ქალაქ ბათუმის N 8 საბავშვო ბაღი

🌸🌼”ბავშვი დედამიწის ყვავილია,🌼🌸
🌸🌼 მარადიული და უჭკნობი”. 🌼🌸

ჩვენო ძვირფასო პატარებო, მშობლებო, გილოცავთ დამდეგ შობა-ახალ წელს!

გისურვებთ ჯანმრთელობით, სიმშვიდით, სიხარულითა და კეთილდღეობით სავსე 2026 წელს.

მადლობა თითოეულ მშობელს ნდობისა და თანადგომისათვის, ჩვენს თანამშრომლებს გაწეული შრომისათვის, საქმისადმი ერთგულებისა და სიყვარულისათვის.

2026 წელი წარმატების მომტანი ყოფილიყოს თითოეული თქვენგანისთვის. ♥️

ერთ-ერთ მედია საშუალებაში გავრცელდა ინფორმაცია, რომ 2026 წელს ბათუმში არ იგეგმება არცერთი საბავშვო ბაღის მშენებლობა.

გაცნობებთ, რომ ამ ეტაპზე მიმდინარეობს ლოკაციების შესწავლა-შერჩევის პროცესი უბნების საჭიროების მიხედვით. შერჩევის დასრულების შემდეგ, 2026 წლის ბიუჯეტის კორექტირებისას, მოხდება შესაბამისი თანხის გათვალისწინება.

ასევე, 2026 წელს ახალი საბავშვო ბაღის მშენებლობა დაიწყება ფრიდონ ხალვაშის გამზირზე ე.წ. ოცნების ქალაქში, სადაც აშენდება ორსართულიანი 300 ბავშვზე გათვლილი თანამედროვე სტანდარტების შესაბამისი შენობა.

მიმდინარეობს და 2026 წელს დასრულდება 2 ახალი საბავშვო ბაღის მშენებლობა ნიკო მუსხელიშვილის ქუჩასა და ივანე მესხის ჩიხში. ბაღები ჯამში 240 აღსაზრდელზეა გათვლილი.

2026 წელს დასრულდება 6 საბავშვო ბაღის რეაბილიტაცია, შედეგად 1 440 ბავშვი შეძლებს სააღმზრდელო პროცესში ჩართვას.

ყოველივე ზემოაღნიშნულიდან გამომდინარე, მედია საშუალების მიერ გავრცელებული ინფორმაცია მიზანმიმართულად ემსახურება ბათუმის მერიისა და ქალაქის მერის დისკრედიტაციას.