https://www.facebook.com/1524063014587333/

Tajaajila Komunikeeshiinii Magaalaa Mattuu, Metu (2026)

15/10/2026

Siinqee Liizii: Misooma Industirii, Carraa Hojii fi Guddina Hunda Galeessaaf!

Dhaabbanni Siinqee Liizii misooma industirii cimsuu, oomishtummaa guddisuu fi guddina diinagdee hunda haammate dhugoomsuuf hojjechaa jira.

Dhaabbanni Siinqee Liizii maashinota hojii barbaachisoo ta’an dhiyeessuun, yaada hojii gara hojii qabatamaatti jijjiiruuf namoota dhuunfaa, dargaggootaa fi abbootii qabeenyaaf carraa bal’aa uumaa jira. Keessumaa, namoonni hojii jalqabuuf, hojii isaanii babal’isuuf ykn oomishtummaa isaanii guddisuuf fedhii qaban Siinqee Liizii akka hirkoo amanamaatti fayyadamuu danda’u.

Haaluma kanaan, Magaalaa Mattuutti, dhaabbilee dhuunfaa fi waldaalee Indaastirii Xixiqqaa fi Giddugaleessaa (IMX) irratti bobba’aniif, qindoomina Waajjira Waldaa Magaalaa Mattuu, Waldaa Aksiyoona Siinqee Liizii Oromiyaa Damee Mattuu fi Waajjira Carraa Hojii Uumuu fi Ogummaa Magaalaa Mattuu waliin leenjii hubannoo uumuu kennamee jira.

Leenjiin kun hubannoo tajaajila liizii irratti qaban cimsuun, namoonni maashinota hojii barbaachisoo ta’an argatanii hojii isaanii akka babal’ifatan, oomishtummaa isaanii akka guddisanii fi carraa hojii haaraa akka uuman dandeessisuuf gahee olaanaa qaba.

Tajaajilli Siinqee Liizii kennuu kun, carraa hojii uumuu fi dargaggoota hojii irratti bobbaasuu, oomishtummaa fi qulqullina oomishaa guddisuu, namoota kaappitaala fi wabii gahaa hin qabneef carraa hojii babal’isuu, walitti hidhamiinsa gabaa fi dandeettii daldalaa cimsuu, beekumsa, kalaqaa fi teeknooloojii babal’isuu keessatti shoora murteessaa qaba.

Walumaagalatti, Siinqeen Liizii yaada gara hojii qabatamaatti, dandeettii gara oomishtummaatti, carraa gara galii fi of danda’uuttis jijjiiruuf bu’uura cimaa ta’ee tajaajilaa jira. Tajaajilli kun guddina industirii, carraa hojii bal’aa fi badhaadhina waaraa ijaaruuf gumaacha olaanaa qaba.

14/10/2026

Manni Maree Magaalaa Mattuu Yaa'ii Idilee 1ffaa Waggaa 14ffaa bara Hojii 2ffaa Gaggeessaa turen raawwii Seektaroota gara garaa irratti maryachuun kallattii fuula duraa kaa'eeraa.

**************
Onkoloolessa 3,2019 Mattuu

Yaa’ii guyyoota lamaan darban kanaan seektarootni wiirtuu tajaajila tokkoffaa (Masob),Waajjira Carraa hojii uumuuf Oogummaa, waajjira Barnootaa, waajjira Galiifi waajjirri Fayyaa Magaalicha raawwii hojii ji’oota sadan darbanii dhiyeessuun maree bal’aan irratti gaggeeffameera.

Yaa’iicha irratti Afayaa’iin mana mare magaalaa Mattuu obbo Addisuu Damisee haasaa taasisaniin yaa’iin kun yeroo mootummaan gurmaayiinsa mootummaa bifa haaraan diriirsuun tajaajila hawaasatti gadi buusaa jirutti gaggeeffamuun isaa adda taasisuu dubbachuuns eektarootnis miira hawaasa tajaajilu gonfachuun ciminaan hawaasa tajaajiluun murteessaa ta’uu himan.

