Ambassade Royale du Cambodge en France

នាឱកាសនៃការអញ្ជើញមកដល់របស់ប្រតិភូកម្ពុជា ដើម្បីចូលរួមព្រឹត្តិការណ៍កីឡាអូឡាំពិក រដូវក្តៅលើកទី៣៣ ឆ្នាំ២០២៤ នៅទីក្រុងប៉ារីស ប្រទេសបារាំង ពីថ្ងៃទី២៦ ខែកក្កដា ដល់ថ្ងៃទី១១ ខែសីហានេះ ឯកឧត្តម លុយ ដាវីត ឯកអគ្គរាជទូតកម្ពុជាប្រចាំសាធារណរដ្ឋបារាំង បានទទួលស្វាគមន៍ប្រតិភូកម្ពុជា ដោយរៀបចំជាអាហារសាមគ្គីនៅនិវេសនដ្ឋានរបស់ឯកឧត្តម នៅរសៀលថ្ងៃទី២៤ ខែកក្កដា ឆ្នាំ២០២៤នេះ។ កម្មវិធីនេះបានប្រព្រឹត្តទៅក្រោមបរិយាកាសដ៏កក់ក្តៅជាមហាគ្រួសារខ្មែរ ក្រោមអធិបតីភាពរបស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា និងជាតំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងព្រឹត្តិការណ៍កីឡានេះ និងឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា។

សម្រាប់ព្រឹត្តិការណ៍អូឡាំពិកនេះ កម្ពុជាមានកីឡាករចំនួន ៣ រូបសម្រាប់ចូលរួមពីរវិញ្ញាសាគឺ ១. វិញ្ញាសាហែលទឹក ៥០០ ម៉ែត្រ និង១០០ ម៉ែត្រ ៖ កីឡាករកូនកាត់ខ្មែរ-បារាំង កូសុង ដឺ ឡាប៉ារ៉ង់ ឣង់ត្វ័ន ម៉ាតាំង ក្លូឌ និងកីឡាការិនីខ្មែរ-អាមេរិក សាក់ប៊ុន ឣប្សរា កាតារីណា ២. វិញ្ញាសាអត្តពលកម្មចម្ងាយ ៨០០ ម៉ែត្រ គឺ កីឡាករដែលជាម្ចាស់មេដាយមាសស៊ីហ្គេម ឈុន ប៊ុនថន។

កម្ពុជាបានចូលរួមចលនាអូឡាំពិកនៅឆ្នាំ១៩៧២ និងបានខកខានឱកាសចូលរួមចាប់តាំងពីឆ្នាំ១៩៧៥ ដោយសារសង្គ្រាមស៊ីវិល។ រហូតដល់ឆ្នាំ១៩៩៦ ទើបកម្ពុជាមានឱកាសចូលរួមឡើងវិញក្នុងព្រឹត្តិការណ៍កីឡានេះនៅសហរដ្ឋអាមេរិក។ ក្រៅពីវិញ្ញាសាហែលទឹក និងអត្តពលកម្ម កម្ពុជាមានកីឡាប្រកបដោយសក្តានុពលកម្រិតពិភពលោកផ្សេងទៀតដូចជា កីឡាប៉េតង់ និងតៃក្វាន់ដូជាដើម។

មានប្រទេសចំនួន ២០៦ នៅលើពិភពលោកនឹងចូលរួមក្នុងព្រឹត្តិការណ៍កីឡានេះ។ កម្ពុជា ពិតមែនថាជាប្រទេសតូច ប៉ុន្តែថ្នាក់ដឹកនាំ ពិសេសសម្តេចបវរធិបតី នាយករដ្ឋមន្រ្តី ក៏ដូចជាកីឡាករកម្ពុជា នៅតែបន្តខិតខំលើកស្ទួយគុណតម្លៃ និងភាពស្មើមុខស្មើមាត់របស់កម្ពុជាលើឆាកអន្តរជាតិ រួមទាំងក្នុងវិស័យកីឡាផងដែរ។ សម្រាប់ការចូលរួមព្រឹត្តិការណ៍នៅទីក្រុងប៉ារីសនេះ កម្ពុជានឹងទទួលបានបទពិសោធន៍ថ្មីៗបន្ថែមទៀតលើផ្នែកបច្ចេកទេសកីឡា និងការរៀបចំព្រឹត្តិការណ៍កម្រិតពិភពលោក៕

