ژووری ڕەوەندی کوردی Kurdish diaspora chamber

وەفدی بزوتنەوەی گۆڕان بۆ وەزیری دەرەوەی عێراق:
🔴 بەهێزی کورد لە بەغدا و کاری پێکەوەیی سەرجەم لایەنە کوردییەکان دەبێتە مایەی مسۆگەرکردن و گەرەنتیکردنی سەرکەوتنی پرۆسەی سیاسی لە عێراق و هەرێمی کوردستانیش.

رونکردنەوەیەک لە بزوتنەوەی گۆڕانەوە

کەناڵەکانی ڕوداو، ئاڤا و کوردستان24، ماوەیەکە (بە هۆ و بێ هۆ!) زانیاری هەڵە و ناڕاست لەسەر هەڵوێستی بزوتنەوەی گۆڕان بۆ هاوپەیمانێتی بڵاودەکەنەوە.
لێرەوە ڕایدەگەیەنین، تائێستا هیچ لایەنێک دەستپێشخەری بۆ هاوپەیمانێتی بۆ نەکردوین. هەڵوێستی ئێمەش لەوبارەیەوە ڕوونە، کە لەگەڵ کاراکردنەوەی پەرلەمانی کوردستانین هاوشانی هەمو لایەنە سیاسیەکانی هەرێم.

بزوتنەوەی گۆڕان
٣ی ٦ی ٢٠٢٦

وەفدێکی بزوتنەوەی گۆڕان لە بەغدا سەردانی خالید شوانی وەزیری دادی عێراقیان کرد

بزووتنەوەی گۆڕان بەمەبەستی بەدواداچوونی ورد بۆ جێبەجێکردنی ڕاسپاردە و بڕیارەکانی کۆنفرانسی نیشتمانی لە شاری هەولێر کۆبوونەوەیەکی ئەنجام دا

دانا ئەحمەد مەجید، ڕێکخەری گشتیی بزووتنەوەی گۆڕان، سەردانی مام فارس، کەسایەتیی دیاری بزووتنەوەکەی کرد لە گوندی مورتکە سەر بە قەزای دەشتی هەولێر.

سەردانەکەی ڕێکخەری گشتیی بزووتنەوەی گۆڕان و ژمارەیەک لە هاوڕێیانی بەمەبەستی هەواڵپرسین و لەنزیکەوە ئاگاداربوون بوو لە ڕەوشی تەندروستیی مام فارس، کە ماوەیەکە بەهۆی نەخۆشییەوە باری تەندروستیی جێگیر نییە. لە میانەی دیدارەکەدا، هیوای زوو چاکبوونەوە و سەلامەتیی تەواویان بۆ ئەو کەسایەتییە دیارەی گۆڕان خواست.

ئەمڕۆ رێکخەری گشتی گۆڕان دانا احمد مجید بەشداریکرد لە مەراسیمی یادی ٥١ ساڵەی دامەزراندنی یەکێتی و لەلایەن بافڵ تاڵەبانی سەرۆکی یەکێتیەوە پێشوازیکرا

جەژنتان پیرۆز بێت..

هاونیشتمانیانی بەڕێز..
مسوڵمانانی خۆشەویست..

بەبۆنەی هاتنەوەی جەژنی قوربان، گەرمترین پیرۆزبایی ئاراستەی سەرجەم مسوڵمانانی کوردستان، عێراق و جیهان دەکەین. هیوادارین ئەم جەژنە ببێتە مایەی خێر، خۆشی و سەقامگیری بۆ هەموو لایەک، بەتایبەتی پیرۆزبایی لە حاجیانی خۆشەویستی کوردستان دەکەین، لە خوا داواکارین فەریزەی حەج و نزاکانیان قبوڵ بکات و بە سەلامەتی و تەندروستییەکی باشەوە بگەڕێنەوە ناو خێزان و کەسوکاریان.

جەژنی قوربان هەڵگری پەیامە باڵاکانی قوربانیدان، لێبوردەیی و ئاشتەواییە، ئەم تایبەتمەندییە پیرۆزە بەرپرسیارێتی دەخاتە سەر شانی هەموان، کە ئەم بۆنەیە بکەینە وێستگەیەک بۆ نوێکردنەوەی گیانی برایەتی و لێکتێگەیشتن و کاری پێکەوەیی.