Kantiibaa Magaalaa Mattuu obbo Tashaalee Ejersoos Yeroon kun yeroo mootummaan tajaajilamaafi tajaajila walitti fiduuf gurmaayinsa mootummaa haala adda ta’een diriirsuun tajaajila si’ataaf dhaqaabamaa ta'e hawaasni dhamaatii malee akka argatuuf hojjataa jiru waan ta’uu himuun Kunis Karoora of danda'uu milkeessuun cinatti Aangoo Murteessummaa gadi buusuun hawaasni Rakkoo kamiiniyyuu dhamaatii malee furmaata Akka argatuuf ta'uu dubbatan.

kana Milkeessuufis seektarri mootummaa labsiin dhaabbate kam iyyuu hawaasa tajaajiluuf hanga gad jallatti gadi bu’uun tajaajiluu,kanaanis misooma hundi qixa irraa fayyadamaa ta’u diriirsuun hunda caalaa muteessadha jedhan.

Magaalli Mattuu akkuma Kanaan duraa ambassaaddara Nageenyaa taatee Akka Itti fuftu, Hojiiwwan misoomaa gara garaa eegalamanis cimee Akka Itti fufuuf miseensotni mana Marees ta'e Qaamoleen Hawaasaa hunduu tumsa barbaachisaa gochuun murteessaa ta'uu himan.

seektarri kam iyyuu bartee kanaan duraa keessaa bahuudhaan tajaajila hawaasni barbaadu ariitiin kennuun bu’a qabeessumaa gama hundaa milkeessuun dhimma murteessaa ta’uu dubbachuun keessumattu aadaa hojii hawaasaa jijjiruu,qusannaa cimsuufi karoora of danda’uu akka biyyaaf naannootti qabame milkeessufis qindoominaan hojjachuun dhimma ijoo ta’uu ibsaniiru.

Miseensotni mana marichaas gabaasa dhiyaate irratti yaadaaf gaaffii dhiyeessun mareen bla’aan irratti taasifameera.keessumattuu wiirtuun tajaajila iddoo tokkoo eegaluun dhamaatiifi komee abbaa dhimmaa irra deddeebiin mul’atu haambisuun cinatti qisaasama yeroofi bajataa haambisuun bu’a qabeessuumman dabalaa akka jiru himan.

kana malees qulqullina barnootaa mirkaneessuu irratti hojiin hojjatamaa jiru gaarii ta’us darbiinsa barataa fooyyeesuun dhimma xiyyeeffannaa barbaadu ta’uu ,Maddeen galii hunda irraa galii sassaabuun misooma Hawaasni irraa fayyadamuuf gochun hojii cimina barbaadu ta'uu, Ittisa dhibeewwan daddarboo irratti Hojin hojjatamu Hojii Yeroo tokkoo osoo Hin taane Kan Waggaa guutuu hojjatamuu qabu ta'uu. Carraa hojii babal’isuun dargaggeessi fayyadamaa akka ta’uuf hojiin hojjatamuu qabu ammas cimee itti fufuu akka qabus ibsaniiru.

13/10/2026

Kaayyoofi barbaachisummaa Caaseffama godinaafi magaalota Oromiyaa haaraa!

Sababoota gurguddoo caaseffamni godinaafi magaalotaa haaraa tibbana gaggeeffamee .

1. Sadarkaa qabsoofi fedhii tajaajilaa uummatni irra gahee
2. Jijjiirama waliigalaa akka naannootti mul’atuufi akka sabaattis bira gahamuu barbaadamu
3. Muuxannoowwan addunyaawaa hubachuun fedhiifi gaaffii hawaasaa guutuuf

13/10/2026

Yaa'iin Idilee 1ffaa waggaa 14ffaa bara hojii 2ffaa Mana Maree Magaalaa Mattuu gaggeeffama jira.