នៅថ្ងៃទី២៧ ខែឧសភា ឆ្នាំ២០២៤ ឯកឧត្តម លុយ ដាវីត ឯកអគ្គរាជទូតកម្ពុជាប្រចាំសាធារណរដ្ឋបារាំង បានរៀបចំអាហារការងារជូនលោកជំទាវ ល្វីស មូសុីគីវ៉ាបូ (Louise MUSHIKIWABO) អគ្គលេខាធិកាហ្វ្រង់កូហ្វូនី នៅនិវេសនដ្ឋានឯកអគ្គរាជទូត។

ក្នុងឱកាសនោះ ឯកឧត្តមឯកអគ្គរាជទូតបានថ្លែងអំណរគុណដល់លោកជំទាវអគ្គលេខាធិការ ចំពោះការស្វាគមន៍យ៉ាងកក់ក្តៅដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នាឱកាសទស្សនកិច្ចផ្លូវការរបស់សម្តេចធិបតី នៅប្រទេសបារាំង កាលពីខែមករា ឆ្នាំ២០២៤ កន្លងទៅនេះ។

ឯកឧត្តមឯកអគ្គរាជទូត និងលោកជំទាវអគ្គលេខាធិការ បានផ្តោតការពិភាក្សា លើដំណើរការនៃការរៀបចំរបស់កម្ពុជាក្នុងការធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូូនីលើកទី២០ នៅឆ្នាំ២០២៦ ដែលការសម្រេច នឹងប្រព្រឹត្តទៅនាឱកាសកិច្ចប្រជុំកំពូលហ្វ្រង់កូហ្វូនី លើកទី១៩ នៅខែតុលា ឆ្នាំ២០២៤ នៅទីក្រុងប៉ារីស។ លោកជំទាវអគ្គលេខាធិការបានកោតសសើរចំពោះភាពសកម្មរបស់កម្ពុជា នៅក្នុងអង្គការអន្តរជាតិហ្រ្វង់កូហ្វូនី (Organisation International de la Francophonie: OIF) ដែលមានព្រះករុណា ព្រះបរមរតនកោដ្ឋ ជាបិតាស្ថាបនិកមួយអង្គនៃអង្គការនេះ។ ក្នុងករណីបេក្ខភាពរបស់កម្ពុជាត្រូវបានសម្រេចឲ្យធ្វើជាម្ចាស់ផ្ទះរៀបចំកិច្ចប្រជុំកំពូល នោះអង្គការ OIF នឹងត្រៀមលក្ខណ:ផ្តល់កិច្ចសហប្រតិបត្តិការរៀបចំកិច្ចប្រជុំនេះឲ្យបានជោគជ័យ។ នេះជាឱកាសដ៏ពិសេសរបស់កម្ពុជា ក្នុងការរៀបចំកិច្ចប្រជុំកំពូលដ៏ធំ ដែលមានសមាជិកចំនួន៨៨ប្រទេស ពីទ្វីបទាំងប្រាំចូលរួម។

