Wolaita Zone Police Department new

Directions

Wolaita Zone Police Department new Contact information, map and directions, contact form, opening hours, services, ratings, photos, videos and announcements from Wolaita Zone Police Department new, Government Official, south Ethiopia wolaita zone, Sodo.

የማህበረሰብ አቀፍ ወንጀል መከላከል ተግባር ህብረተሰቡን በማሳተፍ ታቅዶ በመሠራቱ በክልሉ የወንጀል ድርጊት መጠን መቀነሱን የደቡብ ኢትዮጵያ ክልል ፖሊስ ኮሚሽን አስታወቀ።ወላይታ ሶዶ መስከረ...
10/10/2026

የማህበረሰብ አቀፍ ወንጀል መከላከል ተግባር ህብረተሰቡን በማሳተፍ ታቅዶ በመሠራቱ በክልሉ የወንጀል ድርጊት መጠን መቀነሱን የደቡብ ኢትዮጵያ ክልል ፖሊስ ኮሚሽን አስታወቀ።

ወላይታ ሶዶ መስከረም 30/2019 ዓ/ም(ወዞፖመም)በበጀት ዓመቱ የመጀመሪያ እሩብ አመት ከባለፈው ተመሳሳይ ሩብ ዓመት ጋር ሲነፃፀር የወንጀል ድርጊት መቀነሱም ተገልጿል።

የክልሉ ፖሊስ ኮሚሽን የበጀት አመቱ የመጀመሪያ ሩብ አመት እቅድ አፈፃፀም ዘርፎች፣ምክትል ዘርፎችና ዳይሮክቶሬቶች በገኙበት ገምግሟል።

የደቡብ ኢትዮጵያ ክልል በአዲስ አደረጃጀት ከተዋቀረ ወዲህ የክልሉ ሰላም ማረጋገጥና የወንጀል መከላከል ተግባር የፀጥታ አባላት፣ ህብረተሰቡና የመስተዳድር አካላትን አሳትፎ በመሠራቱ በክልሉ ከጊዜ ወደ ጊዜ አስተማማኝ ሠላምና ደህንነት ማስፈን መቻሉን ተገልጿል።

በትራፊክ ፍሰት ቁጥጥር፣በወንጀል ምርመራና በተለያዩ አስተዳደራዊ ስራዎች በሩብ አመቱ የሚያበረታታ ውጤት መመዝገቡ በግምገማው ተነስቷል።

በ2019 ዓ/ም በጀት አመት ቀጣይ ጊዜያት የክልሉ ፖሊስ ኮሚሽን ትኩረት ሰጥቶ የሚሠራባቸው አቅጣጫዎች የተቀመጡ ሲሆን የአባላት አመለካከት፣ፖሊሳዊ ስነ-ምግባርና ከዘመኑ ጋር የሚሔድ ቴክኖሎጂ አጠቃቀም ማሳደግ ግንባር ቀደሞቹ ናቸው።

በመድረኩ ማጠቃለያ ላይ የስራ መመሪያና የቀጣይ ትኩረት አቅጣጫ ያመላከቱት ኮሚሽነር ፍስሃ ጋረደው እንደገለጹት የክልሉ ፖሊስ ኮሚሽንና በስሩ ያሉ መዋቅሮች ከሌሎች የፀጥታ ሀይላት ጋር በመሆን ላስመዘገቡት ውጤትና በክልሉ ለሰፈነው ሰላም የፀጥታ አካላት ምስጋና ይገባቸዋል ብለዋል።

ይህ ሳያዘናጋን በቀጣይ ፖሊሳዊ ቁመናና ስነ-ምግባር ያለው አባል እንዲኖረን በቁርጠኝነት እንሰራለን ብለዋል።

ለቀጣይ መቶ ቀናት በየዘርፉ የሚተገበሩ እቅዶች ከዲጂታል ቴክኖሎጂ አጠቃቀም ጋር የተዛመዱ ሆነው መቅረብ እንዳለባቸው አሳስበዋል።

