Wolaita Sodo Agricultural College

18/09/2026

በኮሌጁ ለትምህርት ደረጃ ማሻሻያ መርሐ-ግብር ተማሪዎችና ለሌሎች ተመዛኞች ሲሰጥ የቆየው የሙያ ብቃት ምዘና በሰላምና በስኬት ተጠናቀቀ

ወ/ሶ/ግ/ኮ መስከረም 08/2019 ዓ/ም

የደቡብ ኢትዮጵያ ክልል ትምህርትና ሥልጠና ቁጥጥር ባለሥልጣን ከወላይታ ሶዶ ግብርና ኮሌጅ ጋር በመተባበር ከመስከረም 05/2019 ዓ/ም እስከ መስከረም 08/2019 ዓ/ም ሲያካሂድ የቆየው የሙያ ብቃት ምዘና በሰላምና በስኬት መጠናቀቁን የኮሌጁ ዲን ዶ/ር አሉላ ታፈሰ አስታውቀዋል።

ዶ/ር አሉላ አክለውም፣ ምዘናው በሰላምና በስኬት እንዲጠናቀቅ አስተዋጽኦ ላበረከቱ የባለሥልጣኑ ማኔጅመንት ኮሚቴ አባላትና መዛኞች፣ የኮሌጁ ሙያ ብቃት ምዘና ማስተባበሪያ፣ ትምህርት ክፍሎች፣ የኮምፒውተር ባለሙያዎችና ሌሎች ባለድርሻ አካላት ምስጋና አቅርበዋል።

የኮሌጁ ትምህርትና ሥልጠና ዘርፍ ኃላፊና ምክትል ዲን አቶ ታሪኩ ጨመረ በበኩላቸው፣ ምዘናውን የወሰዱት በኮሌጁ የትምህርት ደረጃ ማሻሻያ መርሐ-ግብር በሰብል ልማት፣ በእንስሳት እርባታ፣ በተፈጥሮ ሀብት አያያዝና በእንስሳት ጤና የሙያ ዘርፎች ላይ ትምህርታቸውን ያጠናቀቁ ተማሪዎች እና በግል ለመመዘን ያመለከቱ ተመዛኞች መሆናቸውን አብራርተዋል።

አቶ ታሪኩ አያይዘውም ፣ ምዘናው የምዘና ዲስፕሊንንና ሥነ-ሥርዓትን በጠበቀ ሁኔታ መካሄዱን ተናግረዋል።

የኮሌጁ ሙያ ብቃት ምዘና ማስተባበሪያ ኃላፊ መምህር በለጠ ቦቴ በበኩላቸው፣ ምዘናውን የወሰዱት የትምህርት ደረጃ ማሻሻያ መርሐ-ግብር ተማሪዎችን ጨምሮ በአጠቃላይ 333 ተመዛኞች መሆናቸውን ገልጸዋል።

ምዘናው የተሰጠው በሰብል ልማት፣ በእንስሳት እርባታ፣ በተፈጥሮ ሀብት አያያዝ፣ በእንስሳት ጤና፣ በመስኖና ፍሳሽ እንዲሁም በሕብረት ሥራ ሂሳብ አያያዝና ኦዲቲንግ ሙያዎች ላይ ላመለከቱ ተመዛኞች መሰጠቱን ተናግረዋል።

18/09/2026

10/09/2026

ኮሌጁ የዘመን መለወጫ በዓልን አስመልክቶ ከኮሌጁና ከአካባቢው ማህበረሰብ ለተወጣጡ ወገኖች ማዕድ ማጋራት መርሐ-ግብር አካሄደ

ወ/ሶ/ግ/ኮ ጳጉሜ 5/2018 ዓ/ም

የወላይታ ሶዶ ግብርና ኮሌጅ የ2019 ዓ/ም ዘመን መለወጫ በዓልን አስመልክቶ ከኮሌጁ፣ ከፋና ወምባ እና ከዋዱ ቀበሌያት ለተወጣጡ የሕብረተሰብ ክፍሎች ማዕድ ማጋራት መርሐ-ግብር አካሂዷል።