នៅថ្ងៃសៅរ៍ទី១៣ ខែមេសា ឆ្នាំ២០២៤ ស្ថានឯកអគ្គរាជទូតកម្ពុជានៅទីក្រុងប៉ារីស បានរៀបចំកម្មវិធីអបអរសាទរបុណ្យចូលឆ្នាំប្រពៃណីជាតិខ្មែរ ដោយមានការអញ្ជើញចូលរួមរបស់បងប្អូនប្រជាពលរដ្ឋខ្មែរ និងបារាំង យ៉ាងច្រើនកុះករ។ នៅពេលព្រឹក ស្ថានទូតបានរៀបចំកម្មវិធីសូត្រមន្តតាមប្រពៃណីព្រះពុទ្ធសាសនានៅនិវេសនដ្ឋានឯកអគ្គរាជទូត Ave. Charles Floquet ដោយមានការចូលរួមពីបងប្អូនអ្នកមុខអ្នកការ ប្រមាណ ១០០ នាក់ រីឯនៅពេលរសៀលថ្ងៃដដែល ស្ថានទូតបានរៀបចំកម្មវិធីជប់លៀង ដោយមានការចូលរួមរបស់អភិបាលក្រុង Lognes, Bussy Saint Georges, Noisiel និង Croissy Beaubourg រួមទាំងបងប្អូនសហគមន៍ខ្មែរយើងដែលរស់នៅក្នុងតំបន់ Ile de France និងពីតាមបណ្តាខេត្ត រួមមាន Toulouse, Lile និងពីខាងភូមិភាគឥសាន្ត សរុបប្រមាណជាង ៧០០ នាក់ នៅសាល du Citoyen នៃសង្កាត់ Lognes។
ឆ្លៀងក្នុងឱកាសនៃបុណ្យចូលឆ្នាំប្រពៃណីខ្មែរ ឆ្នាំរោង ឆស័ក ព.ស.២០៦៧ ស្ថានឯកអគ្គរាជទូតកម្ពុជាប្រចាំសាធារណរដ្ឋបារាំង សូមបួងសួងដល់ទេព្តាឆ្នាំថ្មី យាងប្រោះព្រំពរជ័យ សិរីមង្គម វិបុលសុខមហាប្រសើរ គោរពជូនដល់ថ្នាក់ដឹកនាំទាំងអស់របស់ព្រះរាជណាចក្រកម្ពុជា និងបង-ប្អូនជនរួមជាតិទាំងនៅប្រទេសបារាំង និងនៅកម្ពុជា សូមប្រកបដោយពុទ្ធពរទាំង ៤ ប្រការគឺអាយុ វណ្ណៈ សុខៈពលៈ កុំបីឃ្លៀងឃ្លាតឡើយ។

នៅថ្ងៃទី ១៥ ខែមីនា ឆ្នាំ ២០២៤ ឯកឧត្តម លុយ ដាវីត បានជូនសាតាំងចំពោះឯកឧត្តម ម៉ុងសែងញ៉រ ចូអាន-អង់រិក វីវ អ៊ី ស៊ីស៊ីលីយ៉ា (Monseigneur Joan Enric Vives I Sicília) សហក្សត្រអង់ដ័រ តែងតាំងឯកឧត្តម ជាឯកអគ្គរាជទូតវិសមញ្ញ និងពេញសមត្ថភាព នៃព្រះរាជាណាចក្រកម្ពុជាប្រចាំបូរីក្សត្រអង់ដ័រ។

បូរីក្សត្រអង់ដ័រគ្រប់គ្រងដោយសហក្សត្រពីររូបគឺ ម៉ុងសែងញ៉រ ចូចូអាន-អង់រិក វីវ អ៊ី ស៊ីស៊ីលីយ៉ា (Monseigneur Joan Enric Vives I Sicília) នៃប្រទេសអេស្ប៉ាញ និង ឯកឧត្តម អេម៉ានុយអែល ម៉ាក្រុង (Emmanuel Macron) ដែលជាប្រធានាធិបតីនៃសាធារណរដ្ឋបារាំង។

On 15 March 2024, His Excellency Mr. LUY David presented his letters of credence to His Excellency Monseigneur Joan Enric Vives I Sicília, Co-Prince of Andorra, appointing him as the Ambassador Extraordinary and Plenipotentiary of the Kingdom of Cambodia to the Principality of Andorra.