لەسەر ئاستی هەرێمی کوردستان، گەورەترین بەرپرسیارێتیی نیشتمانیمان وەلانانی ململانێ سیاسیی و حیزبی و گەڕانەوەیە بۆ یەکگرتویی و یەکدەنگیی نیشتمانی، بەشێوەیەک هەموان هەنگاو بۆ کاراکردنەوەی دامەزراوە نیشتمانییەکان و پێشکەشکردنی خزمەتگوزاری شایستە بۆ هاونیشتمانیان بنێین.

لەسەر ئاستی عێراق، دووپاتی دەکەینەوە، کە ئارامی و سەقامگیریی وڵات تەنها بە هاوبەشیی ڕاستەقینە و جێبەجێکردنی دەستور دێتەدی، ئێمە بە تەواوی پشتیوانی لە لێکتێگەیشتنەکان و گفتوگۆی بەردەوامی نێوان حکومەتی هەرێمی کوردستان و حکومەتی فیدراڵی دەکەین بۆ چارەسەرکردنی کێشە هەڵپەسێردراوەکان. بەتایبەت پرسی موچە و دابینکردنی شایستە داراییەکانی خەڵکی کوردستان.

لە کۆتاییدا، هیوای جەژنێکی پڕ لە ئارامی و ئاشتی بۆ تەواوی هاونیشتمانیان دەخوازین. خوای گەورە کوردستان و گەلەکەی پارێزراو بکات.

بزوتنەوەی گۆڕان
٢٦ی ٥ی ٢٠٢٦

ئەنجومەنی ئەڵمانیا خۆی رێكدەخاتەوە

ئەنجومەنی ئەڵمانیای بزوتنەوەی گۆڕان بۆ رێکخستنەوەی ئۆرگانەکانی و چالاككردنەوەی ئۆرگانەكان و كاری پێكەوەیی و ئامادەكاری بۆ قۆناغی نوێ و گەیاندنی دەنگی ڕەوەند و داكۆكی لە پرسە نەتەوەیی و نیشتمانیەكان لە دەرەوە، كۆبووەوە.

كۆبونەوەی ئەنجومەنەكە بە بەشداری ڕێکخەری ژوری ڕەوەندی کوردی، بەرپرسی گۆشەی ناوەندی ئەوروپا، نوێنەری ژنان، بەرپرسی ئەنجومەن، سکرتێری ئەنجومەن و دەستەی بەڕێوەبەر و بازنەوان بەڕێوەچوو، تێیدا نالی پشدەری ئەندامی دەستەی بەڕێوەبەری وڵاتی ئەڵمانیا ئاماژەی بە ئامانجی كۆبونەوەكە و گرنگی كاری پێكەوەیی كرد.
لای خۆیەوە هەوراز جەمال ڕەفعەت کورتەیەکی سیاسی پێشکەش کرد و تیشکی خستە سەر بارودۆخی سیاسی هەرێم و عێراق، گۆڕانکارییە سیاسی و هەرێمایەتییەکانی ناوچەکە و ئاماژەی بەوە کرد کە قۆناغی ئێستا پێویستی بە هێزی سیاسی ڕێکخراوی هۆشیار و نزیک لە خەڵک هەیە، جەختی لەسەر گرنگی ڕۆڵی ئۆرگانەکان و هەڵسوڕاوان کردەوە لە پاراستنی پەیوەندی لەگەڵ خەڵك و بەردەوامی کاری سیاسی و ڕێکخراوەیی.
لە كۆبونەوەكەدا گفتوگۆ لەسەر هەنگاو و میكانیزمەكانی خۆڕێکخستنەوە و چالاککردنەوەی ئۆرگانەکان کرا، و ئامادەبووان پێشنیاز و بۆچونی خۆیان لەسەر چۆنیەتی بەرەوپێشبردنی کاری ڕێکخراوەیی و هەماهەنگی زیاتر لەنێوان هەڵسوڕاوان خستەڕوو. هەروەها جەخت لەسەر پێویستی بە نوێکردنەوەی میکانیزمی کار، بەهێزکردنی ڕۆڵی گەنجان و ژنان، و فراوانکردنی کاری هاوبەش لە ناو ئەنجومەنەکان کرا.
کۆبوونەوەکە لە کەشێکی هاوڕێیەتی و بەرپرسیارانەدا بەڕێوەچوو، و لە کۆتاییدا ئامادەبووان پشتگیرییان لە پرۆسەی خۆڕێکخستنەوە و بەرەوپێشبردنی کاری ئۆرگانەکان دووپاتکردەوە، بەو هیوایەی قۆناغی داهاتوو قۆناغێکی باشتر بێت بۆ یەکگرتوویی و کاریگەری زیاتر.