የኮሌጁ ዲን ዶ/ር አሉላ ታፈሰ በዚህ ወቅት፣ መርሐ-ግብሩ ያለንን የማካፈልና የተቸገሩ ወገኖችን የማሰብ ባሕላችንን ለማዳበር ታስቦ የተዘጋጀ መሆኑን ገልጸዋል።

መርሐ-ግብሩ የተዘጋጀው የኮሌጁ መምህራንና አስተዳደር ሠራተኞች ባደረጉት የገንዘብ ድጋፍ መሆኑን ጠቅሰው፣ ድጋፍ ያደረጉ መምህራንና አስተዳደር ሠራተኞችን እንዲሁም መርሐ-ግብሩን ያስተባበሩ የበጎ አድራጎት ኮሚቴ አባላትን አመስግነዋል።

መጪው አዲስ ዓመት የሰላም፣ የብልጽግናና የደስታ እንዲሆንልን እመኛለሁ ሲሉም መልካም ምኞታቸውን ገልጸዋል።

በተለያዩ የማህበራዊ ሚዲያ አማራጮች ስለ ኮሌጃችን ወቅታዊ መረጃዎችን ለማግኘት👇

🌐 ድረ-ገጽ፦ http://wsavet.edu.et/

💼 ሊንክድኢን፦ https://www.linkedin.com/in/wolaita-sodo-agricultural-college-08a74a24b

📘 ፌስቡክ፦ https://www.facebook.com/Wolaitasodoagriculturalcollege

🎵 ቲክቶክ፦ https://www.tiktok.com/

📲 ቴሌግራም፦ https://t.me/wolaitasodoagricollege

08/09/2026

ከኮሪያ አለም አቀፍ ትብብር ኤጀንሲ እና ከግብርና ትራንስፎርሜሽን ኢንስቲትዩት የተወጣጣ ልዑክ በጋራ መስራት በሚቻልባቸው ጉዳዮች ላይ ምክክር አደረገ

ወ/ሶ/ግ/ኮ ጳጉሜ 3/2018 ዓ.ም

ከኮሪያ አለም አቀፍ ትብብር ኤጀንሲ (Korea International Cooperation Agency – KOICA)እና ከግብርና ትራንስፎርሜሽን ኢንስቲትዩት (Agricultural transformation Institute-ATI) የተወጣጣ ልዑክ ከወላይታ ሶዶ ግብርና ኮሌጅ አመራሮች ጋር በጋራ መስራት በሚቻልባቸው ጉዳዮች ላይ ምክክር አድርጓል ።

ለልዑኩ እንኳን ደህና መጣችሁ መልዕክት ያስተላለፉት የኮሌጁ ትምህርትና ሥልጠና ዘርፍ ኃላፊ፣ ምክትል ዲን እና የዲን ተወካይ አቶ ታሪኩ ጨመረ፣ ኮሌጁ ከተቋቋመበት ጊዜ አንስቶ በተለያዩ የግብርና ሙያ መስኮች ሲያሰለጥንና ሲደራጅ የቆየ መሆኑን አመላክተው፣ በዚህም የተደመረ አቅም በሰው ኃይልና በመሠረተ ልማት ማካበት መቻሉን አብራርተዋል።

ተቋሙ የሚከተለው 70/30 የሥልጠና ሞዳሊቲ( 70 በመቶ በተግባርና 30 በመቶ በንድፈ ሐሳብ) መሆኑን ጠቅሰው፣ ሞዳሊቲውን ለማሳካትም በሙያ ልምድ ያካበቱ መምህራንና አስተዳደር ሠራተኞች፣ ላቦራቶሪዎች፣ ለሠርቶ ማሳያና ለውስጥ ገቢ የሚያገለግል ማሳ እንዲሁም ሌሎች መሠረተ ልማቶች ያለው መሆኑን ገልጸዋል።