តបតាមការអញ្ជើញរបស់លោកជំទាវ Yaël BRAUN-PIVET ប្រធានរដ្ឋសភាបារាំង សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា បានមកទស្សនកិច្ចនៅប្រទេសបារាំងពីថ្ងៃទី៣ ដល់ថ្ងៃទី១០ ខែមីនា ឆ្នាំ២០២៤ ដើម្បីចូលរួមក្នុងកិច្ចប្រជុំកំពូលប្រធានរដ្ឋសភាជាស្រ្តី។
ក្នុងឱកាសទស្សនកិច្ចនេះ សម្តេចប្រធានរដ្ឋសភាបានជួបពិភាក្សាការងារជាមួយលោកជំទាវ Yaël BRAUN-PIVETប្រធានរដ្ឋសភាបារាំង។ សម្តេចបានលើកឡើងពីវឌ្ឍនភាពយ៉ាងឆាប់រហ័សនៃសេដ្ឋកិច្ច-សង្គមកម្ពុជា ដោយសង្កត់ធ្ងន់ថា ការរីកចម្រើននេះក៏ព្រោះតែការផ្តល់ជំនួយគាំទ្រជាបន្តបន្ទាប់របស់បារាំងដល់កម្ពុជាលើវិស័យជាច្រើនចាប់តាំងពីឆ្នាំ១៩៩១មក។
ទន្ទឹមនឹងនេះ កិច្ចប្រជុំទ្វេភាគីផ្សេងទៀតក៏ត្រូវបានធ្វើឡើងផងដែរររវាងសម្តេចប្រធានរដ្ឋសភា និងប្រធានរដ្ឋសភានៃបណ្តាប្រទេសផ្សេងៗដូចជា លោកជំទាវ Bärbel BASS ប្រធានសភា Bundestag នៃសាធារណរដ្ឋសហព័ន្ធអាល្លឺម៉ង់, លោកជំទាវ Puan MAHARANI ប្រធានសភាតំណាងរាស្រ្តនៃសាធារណរដ្ឋឥណ្ឌូនេស៊ី និងលោកជំទាវ Tulia ACKSON ប្រធានរដ្ឋសភានៃសាធារណរដ្ឋតង់ហ្សានី និងជាប្រធានសហភាពអន្តរសភា៕

A l’invitation de la Présidente de l’Assemblée nationale française, Mme Yaël BRAUN-PIVET, Samdech Moha Rathsapheathika Thipadei KHUON Sudary, Présidente de l’Assemblée nationale du Cambodge, s’est rendue en France du 3 au 10 mars 2024 pour participer au Sommet des Présidentes d’Assemblée.
Au cours de sa visite, elle s’est entretenue avec Mme Yaël BRAUN-PIVET, Présidente de l’Assemblée nationale française. Elle l’a informée du développement rapide du la socio-économie cambodgienne, en soulignant que ce progrès est étroitement lié au soutien continu de la France dans divers domaines depuis 1991.
D’autres rencontres bilatérales ont également eu lieu entre Samdech la Présidente et les Présidentes de différentes Assemblée nationales, à savoir Mme Bärbel BASS, Présidente du Bundestag de la République fédérale d’Allemagne, Mme Puan MAHARANI, Présidente de la Chambre des représentants de la République d’Indonésie, et Mme Tulia ACKSON, Présidente de l'Assemblée nationale de la République de Tanzanie et Présidente de l'Union interparlementaire.

នៅថ្ងៃទី ៥ ខែមីនា នេះ ក្នុងជំនួបជាមួយលោកជំទាវ ល្វីស មូស៊ីគីវ៉ាបូ (Louise MUSHIKIWABO) អគ្គលេខាធិការហ្វ្រង់កូហ្វូនី ឯកឧត្តម លុយ ដាវីត ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជា ណាចក្រកម្ពុជាប្រចាំប្រទេសបារាំង បានប្រគល់ជូនលោកជំទាវអគ្គលេខាធិការ នូវលិខិតតែងតាំងផ្លូវការ ក្នុងនាមជាតំណាងផ្ទាល់នៃប្រទេសកម្ពុជាប្រចាំក្រុមប្រឹក្សាអចិន្ត្រៃយ៍ហ្វ្រង់កូហ្វូនី (CPF) ។

ក្នុងនាមជាប្រទេសមួយ ក្នុងចំណោមប្រទេសសមាជិកស្ថាបនិកនៃអង្គការនេះ កម្ពុជាបាននិងកំពុងផ្តោតការយកចិត្តទុកដាក់យ៉ាងខ្លាំងចំពោះការលើកកម្ពស់ភាសាបារាំង តាមរយៈអង្គការអន្តរជាតិហ្វ្រង់កូហ្វូនី (OIF)។ កម្ពុជាក៏សូមថ្លែងអំណរគុណដល់អង្គការ OIF ដែលបានគាំទ្របេក្ខភាពកម្ពុជា ដើម្បីធ្វើជាប្រទេសម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី ២០ នៅឆ្នាំ ២០២៦ ខាងមុខ ។

