Kashmir Solidarity Campaign.

برطانوی رکن پارلیمنٹ عمران حسین کا آزاد کشمیر کی صورتحال پر برطانوی وزیر خارجہ کو خط، برطانوی حکومت سے نوٹس کا مطالبہ

برطانوی رکن پارلیمنٹ عمران حسین نے آزاد جموں و کشمیر میں مواصلاتی بندش، انٹرنیٹ اور موبائل سروسز کی معطلی، گرفتاریوں اور بڑھتی ہوئی کشیدگی پر تشویش کا اظہار کرتے ہوئے برطانیہ کے وزیر خارجہ کو ایک اہم خط ارسال کیا ہے۔
خط میں برطانوی حکومت سے مطالبہ کیا گیا ہے کہ وہ آزاد کشمیر کی موجودہ صورتحال کا فوری نوٹس لے، متعلقہ حکام سے رابطہ کرے اور انسانی حقوق، آزادی اظہارِ رائے اور پُرامن احتجاج کے حق کے تحفظ کے لیے مؤثر اقدامات کرے۔
خط کے مطابق برطانیہ میں مقیم کشمیری کمیونٹی اپنے اہل خانہ سے رابطوں میں مشکلات کے باعث شدید تشویش اور اضطراب کا شکار ہے۔ خط میں صورتحال کے پرامن اور جمہوری حل کے لیے سفارتی کوششوں کی ضرورت پر بھی زور دیا گیا ہے۔
اس خط کی حمایت متعدد برطانوی اراکین پارلیمنٹ نے بھی کی ہے، جن میں رچرڈ برگن سمیت مختلف سیاسی جماعتوں سے تعلق رکھنے والے ارکان شامل ہیں۔