa ka qeyb galay masuuliyiin heer gobol iyo heer degmo, masuliyinta hay'adda RACIDA, waalidiinta ardayda, marti sharaf iyo maamulka kulliyadda

07/06/2026

1,066 arday oo ah dufcada 1aad ee kuliyada tababarada, xirfadaha iyo farsamada Filtu laanteeda Doollo-addo ayaa xaflad qalinjabin ah loogu qabtay madasha kulamada ee Doollo-addo.

Munaasabada qalinjabinta ardaydan oo ay ka soo qaybgaleen maamulka kuliyada, xubno ka tirsan masuuliyiinta gobolka Liibaan, maamulka degmada, waalidiinta, ardayda qalinjabisay iyo martisharaf kale ayaa ahayd dufcadii 1aad ee ardayda kuliyada tababarada, xirfadaha iyo farsamada Filtu laanteeda Doollo-addo, kuwaas oo bartay culuun kala duwan oo ah heerka Diploma.

Masuuliyiinta ayaana ardayda kula dardaarmay inay cilmiga ay barteen ay bulshada ugu adeegaan, halka gabogabadiina abaalmarino iyo shahaadooyin la gudoonsiiyey xubnihi muujiyey dadaalka dheeriga ah mudadii ay waxbarashadu socotay.

05/06/2026

Xubno ka tirsan hawlwadeenada Xafiiska Xirfadaha iyo Shaqo-abuurka DDS oo ay weheliyaan maamulka kuliyada farsamada iyo xirfadaha kala duwan ee Filtu ayaa soo kormeeray kuliyada farsamada Filtu laanteeda Doollo-addo.

Kormeerka xubnahan ka socday waaxda kormeerka iyo xaqiijinta tayada bar isbarasho ee xafiiska xirfadaha iyo shaqo-abuurka DDS ayaa ujeedkoodu ahaa hubinta habsami u socodka waxbarashada, heerka adeegbixinta kuliyada iyo dhamaan shaqooyinka qabsoomay sanadkan 2018 tirsiga dalka.

Waxaanay xubnahani u kuurgaleen qaab-shaqeedka dhamaan qaybaha kala duwan ee kuliyada farsamada iyo xirfadaha Filtu laanteeda Doollo-addo.

27/05/2026

Kusoo Dhawada Kuliyadda Xirfadaha iyo Farsamada ee Filtu.

27/05/2026

Kusoo Dhawaada Kulliyada Xirfadaha iyo Farsamada Ee Filtu.

24/05/2026

702 arday oo isugu jira xirfadaha muddada dheer (Long Term) iyo xirfadaha muddada gaaban (Short Term) oo ah dufacdii 7aad ayaa ka qalinjabisay kuliyada xirfadaha iyo Frasamada ee Filtu.

Xafladda qalinjabinta oo si heer sare ah loo agaasimay ayaa waxaa kasoo qeyb galay masuuliyiin heer Gobol iyo heer Degmo ah, maamulka hay’adaha kala duwan ee magaalada, waalidiinta ardayda, iyo marti sharaf kale iyo maamulka kulliyadda oo ay hormuud u ahaayeen Maareeyaha Kulliyadda Marwo Feynuus Xasan iyo Maareeye ku-xigeenka kulliyadda mudane Cabdi macalin.

Masuuliyiintii munaasabadda ka hadlay ayaa si weyn u bogaadiyay tayada waxbarashada iyo dadaalka joogtada ah ee ay kulliyaddu gelisay soo saarista arday xirfad ahaan u diyaarsan inay ka qeyb qaataan horumarka bulshada iyo kobcinta shaqo abuurka. Waxa ay sidoo kale ku dhiirrigeliyeen ardayda inay aqoontooda iyo xirfadahooda uga faa’iideeyaan dalkooda iyo dadkooda.

Gabagabadii xafladda ayaa abaalmarinno iyo shahaadooyin lagu guddoonsiiyay ardaydii kaalmaha sare ka galay guud ahaan kulliyadda, iyadoo munaasabadduna kusoo dhammaatay jawi farxad iyo reyn reyn leh.

12/04/2026

1,651 arday ayaa u fadhiistay imtaxaanka Xaqiijinta Tayada Xirfadlayaasha.

Ardaydani oo isuga jirta 536 arday oo baratay xirfadaha dhaadher iyo 1115 arday oo baratay xirfadaha gaagaban ayaa u fadhiistay imtaxaanka Xaqiijinta Tayada Xirfadlayaasha.Ardaydani oo baratay xirfadaha kale duwan ee aay kulliyadu bixiso ayaa u fadhiisatay imtaxaanka xaqiijinta tayada xirfadlaaysha kaas oo lagu xaqiijinaayo tayadooda xirfadeed ee aay muddo soo wadeen.

Imtixaanka Xaqiijinta Tayada Xirfadlayaasha wuxuu door muhiim ah ka qaataa hubinta in ardaydu leeyihiin xirfad dhab ah oo la jaanqaadi karo suuqa shaqada, isla markaana ay awood u leeyihiin inay si wax ku ool ah uga qeyb qaataan horumarinta bulshada.

12/03/2026

Waxaa Maanta Hoolka Degmada Filtu Kaqabsoomay shir aay Iska Kaashadeen Xubin kasocda Xafiiska Xirafadaha iyo shaqo Abuurka , Kuliyada TVETka Filtu iyo Maamulka Degmada Filtu
ujeeda shirka ayaa ahaay Wacyagilinta Bulshada ee Diwaangilinta Dadka Xirafadaha Leh,diwaangilinta Dadka Camal Laaanta ah, diwaangilinta Ganacsiga Qoyska iyo diwaangilinta Shirkaha Kajira Degmada
Ayadoo Lagu diwaangilinaayo Nidaamka Biometric
Si aay Bulshada Degmada ugu Faaideystaan Furadaha Kajira Dalka iyo Deegaankaba