នោះគឺជាឱកាសដ៏ល្អមួយសម្រាប់កម្ពុជា ក្នុងការបន្តកិច្ចខិតខំប្រឹងប្រែងរបស់ខ្លួន ដើម្បីលើកកម្ពស់គុណតម្លៃហ្វ្រង់កូហ្វូនី ជាពិសេសនៅក្នុងតំបន់អាស៊ីប៉ាស៊ីហ្វិក ក៏ដូចជាសម្រាប់ការពង្រឹងបន្ថែមទៀតនូវកិច្ចសហប្រតិបត្តិការវប្បធម៌ និងសេដ្ឋកិច្ចរបស់ខ្លួនជាមួយបណ្តាប្រទេសជាសមាជិកនៃអង្គការអន្តរជាតិហ្វ្រង់កូហ្វូនី (OIF) ។

- អង្គការអន្តរជាតិហ្វ្រង់កូហ្វូនី (OIF) គឺជាអង្គការអន្តររដ្ឋាភិបាលមួយដែលមានប្រទេស (ប្រើប្រាស់ភាសាបារាំង) ចំនួន ៨៨ ជាសមាជិក : ៥៤ប្រទេស ជាសមាជិកពេញសិទ្ធិ- ៧ប្រទេស ជាសមាជិកមិនពេញសិទ្ធិ និង ២៧ប្រទេស ជាសមាជិកសង្កេតការណ៍ ។

Lors de l’entretien avec Madame Louise MUSHIKIWABO, Secrétaire Générale de la Francophonie qui s’est tenu aujourd’hui, 5 mars 2024, S.E. M. LUY David, Ambassadeur Extraordinaire et Plénipotentiaire du Royaume du Cambodge en France, a présenté sa lettre officielle de nomination en tant que Représentant personnel du Cambodge auprès du Conseil permanent de la Francophonie (CPF).

En tant que l'un des pays membres fondateurs de cette organisation, le Cambodge accorde une grande importance à la promotion de la langue française à travers l'Organisation Internationale de la Francophonie (OIF).

Le Cambodge souhaite réitérer sa détermination et ses motivations pour sa candidature en tant que pays hôte à l’organisation du XXe Sommet de la Francophonie en 2026, et remercie l’OIF pour son soutien à cette candidature.

Ce serait une bonne opportunité pour le Cambodge de continuer ses efforts pour promouvoir les valeurs de la Francophonie, en particulier dans la région Asie-Pacifique, ainsi que pour renforcer davantage ses coopérations culturelles et économiques avec les pays membres de l’OIF.

- L’OIF compte 88 États et gouvernements : 54 membres, 7 membres associés et 27 observateurs.

*******

ក្នុងពិធីមួយនៅវិមាន Élysée កាលពីថ្ងៃទី២៩ ខែកុម្ភៈ ឆ្នាំ២០២៤នេះ ឯកឧត្តម លុយ ដាវីត បានប្រគល់សារតាំងជូនឯកឧត្តម Emmanuel Macron ប្រធានាធិបតីនៃសាធារណរដ្ឋបារាំងតែងតាំងឯកឧត្តមជាឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំសាធារណរដ្ឋបារាំង ។

នាឱកាសនោះ ឯកឧត្តមឯកអគ្គរាជទូតបានជួបសន្ទនាខ្លីជាមួយឯកឧត្តមប្រធានាធិបតី ដោយបានលើកឡើងពីវឌ្ឍនភាពនៃកិច្ចសហប្រតិបត្តិការរវាងកម្ពុជា និងបារាំង ដែលត្រូវបានលើកកម្ពស់ដល់កម្រិត «ភាពជាដៃគូយុទ្ធសាស្រ្ត»។ ឯកឧត្តមក៏បានថ្លែងអំណរគុណដល់ប្រទេសបារាំងផងដែរ ដែលបានទទួលស្វាគមន៍ទស្សនកិច្ចរបស់ឥស្សរជនកំពូលកម្ពុជាដល់ទៅបីរូប ក្នុងរយៈពេលតែ១៣ខែ រួមមាន ទស្សនកិច្ចការងាររបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានក្រុមប្រឹក្សាផ្ទាល់អង្គព្រះមហាក្សត្រ កាលពីខែធ្នូ ឆ្នាំ២០២២ ព្រះរាជទស្សនកិច្ចផ្លូវការរបស់ព្រះករុណា ព្រះមហាក្សត្រ នរោត្តម សីហមុនី នាខែវិច្ឆិកា ឆ្នាំ២០២៣ និងទស្សនកិច្ចផ្លូវការរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា កាលពីខែមករា ឆ្នាំ២០២៤។