https://gorran.net/Details_hawal.aspx?jimare=2857

(دووئیدارەیی)چارەسەرێکی سیاسی یان هەڕەشەی هەڵوەشانەوەی هەرێم؟؟

هەرێمی کوردستان لە یەکێک لە مەترسیدارترین قۆناغەکانی مێژووی سیاسیی خۆیدایە،قۆناغێک کە تێیدا چەقبەستووی دامەزراوەكانە،قووڵبوونەوەی عینادی و ناکۆکییە سیاسییەکان وبێ منتمانەیان بەیەكتروبێ باكیانە بەرامبەر مەترسیەكان،قۆناغێك گۆڕانی هاوکێشە نێودەوڵەتییەکان ودارشتنەوەی تازەی نەخشەی جیهانیە،هەرێمیان خستووەتە بەردەم پرسیارێکی گەورە(ئایا ئەم هەرێمە دەتوانێت خۆی بپارێزێت، یان بەهۆی ململا‌نێی ناوخۆییەوە بەرەو لاوازبون و هەڵوەشانەوە دەڕوات؟

نزیکەی نیوەی ماوەی خولی شەشەمی پەرلەمانی کوردستان تێپەڕیوە، بەڵام نە پەرلەمان کاردەکات و نە حکومەت پێکهاتووە،ئەم پەکخستنە سیاسییە تەنها گرفتی دامەزراوەیی نییە بەڵکو نیشانەی قەیرانێکی قووڵی متمانە و شکستی سیستمی هاوبەشیی سیاسییە،ئەوەی زیاتر مەترسیدارە ئەوەیە کە هێزە سەرەکییەکان هێشتا لە بازنەی عیناد و هەژمووندا دەسووڕێنەوە، لە کاتێکدا هەرێم بە رۆژانەومانگانە بەخێرایی پێگە و توانای سیاسیی خۆی لەدەست دەدات.

لە ڕابردوودا، هەرێمی کوردستان بەهۆی هاوکێشەی ناوخۆیی و پشتیوانیی نێودەوڵەتییەوە توانیی ببێتە ئەکتەرێکی گرنگ لە عێراق و ناوچەدا. بەڵام ئێستا ئەو بارودۆخە گۆڕاوە،جیهان بەرەو ناسنامەیەکی نوێی سیاسی دەڕوات ،رۆژئاوا زیاتر خەریکی بەرژەوەندییە نەتەوەییەکانی خۆیەتی و ناوچەکەش لە قۆناغێکی نائارام و پڕ ئاڵۆزیدایە. لەناو ئەم گۆڕانکارییانەدا هەرێم زیاتر لە هەر کاتێک پێویستی بە یەکگرتوویی و دامەزراوەی بەهێز هەیە، نەک بەردەوامبوونی دابەشبوون و ناکۆکی،بۆیە پێشبینی كراوە دۆخەكە بەردەوام بێت خۆیان درك پیویستی بەیەكگرتوی وتنازلات بۆ یەكتری ناكەن،تائەوكاتەی بە فشاری نیودەلەتی وخاریجی رێكیان دەخەن وپێكیان دەهێنن..