የፖሊስ የደንብ ልብስ ለብሰው በዋዛ ፈዛዛ ቲክቶክ እየሠሩ ሲለቁ የነበሩ 3 የፖሊስ አባላት በቁጥጥር ስር ዋሉ።በደቡብ ኢትዮጵያ ክልል ፖሊስ ኮሚሽን የደቡብ ኦሞ ዞን ፖሊስ ባልደረባ የሆኑት...
10/10/2026

የፖሊስ የደንብ ልብስ ለብሰው በዋዛ ፈዛዛ ቲክቶክ እየሠሩ ሲለቁ የነበሩ 3 የፖሊስ አባላት በቁጥጥር ስር ዋሉ።

በደቡብ ኢትዮጵያ ክልል ፖሊስ ኮሚሽን የደቡብ ኦሞ ዞን ፖሊስ ባልደረባ የሆኑት አባላቱ ከፖሊስ ደንብና መመሪያ ባፈነገጠ መልኩ የተከበረውን የደንብ ልብስ ለብሰው በቲክቶክ ፌዝ ና ቀልድ በመልቀቅ የተቋሙን ክብር ና ዝናን በሚያስንቅ ተግባር በመገኘታቸው በቁጥጥር ስር ሊውሉ ችለዋል።

እንደ ክልሉ ፖሊስ ኮሚሽን ገለፃ መሠል ተግባር ላይ የተሠማሩ የፖሊስ አባላት ላይም ጥብቅ ክትትል በማድረግ አስተማሪ እርምጃ እንደሚወሰድ አስታውቋል።

በቦዲቲ ከተማ በተለያዩ ቀበሌያትና ቀጠናዎች ወቅታዊ የፀጥታ ዙሪያ ከህዝብ ጋር የውይይት መድረክ መካሄዱን ፖሊስ አስታወቀ ወላይታ ሶዶ ፤ መስከረም ፤ 29/01/2019 ዓ.ም(ወዞፖመም) በወላ...
10/10/2026

በቦዲቲ ከተማ በተለያዩ ቀበሌያትና ቀጠናዎች ወቅታዊ የፀጥታ ዙሪያ ከህዝብ ጋር የውይይት መድረክ መካሄዱን ፖሊስ አስታወቀ

ወላይታ ሶዶ ፤ መስከረም ፤ 29/01/2019 ዓ.ም(ወዞፖመም)
በወላይታ ዞን በቦዲቲ ከተማ በተለያዩ ቀበሌያትና ቀጠናዎች ወቅታዊ የፀጥታ ዙሪያ ከህዝብ ጋር የውይይት መድረክ መካሄዱን ከፖሊስ ያገኘነው መረጃ አመላክቷል።

የቦዲቲ ከተማ ፖሊስ አዛዥ ኢ/ር ኡፋይሳ ለማ እንዳሉት በዛሬው ዕለት በቀን 29/01/2019 በከተማው በተለያዩ ቀበሌያትና ቀጠናዎች ወቅታዊ የፀጥታ ዙሪያና በቀጣይ የሚደረግ የፀጥታ ስራን አስመልክቶ ከህዝብ የውይይት መድረክ መካሄዱን አሳውቀዋል።

ኢ/ር ኡፋይሳ እንዳሉት ወቅታዊ የፀጥታ ዙሪያና በቀጣይ የሚደረግ የፀጥታ ስራን በሚመለከት የውይይት መድረክ መካሄድ የቻለው በከተማው በሲባዬ ቀበሌ እና በዳሞታ ሻክሾ ቀበሌ ህዝብ ጋር እንደሆነም አስረድተዋል።

በተጨማሪም በቦዲቲ ከተማ ፖሊስ ጽ/ቤት የትራፊክ /ፍ/ቁ/አ/መ/ ማሰተባበሪያ አማካኝነት በመሐል ቀበሌ ሲባዬ ቆርኬ ቀጠና ስለ ትራፊክ አደጋዎች አስከፊነት እና መደረግ ስላለባቸው ቅድመ ጥንቃቄዎች እንዲሁም ስለ ትራፊክ ህግ ዙሪያ የግንዛቤ ትምህርት መሰጠቱንም ኢ/ር ኡፋይሳ አብራርተዋል።

