28/09/2026
Acte de vente du château de Cherveux
26 juin 1464 à Coulonges les Réaulx
******************
1/Sachent tous que comme noble dame Marguerite Darecourt vu la pièce
este coniointe par mariage avec feu noble et puissant seigneur messire Amory dEstissac
2/ chevalier en son vivant seigneur du lieu terre et seigneurie de Coulonges les Réaulx et tous ses droits et titres que de raison et coustumes de par les pouvoirs obvenus par succession de ses père et
3/ mère et lesquels aient este en leur mariage par bien longtemps sans aucunement j***r de la succession susdite obvenue à ladite dame par le décès de noble et puissant messire Girard
4/ Danrecourt en son vivant chevalier père de ladite dame au moyen des anglois anciens ennemys du royaume de France qui occuperent les parts de Normandie et du Maine lesquels par les biens
5/ immeubles de ladite succession sont situés et assis et lesquelles parts redeviennent en l’obeïssance du Roy notre sire noble et puissant Jehan et Jacques Darrecourt les enfants dudit feu et de dame Marie de Graville
6/ jadis sa femme et freres de ladite dame Marguerite se fussent …… ?……et boutés en et au dedans des terres et dont était mort ves…? et saisi ledit feu messire Girard Darrecourt et diceulxdits
7/ heritages en eussent print et perceu lesdits fruits prouffis et rentuité par bien longtemps à l’occasion de quoi ledit feu messire Amory d’Estissac à cause de ladite dame Marguerite Danrecourt voulant
8/ avoir la partie et portion de ladite succession obvenue à ladite dame par le décès et tresppas de son dit père ce fust ? par devers et à la personne desdits Jehan et Jacques darecourt auxquels il eust
9/ demande et requis qu’ils luy baillassent et assignassent la partie et porcion de ladite succecion à ladite dame obvenue par le décès de son père de quoy lesdits Jehan et Jacques Dairecourt eussent este
10/ outredisant et reffusant moyennant lesquels reffus plan et procès se fut et eust perdu par devant les seigneuries et terres la requête à rente pour le roi notre seigneur touchant ladite succecion entre
11/ ledit feu messire Amory et ladite dame Marguerite Darecourt jadis sa femme et à cause d’elle demandeur d’une part et lesdits Jehan et Jacques Danrecourt deffendeurs d’autre part pendent
12/ lequel procès lesdites parties chacune d’elles par l’advis et déliberation de plusieurs de leurs parents et amis fussent venus et chacun en appoinctement c’est assavoir que ladite dame Marguerite Darecourt
13/ et ledit seigneur d’Estissac par tant qu’il luy touche acause d’elle cedderent et transporterent auxdits jacques et Jehan Darcourt tout le droit de succecion appartenant à ladite dame Marguerite par le deces de
14/ sondit père et qui luy pouvait comporter et appartenir par le deces et trespas de ladite dame Marie de Graville sa mère moyennant la somme de mille sept cent escus dor laquelle somme que lesdits Jehan et
15/Jacques Dairecourt eussent promis et promesteront vendre a parties auxsusdits conioincts dedans un certain temps après ensuivant et auxquels les parts faisant ont este approuves envers lesdites parties que
16/ ladite somme de mille sept cent escus dor sera acquise pour et au prouffit de ladite dame Marguerite Darecourt lequel argent (trou papier) trouve requete à cause …. TROU ……. ….. de l’heritage de ladite dame pour
17/ en faire à son plaisir et volunte comme elle eust fait de l’heritage a elle obvenu des succecions de sesdits pere et mere et a ce fait la susdite somme oblige à tous et tous chacun leurs bien meubles et immeubles
18/ quelconques et ils sont ainsi que depuis ledit feu messire Amory d’Estissac de son bon gré et pour agréable volonté cognoissant et confessant les choses susdites estre vrayes et soit voulant acquitter
19/ ladite dame Marguerite sa femme en luy restituant son droit de l’heritage ou la valeur au mieulx a luy possible selon ladite somme de mille sept cents escus en laquelle somme lesdits Jehan et Jacques Darecourt