ተቋሙ ኤስ ኤን ቪን (SNV) ጨምሮ ከተለያዩ መንግሥታዊና መንግሥታዊ ያልሆኑ ተቋማት ጋር በቅንጅት የመስራት ልምድ ያካበተ እና የተሻለ የፕሮጀክት አፈጻጸም ያለው ተቋም መሆኑንም አስገንዝበዋል።

የኮሌጁ አስተዳደርና ልማት ዘርፍ ኃላፊና ምክትል ዲን አቶ አበባየሁ ሙንኤ በበኩላቸው፣ ኮሌጁ ሶስት ተልዕኮዎቹን በማንገብ በስፋት እየሰራ መሆኑን በመግለጽ፣ እነዚህም መማር ማስተማር፣ ምርምር እና ማኅበረሰብ አገልግሎት መሆናቸውን አመላክተዋል።

አቶ አበባየሁ አክለውም፣ በምርምርና በማኅበረሰብ አገልግሎት የአካባቢውን ግብርና ትራንስፎርም ለማድረግ የሚያስችሉ ዘርፎች ላይ ትኩረት ሰጥቶ እየሰራ እንደሚገኝ ገልጸዋል።

በ2019 የትምህርት ዘመን አዲስ ተማሪዎችን በመጀመሪያ ዲግሪ መርሐ-ግብር ተቀብሎ ለማስተማር የሚያስፈልገውን ቅድመ ዝግጅት እያጠናቀቀ እንደሚገኝም አስታውቀዋል።

ከመማርና ማስተማር ሥራ ጎን ለጎንም ተቋሙ ለአካባቢውና ለክልሉ የሥልጠና ማዕከል በመሆን እያገለገለ መሆኑን ተናግረዋል።

ልዑኩ በቆይታው የመማሪያና የተማሪዎች ማደሪያ ሕንጻዎችን፣ አዳራሾችን፣ ቤተመጻሕፍትን እና ሌሎች መሠረተ ልማቶችን ተዘዋውሮ በመመልከት፣ ተቋሙ ትልቅ አቅም ያለው መሆኑን በመግለፅ በቀጣይ ከኮሌጁ ጋር በጋራ ለመስራት ያለውን ፍላጎት አረጋግጧል።

05/09/2026

የወላይታ ሶዶ ግብርና ኮሌጅ አስተዳደር ቦርድ የ2018 በጀት ዓመት ዕቅድ አፈጻጸምና የ2019 በጀት ዓመት ጠቋሚ ዕቅድ ላይ ውይይት አካሄደ

ወ/ሶ/ግ/ኮ ነሐሴ 30/2019 ዓ/ም

የኮሌጃችን አስተዳደር ቦርድ የ2018 በጀት ዓመት ዕቅድ አፈጻጸምና የ2019 በጀት ዓመት ጠቋሚ ዕቅድ ላይ ውይይት አካሂዷል።

በመድረኩ ላይ በ2018 በጀት ዓመት በትምህርትና ሥልጠና እና በአስተዳደርና ልማት ዘርፎች ታቅደው የተከናወኑ ዋና ዋና ተግባራት ላይ ገለጻ ቀርቧል።

ቦርዱም የ2018 በጀት ዓመት ዕቅድ አፈጻጸም አመርቂ መሆኑን ገምግሟል።

በተጨማሪም፣ በ2019 በጀት ዓመት በትምህርትና ሥልጠና፣ በአስተዳደርና ልማት ዘርፎች ለመፈጸም በታቀዱ ዝርዝር ተግባራት ላይ ገለጻና ውይይት ተካሂዷል።

ቦርዱ የቀረበውን የ2018 በጀት ዓመት ዕቅድ አፈጻጸም ሪፖርትና የ2019 በጀት ዓመት ጠቋሚ ዕቅድ ላይ ከመከረና ከገመገመ በኋላ በማጽደቅ ውይይቱን አጠናቋል።