ኢ/ሮ ኡፋይሳ እንደገለፁት ያለ ህዝብ ነቃ ተሳትፎ የአንድ አከባቢ ሰላምና ፀጥታን በአስተማማኝ ሁኔታ ማረጋገጥ አስቸጋሪ በመሆኑ ምክንያት ይህ የህዝብ ውይይት መድረክ መዘጋጀቱን አስረድተዋል።

ከህዝብ ጋር የሚደረግ የውይይት መድረክ በቀጣይነትም በሌሎች ቀበሌያት እና በቀጠናዎች በተመሳሳይ መልኩ የሚካሄድ መሆኑንም ጠቁመዋል።

የዳሞት ሶሬ ወረዳ ፖሊስ ጽ/ቤት እና ትራንስፖርትና መንገድ ልማት ጽ/ቤት ጋር በመሆን በደንባ ማዘጋጃ ከተማ ለባለሁለት እግር ሞተር አሽከርካሪዎች በትራፊክ አደጋ አስከፊነት ዙሪያ ግንዛቤ ማ...
09/10/2026

የዳሞት ሶሬ ወረዳ ፖሊስ ጽ/ቤት እና ትራንስፖርትና መንገድ ልማት ጽ/ቤት ጋር በመሆን በደንባ ማዘጋጃ ከተማ ለባለሁለት እግር ሞተር አሽከርካሪዎች በትራፊክ አደጋ አስከፊነት ዙሪያ ግንዛቤ ማስጨበጫ አካሄዱ

‎ ወላይታ ሶዶ፤ መስከረም 29/2019 ዓ.ም

‌‎የወረዳው ትራንስፖርትና መንገድ ልማት ጽ/ቤት ከወረዳው ፖሊስ ጽ/ቤት ጋር በመሆን በደንባ ማዘጋጃ ከተማ ለባለሁለት እግር ሞቴር አሽከርካሪዎች በትራፊክ አደጋና አስከፊነት ዙሪያ ግንዛቤ ማስጨበጫ አካሂደዋል።

‌‎በግንዛቤ ማስጨበጫ ባለሁለት ሞተር አሽከርካሪዎች የትራፊክ ህጎችን ጠብቀው እንዲሰሩ በትራፊክ ሕጎች ላይ ሰፊ ማብራሪያ ተሰጥቷል።

‌‎አሽከርካሪዎች ፍጥነትን በመቀነስና ከተፈቀደው በላይ ትርፍ ባለመጫን አደጋውን ለመከላከል የሚጠበቅባቸውን ሊወጡ እንደሚገባም ግንዛቤ ተደርጓል።

‌‎ከተለያዩ ወንጀሎች ራሳቸውን እና ህብረተሰቡን ለማዳን ሰዓት አሳልፈው እና ምሽት ላይ መስራት እንደሌለባቸው መግለጫ ተሰጥቷል።

‌‎ባለሁለት እግር ሞተር አሽከርካሪዎች በአከባቢያቸው ሊከሰቱ የሚችሉ የጸጥታ ችግሮችን ለመፍታት እና ወንጀሎችን ለመከላከል ከህብረተሰቡና ከጸጥታ አካላት ጋር በቅንጅት ሊሰሩ እንደሚገባም ተጠቁሟል።

‌‎ግንዛቤ ማስጨበጫው በሁሉም አካባቢዎች ተጠናክሮ እንደሚቀጥልም ተጠቁሟል።
መልካም ምሽት !!