13/ et ledit seigneur d’Estissac par tant qu’il luy touche acause d’elle cedderent et transporterent auxdits jacques et Jehan Darcourt tout le droit de succecion appartenant à ladite dame Marguerite par le deces de
14/ sondit père et qui luy pouvait comporter et appartenir par le deces et trespas de ladite dame Marie de Graville sa mère moyennant la somme de mille sept cent escus dor laquelle somme que lesdits Jehan et
15/Jacques Dairecourt eussent promis et promesteront vendre a parties auxsusdits conioincts dedans un certain temps après ensuivant et auxquels les parts faisant ont este approuves envers lesdites parties que
16/ ladite somme de mille sept cent escus dor sera acquise pour et au prouffit de ladite dame Marguerite Darecourt lequel argent (trou papier) trouve requete à cause …. TROU ……. ….. de l’heritage de ladite dame pour
17/ en faire à son plaisir et volunte comme elle eust fait de l’heritage a elle obvenu des succecions de sesdits pere et mere et a ce fait la susdite somme oblige à tous et tous chacun leurs bien meubles et immeubles
18/ quelconques et ils sont ainsi que depuis ledit feu messire Amory d’Estissac de son bon gré et pour agréable volonté cognoissant et confessant les choses susdites estre vrayes et soit voulant acquitter
19/ ladite dame Marguerite sa femme en luy restituant son droit de l’heritage ou la valeur au mieulx a luy possible selon ladite somme de mille sept cents escus en laquelle somme lesdits Jehan et Jacques Darecourt
20/ autrefoy composerent avec lessusdits pour les causes susdites eust voulu consentir que la terre et seigneurie de Cherveulx avecque tout le droit de chastel chastellenie nouvellement acquise par
21/lesdits conioincts… dudit Seigneur de la Tremoille fust et demeurast perpetuellement a ladite dame Marguerite et ses freres et que ladite terre et seigneurie de Cherveux fust deslors tenue reputee et reste l’heritage
22/ et domaine de ladite dame Marguerite comme si elle lui était obvenue des succecions de sesdits pere et mere et en bien de ladite somme de mille sept cent escus et laquelle terre et seigneurie de Cherveulx
23/ ledit seigneur d’Estissac eust cedde et transporte a la dame Marguerite et ses freres et quy d’elle auront cause et luy en ont fait les cessions et transports a ce et convenables comment ces choses et plusieurs
24/ autres apparaissent et p… ?… appar ?…… par lestres autenticques furent faictes et passees lequel messire Amory d’Estissac soit alle de vie à trepassement delaissee la dite dame Marguerite Darecourt sa femme
25/ laquelle depuis est remariee en secondes nopces avecque noble et puissant seigneur Guyon de Puygirault escuier auxquels Guyon de Puygirault et dame Marguerite Darecourt a present sa femme a cause de ladite seigneurie
26/ de Cherveulx est appartenant et app … ?…quelconque comporte et appartient en propriété seigneurie par les titres et moyens dessus declarés A SCAVOIR EST que aujourd’hui en droict en la cour
27/ du Scel royal estably aux contracts à Niort pour le Roy notre Sire personnellement estably lesdits Guyon de Puygirault et dame Marguerite Darecourt a présent sa femme et jadis femme dudit feu Messire Amory d’Estissac
28/ icelle dame premièrement et avant tout veuve deuement espousee dudit escuier son seigneur quant à ce qui s’ensuit seront passer et accorder d’une part a noble et puissant seigneur Robert de Conigam escuier seigneur (sieur ?)de la Gilbertière
29/ et de Villeneufve d’autre part les parties susdites et chacune delle de leurs (certanite ?) fermete et sans avoir pu forcement ? ont confesse et publiquement recogneu avoir fait passe et accorde
30/ entre eulx les ventes cessions transport accords et convenances qui sensuivent c’est a scavoir ce que ledit seigneur de Puygirault et dame Marguerite Darcourt sa femme a cause delle et clauses que dessus et chacun deulx