በተለያዩ የማህበራዊ ሚዲያ አማራጮች ስለ ኮሌጃችን ወቅታዊ መረጃዎችን ለማግኘት👇

🌐 ድረ-ገጽ፦ http://wsavet.edu.et/

💼 ሊንክድኢን፦ https://www.linkedin.com/in/wolaita-sodo-agricultural-college-08a74a24b

📘 ፌስቡክ፦ https://www.facebook.com/Wolaitasodoagriculturalcollege

🎵 ቲክቶክ፦ https://www.tiktok.com/

📲 ቴሌግራም፦ https://t.me/wolaitasodoagricollege

04/09/2026

የኮሌጃችን አካዳሚክ ኮሚሽን 178 የትምህርት ደረጃ ማሻሻያ መርሐ-ግብር ተማሪዎችን ውጤት መርምሮ አጸደቀ

ወ/ሶ/ግ/ኮ ነሐሴ 29/2018 ዓ/ም

የኮሌጃችን አካዳሚክ ኮሚሽን በተለያዩ የግብርና ሙያ መስኮች ትምህርታቸውን በንድፈ-ሐሳብና በተግባር በሚገባ ተከታትለው ያጠናቀቁ 178 የትምህርት ደረጃ ማሻሻያ መርሐ-ግብር ተማሪዎች ውጤት መርምሮ አጽድቋል።

ተማሪዎቹ በሰብል ልማት፣ በእንስሳት እርባታ፣ በተፈጥሮ ሀብት አያያዝ እና በእንስሳት ጤና የሙያ መስመሮች በሙያ ደረጃ ሦስትና አራት ትምህርታቸውን ተከታትለው ያጠናቀቁ መሆናቸው ተገልጿል።

ኮሌጃችን ተማሪዎቹን ከኢፌዴሪ ግብርና ሚኒስቴር ጋር ውል በመግባት ተቀብሎ ሲያስተምር መቆየቱ ይታወሳል።

በተለያዩ የማህበራዊ ሚዲያ አማራጮች ስለ ኮሌጃችን ወቅታዊ መረጃዎችን ለማግኘት👇
🌐 ድረ-ገጽ፦ http://wsavet.edu.et/
💼 ሊንክድኢን፦ https://www.linkedin.com/in/wolaita-sodo-agricultural-college-08a74a24b
📘 ፌስቡክ፦ https://www.facebook.com/Wolaitasodoagriculturalcollege
🎵 ቲክቶክ፦ https://www.tiktok.com/
📲 ቴሌግራም፦ https://t.me/wolaitasodoagricollege

30/08/2026

ለትምህርት ደረጃ ማሻሻያ መርሐግብር ተማሪዎች ሲሰጥ የቆየው ሞዴል ፈተና በስኬት ተጠናቀቀ።

ወ/ሶ/ግ/ኮ ነሐሴ 24/2018 ዓ/ም

ለኮሌጃችን የትምህርት ደረጃ ማሻሻያ ተማሪዎች ሲሰጥ የቆየው የሞዴል ፈተና በሰላምና በስኬት መጠናቀቁን የኮሌጃችን ትምህርትና ሥልጠና ዘርፍ ኃላፊና ምክትል ዲን አቶ ታሪኩ ጨመረ አስታውቀዋል።

ፈተናው ለዚህ ዓላማ በተዘጋጀ የኮምፒውተር አፕልኬሽን በመታገዝ በኮምፒውተር መሰጠቱን የተናገሩት አቶ ታሪኩ፣ የሞዴል ፈተናው ተማሪዎቹን በፊታቸው ለሚጠብቀው የሙያ ብቃት ምዘና በተገቢው ሁኔታ ለማዘጋጀት ታልሞ መዘጋጀቱን ገልጸዋል።

አቶ ታሪኩ አክለውም፣ ተማሪዎቹ የሞዴል ፈተናውን ከመውሰዳቸው በፊት በየሙያ ዘርፋቸው የተዘጋጀ አጭር ጊዜ ሥልጠና መሰጠቱን አስታውሰዋል።