አስቸኳይ ማስጠንቀቂያ! በደቡብ ኢትዮጵያን ጨምሮ በአምስት ክልሎች ድንገተኛ የመሬት መንሸራተትና ናዳ አደጋ ሊከሰት እንደሚችል ተጠቆመየኢትዮጵያ አደጋ ሥጋትና ሥራ አመራር ኮሚሽን በሰጠው አዲ...
09/10/2026

አስቸኳይ ማስጠንቀቂያ! በደቡብ ኢትዮጵያን ጨምሮ በአምስት ክልሎች ድንገተኛ የመሬት መንሸራተትና ናዳ አደጋ ሊከሰት እንደሚችል ተጠቆመ

የኢትዮጵያ አደጋ ሥጋትና ሥራ አመራር ኮሚሽን በሰጠው አዲስ ማሳሰቢያ በ2019 ዓ.ም. የበጋ ወራት (ከጥቅምት እስከ ጥር ባለው ጊዜ) ማዕከላዊ ኢትዮጵያ፣ ደቡብ ኢትዮጵያ፣ ደቡብ ምዕራብ ኢትዮጵያ፣ ሲዳማ እና ኦሮሚያን ጨምሮ በአምስት ክልሎች ድንገተኛ የሆነ ከባድ የመሬት መንሸራተትና ናዳ ሊከሰት እንደሚችል አስጠንቅቋል።

በተለይም በደቡብ ኢትዮጵያ ክልል የሚገኙ በርካታ ዞኖች ለከፍተኛ አደጋ ተጋላጭ መሆናቸው ተገልጿል።

በደቡብ ኢትዮጵያ ክልል ዎላይታ ዞን ቦሎሶ ሶሬ፣ ኪንዶ ኮይሻ፣ ኦፋ፣ ኪንዶ ዳዳዬ፣ ቦሎሶ ቦምቤ፣ ዱግና ፋንጎ፣ ዳሞት ወይዴ፣ ዳሞት ሶሬና ሶዶ ዙሪያ፣ በጎፋ ዞን ደንባ ጎንፋ፣ ኡባ ደብረ ፀሐይ፣ ገዜ ጎፋ፣ መልኮዛ፣ አይዴና ዛላ ወረዳዎች ለመሬት መንሸራተትና ናዳ የተጋላጭነት ሥጋት እንዳለባቸው ኮሚሽኑ ገልጿል።

በጋሞ ዞን ዲታ፣ ዳራሞሎ፣ ገረሴ፣ ጋጮ ባባ፣ ከምባ ዙሪያ፣ ቦንኬ፣ ጋርዳ ማርታና ቁጫ፣ በጋርዱላ ዞን ደራሼ ወረዳ፣ በደቡብ ኦሞ፣ በደቡብ አሪ፣ በሰሜን አሪ፣ ባካ ዳውላና የባስኬቶ ልዩ ወረዳዎች ተጋላጭ ተብለው የተለዩ የደቡብ ኢትዮጵያ ክልል ሌሎች አካባቢዎች ናቸው።

በማዕከላዊ ኢትዮጵያ ክልል ስልጤ ዞን ዳሎቻና ሁልበርግ ወረዳዎች፣ በሀድያ ዞን ዱና ወረዳ፣ በከምባታ ዞን ቃጫ ቢራ፣ አንጋጫና ቃዲዳ ጋሜላ ወረዳዎች፣ በየም ልዩ ወረዳ፣ በማረቆ ልዩ ወረዳ፣ በጉራጌ ሙሁርና አክሊል፣ እንዲሁም በምሥራቅ ጉራጌ መስቃን አካባቢዎች ለመሬት መንሸራተትና ናዳ ተጋላጭ ሊሆኑ እንደሚችሉ ኮሚሽኑ አስጠንቅቋል።

በደቡብ ምዕራብ ኢትዮጵያ ክልል ኮንታ ዞን ዱካ ዞላና አመያ ወረዳዎች፣ በከፋ ዞን ጨታ፣ ደቻ፣ ጨና፣ አድዮ፣ ቢታ፣ ጋታዋ፣ ጌሻ፣ ጊምቦ፣ ጎባ ልዩ፣ በዳውሮ ዞን ቶጫ፣ ማረካ፣ ሎማ፣ ገና፣ እዝራ፣ ካቺ፣ ዲሳ፣ ዛባ ጋዞ ወረዳዎች፣ በቤንች ሸኮ ሰሜን ቤንችና ሸይ ቤንች በምዕራብ ኦሞ፣ ሜኒት ሻሻ፣ ሜኒት ጎልዲያ ወረዳዎች ተጋላጭ ተብለው ተለይተዋል።