31/ par tout qu’a chacun touche et peut appartenir ont vendu et octroye et par ces presentes leur vendent et octroyent à perpetuite pour eulx leurs heritiers et successeurs audit Robert de Conigam prenant retenant
32/ stipullant et acceptant pour luy et les siens et que deulx auront cause pour le prix et somme de six mille escus neufs du cours du Roy notre sire marc ? dorfin a prin ? a soixante et onze escus neufs et sept sols
33/ six deniers tournois en monnoie courante que le dit de Conigam a baille presentement par et en presence des notaires cy dessous nommes auxdits conioints vendeurs susdit en la manière quy sensuit scavoir est en seze cent
34/ quatorze escus neufs et soixante quatorze royaulx et onze cent francs en monnoye blanche de ce jour plus vesselle dargent comme coulpes tasses troys chaines dorfin une croix dor et deux flacons
35/ dargent dort estime le tout valoir jusqua ladite somme de six mille escus neufs comme ont confesse lesdits conioincts et du tout de laquelle somme de six mille escus neufs aussi baille et paye pour en et par la
36/ manière que dessus est déclare lesdits conioincts vendeurs susdits se sont tenus et tiennent par bien surtout et en ont quitte et quittent perpetuellement ledit Robert de Conigam achapteur susdit et les siens
37/ et qui d’eulx auront cause rentes et honneurs et couts de ces presentes lettres audit prix non compte les choses qui sensuivent C est assavoir les chastel chastellenie terres et seigneuries dudit lieu de
38/ Cherveulx avecque toutes et chacunes les appartenances, appendances et dependances quelconques desdites choses soient chastel chastellenie maison justice et juridiction haultes moyennes et basses m……… ? ?
39/ et tout ce qui soit pour despendre honnetete hommages prevoste sceaux establit a contracts prayes ? pasquites ? terres pres boys garennes plans de vigne cens rentes terrages et autres choses
40/ quelconques avecque ces noblesses et prerogatives des susdites choses qui du susdit conioinct a cause delle peuvent donner comporter et appartenir en quelque forme et manière que ce soit où
41/ puisse estre excepte retenu et referent desdites choses de Cherveux pour leritage susdit de ladite Marguerite et des sieurs susdits les terres pres pasturages de la Gaignerie de Cherveulx le Vieil tout aussi
42/ et par la manière que Jehan Bouschard este par ? ……………… naguere tenu et exploiter tant en terres labourables pres que pasturages qui sont des appartenances ou appendances
43/ dudit lieu de Cherveux laquelle Gaignerie de Cherveulx le Vieil est apportee desdites terres pres et pasturages lesdits conioincts vendeurs susdits seront tenus ont promis promettent pour eulx et les
44/ leurs et qui deulx auront cause tenu ?? dudit Robert de Conigam achapteur susdit et des siens et qui deulx auront cause dudit chastel chastellenie terres et seigneurie dudit Cherveulx a foy et
45/ hommage plain au devoir de quarante sols… ?... et de vingt sols des mutacions de seigneur et en bailler faire pour chacune desdites mutacions fief et advenu par escrit en forme et deuement valable
46/ sans avoir par lesdits conioincts et dites choses dicelle dite Gaignerie ny les appartenances susdites aucune justice ou juridiction fort seulement la basse justice et juridiction les deppendances dicelle tout ainsi
47/ que l’acoustement …?..............................Scavoir tenu posseder et exploiter lesdites choses dessus vendues audit Robert de Conigam achapteur susdit et des siens et qui deulx aura
48/ cause… ?... perpetuellement purement paisiblement franchement quietement et de plain droit par le titre susdit et ont cedde transporté ceddent et transportent lesdits Guyon de Puigirault
49/ et dame Marguerite Darecourt sa femme vendeurs susdits et … ? toute de luy audit Robert de Conigam achapteur susdit et les siens et qui deulx aura cause ladite seigneurie et chastellenie de
