12/10/2026
CUMMEMURAZIONE DI A BATTAGLIA DI U.BORGU :
i ringraziamenti di l’associu « U.Borgu è e so Battaglie »
L’associu U Borgu è e so Battaglie vole sprime a so più sincera ricunniscenza à tutti quelli chì anu participatu, da vicinu o da luntanu, à a riescita di st’edizione 2026 di A Battaglia di U Borgu.
Prima di tuttu, vulemu ringrazià di core u nostru cleru, è in particulare u prete Bertoni,.per sta messa magnifica celebrata in lingua corsa è per a benedizzione di a lastra di u ricordu. Ringraziemu dinù l’abbate Olivier Djido per u so sustegnu è, infine, u nostru
cardinale, Francescu Bustillo, chì ci hà fattu l’onore di a so presenza.
Siate dinù ringraziati per l’emuzione spartuta in sta stonda di fede è di tradizione
cristiana : a Cunfraterna Santa Croce di U Borgu è i cunfratelli ghjunti da e pieve
vicine, chì anu participatu à a messa nustrale è ci anu sustenutu ; i cantori, chì anu datu voce è anima à l’offiziu religiosu, inseme cù a corale di U Borgu.
Citeremu ancu i Naziunali, sempre prisenti à fiancu à noi, impegnati quì cum’è in tante altre occasioni di ritrovu à prò di a difesa è di a prumuzione di a nostra storia è di a nostra identità.
Vulemu ringrazià cù amicizia è ricunniscenza à Ghjuvan’Filippu Antolini per a so cunferenza storica rimarchevule è per u so spostu, chì ci hà permessu di cunnosce megliu — è cusì di tramandà — stu passu vitturiosu maiò di a memoria di stu populu,.tandu in lotta contr’à l’armate reali francesi.
Ammenteremu dinù l’aiutu di a cumuna di U Borgu, di u so merre, Jean Dominici, di u cunsigliu municipale è di tutti l’attori chì anu cuntribuitu à l’urganizazione è à a
riescita di st’avvenimentu.
Un ringraziamentu particulare à i cummercianti :
Thomas è Jean Mattei, per u vitellu
arrustitu ;
u caffè Sant’Appianu ;
u snack U Paisanu ;
a panatteria I Fratelli Angeli, per u pane è a so torta paisana.
Tutti anu participatu à a cunvivialità è à u piacè di sparte inseme sta bella ghjurnata.
Ringraziemu dinù A:
Jean Daniel “cortographique” per a cuncessione grafica, a creazione di l’affissi, è i so impegnu fraternu,
Alexandre Santerian per i so belli ritratti,
A Rosula, u Partitu di a Nazione Corsa è femu a Corsica, per a curona di fiori, simbulu.di rispettu è di ricunniscenza in memoria di quelli chì anu fattu a nostra storia.
Per compie, perchè una festa vale soprattuttu per a so dimensione pupulare, vulemu ringrazià tutti quelli chì anu rispostu à a nostra chjama è sò cullati in paese per sparte sti belli mumenti cun noi, in cumunione, è per celebrà issa vittoria storica.
Sta presenza numerosa palesa u vostru sustegnu, u vostru interessu è u vostru attaccamentu à e nostre radiche è dà un sensu prufondu à u nostru impegnu d’associu, in a so primura di fà di A Battaglia di U Borgu un ghjornu festivu, di più chè un ricordu di u passatu, ma un’occasione per i corsi di ritruvassi ingir’à a memoria viva è st’identità da tramandà di leve in purleve.
Inseme, cù fede, fratellanza è amore per a Corsica, femu campà a nostra storia !
À tutti è à tutte, di core, un immensu è sinceru ringraziamentu !
In memoria à Vincente è Petrucciu !!!
Evviva U Borgu !
Evviva u populu corsu !
U Borgu è e so Battaglie