የአፈር መንሸራተት፣ የድንጋይ መውደቅ፣ የቁልቁለታማ ቦታዎች መደርመስ፣ ስንጥቆች መታየት እና ቋሚ ነገሮች ወደ አንድ ጎን ማዘንበል የቅድመ ማስጠንቀቂያ ምልክቶች መሆናቸው ተጠቅሷል።

ባለፉት ዓመታት በጎፋ፣ በሲዳማ፣ በዎላይታ፣ በጋሞ እና በሌሎች አካባቢዎች በተከሰቱ አደጋዎች የብዙ ዜጎች ሕይወት ማለፉና መፈናቀላቸው ይታወሳል።

አስተዳደሮችና ኅብረተሰቡ የቅድመ ዝግጁነት ሥራዎችን እንዲያጠናክሩ እና አስፈላጊ ሲሆን ወደ ደህና አካባቢዎች በዘላቂነት እንዲዘዋወሩ ጥሪ ቀርቧል።

የወላይታ ዞን ፖሊስ መምሪያ አባላት ወንጀልን እንከላከል ቆሻሻን እናጽዳ በሚል መሪ ቃል ሣምንታዊ የጽዳት ዘመቻ አካሂደዋል።
09/10/2026

የወላይታ ዞን ፖሊስ መምሪያ አባላት ወንጀልን እንከላከል ቆሻሻን እናጽዳ በሚል መሪ ቃል ሣምንታዊ የጽዳት ዘመቻ አካሂደዋል።

‎የወላይታ ዞን ፍትህ መምሪያና የወላይታ ዞን ፖሊስ መምሪያ የወንጀል ምርመራንና የፍትህ አሰጣጥን ይበልጥ ለማጠናከር የሚያስችል የጋራ የመግባቢያ ሰነድ ተፈራረሙ‎‎ወላይታ ሶዶ ፣ መስከረም 2...
08/10/2026

‎የወላይታ ዞን ፍትህ መምሪያና የወላይታ ዞን ፖሊስ መምሪያ የወንጀል ምርመራንና የፍትህ አሰጣጥን ይበልጥ ለማጠናከር የሚያስችል የጋራ የመግባቢያ ሰነድ ተፈራረሙ
‎
‎ወላይታ ሶዶ ፣ መስከረም 28/2019 ዓ.ም
(ወዞፖመም)
የወላይታ ዞን ፍትህ መምሪያ እና የወላይታ ዞን ፖሊስ መምሪያ በዞኑ የሚከሰቱ የኢኮኖሚ፣ የሙስና እና ሌሎች የተደራጁ ወንጀሎችን በጋራ፣ በፍጥነትና በጥራት ለመመርመር የሚያስችል ታሪካዊ የጋራ የመግባቢያ ሰነድ ተፈራረሙ።
‎
‎በፊርማ ሥነ-ስርዓቱ ላይ የሁለቱም መምሪያዎች ከፍተኛ የማኔጅመንት አካላት፣ የየስራ ሂደቶች አስተባባሪዎች እና የምርመራ ባለሙያዎች ተገኝተዋል።

የመድረኩ ዋና አላማ በሁለቱ መምሪያዎች መካከል ያለውን የሥራ ቅንጅት ማጠናከር፣ የወንጀል ምርመራ ሂደቶችን ማፋጠን እና የህግ የበላይነትን በዞኑ አስተማማኝ በሆነ ደረጃ ማረጋገጥ እንደሆነ ተገልጿል።
‎
‎በመድረኩ ላይ በተለይም በልዩ ልዩ ወንጀሎች፣ በሴቶችና ህጻናት ላይ በሚፈጸሙ ጥቃቶች፣ በታክስና በሙስና ወንጀሎች እንዲሁም በሌሎች የተደራጁ የህግ መጣስ ድርጊቶች ዙሪያ ሰፊና ጥልቅ ውይይት ተካሂዷል።