ለሥራው ስኬት የላቀ አስተዋጽኦ ላበረከቱ የትምህርት ክፍሎች፣ የሙያ ብቃት ምዘና ማስተባበሪያ ክፍል፣ መምህራን፣ የኮምፒውተር ባለሙያዎችና ሌሎች አካላትም ምስጋና አቅርበዋል።

25/08/2026

ኮሌጃችን በማሳው ላይ የተለያዩ ሰብሎችን የማልማት ሥራ አጠናክሮ እየሰራ ነው

ወ/ሶ/ግ/ኮ ነሐሴ 19/2018 ዓ/ም

ኮሌጃችን ከመማር ማስተማር ሥራ ጎን ለጎን የተለያዩ የግብርና ልማት ሥራዎችን አጠናክሮ እየሰራ ይገኛል።

በዚህ ወቅት በማሳው ላይ ጤፍ፣ ካሳቫ እና ቦሎቄን ጨምሮ ሌሎች ሰብሎችን በስፋት እያለማ ይገኛል።

የልማት ሥራዎቹ ዋና ዓላማ የመማር ማስተማር ሥራን ውጤታማ ከማድረግ ባሻገር የተቋማችን የውስጥ ገቢ ለማጎልበትና ለማህበረሰቡ አገልግሎት ለማቅረብ ነው።

24/08/2026

የኮሌጃችን ዲን ዶ/ር አሉላ ታፈሰ 1 ሺህ 501ኛውን የነቢዩ መሀመድ ልደት (መውሊድ) በዓልን አስመልክተው ያስተላለፉት የእንኳን አደረሳችሁ መልዕክት፦

ውድ የእስልምና ዕምነት ተከታይ የሆናችሁ የኮሌጃችን አካዳሚክ ኮሚሽንና ማነጅሜንት ኮሚቴ አባላት፣መምህራን፣ አስተዳደር ሠራተኞች፣ ተማሪዎችና ባለድርሻ አካላት በሙሉ በቅድሚያ እንኳን ለ1 ሺህ 501ኛው የነቢዩ መሀመድ ልደት (መውሊድ) በዓል በሰላም አደረሳችሁ፤ አደረሰን!

መውሊድ የነቢዩ መሀመድን ሕይወት፣ ተልዕኮና አስተምህሮ የምንዘክርበት ብቻ ሳይሆን ከእርሳቸው በመማር በሕይወታችን የተሻለ ሰው ለመሆን የምንተጋበትም አጋጣሚ ነው።

ነቢዩ መሀመድ ለሰው ልጆች ካስተማሩት ታላላቅ እሴቶች መካከል ሰላምን፣ ፍትሕን፣ ምሕረትን፣ መቻቻልን፣ ታማኝነትንና ለሌሎች መልካም መሆንን መጥቀስ ይቻላል። እነዚህ እሴቶች ከግልና ሥራ ህይወት ባሻገር የተሻለ ተቋምና ሀገር ለመገንባት ወሳኝ ናቸው። ስለዚህ እነዚህን ሁለንተናዊ ዕሴቶችን ዕለት ተዕለት ህይወታችን በመተግበር የተሻለ ተቋምና ሀገር ለመፍጠር የራሳችን አስተዋጽኦ ማበርከት እንደሚገባን አሳስባለሁ።

በዓሉን ስናከብር ደግሞ እንደተለመደው የሃይማኖቱ አስተምህሮ በሚፈቅደው መሠረት የተቸገሩትን በመርዳት፣ ማዕድ በማጋራት፣ በመደጋገፍና መሰል በጎ ተግባራትን በመከወን መሆን እንዳለበት ጥሪዬን አስተላልፋለሁ።

በዓሉ የሰላም፣ የፍቅር፣ የመተሳሰብ፣ የአብሮነትና የብልጽግና እንዲሆንላችሁ እመኛለሁ።

በድጋሚ እንኳን በሰላም አደረሳችሁ፣አደረሰን!
መልካም በዓል!