Yaa'ii kanarratti gabaasni hojii mootummaa Kurmaana 1ffaa dhiyaachuun Maree bal'aan kan irratti gaggeeffamu ta'a.
Yaa'ichi bakka Koreen Hojii Raawwachiiftuu Magaalichaa, Hoggansii Magaalaa, Gandaa fi Miseensonni Mana Marichaa argamanitti gaggeeffama jira.

Yaa'ii kana irratti Seektarootni Raawwii Hojii Isaanii Kan dhiyeessanuufi Ciminaaf hanqinoota irratti maryachuun kallattii Kan ka'aamu ta'a.

12/10/2026

Bulchiinsa Magaalaa Mattuutti Gamaggamni hojii hanga ammaatti Jiru gaggeeffameera.

Gamaggamni hojii Kunis Kiilaastaroota Gandoota magaalichaatii bakka hoggansii sadarkaa magaalaa fi gandoota magaalicha argamanitti raawwiin hojiiwwan ijoo hanga ammaatti Jiran gamaaggamamuun kallattiin hojii itti aanuu kaa’ameera.

Gamaaggama kanaan raawwii hojii hanga ammaa,hanqinoota mul’atan, sababoota hojiiwwan karoorfaman yeroo qabame keessatti akka hin raawwatamne taasisan, akkasumas hojiiwwan dursa kennamuu qaban irratti mariin bal’aan gaggeeffameera.

Hojiiwwan harca’anii hafan adda baasuun yeroo hafe keessatti xumuruuf, hanqinoota raawwii keessatti mul’atan furuuf, itti gaafatamummaa hoggantootaa fi ogeessotaa cimsuuf, akkasumas hordoffii fi deeggarsa yeroo yeroon taasifamuun raawwii hojii saffisiisuuf kallattiin hojii kaa’ameera.

12/10/2026

Kokasiin Dubartoota Mana Maree Magaalaa Mattuu Yaa'ii Kurmaana 1ffaa Bara 2019 Geggeessan.

Bulchiinsa Magaalaa Mattuutti Yaa'iin Kokasii Dubartootaa Kurmaana 1ffaa Kan Bara 2019 Miseensota Yaa'ii Kokasii Dubartootaa hirmaachisuun gaggeeffamee jira.

Itti Aantuun Af-Yaa’ii Mana Maree Magaalaa Mattuu, Kabajamtuu Aadde Nigistii Admassuu, Kokasiin Dubartootaa kun dandeettii siyaasaa dubartootaa cimsuu, hirmaannaa isaanii hojii mootummaa fi murtee kennuu keessatti guddisuu, bulchiinsa gaarii mirkaneessuu, akkasumas dinagdee dubartootaa cimsuu keessatti gahee olaanaa qabaachuu dubbataniiru.

Dabalataanis, Kokasiin Dubartootaa ajandaa Yaa’ii dursanii hubachuu, dhimma isaan ilaallatu irratti sodaa tokko malee yaada isaanii dhiyeessuu fi gaaffiiwwan hawaasa dubartootaa Mana Maree keessatti akka ilaalaman gochuuf carraa gaarii uumuusaa himaniiru.

Yaa’iin kunis qooda dubartootaa hojii mootummaa fi dhimmoota hawaasummaa keessatti cimsuun, sagalee dubartootaa caalaatti dhageessisuu fi hirmaannaa isaanii murteewwan kennaman keessatti guddisuuf kan gargaaru ta’uu himameera.

Akkasumas, yaa'ii kanarratti barattoota dubartoota qabxii seensa yuunivarsiitii olaanaa fidaniif sagantaan beekamtii taasifameera.