ውይይቱም በቅርቡ የወጣውን አዲሱን የወንጀል ሥነ-ሥርዓትና የማስረጃ ህግ ማዕቀፍ በማድረግ የተቃኘ ሲሆን፣ አዲሱ ህግ ከሚያስቀምጣቸው የህግ አሰራሮችና ከሙያዊ ደንቦች አንጻር ወንጀሎችን በጥራት የመመርመር፣ ማስረጃዎችን በስርዓቱ የመሰብሰብ እና የፍትህ ሂደቱን የማፋጠን አስፈላጊነት ላይ አጽንኦት ተሰጥቶበታል።
‎
‎በተጨማሪም የሁለቱ ተቋማት ቅንጅታዊ አሠራር የወንጀል ፈጻሚዎችን ለህግ ለማቅረብ በሚደረገው ጥረት ውስጥ የሚታዩ ክፍተቶችን እንደሚሞላ፣ ህብረተሰቡ በፍትህ ሥራው ላይ ያለው እምነት እንዲጎለብት እንደሚያደርግ እና ወንጀልን አስቀድሞ በመከላከል ረገድ ጉልህ ሚና እንደሚጫወት አቅጣጫ ተቀምጧል።
‎
‎በፊርማ ሥነ-ሥርዓቱ ላይ መልዕክት ያስተላለፉት የወላይታ ዞን ፍትህ መምሪያ ኃላፊ አቶ ፀጋው ስምዖን፤ የፍትህ ስርዓቱ ውጤታማ ሊሆን የሚችለው በተቋማት መካከል ጠንካራና የተቀናጀ አሰራር ሲኖር እንደሆነ ገልጸዋል።

አክለውም የፖሊስና የዐቃቤ ህግ የጋራ ጥረት ህግን የማስከበር አቅምን እንደሚያሳድግና የተፈረመው የመግባቢያ ሰነድ በተግባር ወደ ስራ ገብቶ ውጤት እንዲያመጣ መምሪያቸው ቁርጠኛ መሆኑን አረጋግጠዋል።

‎የወላይታ ዞን ፖሊስ መምሪያ ኃላፊ ኮ/ር ንጋቱ ጌታቸው በበኩላቸው፤ የወንጀል ፈጻሚዎች ስልት እየቀየሩ በሚመጡበት በዚህ ወቅት ተቋማዊ ቅንጅትን ማጠናከር አማራጭ የሌለው ጉዳይ መሆኑን ጠቁመዋል።

አዲሱ የመግባቢያ ሰነድ የወንጀል ምርመራን በሳይንሳዊና በህጋዊ መንገድ በጥራት ለመምራት፣ የሙስና እና የኢኮኖሚ አሻጥሮችን በአስተማማኝ ሁኔታ ለመግታት ትልቅ አቅም እንደሚፈጥር ገልጸዋል።
‎
‎በመጨረሻም በሁለቱም ተቋማት መካከል የተደረሰውን ስምምነት የሚያረጋግጠውን የመግባቢያ ሰነድ የሁለቱ መምሪያ ኃላፊዎች በይፋ ተፈራርመው ለተግባራዊነቱ በጋራ ለመሥራት ቃል በመግባት የዕለቱ ፕሮግራም ተጠናቅቋል።

የጠበላ ከተማ አስተዳደር ሠላምና ፀጥታ ክላስተር ከከተማው ፖሊስ ጽ/ቤት ጋር በመሆን ከከተማው ከንግዱ ማህበረሰብ ጋር በወቅታዊ የሠላምና ፀጥታ ጉዳዮች ዙሪያ ውይይት አካሄዱ ወላይታ ሶዶ፤ መ...
07/10/2026

የጠበላ ከተማ አስተዳደር ሠላምና ፀጥታ ክላስተር ከከተማው ፖሊስ ጽ/ቤት ጋር በመሆን ከከተማው ከንግዱ ማህበረሰብ ጋር በወቅታዊ የሠላምና ፀጥታ ጉዳዮች ዙሪያ ውይይት አካሄዱ