Le 29 février 2024, lors d'une cérémonie organisée au Palais de l'Élysée, Son Excellence Monsieur LUY David a présenté ses lettres de créance à Son Excellence Monsieur Emmanuel Macron, Président de la République Française, l'accréditant ainsi en tant qu'Ambassadeur Extraordinaire et Plénipotentiaire du Royaume du Cambodge auprès de la République française. Durant cette rencontre, Son Excellence l’Ambassadeur a eu un bref échange avec le Président Macron, lors duquel ils se sont félicités des avancées réalisées par le Cambodge et la France dans leur coopération, désormais élevée au rang de « partenariat stratégique ».

L’Ambassadeur a également exprimé sa gratitude pour l'accueil des visites de haut niveau sur une période de treize mois, incluant la visite de travail en décembre 2022 de Samdech Techo HUN Sen, ancien Premier Ministre et actuel Président du Conseil privé suprême du Roi, la visite officielle en novembre 2023 de Sa Majesté NORODOM Sihamoni, Roi du Cambodge, ainsi que la visite officielle en janvier 2024 de Samdech Moha Borvor Thipadei HUN Manet, Premier Ministre.

ៅព្រឹកថ្ងៃទី១៥ ខែកុម្ភៈ ឆ្នាំ២០២៤ ឯកឧត្តម លុយ ដាវីត ឯកអគ្គរាជទូតកម្ពុជាប្រចាំសាធារណរដ្ឋបារាំង បានជួបពិភាក្សាការងារជាមួយលោកស្រី Ariane TRICHON ទីប្រឹក្សាការទូត របស់លោកជំទាវ Yaël Braun-Pivet ប្រធានរដ្ឋសភានៃសាធារណរដ្ឋបារាំង ដើម្បីត្រៀមលក្ខណៈសម្រាប់ទទួលដំណើរទស្សនៈកិច្ចរបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា ក្នុងការចូលរួមកិច្ចប្រជុំកំពូលប្រធានរដ្ឋសភាជាស្ត្រីដែលគ្រោងធ្វើនៅថ្ងៃទី ៦ - ៧ ខែមីនាឆ្នាំ ២០២៤ នៅទីក្រុងប៉ារីស។

In the morning of 15 February 2024, H.E. LUY David, Ambassador of Cambodia to France, held a discussion with Mme Ariane TRICHON, Diplomatic Adviser to Madam Yaël Braun-Pivet, President of the National Assembly of France, regarding the preparations for the upcoming visit of Samdech Moha Rathsaphea thika Thipadei KHUON Sudary, President of the National Assembly of Cambodia, and her participation in the Women Speakers’ Summit scheduled for 6th and 7th March 2024 in Paris.

🇰🇭🇫🇷

កាលពីថ្ងៃទី១៥ ខែកុម្ភៈ ឆ្នាំ២០២៤ ឯកឧត្តម លុយ ដាវីត ឯកអគ្គរាជទូតកម្ពុជាប្រចាំសាធារណរដ្ឋបារាំង បានទទួលជួបលោក Édouard Cointreau អនុប្រធានកម្មវិធី Gourmand International និងលោក Pierre Sanner ប្រធានបេសកកម្មបារាំងសម្រាប់បេតិកភណ្ឌ និងវប្បធម៌អាហារ នៅនិវេសនដ្ឋានរបស់ឯកឧត្តម។

ជំនួបពិភាក្សាបានផ្តោតលើប្រធានបទស្តីពីឱកាសសម្រាប់ម្ហូបអាហាររបស់កម្ពុជាក្នុងមហោស្រព Festival des Mets et des Mots ដែលគ្រោងនឹងប្រព្រឹត្តទៅចាប់ពីថ្ងៃទី១៩ ដល់ថ្ងៃទី២១ ខែ
មេសា ឆ្នាំ២០២៤ នៅ Cité Internationale de la Langue Française, Château de Villers-Cotterets ។ ការចូលរួមក្នុងមហោស្រពនេះ នឹងក្លាយជាឱកាសមួយដើម្បីបង្ហាញពីភាពសម្បូរបែបនៃ
វប្បធម៌ម្ហូបអាហាររបស់កម្ពុជា!