ዶ/ር አሉላ ታፈሰ
የኮሌጁ ዲን

18/08/2026

ከኢፌዴሪ ትምህርትና ሥልጠና ባለሥልጣን የተውጣጣ ልዑክ በኮሌጃችን የግንዛቤ ማሰጨበጫ ሥልጠና እየሰጠ ነው::

ወ/ሶ/ግ/ኮ ነሐሴ 12/2018 ዓ/ም

ከኢፌዴሪ ትምህርትና ሥልጠና ባለሥልጣን የተውጣጣ ልዑክ በኮሌጃችን በመገኘት የመጀመሪያ ዲግሪ፣ ሁለተኛ ዲግሪና ሦስተኛ ዲግሪ መርሐ-ግብሮች ፈቃድ አሰጣጥና ዕድሳት መገምገሚያ መስፈርቶችን በተመለከተ ለሚመለከታቸው የሥራ ክፍል ኃላፊዎች የግንዛቤ ማስጨበጫ ሥልጠና እየሰጠ ይገኛል።

መድረኩን በንግግር የከፈቱት የኮሌጃችን ትምህርትና ሥልጠና ዘርፍ ኃላፊና ምክትል ዲን አቶ ታሪኩ ጨመረ፣ የመጀመሪያ ዲግሪ መርሐ-ግብር ትምህርት መጀመር ለተቋማችንና ለባለድርሻ አካላት የረጅም ጊዜ ጥያቄ ሆኖ መቆየቱን አውስተው፤ መርሐ-ግብሩን ለመጀመር የሚያስችሉ የቅድመ-ዝግጅት ሥራዎች ተጠናቀው በመጨረሻ ምዕራፍ ላይ መድረሳቸውንም ገልጸዋል።

አቶ ታሪኩ አክለውም፣ ወቅቱ ለተቋማችን ወርቃማ መሆኑን በመጠቆም፣ ሠልጣኞች ሥልጠናውን በትኩረት በመከታተል ለህደቱ ስኬታማነት ድርሻቸውን በአግባቡ እንዲወጡ አሳስበዋል።

በባለሥልጣኑ የከፍተኛ ትምህርት ፈቃድ አሰጣጥ ባለሙያ አቶ መንግሥቱ ጠና እንደገለጹት፣ ባለሥልጣኑ “ጥራት ያለው ትምህርት ለሁሉም” በሚል መሪ ቃል በትምህርት ጥራት ላይ ትኩረት ሰጥቶ እየሰራ ይገኛል።

ሥልጠናው ዛሬን ጨምሮ ለሁለት ተከታታይ ቀናት እንደሚቆይ የተገለጸ ሲሆን፣ ሥልጠናው ከተጠናቀቀ በኋላ ልዑኩ የመጀመሪያ ዲግሪ መርሐ-ግብር ለመጀመር ከሚያስችሉ መስፈርቶች አንፃር የኮሌጁ ቅድመ ዝግጅት ሥራዎች እንደሚገመገሙ ተጠቅሷል።

በግምገማውም ተቋማችን በመርሐ-ግብሩ ተማሪዎችን ተቀብሎ ለማስተማር የሚያስችሉ የሰነድ ዝግጅቶችንና ግብዓቶችን በመስክ ምልከታ እንደሚገመግም ተገልጿል።

በመድረኩ ላይ ከባለሥልጣኑ የተውጣጡ አሰልጣኞች፣ የኮሌጃችን ትምህርትና ሥልጠና ዘርፍ ኃላፊና ምክትል ዲን አቶ ታሪኩ ጨመረ፣ የኮሌጃችን አስተዳደርና ልማት ዘርፍ ኃላፊና ምክትል ዲን አቶ አበባየሁ መንኤና ሌሎች አካዳሚክ ኮሚሽን አባላትና የመጀመሪያ ዲግሪ መርሐ-ግብር የቅድመ-ዝግጅት ሥራ ኮሚቴ አባላትን ጨምሮ ሌሎች አመራሮችና ሠራተኞች እየተሳተፉ ይገኛሉ።