ወላይታ ሶዶ፤ መስከረም 27/2019 ዓ.ም(ወዞፖመም)
በወላይታ ዞን የጠበላ ከተማ አስተዳደር ሠላምና ፀጥታ ክላስተር ከከተማው ፖሊስ ጽ/ቤት ጋር በመሆን በከተማው የሚገኙ ሆቴሎችና ለሎች የንግድ ተቋማት ባለቤቶች ጋር በወቅታዊ የሠላምና ፀጥታ ጉዳዮችና ቀጣይ ትኩረት በሚሹ ጉዳዮች ዙሪያ የውይይትና የጋራ ምክክር መድረክ አካሂዷል።

የውይይት መድረኩ ዋና ዓላማ በከተማው የሠላምና ፀጥታ ሁኔታ ላይ የጋራ ግንዛቤ መፍጠር፣ በከተማ ደረጃ የሚታዩ ወቅታዊ የፀጥታ ጉዳዮችን በጋራ መለየት፣ የወንጀል መከላከልና ቅድመ ጥንቃቄ ሥራዎችን ማጠናከር እንዲሁም የሠላምና ፀጥታ ተቋማትና የቀበሌ ቅንጅታዊ አሠራርን ማሳደግ ነው።

መድረኩን የጠበላ ከተማ አስተዳደር ሠላምና ፀጥታ ክላስተር አስተባባሪ አቶ ደምሴ ዳጮ እና የጠበላ ከተማ አስተዳደር ፖሊስ አዛዥ ኢንስፔክተር አብርሃም ባሳ በጋራ በመሆን መርተዋል።

የጠበላ ከተማ አስተዳደር ሠላምና ፀጥታ ክላስተር አስተባባሪ አቶ ደምሴ ዳጮ በመድረኩ እንደገለጹት፣ የከተማ ሠላምና ፀጥታ ሥራ የአንድ ተቋም ብቻ ኃላፊነት ሳይሆን የመንግሥት አካላት፣ የንግዱ ማህበረሰብና የሆቴል ባለበቶች ከፀጥታ አካላት ጋር በቅንጅት መስራት ይገባል ብለዋል።

በተለይም የሠላምና ፀጥታ ችግሮች ከመከሰታቸው በፊት መከላከል፣ የሚፈጠሩ ጉዳዮችን በፍጥነት መለየትና በሕጋዊ አግባብ መፍታት ላይ እንዲሁም በሆቴሎች ላይ በሚፈጠሩ ፀጥታ ችግሮች ዙሪያ በጋራ በባለቤትነት ስሜት መስራት ይገባል ብለዋል።

አንዳንድ መጠጥ ቤቶች የአከባቢ ነዋሪዎችን በማይረበሽ መልክ መሆን እንዳለበት የተገለጸ ስሆን ማንም የቤቱ ባለቤት በግቢው የሚፈፀመ ወንጀሎች ተጠያቂ እንደሚሆን አብራርተዋል።

የጠበላ ከተማ ፖሊስ አዛዥ ኢንስፔክተር አብርሃም ባሳ በበኩላቸው፣ የፖሊስ ተቋሙ የከተማውን ሠላምና ፀጥታ ከማስጠበቅ አንፃር የማህበረሰቡን ተሳትፎ ማጠናከር የሚጠይቅ ሥራ እንደሆነ ገልጸዋል።

ወንጀል ከተፈጸመ በኋላ ብቻ ምላሽ ከመስጠት ይልቅ በቅድመ መከላከል ላይ በትኩረት መሥራትና ከማህበረሰቡ የሚገኙ መረጃዎችን በተገቢው መልኩ ማደራጀትና ፈጣን ምላሽ መስጠት የፖሊስ ተቋሙ ዋና ትኩረት መሆኑን አስረድተዋል።

በአንዳንድ ሆቴሎች ደረጃ የሚታዩ የፀጥታ ስጋቶች፣ የወንጀል ምልክቶችና ሌሎች የሠላም ጉዳዮች በጊዜ እንዲለዩና ለፖሊስ አካላት ተገቢው መረጃ እንዲደርስ የሚደረገው ቅንጅት ከፍተኛ ጠቀሜታ እንዳለው ኢንስፔክተር አብርሃም ገልጸዋል።