بەڵام لە جیاتی چارەسەر حەكیم و دلسۆزانە گوتاری(دوو ئیدارەیی دیسان سەری هەڵداوەتەوە) گۆتارێك کە مێژووی تاڵی خۆی هەیە و کوردستان جارێکی تر بەرەو دابڕان و لاوازبوون دەبات. ئەوانەی ئەم بژاردەیە وەک چارەسەر دەخەنەڕوو، یان مێژوویان لەبیرکردووە یان بە ئەنقەست خۆیان لە ئاکامە مەترسیدارەکانی دەدزنەوە،تەنها كەمێك نەبێت دورلە ئامانجی سیاسی لەرابردوەوە لێی دەروانن دەلێن گەر ناسازێن با هەر زۆرنێك خەمی خۆی بخوات چونكە ئیستا بە فیعلی دوو دەسەلاتی یاخود هەریەكەو بۆخۆیی زۆنی جوگرافی وئیداری خۆی هەیە. دوو ئیدارەیی لە نەوەدەکاندا نەبووە هۆی سەقامگیری بەڵکو بووە هۆی لاوازبوونی پێگەی کورد، قووڵبوونەوەی ناکۆکییە کۆمەڵایەتییەکان وبە فیڕۆدانی سامانی گشتی..

کێشە بنەرەتیەكە لە عەقلیەتی بیركردنەوەوشێوازی بەڕێوەبردن و دابەشکردنی دەسەڵاتدایە كە قۆرغكاری وناعەدالەتی جوگرافی وكەمتەرخەمی تێدایە، چارەسەر بریتییە لە چاکسازی، ناناوەندێتی و بەهێزکردنی دامەزراوەکان ودابەشكردنی دەسەلاتی ئیدرالی ودارایی ودادپەروەری لەنێوان شارەكان لەسەر بنەمای یاسایی بودجە، نەک دابەشکردنی هەرێم. دەکرێت بە پەرەپێدانی دەسەڵاتی پارێزگاکان، دادپەروەری لە دابەشکردنی داهات و دروستکردنی کابینەیەکی نیشتمانی، هەرێم لە قەیران رزگار بکرێت. بەڵام ئەوە پێویستی بە ئیرادەی سیاسی و بڕیارێکی مێژوویی هەیە.

ئەوەی ئێستا ڕوودەدات تەنها ململا‌نێی نێوان دوو حیزب نییە،بەڵکو ململا‌نێیە لەنێوان مانەوەی هەرێم و لاوازبوونی هەرێمدا. هەرچەندە هێشتا دەرفەتی ڕزگارکردنی ئەم ئەزموونە هەیە، بەڵام کات بە خێرایی تێدەپەڕێت و ئەگەر هێزە سیاسییەکان هەر لە بازنەی عیناد و بەرژەوەندیی تەسکی حیزبیدا بمێننەوە، ئەوا ئەوەی دەکەوێتە ژێر مەترسییەوە تەنها حکومەت یان پەرلەمان نابێت، بەڵکو خودی کیانی هەرێمی کوردستان دەبێ،مانەوەی ئەم دۆخە بەپلەی یەكەم لە بەرزژەوەندی پارتیدایە..

هێزەكانی موعارەزە تەماشاچی وبێ لایەنبن؟
لە دۆخی ئێستای هەرێمی کوردستاندا، بێدەنگی یان هەڵوێستی نادیار لە لایەن هەندێک هێزی ئۆپۆزسیۆن بابەتێکی نیگەرانی و مەترسیدارە،لە کاتێکدا قەیرانە سیاسییەکان قووڵتر دەبنەوە، پێویستە هەموو هێزە پەیوەندیدارەکان رۆڵی ڕوون، فشاردەر و نێوەندگیر بگێڕن بۆ کەمکردنەوەی ململا‌نێکان و تێپەڕاندنی ئەم چەقبەستووییە مەترسیدارەی هەرێم،چونكە بێدەنگی لەم قۆناغەدا، لە جیاتی چارەسەر، تەنها یارمەتی بە درێژبوونەوەی قەیران دەدات. پێویستە هەموو لایەنەکان بە یەکگرتوویی دان بنیشن و ئەم پرسە وەک کێشەی گشتیی هەرێم ببینن، نەک تەنها کێشەی نێوان یەکێتی و پارتی،هەروەها پێویستە هێزە بەناوموعارزەكان نەبنە “خەتی سێیەم”ی بێکار و تماشاکەر، بەڵکو بە شێوەیەکی چالاک فشار بۆ نێوەندگیری و گفتوگۆی واقیعی بکەن، بۆ ئەوەی چارەسەرێکی عەقڵانی و دوور لە مەترسیی زیادبوونی قەیران بەدەست بێت..
چۆمان محمد