Le 15 février 2024, Son Excellence M. LUY David, Ambassadeur du Cambodge en France, a eu le plaisir d’accueillir à sa résidence Monsieur Édouard Cointreau, Vice-Président du Gourmand International, et Monsieur Pierre Sanner, directeur de la Mission Française du Patrimoine et des Cultures Alimentaires.

Ils ont discuté des opportunités pour la gastronomie cambodgienne lors du prochain Festival des Mets et des Mots, prévu du 19 au 21 avril 2024, à la Cité Internationale de la Langue Française, au Château de Villers-Cotterets. La participation du Cambodge à ce Festival sera l’occasion de mettre en lumière la richesse de sa culture culinaire !

កាលពីថ្ងៃទី១២ ខែកុម្ភៈ ឆ្នាំ២០២៤កន្លងទៅនេះ ឯកឧត្តម លុយ ដាវីត ឯកអគ្គរាជទូតកម្ពុជាប្រចាំសាធារណរដ្ឋបារាំង បានផ្សព្វផ្សាយពីមុខម្ហូបខ្មែរដល់ភាគីប្រទេសជាមិត្ត ដោយបានអញ្ជើញឯកឧត្តម Hadrien GHOMI តំណាងរាស្រ្តតំបន់ Seine-et-Marne និងជាអនុប្រធានក្រុមមិត្តភាពរដ្ឋសភាកម្ពុជា-បារាំង និងអភិបាលក្រុងបារាំងរួមមាន អភិបាលក្រុង Bussy Saint Georges, Logne, Noisiel និង Croissy Beaubourg ចូលរួមកម្មវិធីអាហារពេលល្ងាច និងភ្លក់ម្ហូបខ្មែរនៅនិវេសនដ្ឋានឯកអគ្គរាជទូត។

ក្រៅពីគោលដៅផ្សព្វផ្សាយម្ហូបខ្មែរក្នុងសៀវភៅ «កេរដំណែលស្នាដៃម្ហូបខ្មែរ» (The Taste of Angkor) ដែលបានឈ្នះជ័យលាភីជាសៀវភៅអាស៊ីល្អជាងគេ (Best Asian Cuisine Book) ក្នុងការប្រកួតរង្វាន់ Gourmand World Cookbook Awards ប្រចាំឆ្នាំ២០២១ នៅទីក្រុងប៉ារីស កម្មវិធីអាហារពេលល្ងាចនេះធ្វើឡើងក្នុងបំណងពង្រឹងទំនាក់ទំនងជាមួយអាជ្ញាធរបារាំងនៅ Seine-et-Marne ជាទីដែលមានសហគមន៍ពលរដ្ឋខ្មែររស់នៅច្រើនក្នុងតំបន់ Île-de-France ។

*******

On 12 February 2024, H.E. Luy David, Ambassador of Cambodia to France, showcased Khmer cuisine to distinguished guests by hosting a dinner at his residence for H.E. Hadrien Ghomi, Member of Parliament for the Seine-et-Marne department and Vice-President of the Cambodia-France Friendship Group at the National Assembly, along with the Governors of Bussy Saint Georges, Lognes, Noisiel, and Croissy-Beaubourg. The event, featuring a tasting of Khmer dishes, aimed not only to promote "The Taste of Angkor," a cookbook celebrated as the Best Asian Cuisine Book at the 2021 Gourmand World Cookbook Awards in Paris, but also to strengthen connections with officials in Seine-et-Marne, a region with a significant Cambodian diaspora in Île-de-France.

Le 12 février 2024, Son Excellence Luy David, Ambassadeur du Cambodge en France, a présenté la cuisine khmère aux invités distingués en invitant S.E. Hadrien GHOMI, député de Seine-et-Marne et Vice-Président du groupe d'amitié Cambodge-France à l'Assemblée nationale, ainsi que les Maires de Bussy Saint Georges, Lognes, Noisiel, et Croissy-Beaubourg, à un dîner et une dégustation de plats khmers dans sa résidence.

L’évènement visait non seulement à promouvoir la cuisine khmère à travers le livre "The Taste of Angkor", qui a remporté le prix du meilleur livre de cuisine asiatique au Gourmand World Cookbook Awards 2021 à Paris, mais aussi à renforcer les relations avec les autorités de Seine-et-Marne, un département accueillant une communauté cambodgienne significative en Île-de-France.

*******