የወንጀል መከላከል ሥራ ውጤታማ የሚሆነው ማህበረሰቡ የራሱን ሰላምና ደህንነት በሚመለከት በንቃት ተሳታፊ ሲሆን እንደሆነ ገልጸዋል።

በመጨረሻም የጠበላ ከተማ ሠላምና ፀጥታን የበለጠ ለማጠናከር፣ የወንጀል መከላከል ሥራን ለማስፋት የንግዱ ማህበረሰብ በሠላምና ፀጥታ ጉዳዮች ላይ ንቁ ተሳትፎ እንዲያደርግ ለማስቻል የፀጥታ አካላት በቅንጅት እንዲሠሩ አቅጣጫ ተቀምጧል።

07/10/2026

የወላይታ ዞን ፖሊስ መምሪያ እና የሶዶ ከተማ አስተዳደር ፖሊስ መምሪያ ፖሊስ አባላት ሣምንታዊ የማስ ስፖርት እንቅስቃሴ በቪድዮ።

በጀግንነት መጠበቅ በሰብአዊነት ማገልገል

የወላይታ ዞን ፖሊስ መምሪያ እና የሶዶ ከተማ አስተዳደር ፖሊስ መምሪያ ፖሊስ አባላት ሣምንታዊ የማስ ስፖርት እንቅስቃሴ በወላይታ ሶዶ ሁለ ገብ አዳራሽ በጋራ አካሄዱ።መስከረም 27/2019 ዓ...
07/10/2026

የወላይታ ዞን ፖሊስ መምሪያ እና የሶዶ ከተማ አስተዳደር ፖሊስ መምሪያ ፖሊስ አባላት ሣምንታዊ የማስ ስፖርት እንቅስቃሴ በወላይታ ሶዶ ሁለ ገብ አዳራሽ በጋራ አካሄዱ።

መስከረም 27/2019 ዓ/ም (ወዞፖመም)

የወላይታ ዞን ፖሊስ መምሪያ እና የሶዶ ከተማ ፖሊስ መምሪያ አባላት በወላይታ ሶዶ ሁለ ገብ ስታድየም በከፍተኛ ተነሳሽነትና በወታደራዊ ዲስፒሊን የስፖርት እንቅስቃሴ በጋራ አካሂደዋል።

የማስ ስፖርት እንቅስቃሴን ቀደም ሲል በሊጋባ አንደኛ ደሰጃ ትምህርት ቤት ሲካሄድ የነበረዉን የመማርና ማስተማር ሥራ ጋር ተያይዞ ተማሪዎችን እንዳይረብሽ በማሰብ ከወላይታ ዞን ወጣቶችና ስፖርት መምሪያ ጋር በመነጋገርና በሣምንት አንድ ቀን እንድፈቀድልን በማድረግ ወደ ወላይታ ሶዶ ሁለ ገብ ስታድየም እንዲዛወር ተደርጓል።

በማስ ስፖርት እንቅስቃሴዉ የተሳተፉ የፖሊስ አባላት ፖሊስ እንደመሆናችን መጠን የአካል ብቃታችንን የሚያጠነክርና ለተልዕኮ ዝግጁ የሚያደርገን ከመሆኑም በላይ በመካከላችን ያለዉን የእርስ በርስ ግንኙነት ያጠናክራል ብለዋል።

በማስ ስፖርት እንቅስቃሴዉ የወላይታ ዞን እና የሶዶ ከተማ ፖሊስ ማኔጅሜንት አካላት ተገኝተዋል።

በጀጎንነት መጠበቅ በሰብአዊነት ማገልገል

Address

South Ethiopia Wolaita Zone
Sodo

Website

Alerts

Be the first to know and let us send you an email when Wolaita Zone Police Department new posts news and promotions. Your email address will not be used for any other purpose, and you can unsubscribe at any time.

Shortcuts

Share

Category