12/10/2026

Alaabaan Keenya Waliigaltee Biyyaalessaafi Tokkummaa Keenyaaf!
-------------++
Magaalaa Mattuutti Guyyaan Alaabaa Marsaa 19ffaan Kabajame.
Magaalaa Mattuutti Guyyaan Alaabaa Marsaa 19ffaan dhaadannoo "Alaabaan Keenya Waliigaltee Biyyaalessaafi Tokkummaa Keenyaaf!" jedhuun bakka qaamoleen hoggansa Magaalaa Mattuu, hojjettootni mootummaa , Poolisiin Magaalaa Mattuu fi qaamoleen nageenyaa adda addaa argamanitti sirna hawwataa ta'een kabajameera.

Sirna kabaja guyyaa Alaabaa kanarratti kan argaman Afyaa'iin Mana Maree magaala Mattuu Obbo Addisuu Damisee alaabaan mallattoo birmadummaa fi walabummaa, ibsituu gootummaa fi Utubaa walooma biyyaa ta'uu ibsaniiru.

Akka biyya keenyaattis Alaabaan Itoophiyaa ibsituu gootummaa, tokkummaa, birmadummaa, bilisummaafi hedduminaa fi fakkeenya walabummaa gurraaacha Afrikaa ta'uu Obbo Addisuun dubbatanii, kabajni Alaabaa biyya keenyaaf goonu calaqqee jaalala biyyaa waan ta'eef, dhaloonni ammaa duudhaa alaabaa kabajuu fi jaalala biyyaa cimsuun biyya birmadummaa fi gootummaa ishee kabachiisaa; imala badhaadhinaafi jijjiirama hunda galeessa saffisiisaa, nageenya waaressaa seenaa boonsaa hojjetaa itti fuftu taasisuu keessatti gahee dachaa bahachaa jiran caalmaatti cimsanii itti fufuu akka qaban dhaamaniiru.

Kabaja Ayyaana kana irratti Itti gaafatamaan waajjira Abbaa alangaa Magaalaa Mattuu Abba alangaa Najmaddiin Mohammed barreeffama ka'umsa mareef ta'u wayita dhiyeessan haasaa taasisaniin alaabaan ibsituu biyyaa qofa osoo hin taane, mallattoo birmadummaa, tokkummaa, misoomaafi nageenyaa akkasumas kabaja lammiilee ta’uu ibsanii, Alaabaan calaqqee eenyummaa lammiilee biyya tokkoo waan ta’eef, haala itti fayyadama isaa beekuun namni hunduu kabaja alaabaatiif iddoo olaanaa kennuu akka qaban dhaamaniiru.

Ayyaanni guyyaa Alaabaa kunis agarsiisa qaamoleen nageenyaa taasisaniifi faaruu Alaabaa Federaalaafi Alaabaa naannoo Oromiyaan kabajameera.

10/10/2026

Godina Kibba Lixa Oromiyaatti raawwiin hojiiwwan gurguddoo misoomaafi nageenyaa sadarkaa kilaastara Mattuutti qoratamaa Jira.
********
Waltajjii gaggeeffamaa jiru kanaanis hojiiwwan misoomaafi nageenyaa hanga ammaatti raawwatamaa turan kan qoratamanu yemmuu ta'u, ciminootaafi hanqinaaleen mul'atan addaan bahee kallattiin itti aanu kan kaa'amu akka ta'e ibsameera.

Kilaastara Jimmaatti bakka Itti gaafatamaan Paartii badhaadhinaa Godina kibba lixa oromiyaa Obbo Didhaa Guddataa argamanitti gaggeeffamaa kan jiru yemmuu ta'u, hoggansi Aanaa, Godinaa fi Magaalaa irratti argamaniiru.

Tajaajila Komunikeeshiinii Magaalaa Mattuu

15/10/2026

14/10/2026

13/10/2026

13/10/2026

12/10/2026

12/10/2026

12/10/2026

10/10/2026

Address

Telephone

Website

Alerts

Shortcuts

Share

Category

Listing takedown request