50/ Cherveulx avecque toutes et chacunes ses appartenances appendences et deppendences quelconques ensemble et tous et chacuns les droits nom raisons actions faisant seigneurie propriete possecions et autres droicts
52/ seulement ladite Gaignerie de Cherveulx le Vieil avec ses appartenances de terres labourables pres et pasturages avec la dite justice et juridiction basse cour par-dessus est dit et dites choses vendues
53/ se sont lesdits conioincts……… ?… et dessaisis et en ont fait et institue ledit achapteur vray seigneur et ? en faisant et ... ?,..par possession corporelle par la dation et octroy de ces presentes lettres et en ont promis et promettent
54/ lesdits Guyon de Puygirault et dame Marguerite Darecourt à cause delle et … ?...toute de luy vendeurs susdit pour eulx leurs heritiers et successeurs par les foys et serments de leur corps et soubs
55/ l’obligacion de tous et chacun leurs biens meubles et immeubles quelconques presents et a venir fait audit Robert de Conigam achapteur susdit et aux siens et qui deulx auront cause bon loyal et perpétuel garand
56/vers et envers tous et tous empechemens surtout alienacions obligacions perturbacions quelconques aux charges et devoirs deux ? par-dessus danciennete ? tant seulement et ont promis pour eulx
57/ et les leurs susdits fait audit Robert achapteur susdit et aux siens qui deulx auront cause lesdits foy et hommages plains pour raison de ladite Garnerie de Cherveulx le Vieil et de sesdites appartenances et pour lesdits
58/ quarante sols de devoir a chaque mutacion … ?... ? et lesdits 20 sols de ? a chaque mutacion de seigneur et bailler et ( trou papier) et en la même accoustumance fief advenu et … ?...
59/ ligne de pliure taches et trou……………………………………………………………………….
60/ despends justice et dommages qui seront………. … ? par deffauts des garnitures parements et accomplissement des choses susdites……..au simple …… ? du compleignant sans avoir
61/ preuve Et cette vente avecque tout le contenu en ces presentes lettres fra… ?… entendu fermement tenu garder et accomplir perpetuellement sans jamais ne dire ne venir en contre par cas qui soit
62/ ou advegne en renoncant sur ce a toutes et chacune les preceptions ? de deceptcions causees sans raison…… ? allegations et oppositions quelqconques tant de droit que de fait par lesquesls on pourroit se dire
63/ ou venir contre la teneur et effect de ces presentes lettres…………………………………et au droit…………….non valoir et mesurer……………….non audit but
64/ non eut et non receut et a toute action de repeticion dicelle et en oultre ladite dame pour foy a la loy… ?... de fond dotal et en tout signe………………………… ?.............et avons autre droit introduit…………………………….
65/ de femme et pour celles en tesmoignage desquelles choses nous le garde du Scel susdit iceluy a ces présentes lettres ou generallement doublees ..?? avons mis et appose a la finale …? relation des notaires cy dessous nommés
66/ a la requeste et supplication desdits conioincts vendeurs susdits lesquels et chacun partant que chacun touche ont este de leur consentement et volunté juges et condempnes sur tous et chacuns les
67/ choses dessus dites par le jugement de la cour du Scel à la juridiccion…… ?cion et impulcion de laquelle ont lesdits conioincts vendeurs susdits et meme ladite dame a cause delle ont soubzmis ( soubzigne ?) et suppose
68/ eulx et les leurs susdits et tous et chacun leurs biens sans advoir dautre court quant a ce Donne fait et passe audit lieu de Coulonges le vingtsixieme du moys de Juing lan mil quatre cent soixante et quatre
NB : au dos de ce document quelques lignes d’une autre écriture.
Lettre par laquelle appert que Guion de Puygirault et dame margarite Dairecourt sa femme vendirent a noble home Robert de Conygam la terre et seigneurie de Cherveulx 26 juin 1464
Niort le 12-01-2026
II y a donc 562 ans de cela…
MMG
